«Տղամարդ կին»

[Ուլուանա]

ինչ ասես արժե օրինակ խոսակցական հայերենում օգտագրծվող «ոռի» բառը .. ավելի լայն կիրառություն ունեցող բառ ժամանակակից հայենում գտնել հնարավոր չէ .. բայց առանձին որ այդ բառին նայենք .. կոնկրետ մի բան է նշանակում .. չասեմ ինչ, հասկացաք .., կամ եթե չգիտեք ինչ է նշանակում, ասեք, Չուկը բացատրական բառարանում կնայի

Հեգնանքդ անտեղի է. «ղզողլան» բառը, ինչպես տեսար, բառարանում կար, իսկ «ոռը» պարզ է, որ չի կարող լինել։ Իսկ թե ինչու առաջինը կա, երկրորդը՝ ոչ, ցավոք, բառարանը չի օգնի պարզել, բայց ասեմ. «ոռը» գռեհիկ, ժարգոնային բառ է, իսկ այդպիսի բառերը, համենայնդեպս, սովետական հայկական բառարաններում չեն լինում, ի տարբերություն փոխառված բառերի, ինչպիսին է, օրինակ, «ղզողլանը», ինչպես ինքդ նշեցիր։

[Տրիբուն]

Հեգնանքդ անտեղի է. «ղզողլան» բառը, ինչպես տեսար, բառարանում կար, իսկ «ոռը» պարզ է, որ չի կարող լինել։ Իսկ թե ինչու առաջինը կա, երկրորդը՝ ոչ, ցավոք, բառարանը չի օգնի պարզել, բայց ասեմ. «ոռը» գռեհիկ, ժարգոնային բառ է, իսկ այդպիսի բառերը, համենայնդեպս, սովետական հայկական բառարաններում չեն լինում, ի տարբերություն փոխառված բառերի, ինչպիսին է, օրինակ, «ղզողլանը», ինչպես ինքդ նշեցիր։

հեգնանք չկար
պիտի որ լինի, լուրջ մեկդ նայեք, ես հիմա ձեռքիս տակ չուենմ, սա էլ է թուրքերեն բառ, գռեհիկ է այնքան որքան ղզողլանը ..
իսկ եթե ղզողլան բառը կա բացատրական բառարանում, ապա ինչի՞ ասենք չկա հոմոսեքսուալ բառի թուրքերեն տարբերակը, որը բոլորս գիտենք թե ինչպես է հնչում, ու ինչ լայն կիրառություն ունի խոսակցական հայերենում

[ivy]

Մոդերատորական: Ինձ թվում է՝ թեման արդեն շեղվում է ուրիշ ուղղություններով: Հիշեցնեմ, որ այստեղ քննարկվում է «տղամարդ կին» արտահայտությունը, խնդրում եմ չհեռանալ թեմայից՝ խորանալով այլ հարցերի մեջ:

[Գաղթական]

Ես բացատրում եմ, որ «տղամարդ կին» արտահայտությունը հասանելի է հասարակության լայն շերտերի,

այն, որ «տղամարդ կին»-ը հասանելի է հասարակությանը՝ պարզից էլ պարզ էր..
հակառակ դեպքում այս թեման ուղղակի գոյություն չէր կարող ունենալ..
և քո, ինչպես դու ես ասում՝ «բացատրել»-ը, թե դա այդպես է, այստեղ լրիվ անտեղի ժամանակի վատնում է ու անիմաստ զբաղմունք..

