Իմաստուն խոսքեր է ասել Շինը: Լուրջ եմ ասում:Շինարար-ի խոսքերից
Ինչու՞ են աթեիստներն անընդհատ կրոնի մասին խոսում: Հասկանալի է, դեմ: Բայց և այնպես: Տեսեք, նույնիսկ "Կրոնական մտորումներ" թեման վերցրեց ու աթեիստը բացեց...
Ու ես մտածեցի. լավ, հիմա արդեն պարզ է, որ երբ աթեիստը "կրոնական" է մտորում, նա մտորում է մոտավորապես այնպես, ինչպես մտորում է "Կրոնական մտորումներ" բաժնում, - համենայն դեպս դրա մի երկու օրինակ մենք արդեն տեսանք:
Տեսանք մի երկու հավատացյալի "կրոնական" մտորումներ էլ: Բայց այդ հավատացյալներն էլ, ոչ միշտ է, որ "կրոնական" են մտորում, ճի՞շտ է: Համոզված եմ, որ նույնիսկ տերտերը ոչ միշտ է "կրոնական" մտորում, էլ ինչ խոսենք հասարակ մահկանացու հավատացյալի մասին: Այնպես որ հասարակ կյանքում բոլորի մոտ էլ շատ են երևի այդ "ոչ կրոնական" պահերը, և ուրեմն ինչպե՞ս կարող է հավատացյալը փորձել "ոչ կրոնական" մտորել...
Ու նաև իմ տեսակներն էլ, որ իրենց ոչ հավատացյալ են համարում ու ոչ աթեիստ... Ես, օրինակ, նույնպես փորձեցի "կրոնական" մտորել: Իսկ կարո՞ղ եմ արդյոք "աթեիստական" էլ մտորել...
Եվ այս պատճառով բացում եմ "Աթեիստական մտորումներ" թեման: Եկե՞ք այստեղ փորձենք մտորել աթեիստաբար...
Ես առայժմ չգիտեմ, թե ինչպես դա կարող է լինել: Դե, "կրոնական" մտորումները, ճիշտն ասած, քիչ ավելի հասկանալի են ինձ. կոպիտ ասած, "կրոնական" մտորելիս ես փորձում եմ ապացուցել կրոնի դրական լինելը: Ճիշտն ասած, առայժմ այնքան էլ չի հաջողվել դա, բայց ինչ արած... Հա, կոնկրետ ես չեմ կարող աթեիստի պես հերքել Աստծո գոյությունը, քանզի նախ, աթեիստ չեմ, և երկրորդ, Աստված ու կրոն ինձ համար լրիվ տարբեր բաներ են: Եթե որևէ աթեիստ ինձ ասի, թե ես սխալ եմ ու առանց Աստված կրոն գոյություն ունենալ չի կարող, ես կպատասխանեմ նրան, որ հասկանու՞մ է արդյոք նա, որ առանց Աստված աթեիզմ էլ գոյություն ունենալ չի կարող...
"Կրոնաբար" մտորելիս, հավատացյալը հիմնականում փորձում է ապացուցել իրեն և ուրիշներին կրոնի և Աստծո սերտ կապն ու վերջինիս գոյությունը: Աթեիստն էլ հիմնականում` որ Աստված չկա:
Եվ ինձ թվում է, որ "աթեիստաբար" մտորելիս, ուրեմն, հավատացյալը պետք է փորձի ապացուոցել, ար Աստված կա, սա հասկանալի է:
Բայց լրիվ անհասկանալի է, թե ի՞նչ պետք է անի այս թեմայում աթեիստը: Ի՞նչ պետք է ապացուցի: Աստծո չը-գոյությու՞նը: Աթեիզմի ճշմարիտ կամ գերադասելի լինե՞լը: Չգիտեմ: Բայց հետաքրքիր է, թե ինչ կարող է այս ամենից ստացվել:
Մի խոսքով, եկե՞ք այստեղ փորձենք մտորել "աթեիստաբար":
Մեջբերել
Էջանիշներ