Քաղաքական ծլնգալայվություն

[Ծլնգ]

Սա էլ խոստացածս անակնկալը։ Առավելագույնս թափանցիկ լինելու համար՝ փորձելու եմ որոշ դիրքորոշումներս ու պլաններս այս թեմայում ներկայացնել դրանք ի կատար ածելուց առաջ, կամ իրագործման մեջ գտնվող քայլերին այստեղ պարզաբանումներ եմ տալու։ Այս թեման նաև կարող է ծառայել որպես հետս «Քաղաքականություն» բաժնում իմ մոդերության հարցերով բաց կապնվելու միջոց։ Հուսով եմ, որ այդ միջոցը կօգտագործվի կառուցողական շնչով։

Իսկ թե որոնք են լինելու առաջին քայլերս․․․ վերջին մի քանի օրերս լրիվ խելագառ էին։ Մոդերության շնորհման մասին իմացել եմ օդանավակայանից ակումբ մտնելուս ժամանակ՝ գործուղումից տուն ուղևորվելու ճանապարհին։ Վերջին օրերս օրեկան 12-14 ժամվա աշխատանքային ռեժիմով, սեզոնային անքնությամբ ու ակումբային քաղաքականությամբ լեփ-լեցուն են անցել։ Այնպես որ՝ քնել է պետք։ Քունս որոշ չափով առնելուց հետո անցնելու եմ մոդերական գործիքների մասին իրազեկման դասընթացին։ Դրանից հետո էլ․․․ կասեմ հետո․․․

Թե հավես ունենաք, քաղաքականության բաժնի մասին մի կառուցողական բան գրեք այս թեմայում՝ զարթնեմ հավեսով կնայեմ ու կարձագանքեմ։

[Mephistopheles]

Ապեր, դու էս ի՜նչ ուժեղ բան ես արել... այ, որ լայվ վիդեոյով անես վաբշե կդզի, հետո տանես մոդերատերական պալատի սենյակները ցույց տաս տենանք Չուկը որտեղ ա նստում, Այվին որտեղ ա նստում ու մնացածներն ինչով են զբաղվում... իսկականից շատ յունիք մի բան ես կազմակերպել... քեզ անչափ շնորհակալություն ու բարի գիշեր...բուձիլնիկն էլ լարի, որ զանգը ծլնգա ժամանակին արթնանաս...

[Lion]

Դե ինչ, շնորհավորում եմ, հուսով եմ շատ կասկածներ կփարատվեն ու դու հիանալի մոդեռություն կանես

[Ծլնգ]

Դե ինչ, շնորհավորում եմ, հուսով եմ շատ կասկածներ կփարատվեն ու դու հիանալի մոդեռություն կանես

Էլի ուշացա ։Դ Շնորհավոր Ծլնգ ջան,հուսամ էս ամառ կերևաս մեր կողմերը ու էս էլ մարդավարի կնշենք

Շնորհակալություն, բարեկամներս։ Ճիշտն ասած մի քիչ տարօրինակ են շնորհավորանքները, բայց դրանց վերաբերվում եմ որպես բարեմաղթանքների ու վստահության արտահայտման, ինչի համար իսկապես շնորհակալ եմ։ Հուսով եմ, որ մի քիչ էլ սատար լինելու պատրաստակամություն էլ կա դրանց մեջ, որ բոլորս միասին ծաղկեցնենք բաժինը։

[Ծլնգ]

Վերջապես այս թեմային հանգամանալից ուշդրության ժամանակ ունեցա։

Ապեր, դու էս ի՜նչ ուժեղ բան ես արել... այ, որ լայվ վիդեոյով անես վաբշե կդզի, հետո տանես մոդերատերական պալատի սենյակները ցույց տաս տենանք Չուկը որտեղ ա նստում, Այվին որտեղ ա նստում ու մնացածներն ինչով են զբաղվում... իսկականից շատ յունիք մի բան ես կազմակերպել... քեզ անչափ շնորհակալություն ու բարի գիշեր...բուձիլնիկն էլ լարի, որ զանգը ծլնգա ժամանակին արթնանաս...

