ԿԻՐԱԷԼ. «Մեծ Անցում»

[Sambitbaba]

Անցման փորձությունն ընտրելու երեք հնարավորությունները

Գոյություն ունի երեք միջոց, որոնց օգնությամբ դուք կարող եք վերապրել Մեծ Անցումը: Առաջինը, դուք կարող եք ընտրել “վերադառնալ տուն” (ոմանք դա մահ են անվանում), երբ դուք կվերադառնաք ձեր սկզբնաղբյուրին և այլևս չեք շփվի Երկրային ոլորտի հետ: Երկրորդ, դուք կարող եք տեղափոխվել, այսպես ասած, “հոլոգրաֆիկ աշխարհ” (որի մասին կպատմվի ապագա գրքերից մեկում): Եվ երրորդ, դուք կարող եք ընտրել “էվոլյուցիան”, ինչը նշանակում է ուղղակի ցանկություն և հնարավորություններ` տեղաշարժվել Երրորդ Տարածքից Չորրորդը, կամ պրոցես, որը կոչվում է “համբարձում”:

Թույլ տվեք հավաստիացնել ձեզ, որ եթե դուք կարդացել եք սա, նշանակում է արդեն ընտրել եք համբարձումը: Բարի գալուստ Անցո՛ւմ:

[Sambitbaba]

Փորձության կարևորությունը

Գեղեցկության, սիրո և կենտրոնանալու կարողության միջոցով Արարիչը կյանքի կոչեց Երկրային ոլորտը, և սկսվեց մարդկային գոյատևությունն այնտեղ, ինչը կոչվեց “ստեղծագործական էվոլյուցիայի դպրոց”: Ճշմարիտն ասած, այդ գոյատևությունն ուղղակի միտք էր, որը կյանքի այնպիսի ձև ստացավ, ինչպիսին դուք այն գիտեք այժմ, քանի որ միտքը` մի սքանչելի ճամփորդություն է, որը հնարավոր է դարձնում փորձության հրաշքը: Մարդկային փորձությանն աջակցելու համար ներգրավվեց Արարչի էներգիայի կենտրոնացումը, և այդպիսով, մեզ պետք է որ պարզ լինի, որ անհաջողություն չի եղել: Իրականում, ամբողջ էվոլյուցիան գտնվում է Արարչի աստվածային հսկողության տակ:

Մի փորձեք օգտագործել Մեծ Անցումը որպես պատճառ, որպեսզի խուսափեք փորձությունից: Օրինակ, ինչո՞ւ երկարատև պայմանագիր կնքել, եթե գոյություն ունի հնարավորություն, որ մեզ է մոտենում նոր դարաշրջանը: Դա, բարեկամներս, լուրջ սխալմունք կլիներ, քանի որ ոչնչի կհանգեցներ այն, ինչ դուք յուրացրել եք ներկայիս ճամփորդության մեջ: Ես պարտավոր եմ ընդգծել. “Նրանք, ովքեր կօգտվեն ամենակարճ ճանապարհներից, Անցումից հետո ստիպված կլինեն գործ ունենալ դրա հետևանքների հետ”:

Դուք չեք կարող կրճատել ճանապարհը, բարեկամներս: Եթե դուք մտադիր եք երեսուն տարվա գրավաթուղթ ստորագրել, գնացեք և ստորագրեք: Այն, ինչ անհրաժեշտ է ձեր հոգու էվոլյուցիայի համար, անպատճառ պետք է տեղի ունենա: Կարող է պատահել, երկարատև պարտքեր փորձարկելը` ձեր ծրագրի մի մասն է, և եթե դուք ցանկանաք օգտագործել Անցումը որպես այդ ծրագիրը չիրականացնելու պատրվակ, - դա կբերի ձեր անհատական ճամփորդության խափանմանը:

Որպես մի այլ օրինակ կարող է ծառայել նոր ավտոմեքենայի գնումը: Դուք կարող եք հարցնել. “Ինչի՞ համար գնեմ այն: Եթե Անցումից հետո, փաստորեն, օրգանական վառելանյութ չի լինելու, ինչո՞ւ զուր տեղը փող ծախսեմ”: Եթե ձեր ծրագրի մեջ չլիներ այդ բանը փորձելու անհրաժեշտությունը, տվյալ առարկան երբեք ի հայտ չէր գա:

Եվ վերջին օրինակը, հետագան գնալուց առաջ: Դուք կարող եք հարցնել ձեզ. “Ինչի՞ս են պետք շարունակել իմ այս ամենամսյա վճարումները, եթե ամենն, ինչ ասում է Կիրաէլը, ճշմարիտ է: Վերջիվերջո, երբ Անցումն ավարտվի, մեր ներկայիս դրամափոխանակության սիստեմի անհրաժեշտությունն առանձնապես չի էլ լինի: Ուրեմն ինչո՞ւ շարունակել”: Դա շատ պարզ է, բարեկամներս: Ի՞նչ եք կարծում, Արարչի ծրագրի մեջ որտե՞ղ դուք կարող եք հանդիպել, որ ձեզ հարկավոր չէ ձեր պարտականությունները կատարել: Ոչ մի տեղ: Առողջ դատողությունը հուշում է, որ միակ բանը, ինչում անհրաժեշտություն չի լինի նոր ճամփորդության մեջ, - իրենց ավարտին չհասցրած կարմայական խնդիրների կույտն է, և այդ պատճառով, խնդրում եմ, համոզված եղեք նրանում, որ նրանք ավարտել եք մինչև Անցումը:
Ավելի շատ պարզության համար ասեմ, որ մնացել է մի քանի տարի, որպեսզի անցնեք ավելի ցածր թրթիռային փորձությունների միջով և ապաքինեք դրանք: Խնդրում եմ, մի կորցրեք ձեր այդ հնարավորությունը: Ջանադիրությամբ սովորեք և պատրաստվեք մտնել Չորրորդ Տարածք ձեր բարձրագույն լույսի մեջ, հնարավորին չափ ամենաքիչ ուղեբեռով: Ձեր կյանքը “ներկայում” կապահովի ձեզ ձեր ամեն մի փորձ կատարելության հասցնելը:

