«Orange» և «Orange mobile». որտե՞ղ օգտագործել ապրանքանիշը
«BRAVE» իրավաբանական ընկերությունը հայտարարություն է տարածել, որում անդրադարձ է կատարվում «Orange mobile» ապրանքային նշանի օգտագործմանը։
Նշենք, որ «Orange Armenia» ընկերության կողմից սեպտեմբերի 1-ին տարածված հայտարարության մեջ նշվում է, որ «Orange» միջազգային ապրանքային նշանը «France Telecom» ընկերության կողմից Հայաստանի Հանրապետությունում գրանցվել է 2001թ.։
«BRAVE» իրավաբանական ընկերությունը, որը ներկայացնում է «ՔԱԼՐՖՈՒԼ ՄՈԲԱՅԼ» ՍՊԸ-ի շահերը, իր հերթին, նշում է, որ ողջունում է «Orange»-ի մուտքը Հայաստանի Հանրապետություն և չի վիճարկում «Orange» միջազգային ապրանքային նշանի գրանցման օրինականությունը։
«Խնդրո առարկայի հետ կապված ցանկանում ենք տեղեկացնել, որ «ՔԱԼՐՖՈՒԼ ՄՈԲԱՅԼ» ՍՊԸ-ի կողմից ՀՀ օրենսդրությամբ սահմանված կարգով ՀՀ մտավոր սեփականության գործակալությունում գրանցված է «Orange mobile» ապրանքային (սպասարկման) նշանը։ Ըդսմին Ընկերությունը 2006 թ-ից «Orange mobile» ապրանքային (սպասարկման) նշանի ներքո իրականացնում է բջջային հեռախոսների և օժանդակ պարագաների վաճառք և այդ շուկայում արդեն զբաղեցնում է առաջատար դիրքեր։
Հաշվի առնելով այն հանգամանքը, որ «Orange» և «Orange mobile» ապրանքային (սպասարկման) նշանները ՀՀ քաղաքացիական օրենսդրության իմաստով ունեն շփոթության աստիճանի նմանություն՝ «BRAVE» իրավաբանական ընկերությունը խնդրում է «Orange Armenia» ընկերությանը ձեռնպահ մնալ ՀՀ տարածքում «Orange» ապրանքային (սպասարկման) նշանի ներքո բջջային հեռախոսների և օժանդակ պարագաների հետ կապված ցանկացած գործարքի կատարումից` հետագայում իրավական բնույթի խնդիրներից խուսափելու և ՀՀ շուկայում գործարար համբավը չվնասելու համար», – նշված է ընկերության հայտարարության մեջ։
http://www.tert.am/am/news/2009/09/15/orange/?sw
Մեջբերել
Էջանիշներ