Երևանի քաղաքապետի ընտրություններ

[Elmo]

Էլմո ջան, իրավիճակի փոփոխությունները, տոկոսների փոփոխությունները և այլն կարող են իրենց բերել (եթե դեռ չեն բերել) էդ հարցի քննարկմանը, էնքան որ, իրանք էլ չեն կարող իմանան: Բայց մեր մեջ ասած ես էլ չեմ կարծում, որ էդքան «խելք» ու քաղաքական կամք կունենան փոխելու

Ունեն, չունեն չգիտեմ: Ես գիտեմ, որ էդ հարցը վայրկյան անգամ ոչ ոք չի քննարկել: Սկի չեն էլ մտածել էդ մասին: Ի միջայլոց էդ տոկոսները մեր համար են տոկոս: Իրանց դա քիչ ա հուզում: Ա1+ ում էլ կար տոկոս: Կար ու չկա: Հարցում էլ չկա: Իրանց համար ամեն ինչ գորդյան հանգուց ա , իսկ լուծումը՝ թրով հանգուցին:

[Տրիբուն]

Ունեն, չունեն չգիտեմ: Ես գիտեմ, որ էդ հարցը վայրկյան անգամ ոչ ոք չի քննարկել: Սկի չեն էլ մտածել էդ մասին: Ի միջայլոց էդ տոկոսները մեր համար են տոկոս: Իրանց դա քիչ ա հուզում: Ա1+ ում էլ կար տոկոս: Կար ու չկա: Հարցում էլ չկա: Իրանց համար ամեն ինչ գորդյան հանգուց ա , իսկ լուծումը՝ թրով հանգուցին:

ապեր, գիտես չէ՞ жадность губит фраера ...
Սրանք էնքան ագահ են, որ իրենցից բացի էլ ոչ մեկին չեն պատկերացնում բարձր պաշտոններում: Իրենք ու իրենց թուլեքը: Սերոժն էլ իրավիճակը ձեռից լրիվ բաց ա թողել. "տղեք ոնց կարաք ձեզնով արեք" տարբերակով: Մկան ԱԺ նախագահ դառնալը, Չոռնի Երևանի քաղաքապետ նշանակելը ցույց են տալիս որ Սերոժն իրավիճակը չի վերահսկում, ու ՀՀԿ ներսում լրիվ բացիթողի վիճակ ա, ու Սերժոը դարձել ա իրեն նախագահ սարքածների գերին, եթե ոչ սպասուհին:

Ու հենց սենց հիմար ու հաստագլուխ որոշումներն էլ վաղը կանգնելու են ՀՀԿ կոկորդին:

[Elmo]

Սրանք էնքան ագահ են, որ իրենցից բացի էլ ոչ մեկին չեն պատկերացնում բարձր պաշտոններում:

Էդքան էլ տենց չի: Իրանք էնքան զգույշ են, որ պաշտոնը տալիս են նրան, ով իրանց ատամներով կպաշտպանի: Ու ստեղ կապ չունի էդ ինչ որ մեկը իրանց սիրում ա թե չէ: Ստացա՞վ պաշտոնը, վերջ դառավ ամենահավատարիմ պայքարողը, որովհետև չլինեն մեծերը, չի լինի ինքը: Ամբողջ հարցը կադրերի ընտրությոնա մեջ ա, ինչը մինչև հիմա իդեալական անում են: Իրանք իրանց թուլեքին առանց պաշտոն տալու էլ կպահեն: Ի՞նչն ա խանգարում. ոչինչը:
Մի քիչ ավելի պարզ գրեմ, անցորդ կարդացողների համար:
Իրանք քաղաքապետ իրանց հորքուրի տղուն չեն նշանակի: Դա իրանց շատ բան չի տա: Հորքուրի տղուն կարան ասեն «ախպեր ջան ինչ պետք լինի քացով խփի քաղաքապետի գլխին, վրեն գոռա, կանի»: Իսկ քաղաքապետ են նշանակում մեկին, որը իրա տեղը ամրապնդելու համար ամբողջ համակարգի հիմքերը ատամներով պահել կարողանա: Դրա համար էլ մեղմիկ գործիչներին փոխում են ավելի դուխով տղեքով:

[dvgray]

Սերոժն իրավիճակը չի վերահսկում, ու ՀՀԿ ներսում լրիվ բացիթողի վիճակ ա, ու Սերժոը դարձել ա իրեն նախագահ սարքածների գերին, եթե ոչ սպասուհին:

մի քիչ երկարաժամկետ որ հետ ես նայում Սերժի անցած դարձածի վրա, ապա ավելի ու ավելի ես համոզվում, որ ինքը միշտ էլ եղել ա "շայկի" սպասավորը, շատ անգամ նաև մակլավիկը: սկսած Կևորկովին չայ տալուց մինչև Քոչի հրամանով "նախագահ" դառնալը:

[voter]

Ունեն, չունեն չգիտեմ: Ես գիտեմ, որ էդ հարցը վայրկյան անգամ ոչ ոք չի քննարկել: Սկի չեն էլ մտածել էդ մասին: Ի միջայլոց էդ տոկոսները մեր համար են տոկոս: Իրանց դա քիչ ա հուզում: Ա1+ ում էլ կար տոկոս: Կար ու չկա: Հարցում էլ չկա: Իրանց համար ամեն ինչ գորդյան հանգուց ա , իսկ լուծումը՝ թրով հանգուցին:

Կարծում եմ, որ ՀՀԿն ի սկզբանէ նպատակ չի ունեցել Երևանի քաղաքապետի պաշտոնը իր թեկնածուի համար պահելու ու այն Քոչարյան-ԲՀԿ ի համար է պատրաստվել։

ՈՒղղակի հիմա փորձում են թատրոն խաղալ ու «ազնվորեն» պարտվեն ԲՀԿին, այսինքն կողծումները կարվեն ի օգուտ ԲՀԿի, դրա համար էլ ոչ մեկին առանձնապես չի անհանգստացնում, որ Բեգլարյանը չի անցնի - նա դրա համար էլ առաջադրվել է, որ չանցնի։

Մինչև ՀԱԿ-ը ՀՀԿի հետ ռազբիրատով զբաղված կլինի, ԲՀԿ–ն կպլստա արանքում ու ոչ մեկ չի հասկանա , ոնց «անցավ»։

Անունը կդնեն «ժողովուրդը քաղաքն ավլող է ուզում և ոչ քաղաքական պայքար», չնայած արդեն վաղուց դա սկսել են։

ՀԱԿին պետք է չկիզվել ՀՀԿի վրա ու նաև չտրտնջալ, որ միայն ռեժիմի դեմ են պայքարում այս ընտրությամբ, այլ կոնկրետ քայլեր ձեռնարկեն ու ամենակարևորը կոնրետ ԼՈՒԾՈՒՄՆԵՐ առաջարկեն Երևանի կոնկրետ պրոբլեմների համար։

Եթե ԼՏՊն ոչ միայն ռեժիմի դեմ պայքարի այլ նաև հանուն Երևանի վարչական գործերի կարգավորման նպատակով ու առաջարկներոց, այլևս ոչ մեկ ոչ մի պայքարի միջոց նրա դեմ ոչ մեկ չի ունենա։

Իսկ Երևանի պրոբլեմների մասին ԼՏՊի խմբում տեղյալ ու կոմպետենտ ՇԱՏ մարդիկ կան նույնիսկ քաղաքապետ աշխատածներ ինչպես Վահագն Խաչատրայըն կամ հենց Վանո Սիրադեղյանը, նրանց փորձը պետք է օգտագործի ու կոնրկետ առաջարկներ անի ինչպես կարգուկանոն հաստատել Երևանում։

[Elmo]

Կարծում եմ, որ ՀՀԿն ի սկզբանէ նպատակ չի ունեցել Երևանի քաղաքապետի պաշտոնը իր թեկնածուի համար պահելու ու այն Քոչարյան-ԲՀԿ ի համար է պատրաստվել։

Դա կանխատեսու՞մ է, թե՞ ինչ որ տեղից լսեսլ ես: Ասեմ, որ երկու դեպքում էլ սխալվել ես: Բեգլարյանի հետ էքսպերեմենտ չեն անի: Եթե թատրոն խաղալու լինեին, հիմա մի ուրիշին դեմ կտային, բայց ոչ Բեգլարյանին: Ի՞նչ ԲՀԿ, ի՞նչ ՁՂՋՄ: Կացինը սրել են, որ ծառը կտրեն: Ու կտրելու են, ու ոչ մեկ, իրանց կարծիքով, իրանց ի վիճակի չի խանգարի:

[Ambrosine]