ամենևին չպնդելով, որ առանձին վերցրած «տղամարդ» բառի այդ իմաստը այդ նույն հասարակության լայն շերտերին հասանելի է:

դու քո ենթադրությունները, թե այդ արտահայտությունը ճիշտ է, հիմնավորում էիր հենց «տղամարդ» բառի բացատրություններով, ի միջի ալյոց, միայն նրանցով, որորնք, ինչպես դու էիր նշել, միայն քեզ են հետաքրքիր

Միաժամանակ հիմնավորում եմ, որ այդ արտահայտության կիրառումը ճիշտ է, քանի որ ինչպես պարզվում է, ինչպես ցույց եմ տալիս, այդ բառն ունի այդպիսի կիրառություն:

կրկին ապացուցում ես, որ դու լավ չես հասկացել այս թեմայի իմաստը..
արտահայտվողը պետք է սեփական ուղեղն ու աշխարհահայացքն օգտագործելով (եթե այդպիսիք ընդհանրապես առկա են..) արտահայտել սեփական կարծիքը այդ երևույթի մասին, և ոչ պնդել դրա ճշտությունը ելնելով միայն այն հանգամանքից, որ այդպիսի արտահայտություն տեղ ունի մեր այսօրվա իրականոթյան մեջ..

Միաժամանակ կարող եմ փաստել, որ քեզ բացատրելու տաղանդիս բացակայության մասին միանգամայն ճիշտ ես, ես ընդունում եմ, համարում եմ դա ապացուցված ճշմարտության

և այսքանով ես հայտարարում եմ, որ դու անհետաքրքիր զրուցակից ես ինձ համար և օժտված չես բանավիճելու հատկությամբ, քանի որ չես կարողանում ընկալել, երբ դա պետք է, սեփական սխալվելուդ հավանականությունը և զրուցակցի իրավացի գտնվելու իրավունքը..
և զգալով, որ տեսակետ արտահայտելու կարողություններդ սկսում են սպառվել, ինքդ քեզ իրավունք ես վերապահում համարել թե դու այստեղ հանդես ես գալիս միմիայն բացատրողի դերում, մնացածն էլ՝ լսողի ու քեզ հասկացողի, կամ ոչ..

[Terminator]

Ivy ջան ես ընդամենը այն ակումբի անդամի հարցին էի պատասխանում և քանի որ ես նոր եմ գրանցվել ակումբում և չգիտեյի որ մեկի հարցին պատասխանելու համար նկատողություն կստանամ Հիմա էլ չգիտեմ թէ այս գրառումը որ բաժնում գրեմ և նորից նկատողություն չստանամ: Եթե կարելի է մի բարկացեք այս գրածի համար և ասեք որտեղ գրեմ ձեզ կամ մեկ այլ մոդերատոռի որ նորից նկատողություն չստանամ:

[Գաղթական]

ինչի՞ ասենք չկա հոմոսեքսուալ բառի թուրքերեն տարբերակը, որը բոլորս գիտենք թե ինչպես է հնչում, ու ինչ լայն կիրառություն ունի խոսակցական հայերենում

ի միջի այլոց ինչնա հետաքրքիր, որ, այսպես կոչված, հոմոսեքսուալի թուրքերեն համարժեքը քիչ Հայեր են օգտագործում..
որպես դրա իմաստի փոխարինող, Հայերի կողմից, օգտագործվում է մի բառ (4 տառից բաղկացած), որը թուրքերենում նշանակում է ընդամենը «հետույք»..
..այն դեպքում, երբ դրան պետք է դեռ «..վերան» վերջածանցը ավելացնենք, որպեսզի ստանանք «հոմոսեքսուալ» իմաստը..

[Rhayader]

Էդ դեպքում ո՞րն է իմաստը էդ բառի արմատը վերցնել «տղամարդ» բառը:

Այվ, անձամբ ես «տղամարդ կնիկ» ասելուց շիմեյլ եմ պատկերացնում:

[Սամվել]

ՄԻ բան Չեմ ջոկում... հիմա ինչոր մեկը կասկածումա որ հատկանիշներ կան որ հենց հատուկ են տղամարդուն... դարերով տենցա եղել..

Հենց Նույն քաջությունը, ուժեղությունը դիմացկունությունը...

Ու Ի՞Նչ կա զարմանալու..

Նույն ձևով հատկություններ կան որ կանաց են վերագրվում..
Նրբությունը, Համեստությունը, զգայունությունը...