Վիդեոյով լայվեր չի լինելու, Չուկի ու Այվիի գահին էլ դեռ դոստուպ չունեմ Հազիվ իրենց պալատների դիմաց ներքևից վերև նայելով շվշվացնում եմ․․․ վայ չէ, զնգզնգում եմ։

Ախպեր, անակնկալը ստեղ ո՞րն ա: Էն, որ Ծլնգը Չուկից թափանցիկ ա լինելու՞: Կարող ա հանվի, գետինը մտնենք:

Անակնկալը ստեղ երկխոսությունն ա։ Թափանցիկ են բոլորը, բայց ժամանակի սղության պատճառով ոչ բոլորն է հասցվում հանրությանը ներկայացվի։ Իսկ այստեղ փորձելու եմ ոչ միայն իմ արած-մտացածները ներկայացնել, այլ նաև դրանց վերաբերյալ բոլորի կարծիքները լսել, ու դրանցով էլ որոշումները բարելավել։ Օրինակ մի քիչ հետո կկիսվեմ մի պլանովս, ու կուզենայի լսել դրա մասին բոլորի արձագանքը մինչև իրականացնելը․․․ երկխոսություն Տրիբուն ջան․․․ ի հակառակ այն մտքի, որ Ծլնգը հնարավոր է լիներ ծանրաձեռ, կողմնակալ ու անլռրելի զանգակատուն։

Արա բայց ինչ… Գաղթականը արտագաղթեց, Ծլնգին սարքեցիք քաղաքականության բաժնի մոդեռատոր, ինչ-որ պոպուլիստական սութի անակնկալ-մանակնկալ… դուք ձեր ժողովրդավարությունից գոհ ե՞ք :Ճ

Մե՞նք․․․ թե խոսքը իմ մասին է, ես դեռ դժգոհ չեմ։ Ու հուսամ որ դու էլ շուտով գոհ կլինես։

Բայց երեքիդ էլ շնորհակալություն, որ ձեր անպակաս քննադատություններվ օգնելու եք բաժնի մոդերավորման գործում։

[Տրիբուն]

Ախպեր, անակնկալը ստեղ ո՞րն ա: Էն, որ Ծլնգը Չուկից թափանցիկ ա լինելու՞: Կարող ա հանվի, գետինը մտնենք:

[Վիշապ]

Արա բայց ինչ… Գաղթականը արտագաղթեց, Ծլնգին սարքեցիք քաղաքականության բաժնի մոդեռատոր, ինչ-որ պոպուլիստական սութի անակնկալ-մանակնկալ… դուք ձեր ժողովրդավարությունից գոհ ե՞ք :Ճ

[LisBeth]

Շնորհավորում եմ։ Չգիտեմ ինչքանով սա կլինի կոնստրուկտիվ, բայց էս մի քանի օրվա քննարկումների ընթացքում մի դիտարկում եմ արել, որ կուզեի կիսել քեզ հետ որպես կառավարման նոր օղակի։

Հարցը վերաբերվում ա կանանց ներգրավվածությանը քաղաքական թեմաների մեջ։ Երբ առաջ քաշվեց թեմա մուտք չգործելու պատճառների մասին քննարկումը, մի հատ սենց վերաբերմունք սկսվեց, թե բա էս մեր կանայք էսքան փխրուն ու զգայուն են, բերեք իրանց սիրենք ու գուրգուրենք, իրանց խաթր քֆուր չտանք որ մտնեն սենյակ։ Սա մաքուր դիսկրիմինացիա ա իմ աչքին, ու շատ նշանակալից էր, որ հենց այդ երևույթին հակառակ ուղղված գործողությունները բերեցին դրան։ Չգիտեմ ինչի հետևանքով ա սա առաջանում, թե կանանց իրավունքների պաշտմանմանն հանդեպ կանխակալ վերբերմունք ա, թե ընտած մեթոդների ոչ էֆֆեկտիվ լինելը, թե ծայրահեղականությունը, որ մեկ մեկ ի հայտ ա գալիս ֆեմինիզմով տարված մարդկանց մոտ․․ ամեն դեպքում հույս ունեմ, որ աբոյները ռոզվի ու կապույտ ներկելու միտքը քո հեգնական հումորներ շարքից ա, ու էս հարցին ավելի հնարամիտ մոտեցում կլինի։

[Mephistopheles]

Մի րոպե, էլի... էս զանգը, որ բերել կախել եք մեր վզին, ընտրվել ա՞ ակումբի բնակչության կողմից... ես կարող ա բաց եմ թողոլ որտև ամենանգամ քաղաքում չեմ եղել

[Sambitbaba]

Հետաքրքիրն այն է, որ կինը՝ կնոջ առջև քֆուր չտալը սկսել է ոչ թե հարգանքի նշան համարել, այլ դիսկրիմինացիա...
Այ քեզ էմանսիպացիա...

