Գրվել է 1995 թ. բայց ակտուալ է մինչև այսօր...
Ընտրություններ են գալիս,
Մկներն իրար են տալիս.
Մկստանի տարածքում
Պատգամավոր են ընտրում:
“Սառնարանի” շրջանում
Սամոն միտինգ է անում.
- Խոսք եմ տալիս, այ մկներ,
էլ չեք տեսնի դուք ցավեր,
Ինչ որ ուզեքª կստանաք,
էդ կողմից չվախենաք:
Հենց որ ընկա ես ժողովª
Տներդ լցնեմ փողով,
Մսին նայելուցª զզվեք,
Ուտեք-խմեք, քեֆ քաշեք:
Համ էլ էսքան տարի մենք
Հաշտ իրար հետ ապրել ենք,
Ինձ որ չընտրեք, ու՞մ ընտրեք,
Գնացեք ու մտածեք:
Հենց նույն պահին փողոցում
Մի մեծ համերգ էր գնում:
Կողքի թաղումª “Դարակի”
Մեծահարուստ ու բանկիր
Թաղի թեկնածու Սաքոն
Համերգ էր սարքել, մեծ տոն:
Երգչուհիներ, երգիչներ,
Հանրածանոթ մեծ դեմքեր,
Երգում, պարում, ծիծաղում,
Քննադատում, գովերգում:
Ժողովուրդն էլ մեր հիմի
Համերգ է տեսել ձրի
Դուրս է թափվել տներից,
Խանութներից, փռերից:
Վերջում դիմում է Սաքոն.
- Ժողովուրդ ջան, մեռնեմ ձեզ,
Ես շատ, շատ եմ սիրում ձեզ,
Տեսեք համերգ եմ բերել,
Տանջվել եմ, չարչարվել:
Գիշերները չեմ քնում,
Ձեր մասին եմ մտածում:
Ձայներդ տվեք դուք րնձ,
Ու կունենաք դուք բրինձ,
Երշիկ, բանան, մարգարին,
Օրվա բոլոր ժամերին:
Բանակի բեռն էլ մեկից,
Հանեմ ես ձեր վզներից,
Ով որ ուզի թող գնա,
Դե, չուզողն էլ կմնա:
Այսպես ճառեր են ասում,
Տարբեր-տարբեր տեղերում,
Համոզում են, խրատում,
Սաստում են ու բղավում,
Թիվն են հաշվում ձայների
Գալիք ընտրությունների:
Հիմա կասեք, թե այստեղ
Չկան այդպիսի բաներ,
Բայց դե մեր Հայաստանում
Նույն բաներն են կատարվում:
Մեջբերել
'
Էջանիշներ