Ոնց որ ասում են Ուժեղ և գեղեցիկ սեռեր...
Ու էտ պատահական չի ասված...

Հիմա կան կանայք որ իրոք իրենց ուժերից վեր գործեր են անում...

Ու շատ նորմալա Տղամարդ–կին արտահայտությունը տվյալ դեպքում...
Ոնց որ Հերոս կին արտահայտության հոմանիշը լինի... ու իմ կարծիքով բավականին լավ արտահայտումա իրաիմաստը...

Ու ոչ մի կապ էլ չունի Հերմոֆրոդիտների կամ կոպտության հետ...

Համ էլ ո՞վ ասեց որ կոպտությունը տղամարդկանց Մենաշնորհնա
Էնքա՜ն կոպիտ ու անտաշ աղջիկներ կան

[Chuk]

այն, որ «տղամարդ կին»-ը հասանելի է հասարակությանը՝ պարզից էլ պարզ էր..
հակառակ դեպքում այս թեման ուղղակի գոյություն չէր կարող ունենալ..
և քո, ինչպես դու ես ասում՝ «բացատրել»-ը, թե դա այդպես է, այստեղ լրիվ անտեղի ժամանակի վատնում է ու անիմաստ զբաղմունք..

Փոխարինենք «բացատրել» բառը «ներկայացնել» բառով ու արձանագրենք, որ ես այս թեմայում հայտնում եմ միայն ու միայն իմ տեսակետը՝ ընթացքում նաև հիմնվելով հանրությանը հասանելի փաստերի, որոշակի տեղեկատվության, աղբյուրների վրա և այլն: Միաժամանակ նկատենք, որ այս «բացատրել» բառին այդպես «ծանր վերաբերվելը» (ի դեպ կարելի է ժամերով խոսել ու հիմնավորել որ այս արտահայտությունը վատն է, որովետև ծանր բառը ունի այսինչ իմաստը, մինչդեռ այս արտահայտությունը...) գալիս է ապացուցելու թեմայում հնչեցրած իմ այն միտքը, որ ոմանք պարզապես չափից ավելի լուրջ են վերաբերվում բառի իմաստին, իրենց դատողությունների շարքը սարքելով այդ բառի վրա, մոռանալով որ խոսում են ընդհանուր երևույթի մասին և առանձին բառի արժեքը չափազանց բարձր է գնահատվում: Լավ չձևակերպեցի, ներողություն եմ խնդրում, հուսով եմ հասկանալի կլինի ասելիքս:

դու քո ենթադրությունները, թե այդ արտահայտությունը ճիշտ է, հիմնավորում էիր հենց «տղամարդ» բառի բացատրություններով, ի միջի ալյոց, միայն նրանցով, որորնք, ինչպես դու էիր նշել, միայն քեզ են հետաքրքիր

Այո՛, ես հիմնվում եմ «տղամարդ» բառի այն բացատրությունների վրա, որոնք ինձ հետաքրքրում են այս թեմայի քննարկման համատեքստում: Ճիշտ այնպես, ինչպես եթե քննարկելուց լինեինք «Չար բախտ» արտահայտությունը, ապա ես կվերցնեի չար բառի ոչ թե «ոչ բարի» իմաստը, այլ «Ոչ հաջողակ, ձախորդ, աղետավոր» իմաստը: Այստեղ ոչ մի տարօրինակ բան չկա

Եվ այո՛, ես «տղամարդ կին» արտահայտության ճիշտ լինելը հիմնավորում եմ հենց «տղամարդ» բառի ունեցած իմաստներով: Սա տարօրինակ չի, ճիշտ է, ճիշտ ուղին է:

կրկին ապացուցում ես, որ դու լավ չես հասկացել այս թեմայի իմաստը..
արտահայտվողը պետք է սեփական ուղեղն ու աշխարհահայացքն օգտագործելով (եթե այդպիսիք ընդհանրապես առկա են..) արտահայտել սեփական կարծիքը այդ երևույթի մասին, և ոչ պնդել դրա ճշտությունը ելնելով միայն այն հանգամանքից, որ այդպիսի արտահայտություն տեղ ունի մեր այսօրվա իրականոթյան մեջ..

