Մեր ժամանակներում շատ են խոսում նաև այն մասին,
որ “միտքն արարում է”…
ԲԱՇԱՐ. Իրականում “հավատն է արարում”: Բայց մենք հասկանում ենք, որ տերմինաբանությունը ձեր մոլորակի վրա երբեմն կարող է ազատ որոշումներ էլ կայացնել, և ըստ էության դա ճիշտ է. ձեր մտքերն են ստեղծում ձեր իրականությունը: Ավելի հիմնավոր մակարդակի վրա հենց ձեր սահմանումներն ու համոզմունքներն են արտադրում զգացմունքներ, որոնք իրենց հերթին ծնում են ձեր մտքերն ու արարքները, և այդ ամենն է, որ ուժ է տալիս ձեր իրականությանը: Բայց առաջին հերթին այն ծնունդ է առնում ու ստեղծվում է հատկապես այն հզոր համոզմունքներով և սահմանումներով, որոնք դուք ճշմարտություն եք համարում:
Այլ կերպ ասած, այն բանից հետո, երբ մենք
փոխում ենք մեր արմատական համոզմունքները
և սկսում ենք գործել դրանից ելնելով,
մեր արտաքին իրականությունը, ինչպիսին էլ այն լինի,
և մեր կյանքերը, պետք է փոխվե՞ն:
ԲԱՇԱՐ. Այո, բացարձակորեն այդպես է: Բայց սկզբում, քանի որ դուք ապրում եք ժամանակա-տարածքային իրականության մեջ, կարող է ի հայտ գալ այսպես կոչված “արձագանք-էֆեկտ”, և կարող է թվալ, թե արտաքին իրականությունը չի փոխվել: Բայց իր համոզմունքները փոխած անհատականության համար, իր ներսում տեղի ունեցող փոփոխությունների իսկական ապացույցը ոչ թե այն է, որ սկզբում պետք է փոխվի արտաքին իրականությունը, այլ այն, որ անհատն ինքն է սկսում այլ կերպ պատասխանել իրականությանը, նույնիսկ եթե այն ինչ-որ ժամանակ դեռևս անփոփոխ է մնացել: Երբ դուք այլ կերպ եք պատասխանում իրականության միևնույն արտացոլմանը կամ նրա “արձագանք-էֆեկտին”, դա ապացուցում է, որ դուք փոխվել եք, և եթե շարունակեք այլ կերպ արձագանքել, դա կհզորացնի նոր հաճախականությունը և վերջին հաշվով, կստեղծի ձեր իրականության նոր արտացոլում: Ահա թե ինչպես է դա աշխատում, և իրականում դա ուղղակի էներգիայի ֆիզիկան է: Եվ վերջ: Այս նոր գաղափարների դարաշրջանում, երբ մարդիկ ասում են, որ դուք եք ստեղծում ձեր իրականությունը, ձեր մոլորակի վրա այլևս գաղտնիք չէ, որ ձեր իրականությունը` ձեր մտքերի, համոզմունքների, վարքի, զգացմունքների նյութականացումն է: Իրականում դա էներգիայի ֆիզիկական էության արտահայտման աշխարհիկ միջոցն է: Եվ նորից, ինչ որ դուք արտաբերում եք, այն էլ արտացոլվում է: Ամեն մի արարմունք ունի հավասարազոր հակազդեցություն: Դա ուղղակի ֆիզիկա է, բայց դիտվող նոր, հասկացման ավելի խորը մակարդակի վրա, գումարած գիտակցությունը դեպի հավասարեցումը: Որովհետև գիտակցությունը` հենց այն է, ինչը ստեղծում է ձեր փորձը: Գոյություն չունի փորձով հաստատված արտաքին իրականություն: Ավելի ճիշտ է ասել, որ միակ բանը, որ իրական է, - դա ձեր փորձն է այդ իրականության մեջ:
Երբեմն դժվար է մի տեղից ընկնել մեկ այլ,
ավելի գերադասելի տեղ…