Հիշեք, որ ձեր ներկայիս ճամփորդությունն անցնելու համար Երկրային ոլորտ մտնելու ժամանակ, դուք փորձությունների մի ամբողջ հավաքածու եք ծրագրավորել նախապես տրված որոշակի ժամանակաշրջանի համար: Այն ժամանակ արդեն հայտնի էր, որ դուք կապրեք Անցումը, սակայն դա համարյա չազդեց ձեր ծրագրի ամբողջականության վրա: Այսինքն, դուք վստահեցրեցիք ձեզ, որ ճամփորդությունը հաջող կլինի այն դեպքում միայն, եթե դուք ամբողջությամբ ավարտեք ընթացիկ փորձությունը:

Եվ նաև, որպես հասարակ օրինակ, եկեք պատկերացնենք, որ այս կյանքում դուք ամուսնացել եք արդեն չորս անգամ: Շատ հնարավոր է, որ նախկին կյանքում դուք ձեր ամբողջ կյանքն անց եք կացրել ներդաշնակ ամուսնության մեջ ձեր միակ խաղընկերոջ` ձեր միակ ամուսնու հետ: Իսկ հետո, երբ ծրագրավորում էիք ձեր վերադարձը Երկիր, որոշեցիք ապրել մի քանի ամուսիններ ունենալու փորձը, և այդպիսով, դուք երեք, չորս, հինգ անգամ եք ամուսնացել: Ուրիշները կարող են ասել. “Օ՜, դուք, ճշմարիտ, խորտակել եք ձեր կյանքը, որովհետև ամուսնացել եք չորս-հինգ անգամ”: Դա չի՛ խորտակում ձեր կյանքը: Ձեր անձնական նպատակների համար ձեզ անհրաժե՛շտ է չորս-հինգ ամուսնություն ապրել մի կյանքի ընթացքում:

Այսպիսով, դուք տեսնում եք, որ ամենը` էվոլյուցիա է: Ես գիտեմ, որ ձեզանից ոմանք կպայքարեն դրա դեմ, հատկապես գիտական աշխարհի իմ բարեկամները: Նրանք սիրում են գումարել Ա-ն ու Բ-ն, բաժանել յոթի և բազմապատկել երկուսով: Բայց դա ոչ միշտ է աշխատում այդպես պարզորեն: Ճշմարտությունն այն է, որ դուք եղել եք այստեղ, Երկրի վրա, շատ անգամներ, և դեռ կլինեք այստեղ էլի բազում անգամներ, և ամեն ամգամ` ձեր որոշակի ծրագրով:

Կար ժամանակ, երբ դուք կարող էիք շռայլորեն ձեզ թույլ տալ նորից ու նորից կրկնել ձեր դասերը: Սակայն ժամանակի խտացումը Երկրային ոլորտի վրա, բերում է ձեր փորձերի արագացմանն էլ: Դա նշանակում է, որ ձեր կյանքում դուք միանգամից բազմաթիվ դասեր կապրեք: Անցյալում ձեր բարձրագույն “Ես”-ը շտապելու պատճառ չուներ, որովհետև բոլոր բնաշրջվող հոգիները բազմաթիվ կյանքեր ունեին իրենց փորձությունները հետազոտելու համար: Դա, բնականաբար, արդեն անհնար է, քանի որ Երրորդ Տարածքն արագորեն մոտենում է իր ավարտին:

Երբ ամեն մի ոգի կազմակերպում էր իր ճամփորդությունը Երկիր, նա կարող էր բավական տեղ հատկացնել իրեն երկարատև, կառուցված, բազմապատիկ փորձությունների համար, և նույնիսկ որոշում ընդունել անցնել նոր փորձությունների, գիտենալով, որ որոշ նախագծեր կարող է ապագա կյանքերում ավարտել: Այս գիրքն, օրինակ, պետք է որոշ ժամանակ առաջ գրվեր: Ներկայումս այս նախագծի մեջ ներգրավված բոլոր մարդիկ, հնարավորություն ունեին ավարտել այդ խնդիրը նախկին կյանքերում: Շատերը նրանցից սկսեցին այդ ծրագիրը, բայց, մի որոշակի ակնթարթ այն անհաղթահարելի թվաց: Այս կամ այն պատճառով ծրագիրը հետաձգեցին, բայց ներկա պահին բոլոր այդ մարդիկ հավաքվեցին մեկտեղ ծրագիրն ավարտելու համար: Իհարկե, նրանց առաքելությունը լայնածավալվեց ընդամենը մեկ գրքից մինչև մի քանի գրքերի շարքի, քանզի դա այն է, ինչ անհրաժեշտ կլինի մարդկությանն` Անցմանը նախապատրաստվելու համար:

[Sambitbaba]

Ընդդիմություն

Շատ մարդիկ կսկսեն գիտակցել փորձի այդ խտացումը և, ինչպես նախկինում, կցանկանան ասել. “Ես չեմ կարող այդ անել”: Ես կհաղորդեմ ձեզ, թե ինչո՞ւ դա այս անգամ չի աշխատի:

Ձեզանից նրանք, ովքեր բարեշրջվում են դեպի այս նոր ճամփորդություն, պետք է հնարավորինս ազատ լինեն հին փորձություններից: Ոչ ոք չի ցանկանա ծախսել թանկարժեք ժամանակը հին ծրագրերը ծամծմելու վրա, մինչդեռ մնացյալներն առաջ են ընթանում չտեսնված արագությամբ: Դա նույնն է, ինչպես եթե ձեզ թողնեն նույն դասարանում այն դեպքում, երբ ձեր ընկերներն առաջ են գնում: Նրանք դեռևս ձեր ընկերներն են, բայց, ըստ էության, ամեն ինչ արդեն այլ է:

Կան նրանք, ովքեր կբողոքեն, որ, ինչպես երևում է, օր օրի վրա վիճակն ավելի է վատանում: Ես ասում եմ ձեզ, առաջին հերթին փոխեք ձեր մտածելակերպը: Մի՛ միացեք Երկրային ոլորտը համակող այդ միահամուռ դիրքորոշմանը: Յուրաքանչյուրը պետք է սկսի կենտրոնանալ այն բանի վրա, թե ի՞նչ կարելի է անել ի հակադրություն նրա, ինչն անհնար է թվում:

Օգնությունը ոչ միայն մատչելի է, այժմ այն այնքան մոտ է ձեր գիտակցված ըմբռնմանը, որ ամենն, ինչ ձեզ հարկ կլինի անել, հարցնել աղոթելիս և լսել մեդիտացիայի (խորհրդածում) ժամանակ: Ձեզանից մեծամասնությունն արդեն իրենց հաշիվ է տալիս նրանում, թե որքան արագ են դրսևորվում մտքերը: Ուղղակի նայեք ամենին, ինչ տեղի է ունենում ձեր կյանքում, և փորձեք ամենն, ինչ կարող եք այս անգամ:

[Sambitbaba]

Խորհրդածման (մեդիտացիա) կարևորությունը

Ոչ ոք չի խուսափի Մեծ Անցումից, քանի որ դա Արարչի ծրագիրն է: Իրականում, այն արդեն այստե՛ղ է: Այն կուղեկցվի Ֆոտոնի Էներգիայով (տես գլուխ 4), ինչի ազդեցությունը մենք արդեն զգում ենք: Ամբողջ Երկրային ոլորտը կսկսի անդրադարձվել այդ էներգիայի հետ շուտով` հազարամյակների սահմանն անցնելուց հետո: Նրանք, ովքեր մնում են Երկրի վրա, պետք է արդեն հիմա՛ սկսեն իրենց մարմնի համակարգերի նախապատրաստումը գալիք համբարձմանը:*

Ի՞նչ խրատ կարելի է առաջարկել, որպեսզի օգնել ձեզ ոչ միայն ազատել վախից այդ պրոցեսը, այլ նաև հրապուրիչ դարձնել այն: Սկսեք հիմքերը յուրացնելուց, այնպիսի հիմքերը, ինչպիսին է խորհրդածումը, խորհրդածումը և նորից` խորհրդածումը: Վստահ եղեք, սա տպագրական սխալ չի: Խորհրդածման պարզության միջից դուք կգիտակցեք այն իսկական ներքին ուժը, ինչին տիրապետում եք դուք, բարձրագույն թրթիռային իրականություններին հարմարվելու համար: Եթե դուք չունենաք այդ կարողությունը, դուք կնկատեք, որ սկսում եք միանալ Մայր Երկիրը սնուցող քաոսին:

Դուք պետք է պահպանեք ձեր մտքի պարզությունը, քանզի մարդկանց մեծամասնությունը կնկատի, որ լեփլեցուն է վախով: Ինչպես ես ասացի ավելի շուտ, վախը` միակ բանն է, ինչից պետք է խուսափել, որովհետև այն կաշկանդելու է էվոլյուցիոն ճանապարհը: Հիշեք, որ մենք խոսում ենք ոչ թե աշխարհի վերջի մասին, չնայած փոփոխություններից ոմանք նշանակալի կլինեն: Դուք պետք է պատրաստ լինեք Անցման մեջ բացվող գեղեցկությանը:

Խորհրդածումը` ձեր հիմնաքարն է հետագայում, սկսած այս ակնթարթից, բարեկամներս: Խորհրդածումը` ամենն է, ինչ, իրականում, կա: Դա հավաքավայր է, որտեղ դուք կարող եք կապնվել ձեր ուղեվարների և ձեր բարձրագույն “Ես”-ի հետ: Աղոթքը` երբ հարցնում ես, իսկ խորհրդածումը` երբ լսում ես: Վերջինս բացում է ձեզ դեպի պատասխանը ստանալը` ոչ միայն ուղղակի լսելը, այլ հստակորեն ըմբռնելը:

Թե ինչպես է աշխատում խորհրդածումը, հաճախ սխալ են հասկանում: Խորհրդածումը` ձեր միակ իսկական կապն է ձեր չորս մարմինների համակարգում: Այդ կապը սկսվում է ձեր ֆիզիկական մարմնից, որը կապնվում է ձեր հուզական (էմոցիոնալ) մարմնի հետ: Այնտեղից այն անցնում է մտավոր (մենթալ) մարմին և ավարտում է կապը հոգևոր մարմնի հետ: Ամեն մի մարմին եզակի դեր է խաղում ձեր աճի համար, այնուամենայնիվ, լիովին բարեշրջվելու համար դուք պետք է սովորեք օրգանական ամբողջության մեջ համախմբել ձեր բոլոր համակարգերը: Հենց խորհրդածման միջոցով եք դուք սկսում իսկապես հասկանալ կյանքի իմաստը:



- - - - - - -
* Քանի որ այսուհետև հաճախ է հիշատակվելու “համբարձում” բառը, ցանկանում եմ ձեր ուշադրությանն արժանացնել այն հանգամանքը, որ ժամանակն է հրաժարվել համբարձման մասին մեր նախկին պատկերացումներից: Համբարձումը` Մեծ Անցման կարևորագույն կետերից մեկն է և նշանակում է այն, որ Անցումը մեզ մեծ հնարավորություն է ընձեռնում` մեր ֆիզիկական մարմնի մեջ անցնել մի տարածքից մյուսը: Սա է հենց այն եզակի երևույթը Տիեզերքի ամբողջ էվոլյուցիոն զարգացման մեջ, ինչի մասին խոսում է Նյու Էյջը: (Sambitbaba)

[Sambitbaba]

Երեխաների նախապատրաստումը

Ես խոսում եմ այն փոքրիկների մասին, ովքեր ծնվում են Երկրային տարածքում մեր այս խոսակցության ժամանակ: Նրանք իրենց հետ տեղեկություններ են բերում: Նրանք միակն են, ովքեր եկել են, այսպես ասած, տնից: Նրանք Երկիր են եկել ոչ միայն նրա համար, որպեսզի հաճույք ստանան և դառնան Անցման մի մասը, այլ նաև որպեսզի իրենց հետ հսկայական գիտելիքներ բերեն: Վերջ տվեք նրանց առջև ղունղունալուն, խոսեք նրանց հետ, ինչպես իսկական մարդկանց հետ: Նրանք կպատմեն ձեզ այն, ինչ գիտեն:

Ձեր դելֆինների, կետերի և այլ բարձրագույն արարածների նման, իրենց ուղերձները հաղորդելու համար երեխաները շատ խոսքեր չեն օգտագործում: Ամենը, ինչ ձեզ անհրաժեշտ է անել, պետք է հարցնել փոքրիկ բալիկին. “Դե, ի՞նչ ես դու ցանկանում մեզ ասել”: Հետո տեղավորվեք հնարավորինս հարմար և սկսեք լսել: Դուք կզարմանաք, թե ինչեր նրանք կասեն: Նրանցից քիչ ավելի մեծերը (մինչև 1985 թ. ծնվածները), ստիպված կլինեն նախապատրաստվել, ինչպես մեծահասակ բնակչությունը: Խնդիրն այն է, որ մեծահասակ բնակչությունն առաջադիմում է ոչ այնքան արագորեն, այդ պատճառով մենք, մեր կողմում գտնվողներս, ստիպված կլինենք, այսպես ասած, “թեթևակի հրել” ձեզ:

Մի՛ անհանգստացեք երեխաների համար, բարեկամներս: Նրանք Անցում կմտնեն շատ ավելի բարձր արագությամբ, քանի որ նրանք ստիպված չեն լինի 30, 40 կամ 50 տարիների ընթացքում խորասուզել իրենց Երրորդ Տարածքի մեջ: Նրանք անմիջապես և ամբողջությամբ կմտնեն Անցման մեջ: Երեխաներն ուղերձներ ունեն, և նրանք շատ համոզիչ կարող են լինել նրանում, թե ինչպես դրանք տեղ հասցնեն: Եթե դուք իրոք ցանկանում եք մասնակից լինել այդ պրոցեսին, ուղղակի խնդրեք այդ փոքրիկներին պատմել ձեզ, թե որտեղից է Աստված և ինչ է ճշմարտությունը: Պատասխանները, որոնք դուք կստանաք, կշշմեցնեն ձեզ:

Մի անգամ, “Երեկո Կիրաէլի հետ” հաղորդման ժամանակ, մի պատանի աղջնակ ինձ հարց տվեց. “Կիրաէլ, իսկ Աստված Հայրիկ ու Մայրիկ ունի՞: Եվ եթե ունի, նրանք պետք է իրոք հպարտանան Նրանով, ճի՞շտ է”: Սա` մտածել ստիպող այն սովորական հարցերից մեկն է, որոնք ընդունակ են տալ երեխաները: Ուղղակի սովորեք շփվել կրտսեր սերնդի հետ քիչ ավելի բարձր մակարդակի վրա, և դուք իսկական գիտելիքներ ձեռք կբերեք:

Իմ շնորհավորանքները բոլորին, ովքեր որոշել են դպրոցի ուսուցիչներ դառնալ, քանզի հատկապես այդ տղամարդկության շնորհիվ փոքրիկ երեխաներն ընդունակ են համբարձվել:

[Sambitbaba]

Դուք` Արարիչն եք

Իսկ հիմա, ես կկիսվեմ ձեզ հետ մի հասարակ մտքով: Նախքան կսկսվեր ժամանակի հաշվարկը, Արարիչ Աստված հայացք նետեց Երկիր անունով իր արարման վրա և որոշեց, որ այդ ողջ գեղեցկության մեջ մի տարր է բաց թողնված: Նույնիսկ Իր ամբողջ անսահման իմաստությամբ հանդերձ, Արարիչը չգտավ, թե ինչպես փորձի Իր սեփական ամբողջականությունը: Այդպես, Նա սկսեց կենտրոնացնել Իր մտքի ամբողջ ուժը, ձգտելով իրականացնել դա: Եվ այդ կիզակետում էլ հենց մտադրվեց մարդ էակը: Արարչի Էությունը հնարավորություն ստացավ, թաքնվելով Իր սեփական կրկնօրինակ-ծածկոցի մեջ, վերապրել Իր իսկ սեփական արարումը: Եվ հենց այդպես, բարեկամներս, սկսվեց էվոլյուցիան:

Իր արարման ժամանակից սկսած, մարդկային էությունը ճամփորդում է որպես ամենամաքուր միտք իր միակ ճանապարհով, որպեսզի նորից միասնանա իր Արարչի հետ, հավիտյանս հավիտենից: Եվ ձեզանից յուրաքանչյուրը` այդ մտքի կազմության արդյունք է:

Արարչի Էության նման, որից դուք անբաժան եք, դուք տիրապետում եք արտահայտման (մանիֆեստացիա) ունակությանը: Այդ պրոցեսի մեջ ամեն մեկն իրոք որ կարող է ստեղծել իրականություն, ուղղակի մեծ կրքով կենտրոնանալով իր մտքի վրա: Գիտեցեք, որ եթերային ֆաբրիկա ուղարկված յուրաքանչյուր միտք, որոշակի կենսական կառուցվածք է ընդունում: Ձեր հստակությունը, մտադրությունը և կիրքը որոշում են, թե ո՛ր տարածքում այն կարտահայտվի, ինչպես նաև ժամանակի ինչպիսի ինտերվալ կպահանջվի նրա համար, որպեսզի այն իրականություն դառնա:

Եթե դուք պետք է ընդամենը մեկ գաղափար սերտեիք այս գրքից, ապա այն կկայանար նրանում, որ արտահայտման ուժն անհրաժեշտ է այստեղ և հենց հիմա: Արտահայտման ունակությունը` մի բան է, ինչի մասին ձեզ հարկավոր է գիտենալ: Դուք ծնվել եք այս տարածության մեջ, արդեն իսկ ապահովված հաջողակ լինելու ամեն մի անհրաժեշտ գործոնով: Միակ հարցն է` ե՞րբ դուք կսկսեք բարձրացնել կամավորականորեն ձեր վրա իջեցրած վարագույրը և ձեր լուսային մարմնին կտրամադրեք ազատություն` փորձարկել իր անսահման հնարավորությունները:

Վստահ եղեք նրանում, բարեկամներս, որ ճամփորդոությունն ավարտ չունի, այլ ձեռք կբերի միայն հաճույք ստանալու փորձությունների մի նոր հավաքածու: Սկսեք հենց այժմ հետազոտել էվոլյուցիայի այդ բազմաթիվ ճանապարհները և հիշեք, որ վերջնական նպատակն է. ձեր Ճշմարտության և Լույսի հետ մեկտեղ, վերադառնալ դեպի Արարչի էությունը:

[Sambitbaba]

2.