ԵՐԲ ՉԵՆ ՀԱՍԿԱՆՈՒՄ, ԿԱՄ ԷԼ ՍՏԻՊՎԱԾ ԵՆ ՁԵՎԱՆԱԼ, ՈՐ ՉԵՆ ՀԱՍԿԱՆՈՒՄ, ԹԵ ԻՆՉ Է ՔԱՂԱՔԱՊԵՏԻ ԸՆՏՐՈՒԹՅՈՒՆԸ

Դաշնակցական պատգամավոր, մարտի 1-ի հարցերի ուսումնասիրության խորհրդարանական հանձնաժողովի անդամ Արտյուշա Շահբազյանը մարտի 31-ին մամուլի ակումբներից մեկում ասում էր, որ քաղաքապետի ընտրությունը Հայաստանում համակարգային փոփոխության հնարավորություն չէ: Հասկանալի է, թե ինչու էր Շահբազյանն այդպիսի բան ասում: Նա այդ բանն ասում էր, որովհետեւ ինչպես իշխանության մյուս կուսակցությունները, Դաշնակցությունն էլ ունի քաղաքապետի ընտրությանը ԺԵԿ-ային երանգ հաղորդելու խնդիր, որպեսզի այդպիսով իշխանական ուժերի կոհորտան ստանա Լեւոն Տեր-Պետրոսյանի հանդեպ առավելության հնարավորություն: Իշխանական կուսակցություններն անկասկած ունեն քաղաքապետի ընտրությունը ցանկացած մակարդակի հավասարեցնելու իրավունք, այլ հարց է, թե այդ իրավունքի իրացումը ինչպես կտրամաբանեն, ինչպես կհիմնավորեն:

Այդ տեսանկյունից, օրինակ, դաշնակցական պատգամավորի խոսքը պարզապես չի տեղավորվում տրամաբանության մեջ: Այն կամ վեր է, կամ շատ ներքեւ է տրամաբանությունից: Բանն այն է, որ քաղաքապետի ընտրությունն ինքնին արդեն նշանակում է համակարգային փոփոխություն: Այսինքն, երբ քաղաքապետի նշանակովի պաշտոնը Սահմանադրության փոփոխության շնորհիվ դառնում է ընտրովի, դա արդեն իսկ ենթադրում է երկրում համակարգային փոփոխություն: Թե ինչ է ենթադրում Հայ Հեղափոխական Դաշնակցությունը, ասելով համակարգային փոփոխություն, այդքան էլ պարզ չէ, բայց հստակ է, որ եթե երկրում փոխվում է գրեթե բոլոր առումներով Հայատանի կեսից ավելին հանդիսացող մայրաքաղաքի ղեկավարության նշանակովիության մեխանիզմը եւ Սահմանադրության ուժով այն դառնում է ընտրովի, ապա մենք գործ ունենք համակարգի փոփոխության հետ:


Այսինքն, ընդդիմությանը հնարավորություն է տրվում իշխանություն ունենալ Երեւանում: Չէ որ եթե դրվում է ընտրության մեխանիզմը, ապա ենթադրվում է, որ այդ ընտրությանը կարող է հաղթել ընդդիմությունը: Իսկ եթե Երեւանում ընդդիմությունը գալիս է իշխանության, ապա դա տրամագծորեն փոխում է կառավարման համակարգի հավասարակշռությունը` մոնոլիտ բուրգի փոխարեն առաջ բերելով մրցակցային իրավիճակ: Եթե նույնիսկ ընդունենք, որ Երեւանի իշխանությունն առավելապես ունենալու է աղբ հավաքելու կամ ծառ տնկելու գործառույթ, միեւնույն է, իրավիճակը կտրականապես փոխվում է երկրում, երբ մայրաքաղաքի աղբը, այսինքն երկրի կեսի աղբը սկսում է հավաքել ընդդիմադիր քաղաքական ուժը: Չէ որ աղբի մասին ընդդիմության եւ իշխանության պատկերացումները կարող են լինել տարբեր, նույնիսկ էապես տարբեր: Իսկ աղբը թերագնահատել պետք չէ, քանի որ հենց այդ պատճառով է, որ երկիրն այսօր ամբողջությամբ աղբի մեջ է, բառի բուն եւ պատկերավոր իմաստով:

Այնպես որ, եթե քաղաքապետի ընտրությունը դիտարկում ենք նույնիսկ իշխանության տրամաբանությամբ, տեղավորում ենք միայն կենցաղային խնդիրների լուծման շրջանակում, միեւնույն է, անխուսափելի է համակարգային փոփոխությունը, եթե այդ խնդիրների լուծման լիազորությունը ստանձնում է այլ քաղաքական ուժ, քան այն, որը տնօրինում է կենտրոնական իշխանության լծակները: Այնպես որ, իշխանության համար հաղթաթուղթ թվացող կենցաղն իրականում մոլորություն է` գիտակցված կամ անգիտակից մոլորություն, որ դրսեւորում է քաղաքապետի ընտրության բուն տրամաբանությունը չհասկացող, կամ այդպես ձեւացող իշխանությունը, ի դեմս իր տարբեր տրամաչափի եւ նշանակության գործիչների:
ՀԱԿՈԲ ԲԱԴԱԼՅԱՆ
09:59:09 - 01/04/2009