ԲԱՇԱՐ. Այո: Կրկին, դժվարությունները կարող են բխել գաղտնի համոզմունքներից, որոնցում դուք ձեզ նույնիսկ հաշիվ տալ չեք կարող, և կապն այդ համոզմունքների հետ կարող է խանգարել ձեզ ապրել կյանքի ուրախությունը: Բայց բանն այն է, որ խորը թաքնված համոզմունքներից ազատվելու նպատակով նրանց ուսումնասիրելու հետ զուգահեռ, դուք կարող եք գործել, հիմնվելով ձեր ուրախության վրա, երբ էլ որ այն արտահայտվի, գործել , հիմնվելով ձեր կրքի վրա ամեն հնարավոր դեպքում, և դա նույնպես կհզորացնի ձեր ընդունակությունը` շարժվել տրված ուղղությամբ: Որովհետև կիրքը, հուզմունքը, ուրախությունը, սերը` այդ զգացմունքներն ու ապրումները ձեր մարմնում, մարմնում հավասարակշռության և հանգստության զգացումը` սա մարմնի անցումն է դեպի այն թրթռացող հաճախականությունը, որն արտացոլում է ձեր ճշմարիտ, բնական, հիմնական, իսկական “Ես”-ը: Այն “Ես”-ը, որը դուք իրոք ստեղծեցիք, արարելով ձեր գոյությունը:
Այն, ինչ մենք ասում ենք, իրականանում է: Ահա թե ինչու է ձեզ կամքի ազատություն տրվել: Դուք եք բացարձակ ու վերջնական որոշողը, թե ինչպիսի իրականության փորձ եք ունենալու: Մենք հաճախ ենք ասել, որ ձեզ տրված ամենամեծ նվերներից մեկն է, և մենք գիտենք, որ ձեր լեզվով դա սկզբում զվարճալի կհնչի, բայց համբերատար վերաբերվեք մեզ, խնդրում եմ. Արարչի կողմից ձեզ տրված ամենամեծ նվերներից մեկն է, - կյանքի անիմաստությունը: Դրա տակ մենք ի նկատի ունենք հետևյալը. իրականում չկա ոչինչ, ոչ մի իրադրություն և պարագա, որը կառուցված է որոշակի մտադրությամբ: Ամեն ինչ չեզոք է, զուրկ նշանակությունից: Դա հիմք է, պայմանանշան: Պատկերացում հասկացման մասին: Բայց այն նշանակությունը, որը դուք մեքենայորեն տալիս եք դրան, գիտակցաբար կամ անգիտակցորեն, յուրաքանչյուր տվյալ չեզոք իրադրությանը վերագրվող նշանակությունը, սահմանումը, - դա հենց այն է, ինչը որոշում է տվյալ իրավիճակից ձեր ստացած տպավորությունը: Բոլոր իրավիճակներն էլ չեզոք են և կարող են երկակի նպատակի ծառայել: Նրանք կարող են ձեզ համար թե դրական և թե բացասական արտացոլումներ ստեղծել: Դա որոշվում է բացառիկորեն համակարգի էներգիայով, թրթիռներով ու համոզմունքներով, և այն սահմանումով, որը դուք տալիս եք տվյալ իրավիճակին: Այդ պատճառով կարևոր չէ, թե ինչպիսին կարող են լինել ևս ինչ-որ մեկի մտադրությունները ձեր վերաբերյալ տվյալ իրավիճակում. եթե դուք դրական լուծում եք տվել այդ իրավիճակին, այդ դեպքում միայն դրական տպավորություն կստանաք նրանից, և կարևոր չէ, թե ինչ կզգա մեկ ուրիշը: Եվ նորից երրորդ օրենքը. այն, ինչ դուք տալիս եք, հենց այդ էլ ստանում եք ի պատասխան: Եվ քանի որ ամեն մի անհատականություն իրոք իր սեփական իրականությունն է, որ կա, իր սեփական Տիեզերքն է, որ կա, - ուրեմն ամենը, ինչ դուք ասում եք, գործում է ձեր Տիեզերքում: Եվ ձեզ անհրաժեշտ չէ համաձայնվել նրա հետ, ինչ ուրիշ մարդիկ կարող են առաջարկել որպես այլընտրանքային համոզմունք, եթե դուք չեք ցանկանում ընդունել այն: Դուք չեք ունենա նրանց հետ միևնույն փորձը ճիշտ նույնպիսի իրավիճակում: Դա կրկին, ուղղակի ֆիզիկա է:
Մեջբերել
Էջանիշներ