[Gayl]

Մի րոպե, էլի... էս զանգը, որ բերել կախել եք մեր վզին, ընտրվել ա՞ ակումբի բնակչության կողմից... ես կարող ա բաց եմ թողոլ որտև ամենանգամ քաղաքում չեմ եղել

Ազգային ժողովն ա ընտրել, ժողովուրդը կապ չունի:

[Ծլնգ]

Շնորհավորում եմ։ Չգիտեմ ինչքանով սա կլինի կոնստրուկտիվ, բայց էս մի քանի օրվա քննարկումների ընթացքում մի դիտարկում եմ արել, որ կուզեի կիսել քեզ հետ որպես կառավարման նոր օղակի։

Հարցը վերաբերվում ա կանանց ներգրավվածությանը քաղաքական թեմաների մեջ։ Երբ առաջ քաշվեց թեմա մուտք չգործելու պատճառների մասին քննարկումը, մի հատ սենց վերաբերմունք սկսվեց, թե բա էս մեր կանայք էսքան փխրուն ու զգայուն են, բերեք իրանց սիրենք ու գուրգուրենք, իրանց խաթր քֆուր չտանք որ մտնեն սենյակ։ Սա մաքուր դիսկրիմինացիա ա իմ աչքին, ու շատ նշանակալից էր, որ հենց այդ երևույթին հակառակ ուղղված գործողությունները բերեցին դրան։ Չգիտեմ ինչի հետևանքով ա սա առաջանում, թե կանանց իրավունքների պաշտմանմանն հանդեպ կանխակալ վերբերմունք ա, թե ընտած մեթոդների ոչ էֆֆեկտիվ լինելը, թե ծայրահեղականությունը, որ մեկ մեկ ի հայտ ա գալիս ֆեմինիզմով տարված մարդկանց մոտ․․ ամեն դեպքում հույս ունեմ, որ աբոյները ռոզվի ու կապույտ ներկելու միտքը քո հեգնական հումորներ շարքից ա, ու էս հարցին ավելի հնարամիտ մոտեցում կլինի։

Շնորհակալություն, Լիզ ջան, բարեմաղթանքներիդ ու կարծիքիդ համար։ Հուսով եմ, որ իմ մինչ այս ակումբին մասնակցությամբ քո մոտ, և ոչ միայն քո, կասկածներ չեմ առաջացրել նրա մասին, որ որևէ կերպ կարող եմ խտրականական պրակտիկաներ գործածել։ Ռոզովի աբոյները իհարկե հեգնանք էին, ու շատը ուղղված առ այն, որ «շենացումը» չգիտես ինչու մարդկանց մոտ ասոցացվում է միմիայն ֆիզիկական ինֆրաստրուկտուրայի հետ․ ճանապարհներ, ասֆալտ, բան․․․

Քանի որ դու ես քֆուր-մֆուրի զրույցը սկսել այս թեմայում, քեզ պատասխանիս մեջ պարզաբանեմ ընդհանուր վերաբերմունքս դրան։ Բայց որպես նախաբան մի փոքրիկ պատմություն պատմեմ, որն ավելի հեշտ կդարձնի մոտեցումս ներկայացնելը։ Մի տարեց կին կոլեգա ունեմ, ում մասին մանրապատումներում արդեն պատմել եմ։ Մի անգամ ոնց եղավ, կանանց ղեկավարության մեջ ներգրավվման մասին զրույց գնաց, ինքն էլ պատմեց, որ իր մասնագիտական կյանքի ակունքներում բաժնի երկու կանանցից մեկն էր։ Ու բաժնի հետ կապված հարցերը, որոնք մթոմ թե պիտի կոնսենսուսով լուծվեին, իրեն միշտ ներկայացվում էին արդեն որոշված-լուծված վիճակում։ Մի անգամ էլ մի հարցի հետ կապված զգուշությամբ իր անմիջական ղեկավարից հետաքրքրվել էր, թե էդ ե՞րբ են այդ լուծմանը եկել, քանի որ ինքը ընդհանրապես անտեղյակ է եղել հարցի բարձրաձումից։ Ղեկավարն էլ պատասխանել էր, որ հա, էն օրը տղամարդկանց զուգարանում պիսուառների դիմաց կանգնած բաժնի գրեթե ամբողջ արական անձնակազմով էդ հարցին արագ լուծում տվեցին։