ՃԱՄՓՈՐԴՈՒԹՅՈՒՆ ՎԱԽԻՑ ԴԵՊԻ ՍԵՐ

Կիրաէլի ճշգրտումերը

ԿԻՐԱԷԼ. Օ՜, ես սիրում եմ այս գլուխը: Իրոք սիրում եմ: Եվ ես կասեմ ձեզ, թե ինչու:

Ճամփորդությունը վախից դեպի սեր` հենց իր, Անցման փորձությունն է, քանի որ մեծամասնությունն այն ամենի, ինչ դուք անում եք Երկրային ոլորտի վրա, արվում է ելնելով վախից: Մի՞թե ձեր մեծամասնությունը չի վճարում իր հարկերն այն պատճառով, որ վախենում է հարկային տեսուչից: Մի՞թե ձեր մեծամասնությունն իր աշխատավայրում չի անում այն, ինչ անում է, որովհետև վախենում է զրկվել աշխատանքից: Մի՞թե ձեր մեծամասնությունը չի դաստիարակում իր երեխաներին այն պատճառով միայն, որ վախենում է անհաջողության մատնվել: Այս ճամփորդությունը, բարեկամներս, վախից դեպի սերն է:

Եթե վախը մեկ անգամից ավել ձեզ ծնկի է դրել, տոնեք այդ: Դուք ասում եք. “Վարպետ Կիրաէլ, ես պետք է տոնեմ այն, ինչ ինձ ծնկի է բերո՞ւմ”: Այո, դուք պետք է տոնեք այդ, քանզի, գիտե՞ք ինչ, երբ ձեզ ծնկի են բերում, մի՞թե դուք չգիտեք, որ հենց այդ ժամանակ եք սկսում աղոթել: Աղոթել աղոթքներ ոչ թե կրոնական փորձի, այլ աղոթքներ հստակության, աղոթքներ, փոխանցված ճամփորդության ամբողջականության մեջ:

Օ, այո՛: Եվ հետո, մի օր, դուք սկսում եք իրականացնել Մեծ Անցումը և ուղղակի ասում եք. “Բավակա՛ն է: Հերի՛ք է վախենալ”: Դուք ասում եք. “Վարպետ Կիրաէլ, կարո՞ղ է դա արդյոք այդքան հեշտ լինել”: Դե, ես երբեք չեմ էլ ասել, որ դա հեշտ է: Ես կհարցնեմ ձեզ. “Դուք կարծում եք, ճամփորդությունն արժե՞ր դրան”: Քանզի, գիտե՞ք, եթե այո, ուրեմն հենց այդ ամենի մասին էլ խոսվում է տվյալ գլխում. Այն` վախից դեպի սերը ճամփորդության մասին է:

Այն մասին, որ մի օր դուք կարթնանաք ու կասեք ձեզ. “Ես չունեմ ոչինչ, ինչից պետք է վախենամ, որովհետև Արարիչը սիրում է ինձ”: Դուք արթնանում եք մի օր և ասում եք. “Գիտե՞ս, թե ինչ ես հասկացա: Արարիչը սխալներ չի գործում: Որովհետև այս կյանքում ամեն ինչ հենց այնպիսին է, ինչպես ասում էին նախկինում. կատարյալ":

Ոմանք ձեզանից, սա կարդացողները, - մի՞թե դուք չգիտեք, որ դեռ ծնկի էլ չեք եկել, իսկ արդեն կռիվ եք տալիս ամենի հետ, ինչի հետ որ կարող եք, և աղոթում եք վախին: Բայց մի օր, այս գրքի բավական քանակությամբ էջեր կարդալուց հետո դուք կարթնանաք: Ես խոստանում եմ, որ գիշերվա կեսին դուք կարթնանաք խորը քնից ու կասեք. “Օ՜, Աստված իմ, սա իրոք որ Մեծ Անցում է Գիտակցության մեջ”:

Ես ասում եմ բոլորին անխտիր, ով կկարդա սա. եկել է ժամանակը բաժանվել ձեր վախերից, բացել ձեր սիրտը ձեզ շրջապատող սիրոն ընդառաջ: Օ՜, մի՛ փնտրեք այն ձեր կյանքի գործընկերների մեջ, նրանք աշխատում են ճիշտ նույնպես, ինչպես դուք: Բայց դուրս եկեք փողոց, երբ այսօր կարդալը վերջացնեք: Գտեք ձեզ մի հիանալի ծառ, գտեք ձեզ մի ծաղիկ, գտեք ձեզ մի կարկաչուն առվակ, և դուք կիմանաք, թե ով է սիրում ձեզ ամենից շատ: Ձեր Արարիչն է սիրում ձեզ, որովհետև այստեղ այս ամենը Նա ձեզ համար է ստեղծել:

Եվ դուք ամեն օր թռչում եք գլխակոտոր այս ամենի կողքով ու երբեք ոչինչ չեք նկատում: Ձեր առջև ձեր ճանապարհն եք տեսնում միայն, որովհետև վախենում եք ուշանալ այնտեղ, ուր ճանապարհ եք ընկել: Եվ երբ վառվում է կարմիր լույսը, և ձեր մատները ներվային սկսում են նվագել ղեկի վրա, և դուք զգում եք, որ ձեր կրծքավանդակում անբավարարվածությունն է աճում, հիշեք այս խոսքերը. Արարիչը սխալներ չի գործում: Ճիշտ նույնպես, ինչպես և դուք:

Խորը շունչ քաշեք: Նայեք ա՜յ, այնտեղ, այն սիրալիր տղամարդու կամ այն լավիկ կնոջ վրա: Նայեք ծաղկավաճառ տիկնոջ վրա: Նայեք ձեզ շրջապատող շենքերի երեսապատվածքին: Եթե Դուք ասեք. “Բայց, Վարպետ Կիրաէլ, իսկ ի՞նչ, եթե նրանք կեղտոտ են”, - այդ ձեր մեջ վախը խոսեց: Պատկերացրեք նրանք մաքուր ու թարմ ներկած, կամ լրիվ նոր: Եվ պատկերացրեք, թե ինչիսի՞ տեսք կուզենայիք, որ աշխարհն ունենար, և այդ ժամանակ դուք ճամփորդություն կկատարեք վախից դեպի սեր: Դուք հասկանո՞ւմ եք սա:

[Sambitbaba]

ԿԻՐԱԷԼ. Մարդկանց հսկայական քանակություն այստեղ, Երկրի վրա, ապրում է կորցնելու վախի մեջ: Ինչ-որ տեղ, բարեկամներս, նրանք սկսեցին լսել վախի մասին և հեռացան սիրուց: Նրանց իսկական վախն, ըստ էության, այն է, որ նրանք էլ երբեք չեն կարողանա գտնել իրենց տունդարձի ճանապարհը դեպի Մեծ Արարիչը: Այդ վախի մեջ նրանք ստեղծեցին իրենց սեփական աճը կաշկանդող հավատամքների բազմաթիվ համակարգեր: Ապաքինումը կվերածնի նրանց իրենց մեջ կենտրոնանալու ունակությունը, կազատի վախից և նորից կներմուծի սիրո էությունը:
Մենք փորձում ենք օգնել մարդկանց հասկանալ, որ դա` ապաքինումն է, դա հստակություն է և համակենտրոնացում քո ներսում: Դա անհրաժեշտություն է հասնել քո ներքին էությանը, որպեսզի համոզվես, որ սիրտդ բաբախում է մաքրության և հստակության մեջ: Բարեկամներս, դա հաղթահարումն է բոլոր վախերի, որոնք ձեր կյանքի մի որոշակի մասն են հանդիսանում: Դա հասկացումն է, որ այդ վախն ինքներդ եք ձեր վրա բարդել, և որ սերը` իրականում ընդամենը “անջատիչը մատով վառելու” հեռավորության վրա է գտնվում ձեզանից:

Դուք կարող եք ասել. “Կիրաէլ, ես չեմ ցանկանում ինձ վրա այդպիսի պատասխանատվություն վերցնել: Ես չեմ ցանկանում, որ ինձ հարկ լինի ամբողջ ժամանակ դրական մտածել”: Ես ասում եմ ձեզ, բարեկամներս, լավ կլինի, եթե դուք ինքներդ ձեզանից գլուխ հանեք: Եթե ցանկանում եք, որ ձեր կյանքում լավ բաներ լինեն, դուք ստիպված եք սկսել մտածել նրանց մասին հենց հիմա: Դուք շատ ավելի երջանիկ կլինեիք, եթե “կուլ չգնայիք” բացասականությանը: Կգա էվոլյուցիոն ճամփորդության պահը, երբ վախն էլ չի կարողանա դեկավարել ձեր քայլերը: Դուք կսիրեք ձեզ չափազանց շատ, որպեսզի թույլ տաք անել դա: Ձեր էվոլյուցիոն ճամփորդության բանալին, բարեկամներս, - սերն է: Սիրո մեջ հնարավորություն կա գտնել ա՛յն ներքին խաղաղությունը, ինչը դուք փնտրում եք:

Ճամփորդությունը լիքն է հուզիչ տեսանկյուններով, որոնք “փորձություններ” են կոչվում: Այն թույլ է տալիս էվոյլուցիային կյանքի յուրաքնչյուր ակնթարթի բնական մասնիկը դառնալ: Մարդկանց մեծամասնությունն այստեղ, Երրորդ Տարածքում, ավելի մտահոգված է իր մի որևէ նպատակով, քան նրանով, թե ի՞նչ է իրեն իրականում հարկավոր այդ նպատակին հասնելու համար: Ես հազվադեպ եմ վկայակոչում բացարձակը, բայց սա թող բացառություն լինի: Վերջնական արդյունքների վրա կենտրոնանալը դանդաղեցնում է ձեր աճը, քանզի մեծամասնությամբ, վերջնական արդյունքը բոլորովին էլ այնպիսին չէ, ինպիսին որ դուք նրան պատկերացնում եք: Այն մշակելու ամենալավ միջոցը` լրիվ կենտրոնանալն է այն բանի վրա, թե ինչ եք դուք ցանկանում առաջին հերթին: Եվ հենց որ այդ պարզեք, իսկույն սկսեք ճամփորդությունը: Երկրի վրա ձեր ժամանակը սահմանափակ է, այնպես որ իրոք իմաստ ունի ձեր ամեն մի վայրկյան ապրել իմաստուն: Վայելե՛ք ձեր ճամփորդությունը:

Ապաքինեք ձեր ներքին ոգին, հոգու գիտակցությունը: Երբ այն ապաքինվի այն աստիճանի, որ դուք սկսել հասկանալ ու սիրել վախն այն բանի համար, թե ինչ կարող է նա ձեզ առաջարկել, դուք ավելի ու ավելի կմոտենաք նրա բացակայությանը: Որքան ավելի ապաքինված եք դուք դառնում, այնքան ավելի քիչ եք տեղ տալիս վախին ձեր կյանքում: Որքան ավելի արագ եք ապաքինվում, այնքան ավելի արագորեն եք հասկանում ճամփորդությունը, որն, այսպես թե այնպես, ճամփորդություն է հանդիսանում դեպի սեր:

Արարչի էության մեջ ճամփորդությունը ոչ այլ ինչ է, քան սեր, մաքուր սեր: Արարումը հիմնված է սիրո վրա, բայց նրա համար, որպեսզի դուք ապրեք Երրորդ Տարածքի փորձը, Արարիչը թույատրեց վախը: Ձեզ անհրաժեշտ է միայն որոշել ապաքինվել վախից, բարեկամներս, և դուք` սիրո մեջ եք:

[Sambitbaba]

