207.
Մինչև գիտակցության ամրապնդվելը տիեզերածնական դատողություններ մի՛ խրախուսեք: Հետևեք դպրոցներում դասավանդման նպատակահարմարությանը: Առաջադեմների համար ստեղծեք արագ առաջընթացի հնարավորություններ: Եթե աշխույժ նավը պետք է իջեցնի առագաստները շարքը չխախտելու համար, արդյո՞ք դա հնարավորությունները սպանել չի լինի: Գիտե՞ք արդյոք, թե ինչպես է ստեղծվել այդ նավի նպատակասլացման կառուցվածությունը: Եվ արդյո՞ք այն կառուցված չէ առավել մեծ վտանգն իր վրա ընդունելու համար: Ինչպե՞ս ծախսել նրա հնարավորությունները սառեցրած բանջարեղեն տեղափոխելու վրա: Միշտ պաշտպանեք պատասխանատու առաջընթացի հնարավորությունը: Թող դպրոցի առաջին իսկ տարուց սկսած արագընթացի համար դանդաղ քայլը կապանք չլինի: Թող ուսուցիչը հեռատեսորեն կանխազգա արագ քայլել կարողացողներին: Պետք չէ նրանց գովել, բայց պետք է նրանց համար ճանապարհ բացել: Հարկ է ստեղծել միջանկյալ կուրսեր, այդ աստիճաններով առաջադեմները կարող են արագ վեր վազել: Մի՛ թաքցրեք նրանցից դժվարությունները: Գիտակցության հայտնի տիպի համար ամեն սխրանքանման շարժում արդեն իսկ ուրախություն է և լույս:
Նմանապես ուսուցչից է կախված աշակերտի մտածողության ուղղության արագ սահմանումը, քանզի սխալ խրատները ծանր հանցագործություն են, դրանով կարելի է զրկվել լավագույն աշխատողներից: Ամեն անշարժ ծրագիր դիակ է, որն անտանելի է իմացության արևի ներքո: Ստուգելով ուսուցչի գիտակցությունը, հնարավորինս շուտ պետք է ամրացնել դպրոցը: Ստեղծեք նրա համար լավագույն պայմաններ, որպեսզի նրա վրա դնեք համայնքի աշխատողների գիտակցության համար պատասխանատվությունը:
Անհնար է, որ ապագայի դպրոցները հիշեցնեն անասնոցներ, որտեղ մինչև վերջերս խոշտանգվում էին սերունդները: Դաժանությունն ու արգելքները փոխարինվում են հնարավորություններով:
Տվեք արհեստների ուսուցում, տվեք ընտրության ազատություն և պահանջեք աշխատանքի որակ: Դրա համար ամեն ուսուցիչ պետք է հասկանա որակի նշանակությունը:
Մեջբերել
Էջանիշներ