լրագիր

[voter]

Դա կանխատեսու՞մ է, թե՞ ինչ որ տեղից լսեսլ ես: Ասեմ, որ երկու դեպքում էլ սխալվել ես: Բեգլարյանի հետ էքսպերեմենտ չեն անի: Եթե թատրոն խաղալու լինեին, հիմա մի ուրիշին դեմ կտային, բայց ոչ Բեգլարյանին: Ի՞նչ ԲՀԿ, ի՞նչ ՁՂՋՄ: Կացինը սրել են, որ ծառը կտրեն: Ու կտրելու են, ու ոչ մեկ, իրանց կարծիքով, իրանց ի վիճակի չի խանգարի:

Կանխատեսում եմ, ելնելով ԲՀԿի պահվածքից ու ՀՀԿի խղճահար ու ծարահատյալ պահվածքից, ծպտվել չգիտեն ինչ ասեն, ոնց անունը դնեն, որ քաղաքապետ են ընտրվում միառժամանակ ոչ քաղաքական և միառժամանակ քաղաքական կուսակցության ցուցակով...

Կասկածում եմ, որ այդքան անսահման հաբռգելու են որ քրեականներին լեգիտիմացնեն սարքեն երկրի կեսի ղեկավար – Երևանի քաղաքապետը իրականում երկրի կեսից ավելիի վրա կարող է ազդել, իսկ տնտեսական առումով համարյա ամբողջ երկրի։

Առավել ևս եթե համոզված ես որ Բեգլարյանին հանող չկա, նենց դեմք ա որ դեմը խաղ չկա, սերժանտներին նման «ուժեղ» դեմք պետք չի մեկ էլ տեսար հաբռգեց ԼՏՊԻ նկատմամբ հաղթանակածի կարգավիճակից ու հաջորդ նախագահականի թեկնածու իրեն երևակայեց։ ՈՒժեղ քաղաքական կերպար հոմ չեն սարքելու իրանք իրանց գլխին։

Ինչ են անելու եթե սկսի երևակայել չենթարկվել, էլի գյուլոցի պիտի կազմակերպեն՞

ՈՒրիշ տարբերակ չկա քան Երևանի քաղաքապետ հլու հնազանդի նշանակելը որ մենակ օրենք ընդունելու կոճակ սեղմեն ու աղբ հավաքեն – իսկ նման ապաքաղաքական կարգավիճակով Երևանի քաղաքապետարանի ընտրություններին միայն ԲՀԿն է հանդես գալիս։

Կարճ կապեմ – եթե ՀՀԿն Բեգլարյանով քաղաքական պայքարի մեջ մտնի ՀԱԿի հետ, դա հենց առաջին հերդին սերժանտներին հարմար չի որ նման կերպ Բեգլարանը հաղթի ԼՏՊին։

Իսկ ապաքաղաքական պայքար ՀԱԿի մասնակցության պարագայում անհնար է, կնշանակի տանուլ տալ, համաձայնվել, որ քաղաքական պայքարում ՀՀԿն զրո է։

Հետևաբար, քաղաքական պայքարը ՀԱԿի հետ հակամարտությունը վերցնում է ՀՀԿն իր վրա իսկ լեգիտիմացվում է ԲՀԿն, անունն էլ դնում են ժողովուրդը ոչ մեկին ոչ էլ մյուսին ուզեց, այլ զիբիլչի, քարտաշ, ջրմուղ կոյուղի ու սանեպիդկայան մաքրեղ ընտրեց...

