Մենամարտից առաջ. Մուրինյոն արդեն նշել է հիմնական կազմը
Այսօր կայանալիք Չեմպիոնների Լիգայի առաջին տուրի երկրորդ օրվա հանդիպումներում, անկասկած, «Ինտեր» – «Բարսելոնա» մրցավեճը առանձահատուկ է։ Մրցավեճից առաջ երկու ակումբների գլխավոր մարզիչները խոսել են այս խաղից ունեցած իրենց ակնկալիքների մասին։
Ժոզե Մուրինյո, «Ինտեր».
«Սա միայն առաջին խաղն է։ Չեմ ուզում մտածել, որ «Բարսելոնան» է ֆավորիտը։ Էտո՛Օն միշտ էլ լավ է տրամադրվում խաղերից առաջ ու նա ծնվել է հաղթելու համար։ Նա սիրում է ֆուտբոլ խաղալ ու երբ նա խաղադաշտում է, նա կարծես ուրիշ մարդ է դառնում։ Նա լքել է «Բարսելոնան», բայց համոզված եմ, այն մինչ այժմ նրա սրտում է։ Չեմ կարծում, որ այս հանդիպումը ինչ-որ գերբնական նշանակություն ունի նրա համար. նա կխաղա այնպես, ինչպես միշտ է խաղում։ Նա ապացուցելու ոչինչ չունի. բոլորս գիտենք նրա հնարավորությունները։ Գվարդիոլան երջանիկ է, որ ունի Իբրահիմովիչին, ես երջանիկ եմ, որ ունեմ Էտո՛Օին, իսկ Էտո՛Օն երջանիկ է այստեղ, Միլանում։ Մենք խաղալու ենք «Բարսելոնայի» դեմ, այլ ոչ թե Իբրահիմովիչի։ Ամեն դեպքում, միշտ էլ հաճելի է հանդես գալ լավագույն ֆուտբոլիստների դեմ։ Հիմա ես ձեզ կասեմ թիմի մեկնարկային կազմը այս հանդիպման համար ու կհեռանամ. Ժուլիո Սեզար, Մայկոն, Սամուել, Լուսիո, Կիվու, Ստանկովիչ կամ Մունտարի, Ձանետի, Տիագո Մոտա, Սնեյդեր, Միլիտո ու Էտո՛Օ»։
Պեպ Գվարդիոլա. «Բարսելոնա»
«Այս խաղը չի որոշի, թե որ թիմը կհաղթի այս խաղում։ Սա շատ ծանր խումբ է, որտեղ ընդգրկված 4 ակումբներն էլ խաղում են ազգային առաջնություններում։ Հաճելի է հյուրընկալվել Իտալիայում։ Նախորդ մրցաշրջանում մենք իտալական ակումբի հետ այդպես էլ չխաղացինք։ Անձամբ ինձ համար շատ հաճելի է հանդիպել Ժոզե Մուրինյոյի հետ, ով հաղթել է երեք տարբեր երկրներում։ Մենք պետք է լավ խաղանք, որ հաղթենք։ Ժոզեն նշեց այն 11-ի անունները, ովքեր այսօր դուրս են գալու խաղադաշտ, բայց ես դա չեմ անի։ Ես ցանկանում էի ձեռք բերել Իբրահիմովիչին, որովհետև գիտեի, որ նա հաղթողի հոգեբանություն ունի։ Հուսամ, ես այսօր Էտո՛Օին ողջունելու հնարավորություն կունենամ։ Կցանկանաի շնորհակալություն հայտնել նրան 5 հոյակապ մրցաշրջանների համար, որ նա անցկացրեց «Բարսելոնայում»»։
Նշենք, որ միլանյան ակումբի կազմում այսօր բացակայելու են Էստեբան Կամբիասոն ու Մարկո Մատերացին, համապատասխանաբար, ծնկի ու ազդրի վնասվածքների պատճառով։ Հարցականի տակ է նաև Ստանկովիչի մասնակցությունը հանդիպմանը. նա մրսած է…
«Բարսելոնային» չեն կարողանա օգնել Բոյան Կռկիչն ու Ռաֆա Մարկեսը։
Մեջբերել
Էջանիշներ