Այս պատմությունն ինձ ինչ կցուցանե․․․ որ երբ ասում ենք «քֆուրները կանանց ականջից պիտի հեռու լինեն», ապա կանանց զրկում ենք ավադական տղամարդկային միջավայրին մասնակցությունից, ինչը թե՛ կանանց է զրկում հնարավորություններից, թե՛ բոլորին միասին՝ ավելի լայն տեսակետների սպեկտրով հարցի լուծումը պայմանավորելուց։ Բայց մյուս կողմից էլ, հայկական մտածելակերպում կինն էլ է իրեն հեռու պահում քֆուրով հարուստ միջավայրերից, ինքն էլ կարծելով, որ քֆուրը իր ականջների համար չի։ Այս պատճառով, կարծում եմ մոտեցումը կոմպլիմենտարության սկզբունքով պետք է լինի․ կանանց ասել, որ քֆուրից չքաշվեն, տղամարդկանց էլ ասել, որ քֆուրը որոշ չափով սահմանափակեն։ Այսպիսով տղամարդիկ մեկ այլ ավանդական տղամարդկային միջավայր ստեղծելու կարիք չեն ունենա (քանի որ քֆուրները ընդհանուր առմամբ թույլատրված կլինեն), կանայք էլ գնալով ավելի շատ կսկսեն մասնակցել (քանի որ քֆուրների նկատմամբ ավելի հանդուրժող կլինեն, ու հնարավոր է քֆուրների հետզետե նվազեցում էլ լինի)։ Մի խոսքով, քֆուրները թույլատրվելու են, բայց խիստ չարաշահողները զգուշացվելու են։

Վերջինը իհարկե չի վերաբերում անձնական քֆուրներին՝ ուղղված միմյանց նկատմամբ։ Դրանք երբեք թույլատրաված չեն եղել և չեն էլ լինելու։ Նաև ցավոք սրտի մեր բառապաշարի քֆուրները մեծ մասը շատ սեռականացված են, ինչից խուսափել դժվար թե լինի։ Հուսով եմ, որ կանայք սրա նկատմամբ ըմբռնումով կմոտենան և չեն տեսնի դրանց մեջ խտրականություններ (նորից, սա չի վերաբերում ուղիղ անձին ուղղված քֆուրներին, որոնց մեջ սեռականացումը չի կարող խտրականության չբերել)։ Այսքանը քֆուրաբանության մասին թեզիցս։

[Mephistopheles]

Չէ, բայց հարցդ Լիզին նենց էր հնչում, որ մարդ կարա հայհոյանքից հաճույք ստանա, իսկ օրինակ Լիզը իրավունք չունի հաճույք ստանալ։ Ես կարծում եմ որ տղամարդիկ և կանայք հավասարապես պետք է հայհոյանքը ինչպես անընդունելի համարեն, այնպես էլ ժամանակ առ ժամանակ դրանից հաճույք ստանան, հատկապես երբ մտքի ողջ բովանդակությունը առանց կոլորիտային հայհոյանքի հաղորդել հնարավոր չի։

այո, սեքսի պես

[ivy]

Թեմայի բացման տակ դրած շնորհակալությունս հետ եմ վերցնում։
Մտածեցի` էս բաժնում մի կոնստրուկտիվ բան էլ ես անեմ։

[Ծլնգ]

Ստեղծել եմ նոր թեմա՝ «Կոռուպցիոն բացահայտումներ թավշյա հեղափոխության շնորհիվ», ուր տեղափոխել եմ թեմայից դուրս-ից վերջի քննարկումները։ Կարծում եմ այս թեմայով ահագին հետաքրքրություն կա, ու ակտիվ թեմա կդառնա։

Հավանաբար այս թեման հետագայում կկցեմ առանձին «Թավշյա հեղափոխություն» թեմային, որտեղ հավաքված կլինեն հեղափոխության ընթացքում ակումբում ծավալված քննարկումները ներքաղաքական զարգացումների մասին։ Բայց մինչ այդ՝ միմյանց իրազեկենք, քննարկենք ու հասկանանք կոռուպցիոն բացհայտումների խորությունն ու լայնքը։