[Elmo]

Ինչ են անելու եթե սկսի երևակայել չենթարկվել, էլի գյուլոցի պիտի կազմակերպեն՞

Չի երևակայի, համոզված էղի: Ինքը հլու տղայա, համ էլ գլուխը աշխատում ա: Կանի ինչ ասում են, կամ էլ չի անի ոչինչ: Նաիրի Հունանյանը վկա: Վազգենից դուխով տղա չլինեն: ԲՀԿ -ին պահում են, որ ցոռնո/նոր եմ հորինել էս բառը, ցորենի ցոռնո տեսակն ա/ բան բաժանի ժողովրդին, ալյուր, ձեթ, թթու դրած կաղամբ և այլն: Իսկ ասիչները պետք է լինեն կլանի կորիզային հատվածները, որոնք ենթարկվել գիտեն: Մինչև Բեգլարյանին առաջ քաշելը իրանք էդ ամեն ինչը հաշվի են առել:

[Chuk]

Կեղտից հոգնածները

Կոնֆիդենցիալ աղբյուրներից հայտնի է դարձել, որ օրերս Գագիկ Բեգլարյանը բավական խելամիտ բան է արել, դիմել է ԱԱԾ՝ իր աշխատակիցների կուսակցական պատկանելության մասին տեղեկատվություն տրամադրելու խնդրանքով։ Այնտեղից գրություն է եկել, և նոր քաղաքապետն իմացել է, որ իր մոտ պատասխանատու տարբեր պաշտոններում աշխատում են լևոնականություն դավանող և ՀՀՇ անդամ 14 մարդ։ Չգիտեմ, թե ինչ կնախաձեռնի Բեգլարյանը, բայց դժվար թե իրավիճակը դեպի լավը փոխվի, եթե անգամ փողոց նետի բոլոր դիվերսանտներին, քանի որ այդ հարցը բարձր մակարդակով պետք է լուծվի։

...Սերժ Սարգսյանը հանգիստ խղճով կարող է հավանություն տալ, որ երկրի բյուրոկրատիայից ու ռազմաքաղաքական ղեկավարությունից դուրս շպրտվեն լևոնավազգենյան բոլոր տարրերը։ Դրանք շատ են, անվանապես չենք նշի։ Ասեմ միայն, որ լևոնական վարակով են բռնված դատախազության մոտ 70 տոկոսը (սրանում, անշուշտ, առկա է նաև Ջհանգիրյանի գործոնը), ԱԱԾ միջին օղակի մեծ մասը (բաժինների ու բաժանմունքների պետերի մակարդակով)։ Դիվերսանտներ կան նաև ոստիկանությունում (Վանո Սիրադեղյանից ժառանգություն մնացած), նախագահի աշխատակազմում (վարչությունների ղեկավարների մակարդակով) և խորհրդարանում (կեցցե Հովիկ Աբրահամյանը, որ չնայած աղաչանք-պաղատանքին և արցունքներին, չխնայեց Անահիտ Ադամյանին, որ խորհրդարանի աշխատակազմը վարակել էր լևոնականությամբ ու կաթվածահար արել դրա աշխատանքը)։
Երկրում կեղտը շատ է, իսկ դա չի կարող չհոգնեցնել։ Ժողովուրդը հոգնել է, իսկ լևոնական ժառանգությունը չի թողնում առաջ շարժվել և հարմար պահի միշտ պատրաստ է սադրանքների։...

Աղբյուր՝ Tert.am

Մեջբերված ա «Ազատամտություն» թերթից: Ես, ճիշտն ասած զզվում եմ էս թերթից, բայց այնտեղի թունավոր ու մեծ ջանքերով շինով հոդվածները, ինչպես նաև թերթի անունը ճիշտն ասած բացում ա: Ամեն դեպքում հրճվում եմ, երբ իրանք իրանց հանցավոր բնույթն էսպես արհեստավարժորեն բացահայտում են

[REAL_ist]

բացահայտ խտրականություն

[Kuk]

Հանցագործության մասին հաղորդագրություն էր, իսկ եթե հաշվի առնենք նաև, որ սա իշխանություններին սատարող լրատվամիջոց ա, կնշանակի` խոստովանություն ա հանցագործության մասին

[Zangezur]

Ժողովուրդ էս ինչ նախընտրական քարորզարշավա իրականացվում Բեգլարյանի կողմից: Շինարական աշխատանքներա սկսել: Լավա գոնե ընտրությունից ընտրություն մասիվը թեթևակի վերանորոգում են, դրանից հետո մի ամիս գոնե վայելում ենք:

[Ambrosine]

երեխեք, հենա միանգամից ԿԸՀ-ն հրապարակի էս թեմայի տվյալները ու վերջացնենք էլի... էլ ինչ <<ընտրություն>>? ինչ կաշառք բաժանել? ինչ վստահված անձանց առևանգել? անտեղի ծախս ա...

[Ներսես_AM]

Հենց էտա որ հեչ էլ լավ չի, պտի չաներ որ մի 2 մետրանոց փոսեր լիներ, որ մի 3 հոգի էլ ավել մտածեին վերջը էս երկրում տեր եւ տիրական կա թե՞ չէ: