Լավ, բա ինչ՞ անենք էդ մարդկանց. գյուլլենք՞:
Լավ, բա ինչ՞ անենք էդ մարդկանց. գյուլլենք՞:
չէ, պահպանելով ավանդույթները՝ վառենքՄարկիզ-ի խոսքերից
Լավ, բա ինչ՞ անենք էդ մարդկանց. գյուլլենք՞:
Նախ, ցանկանում եմ շնորհակալությունս հղել Մարքիզին՝ այս թեման բացելու համար: Հասկացա նաեւ իր խոսքից, որ թմրամոլությունը որպես հիվանդություն ընդունելու կողմնակիցներից է: Հանդիպեցի նաեւ կիսահանդուրժողկան, լրիվ անհանդրուժողական, ինչպես նաեւ մասնակի կամ լրիվ անտարբերություն (այսպես կոչված՝ զրո-տոլերանտություն) արտահայտող մտքեր: Նաեւ, մտքեր, որոնց հեղինակները զարմացրեցին իրենց մտահանգումներով: Բանը հասավ նրան, որ թմրամոլները իջեցվեցին մինչեւ կամազուրկ "դեբիլների" մակարդակ:
Միջանկյալ հարց՝ զուտ տեսական. (նախապես ներողություն եմ խնդրում հարցիս համար, բայց չեմ կարող չտալ, ու ոչ մի անձնական հետք մի տեսեք հարցիս մեջ) հետաքրքիր է, եթե ձեր հոր կամ եղբոր մոտ կախվածություն զարգանար ալկոհոլից կամ թմրամիջոցից, այդպես հեշտությա՞մբ նրանց կդասեիք "դեբիլների" շարքում:
Լավ, անցնեմ բուն թեմային: Մարքիզը, եթե չեմ սխալվում, ներկայացրեց հիվանդությունն իր բնորոշ նշաններով: Գուցե կրկնվում եմ, սակայն նորից եմ ցանկանում ընդգծել, որ թմրամոլությունը հոգեկան եւ վարքի շեղումներով ընթացող հիվանդություն է: Սա, ուզեք, թե չուզեք, պետք է ընդունեք:
Իսկ մտքներովդ չի անցնո՞ւմ, թե ինչու է կոչվում՝ հոգեկան եւ վարքի շեղումներով: Ասել կուզեմ, որ թմրամոլն իրեն նման կերպ է դրսեւորում ոչ թե նրա համար, որ ինքը վատն է, զզվելի է, չեմ իմանում ինչ է, այլ ձեր նշած բոլոր վատ նշանները ոչ այլ ինչ են, քան հիվանդության ախտանշաններ:
Դերմատիտով մարդու մոտ մաշկն է կարմրում, եղջերանում կամ ցանավորվում, թմրամոլի մոտ էլ հակում է առաջանում: Հիվանդագին հակում: Հիպերտոնիկ հիվանդը տնքում է գլխացավից ու սրտխառնոցից, թմրամոլն էլ "նռռում է" հոդացավերից ու կպչուն մտքերից: Շաքարախտով հիվանդը ազատորեն մտնում է դեղատուն եւ գնում (կամ անվճար ստանում) իր հիվանդության բուժման դեղերը, մենք՝ գլխացավի դեպքում մի քանի դրամով առնում մեր սիրելի "անալգինը", իսկ թմրամոլն իր ցավերը մեղմացնող "դեղերը" հայթայթում է "սեւ շուկայում"՝ ուզած թե չուզած հայտնվելով քրեական աշխարհում, իր ցավամոքիչ դեղը հայթայթելու համար հետապնդվում է օրենքով, հաճախ՝ բռնվում եւ դատվում, հաճախ՝ ստիպված այլ ոչ օրինական ուղիներ գտնում՝ փող ճարելու համար: Եվ այս բոլորն անում է ոչ թե այն պատճառով, որ ինքը քրեածին տարր է, այլ այն բանի պատճառով, որ թմրամիջոցներին իրենք հսկողության տակ են:
Վաղը ալկոհոլային խմիչքների վաճառքն արգելեք օրենքով, օղի, գարեջուր եւ այլ խմիչքներ գնողին տվեք հինգ տարի, օղի խմողին դատեք երեք տարով, տունն օղի պահողին տվեք մեկ տարի անազատություն, եւ տեսեք, թե քանի՜-քանի "հանցագործներ" կհայտնվեն ձեր տներում, ձեր կողքերին եւ ձեր շենքերում:
Խնդրանքս է՝ մի՛ եղեք նման անհանդուրժող, հատկապես՝ հիվանդ մարդկանց հանդեպ: Ու ձեզ թող չթվա, որ թմրամոլին կամ ալկոհոլիկին մերժելով, կարող եք հարգել եւ կարեկցել մեկ այլ՝ հիվանդ ու օգնության կարիք զգացող մարդու: Ուրեմն՝ ձեզ համար հոգեկան հիվանդներն էլ են զզվելի ու տհաճ: Զզվելի են նաեւ այն երեխաները, ովքեր տառապում են վարքի այս կամ այն հիվանդությամբ: Ասենք՝ կարելի է անտարբերություն կամ անհարդուրժողականություն դրսեւորել այն երեխայի հանդեպ, ում կամակորությունն իր հիվանդության դրսեւորումն է: Այս բոլորը ծանրացել են "օր ու գիշեր մեր բորօրության մասին հոգ տանող" կառավարության եւ իրեն "հայրենասեր համարող" հասարակության վրա, ուրեմն՝ կարելի է նրանց չհարգել ու ատել:
Առայժմ՝ այսքանը:
Վերջին խմբագրող՝ ArmBoy: 01.04.2009, 00:20:
Chilly (02.04.2009), Haykolo1991 (29.07.2010), impression (01.04.2009), KiLa (02.05.2010), Quyr Qery (29.01.2012), Rhayader (01.04.2009), Մարկիզ (01.04.2009), Ուլուանա (01.04.2009)
Շնորհակալություն ԱրմԲոյին իր սպառիչ գրառման համար, դժբախտաբար, ես ի վիճակի չեմ նման գրառումներ անել այս թեմայով, որովհետև մի անգամ գտել եմ դրանից ազատվելու ձևն ու չեմ կիրառել ինձ համար կարևոր մարդու նկատմամբ, որովհետև պատրաստ չէի այդ գինը վճարել (խոսքը բնավ փողի մասին չի)
Ինչ մարդասիրական բան էլ ասեմ այս թեմայում, ինքս դրան նայելու եմ որպես երկերեսանիություն: Այնպես որ, ավելի լավ է լռեմ:
"Sir, do you have a moment to talk about our lords and saviors the Daleks?"
Voice of the Nightingale - իմ բլոգը
Ստեղ տամ հարցս: Կայֆի մեջ կամ տակ մնալը ո՞րն ա, ինչպե՞ս է դա տեղի ունենում և հնարավո՞ր է դուրս բերել:
Շնորհակալություն:
Հայերն այդպես անվանում են ամենայն հավանականությամբ «հաշիշային փսիխոզը», որը հոգեկան ծանր խանգարում է: Պատճառը կանաբինոիդային նյութերի հաճախակի և մեծ քանակությամբ գործածումն է: Այսպիսի հիվանդները բուժվում են հոգեբուժարաններում… Առանձին դեպքերում հիվանդների ապաքինումը կարող է տևել ամիսներ: Առաջին և ամենակարևոր նախապայմանը կանեփից հրաժարվելն է:
Հնարավոր է, որ այդպես անվանեն նաև այլ նյութերի գործածման դեպքում ի հայտ եկող «հոգեկան խանգարումները», որոնք բնորոշ են բազմաթիվ հալյուցինոգեն նյութերի:
Թմրամոլության վերաբերյալ վերաբերմունքս կտրուկ վատ ու անընդունելի է։
Իսկ թմրամոլների նկատմամբ՝ այնպիսին, ինչպիսին ծխողների և մնացած բոլոր այն մարդկանց, որոնք ունեն կախվածություն ամենատարբեր բաներից։
Բայց այն թմրամոլը, որը չի ուզվում ուղվել ու իր արածի մեջ ոչ մի վատ բան չի տեսնում, և դեռ հակառակը՝ քաջալերում և դրդում է դրանով զբաղվել՝ աշխատում եմ չշփվել և ժամանակ չանցկացնել հետը։
Նման հարցադրում թեմայի սկզբում չկար, բայց որ հարցնում ես ․․․
1․ Պարտադիր բոլորին ազատազրկել (քանի որ դրանց մեծ մասը վերջ ի վերջո դառնում է քրեական տարր) և փորձել բուժել (լավատեսության նոպա է մոտս)։
2․ Քրեական պատասխանատվության ենթարկել բոլոր այն մարդկանց, ովքեր տեղյակ են, բայց չեն տեղեկացնում համապատասխան մարմիններին։
Դեռևս այսքանը։
artak.amDe gustibus et coloribus non est disputandum.
Ինչ լավ եք ներկայացնում "խեղճ' մարդկանց։ ։)
Հիմա մի օրինակ, ենթադրենք մեկը վերցնում է էլեկտրական սղոցը ("Дружба") և կտրում է իր ոտքերը։ Ակնհայտ է, որ դրանից հետո նրա մոտ կառաջանան ոտքերի ամպուտացիայով հիվանդներին բնորոշ սիմպտոմներ, մասնավորապես ոտքերի բացակայություն, բայց հո չե՞ք պնդի, թե դա նորմալ ուղեղ ունեցող մարդ էր և նա պարզապես վիրաբույժի կարիք ունի։
Ցանկացած հիվանդության վերջում էլ հիվանդը շատ խեղճ տեսք է ունենում։
artak.am
Աթեիստ, այդքան էլ բացատրեցի: Ոչ, ներիր, բայց օրինակդ տեղին չէ: Մարդու կողմից թմրամիջոց գործածելուն դրդող պատճառները բոլորովին այլ են: Քո բերած օրինակի հերոսը հավանաբար հոգեկան խանգարում ունի: Գիլյոտինի ու «դրուժբայի» օրինակները անհամապատասխան են:
Թմրամիջոց գործածողներն ի սկզբանե հոգեկան հիվանդություններով չեն տառապում՝ չհաշված բացառությունները:
Նրանք ուղղակի «սխալվել» են մեկ անգամ ու ընկել փորձանքի մեջ, ձեռք են բերել հիվանդություն, վերջ:
Քանի դեռ հասարակությունն այսպես է վերաբերվում այդ խնդրին, "սխալվողների" բանակում "недобор" չի լինի։
Ի՞նչ ես անում օրինակ դու, որպեսզի նրանք "չսխալվեն"։ Երբ ես իմ զարմիկների ներկայությամբ թմրամոլներին "դեբիլ" եմ անվանում, նա մինչև "սխալվելը' գուցե մի անգամ ևս մտածի։
Որովհետև մյուսներից նա լսել է, որ դա բերում է հիվանդություն է, բայց "մի անգամով հիվանդ չեն դառնա"։
artak.am
Մենք մեր հերթին... սակայն հիմնական խոսքը պետությանն է, ԶԼՄ-ներինը, կրթօջախներինը, զորամասերինը.... ու սենց մինչեւ կհասնի մեզ:
Ու քո կարծիքով՝ քո զարմիկը բավարարվո՞ւմ է քո այսպիսի "մանրամասն" բացատրությունից... Կասկածում եմ: Իսկ եթե ձեզնից իրեն հուզող հարցերի պատասխանը չի ստանում, դա դեռ չի նշանակում, որ նա "կխախանդվի": Նա այդ հարցերի պատասխանը կլսի հեռուստատեսությունից՝ ի դեմս Հայկոյի ու Մկոյի, կայֆը գովաբանող ֆիլմերից... իր հասակակիցներից: Եվ միայն կռահել է պետք, թե ինչքանո՞վ ճիշտ տեղեկություն կստանա նա:
Այնպես որ, եթե ուզում ես կանխարգելիչ դեր ունենաս, զրուցիր նրա հետ, այլ ոչ թե սահմանափակվիր մի բառով:
Kita (01.04.2009)
Կարծում եմ պարզ էր, որ այդ բառը ես Վիստայի մասին զրուցելու ժամանակ չեմ օգտագործում։
Երևի չեմ ասել, ինքս բժշկական ինստիտուտն եմ ավարտել, գիտեմ։
artak.am
Հասարակությունը հիմնականում արհամարհում է հիվանդ մարդկանց:
Հետո, թմրամոլի նկատմամբ վերաբերմունքն այլ բան է, «թմրամոլություն» երևույթի նկատմամբ՝ այլ: Այո, իսկ ո՞վ է ասում մի պարսավեք թմրամոլությունը կամ ո՞վ է ասում մի զգուշացրեք հարազատներին, մտերիմներին: Հենց խնդիրն այն է, որ մենք խիստ թերի ենք պայքարում «թմրամոլություն» կոչվող երևույթի դեմ, չենք բացատրում երեխաներին, «վտանգավոր» տարիքում գտնվող երիտասարդներին, սակայն «նենց ահավոր ատում ենք» թմրամոլներին, որոնք մեղավոր են մեկ բանում՝ իրենք «կախվածությամբ» են տառապում:
Անհանդուրժող ու արհամարհական լինել հիվանդ մարդու նկատմամբ՝ սխալ ու անթոյլատրելի է:
Ահագին բան, Աթեիստ ջան:Ի՞նչ ես անում օրինակ դու, որպեսզի նրանք "չսխալվեն"։
«Ծանր» թմրամիջոցներից կախվածություն ձեռք բերելու նախաբանի համար՝ մեկ անգամ գործածելն էլ է հերիք:Որովհետև մյուսներից նա լսել է, որ դա բերում է հիվանդություն է, բայց "մի անգամով հիվանդ չեն դառնա"։
Լավ, Աթեիստ ջան, ախր այդ մարդիկ հիվանդ են… Ազատազրկել, նրա համար, որ հիվանդությու՞ն են ձեռք բերել: Եվրոպական երկրներում «կախվածություն» ունեցողների մոտ երեսուն տոկոսը բուժման ողջ կուրսն անցնելուց հետո երկարատև՝ մի քանի տարի տևողության ռեմիսիաներ են ունենում: Նորմալ ապրում են, աշխատում են, հոգում են իրնեց ընտանիքի հոգսերը: Մյուսները ստանում են փոխարինող կամ պահպանողական բուժում և կրկին հարաբերականորեն նորմալ ապրում են և աշխատում: Մոտեցումներն այնտեղ խիստ տարբերվում են ինչպես մեր պետության մոտեցումից, այնպես էլ /որ առավել կարևոր է/ հասարակության մոտեցումից: Եվրոպական երկրներում գործածման համար քրեական պտասխանատվություն սահմանված չէ:
Քրեական տարրի վեր ածվելու պատճառների մասին ArmBoy-ը հանգամանալից բացատրել է:
Մի մոռացեք, սա լրջագույն հիվանդություն է: Բոլոր բացասական երևույթներն ունեն մեկ հստակ պատճառ՝ հիվանդությունը:Շաքարախտով հիվանդը ազատորեն մտնում է դեղատուն եւ գնում (կամ անվճար ստանում) իր հիվանդության բուժման դեղերը, մենք՝ գլխացավի դեպքում մի քանի դրամով առնում մեր սիրելի "անալգինը", իսկ թմրամոլն իր ցավերը մեղմացնող "դեղերը" հայթայթում է "սեւ շուկայում"՝ ուզած թե չուզած հայտնվելով քրեական աշխարհում, իր ցավամոքիչ դեղը հայթայթելու համար հետապնդվում է օրենքով, հաճախ՝ բռնվում եւ դատվում, հաճախ՝ ստիպված այլ ոչ օրինական ուղիներ գտնում՝ փող ճարելու համար: Եվ այս բոլորն անում է ոչ թե այն պատճառով, որ ինքը քրեածին տարր է, այլ այն բանի պատճառով, որ թմրամիջոցներին իրենք հսկողության տակ են:
Կարծեցիք՝ լու՞րջ էի...Լավ, բա ինչ՞ անենք էդ մարդկանց. գյուլլենք՞:
KiLa (01.06.2010)
Այս պահին թեմայում են 1 հոգի. (0 անդամ և 1 հյուր)
Ձեր իրավունքները բաժնում
Մեջբերել
Էջանիշներ