Թեմայում հենց մեկը դու ինձ հարցրել ես, թե հապա ինչպե՞ս կանվանենք տղամարդու քայլվածք ունեցող, հայհոյանքներով խոսող և այլ նման հատկանիշներով օժտված կնոջը: Ես ասում եմ, որ մեր հասարակությունում այդ իմաստներով «տղամարդ կին» եզրը չի գործածվում: Եթե գործածվում էլ է, գործածվում է այն մարդկանց կողմից, ովքեր արտահայտության իրական իմաստը չեն հասկանում: Իսկ ահա իմ սեփական ուղեղն ինձ ասում է, իմ աշխարհայացքը ինձ ներկայացնում է, որ «տղամարդ կին» է օրինակ այն կինը, ում ամուսինը պատերազմում զոհվել է, իսկ իր ընտանիքը ոչ թե մատնվել է սովի, այլ իր տոկունության, քաջության և այլնի շնորհիվ իր հպարտ կենությունն է ապահովել: Ու «տղամարդ կին» արտահայտությունը օգտագործվում է հենց նման իմաստներով:

և այսքանով ես հայտարարում եմ, որ դու անհետաքրքիր զրուցակից ես ինձ համար և օժտված չես բանավիճելու հատկությամբ, քանի որ չես կարողանում ընկալել, երբ դա պետք է, սեփական սխալվելուդ հավանականությունը և զրուցակցի իրավացի գտնվելու իրավունքը..

Սիրով կընդունեմ սեփական սխալս, եթե այդպիսի կա: Սակայն թեմայի էջերը ցույց են տալիս, որ ես որոշակի հիմնավորումներ եմ բերում ու դրանց չեմ ստանում համապատասխան պատասխաններ, հակափաստարկներ: Իսկ եթե անհետաքրքիր զրուցակից քեզ համար, քավ լիցի: Սակայն այդպես հաճախ ասում են այն ժամանակ, երբ պատասխանելու բան չեն ունենում: Չեմ պնդում, որ սա այդ դեպքն է

և զգալով, որ տեսակետ արտահայտելու կարողություններդ սկսում են սպառվել, ինքդ քեզ իրավունք ես վերապահում համարել թե դու այստեղ հանդես ես գալիս միմիայն բացատրողի դերում, մնացածն էլ՝ լսողի ու քեզ հասկացողի, կամ ոչ..

Եվս մեկ անգամ ասեմ, ավելի ճիշտ այս անգամ խնդրեմ, բառերի «գերի» չդառնալ: Ես ներկայացնում եմ իմ տեսակետը: Այո՛, երբ դու նշեցիր «տղամարդու քայլվածքով աղջկա» մասին, ես այդտեղ ավելի շուտ ոչ թե տեսակետ հայտնեցի, այլ բացատրեցի, որ ոչ, «տղամարդ կին» արտահայտությունը դրանց համար չի: Իսկ ընդհանուր առմամբ ես ներկայացնում եմ իմ տեսակետը, եթե անգամ վերևում գրել եմ՝ բացատրում եմ

[Rhayader]

Ես էլ եմ այդ կարծիքին: ՂԶՈՂԼԱՆԸ դա նույն հերմոֆրոդիտն է և պետք չէ գլուխ ջարդել
այդ բառը իմանալու համար

Օղլի թուրքերեն նշանակում է տղա: Եթե ղզողլանը հերմաֆրոդիտն է, ապա «ղզ» մասը կլինի թուրքերեն աղջիկ նշանակող ինչ-որ բառի հնչյունափոխված տարբերակ, ու ղզիկի հայկական տարբերակը կլինի խոսակցական ու կոպիտ «քածիկը», այնպես որ բառն ակնհայտորեն կիրառելի չի աղջիկների նկատմամբ:

[Սամվել]

Օղլի թուրքերեն նշանակում է տղա: Եթե ղզողլանը հերմաֆրոդիտն է, ապա «ղզ» մասը կլինի թուրքերեն աղջիկ նշանակող ինչ-որ բառի հնչյունափոխված տարբերակ, ու ղզիկի հայկական տարբերակը կլինի խոսակցական ու կոպիտ «քածիկը», այնպես որ բառն ակնհայտորեն կիրառելի չի աղջիկների նկատմամբ:

Իսկ ո՞նց ես Ջոգելու Հերմոֆրոդիկը աղջիկա թե՞ տղա

Էտ սկի ինքը չի ջոկում

[Chuk]

Մոդերատորական. Եվս մեկ անգամ հիշեցնեմ, որ թեման «Տղամարդ կին» արտահայտության քննարկման համար է նախատեսված:

[Moon]

Ժողովուրդ, ասեմ, որ թեման չեմ կարդացել, բայց կարծիքս ահավոր բացասական ա։
Ուրեմն, "Տղամարդ կին" կանանց տանել չեմ կարողանում, նրանք սովորաբար կանացիություն չունեն, կոպիտ են թե՜ կազմվածքով, թե՜ քայլվածքով, թե՜ բնավորությամբ։ Բացակայում է նրբությունը, ներքին ներդաշնակությունը....իշխում է...կներեք բայց "գեղցիություն" ամեն դեպքում ինձ համար։
Չեմ կարողանում շփվել նման մարդկանց հետ, անտիպատիայա մոտս առաջանում մի այլ կարգի։ Դրա վառ օրինակը Նաիրա Պետրոսյանն է...նրա վագրն է անգամ իրենից վախենում...անձա,բ ներկա եմ եղել այդ տեսարանին....

[Chuk]

Ուրեմն ընդունեմ մի սխալս:
Ինչպես ցույց է տալիս թեման, հասարակության շատ ներկայացուցիչներ սխալ են հասկանում «տղամարդ կին» արտահայտությունը:

Սա ցավալի իրողություն է

[*e}|{uka*]

Ժողովուրդ, ասեմ, որ թեման չեմ կարդացել, բայց կարծիքս ահավոր բացասական ա։
Ուրեմն, "Տղամարդ կին" կանանց տանել չեմ կարողանում, նրանք սովորաբար կանացիություն չունեն, կոպիտ են թե՜ կազմվածքով, թե՜ քայլվածքով, թե՜ բնավորությամբ։ Բացակայում է նրբությունը, ներքին ներդաշնակությունը....իշխում է...կներեք բայց "գեղցիություն" ամեն դեպքում ինձ համար։
Չեմ կարողանում շփվել նման մարդկանց հետ, անտիպատիայա մոտս առաջանում մի այլ կարգի։ Դրա վառ օրինակը Նաիրա Պետրոսյանն է...նրա վագրն է անգամ իրենից վախենում...անձա,բ ներկա եմ եղել այդ տեսարանին....

Վ՜այ, իմ մոտ տղամարդ կինը լրիվ ուրիշ պրոֆիլ ունի : Տղամարդ կին ասելով չեմ պատկերացնում բռի, անտաշ, չոբան կանանց , որոնք տղամարդկանց թավայով են դաստիարակում, իսկ շներն էլ տեսնելիս ծակուծուկերն են մտնում : Այլ այնպիսի հատկանիշնեով օժտված որոնք ավելի սազական են տղամարդկանց, ամենևին կոպտություն, ուժ դրանց մասին չէ խոսքը: Օրինակ իր խոսք առաջ տանող, թասիբով, հոգով ուժեղ, մեծահոգի,առաջնորդ/լիդեր , թիկունք մի խոսքով, այ այդպիսի հատկանիշներով օժտված կանայք մուժիկ կնիկ են , հավեսս տալիսա ...