Ճշմարտություն, վստահել, կիրք

Ճշմարտության, Վստահելու և Կրքի Եռամիասնությունն ամրապնդում է սիրո ապաքինմունը մարդու ներքնաշխարհում: Եթե դուք ամբողջականացնեք այս եռամիասնությունը ձեր կյանքի բոլոր տեսանկյուններում, ձեր կատարած ընտրությունները ձեզ հավասարակշռություն և հնարավորությունների իրականացում կբերեն: Դա սիրո հիմքն է: Նայեք դրան, ինչպես եռոտանի աթոռի. եթե մի ոտքը մյուսներից կարճ է, աթոռը ճիշտ չի կանգնի: Կարճեցրեք ոտքերից յուրաքանչյուրը մինչև մի որոշակի աստիճան, և աթոռը շուռ կգա: Հենց այդ պատճառով մենք եռամիասնությանն այդքան մեծ նշանակություն ենք տալիս:

[Ֆոտոն]

Փորձում եմ կարդալ: Նախաբանները շատ էին, արդեն անցել եմ: Ինձ հետաքրքիր է, գիրքը հայերեն ո՞վ է թարգմանել, ենթադրում եմ, որ գրողը հայ չի: Եվ ինչու՞ է Կիրաէլ, այլ ոչ Կիրաել:

Ճիշտն ասած՝ շատ երկար-բարակ է շարադրված, փորձում եմ հաղթահարել, միտքը բառերից քիչ է: Կարծիքս այսքանն է այս պահին:

[Sambitbaba]

Փորձում եմ կարդալ: Նախաբանները շատ էին, արդեն անցել եմ: :)) Ինձ հետաքրքիր է, գիրքը հայերեն ո՞վ է թարգմանել, ենթադրում եմ, որ գրողը հայ չի: Եվ ինչու՞ է Կիրաէլ, այլ ոչ Կիրաել:
Ճիշտն ասած՝ շատ երկար-բարակ է շարադրված, փորձում եմ հաղթահարել, միտքը բառերից քիչ է: Կարծիքս այսքանն է այս պահին:

Ուրախ եմ արձագանքիդ համար, սիրելի Ֆոտոն: Փորձեմ պատասխանել հարցերիդ:

Անգլերեն գիրքը վերահրատարակվել է մի քանի անգամ, իսկ ռուսերեն՝ ես հաստատ գիտեմ երկու հրատարակչությունների մասին: Եվ այդ պատճառով էլ՝ մի քանի նախաբաններ, տարբեր հրատարակչությունների համար: Իսկ հայերեն թարգմանում է ձեր խոնարհ ծառան, այնպես որ, նախապես ներողություն եմ խնդրում լավ ու վատի համար:

Կիրաէլ է այն պատճառով, որ անգլերեն այդպես է հնչում Kirael բառը, և ռուսներն էլ նույն կերպ են թարգմանել՝ Kираэль: Եթե ես թարգմանեի "ե"-ով, ուրեմն հնչելու էր Կիրայել, իսկ ես չեմ կարծում, որ այդպես ճիշտ է:

Գրողը՝ Ֆրեդ Սթերլինգը, հավայացի է, ապրում է Հոնոլուլույում: Բայց ես չէի ասի, որ "Մեծ Անցումը"՝ նրա ստեղծագործությունն է: Սթերլինգն ուղղակի փոխանցք է՝ այս գիրքը մեզ հասցնելու համար, քանի որ նյութը նա ստանւմ է Կիրաէլից, հաղորդատվության /չեննելինգ/ միջոցով: Այլ կերպ ասած, այդ Կիրաէլն է խոսում մեզ հետ Սթերլինգի մարմնի օգնությամբ: Այն, ինչ հաղորդվում է Սթերլինգի հաղորդատվության ժամանակ, անմիջապես ձայնագրվում է, որովհետև Սթերլինգն ինքը՝ իր հաղորդածից ոչինչ չի հիշում:

Ֆոտոն ջան, եթե ճշմարիտը խոսենք, շատ հնարավոր է, որ ես էլ որոշ չափով համաձայն եմ քո ասած "երկար-բարակի" հետ: Բայց և այնպես, ես ինձ իրավասու չհամարեցի կրճատել ըստ իմ հայեցողության: "Ինչո՞ւ" հարցն այստեղ մի քանի պատասխաններ ունի:

Նախ, որ Կիրաէլը մարդ չէ, և հետևաբար, նրա գիտակցությունն էլ մարդկային չէ: Եվ Աստված գիտի, թե ինչ աշխատանք է նա կատարում, իր մտածելակերպը մարդուն հասկանալի դարձնելու համար: Ես վաղուց եմ ծանոթ հաղորդատվությունների միջոցով մեզ հասնող գրականությանը և ասեմ, որ այն իրոք որ տարբերվում է մարդկային մտածելակերպից: Առաջին հայացքից այն սովորաբար շատ պարզ է թվում: Բայց փորձը ցույց է տալիս, որ ամենամեծ մտքերը՝ սովորաբար հենց ամենապարզ ձևով էլ ասվել են: Եվ դրա հետ մեկտեղ, ասենք, "Գիրք Ուրանտիայի" աշխատությունը, մարդկային մտքին հասանելի դարձնելու համար թարգմանվել է յոթանասուն՝ ոչ թե լեզվով, - մակարդակով:

Հետո, ինչպես Կիրաէլը, այնպես էլ նրա պես շատերը՝ Քրայոն, Ռամթա, Բաշար, Հայա, Էլ Մորիա, Սեն Ժերմեն և այլն, - ասում են, որ իրենց տված տեղեկությունները մեզ են հասնում ոչ թե մի գծով, ինչպես մենք սովորել ենք ընկալել, այլ պարուրաձև, առաջին հայացքից ասես թե անընդհատ նույն տեղում պտտվելով, բայց իրականում այդ պտտույտներից ամեն պտույտն ավելի ու ավելի է լայնանում քո գիտակցության շուրջ, դրանով ավելի ամբողջական դարձնելով քո իմացածն ու հասկացածը:

Գիտենալով այս ամենը, ես ինձ իրավունք չվերապահեցի՝ ըստ իմ ցանկության չափել ու ձևել այս գիրքը, և որոշեցի տեղ հասցնել այնպես, ինչպես որ կա, առավել ևս, քանզի համոզված եմ, որ յուրաքանչյուր ոք կընկալի այն ըստ իր հայեցողության, ու նաև հուսով եմ, որ շատերն անգամ կցանկանան վերընթերցել այսն, քանի որ այնտեղ խոսվում է մարդկության համար շատ կարևոր, և դրա հետ մեկտեղ հետաքրքիր ու հաճելի բաների մասին: Ինչպես նաև սովորեցնոմ է սիրել և գնահատել դիմացինիդ և ինքդ քեզ՝ ըստ արժանավույն:

[Sambitbaba]

Ճշմարտություն

Ճշմարտությունը` էություն է, որից ծավալվում են բոլոր իրականությունները: Դա ոչ միայն խոսք է, այլ նաև լիիրավ հասկացում, թե ինչպես է աշխատում կյանքը: Գոյություն չունեն այնպիսի բաներ, ինչպես կիսաճշմարտություն, ճշմարտություն տարբեր նրբերանգներով, կամ, լավագույն հասկացություններից մեկը` խաբկանք հանուն փրկության: Ես խոսում եմ այդ մասին, քանի որ երբ դուք սկսեք մշտապես ձեզ ճշմարտության մեջ զգալ, ձեզ դուր չի գա այն զգացմունքը, որը դուք ապրում եք, երբ սուտ եք լսում: Որքա՞ն հաճախ եք դուք ստել, իսկ հետո ստիպված եք եղել ստել էլի մի քանի անգամ էլ, որպեսզի թաքցնեք առաջին սուտը: Երբ դուք կանգնեք բացարձակ ճշմարտության ճանապարհին, հավատացեք ինձ, հետդարձի ճանապարհ այլևս չի լինի:

Ճշմարտության ամենակարևոր բաղադրիչներից մեկն է սերը դեպի քեզ, ինչը նշանակում է` ճշմարիտ լինել ինքդ քեզ հետ: Սովորաբար դուք հենց այդպիսին էլ կաք, քանզի ձեր էությունը` լիակատար սեր հանդիսացող Արարչի էությունն է: Ձեր հասարակարգի մեջ ձեզ սովորեցնում են օգնել և սիրել ուրիշներին, բայց դուք չսովորեցիք սիրել ինքներդ ձեզ: Եթե դուք հագեցնեիք ձեզ սիրով, դուք այնքան կլցվեիք նրանով, որ կկարողանայիք կիսվել ուրիշների հետ: Ամենագլխավոր մարդը, ում պետք է սիրել` Դուք եք:

Բոլորին սեր է հարկավոր: Եթե դուք չեք սիրում ձեզ, դուք փնտրում եք սերը մի ինչ-որ ուրիշ տեղ, հաճախ փոխարինելով այն այլ բաներով, օրինակ, թմրադեղերով ու ալկոհալով, իսկ ավելի հաճախ` վատ վերաբերվելով ուրիշ մարդկանց “Ես”-ի հետ: Իսկ երբ ձեր կյանքի մեջ ընդունում եք բացարձակ Ճշմարտությունը, ակնհայտ է դառնում, որ Ճշմարտությունն, իրականում, սերն է դեպի ինքդ քեզ:

[Sambitbaba]

Վստահել

Վստահելն ամբողջովին հասկանալու համար, դուք պետք է գիտակցեք այն գիտելիքի ուժը, որը ձեռք եք բերում, գտնվելով ձեր ճշմարտության մեջ: Որպեսզի տրամադրվեք վստահել, դուք պետք է հասկանաք, որ այն տեղի է ունենում ավելի խոր մակարդակի վրա, քան դուք, հնարավոր է, պատրաստ եք զգալ: Վստահելն ավելին է, քան խոսքը, դա` արձագանք է: Ե՛վ անհատական հարաբերություններում, և՛ առևտրական գործարքի մեջ կիրառվում են միևնույն կանոնները: Հենց որ ձեզ մոտ ի հայտ է գալիս վստահելու զգացումը, իմաստ ունի այն պահպանել: Երբ վստահելու էությունն ապահով պաշտվանված է, ձևավորվում են նոր իրականություններ, քանի որ ձեզ` ի հակառակ վախի, - բերում են սիրո մակարդակի վրա որոշումներ ընդունելուն:

Երբ դուք նկատում եք, որ վստահելը դառել է ձեր ամենօրյա կյանքի մասը, դուք կարող եք, բառացիորեն, սկսել առաջընթացը դեպի ավելի բարձր մակարդակներ: Երբ դուք խոստովանեք, որ վստահումը շատրվանի պես հորդում է ձեր ինտուիցիայի միջից, այդժամ ձեր աճը կդառնա ինտուիցիային վստահելու արվեստը:

[Sambitbaba]

Կիրք

Կիրքը` զգացմունք է, ուրախալի հուզմունք, կյանքի համը: Կրքոտ լինելու համար, սերն ամբողջությամբ զգալու համար, ձեզ հարկավոր է սեղմ հարաբերությունների մեջ լինել ձեր հույզերի հետ: Ես հիմա չեմ ասում, թե վատ է պատկանել անալիտիկ տիպի: Ինչպիսին էլ լինեք, միևնույն է դուք` կատարյալ եք, բայց, իրականում, դուք ձգտում եք հենց մտքի և հույզերի բալանսին:

Երեխաները` դա կիրք է: Նրանք` զգացմունքներից ամենամաքուրն են “այժմ և այստեղ”: Նրանք գալիս են առանց դատողությունների, քանի որ նրանց մեծամասնությունն ապրում է կատարյալ աշխարհում: Երբ այն կատարյալ չէ, երեխաներն առանց մտորելու հայտնում են այդ մասին բոլորին: Նրանց աշխարհը բաղկացած է, հիմնանում, զգացմունքներից: Երբ նրանց Վստահելն ու նրանց Ճշմարտությունը փորձության են ենթարկվում, նրանք, առանց խոդհրդածելու, սրբագրում են իրենց զգացմունքները: Սակայն, որոշակի տարիներ շարունակ տարբեր ծեծված գաղափարներ օգտագործելուց հետո, նրանք հրաժարվում են մանկական անմեղությունից և սկսում են ընդունել որոշումներ, հիմնվելով իրենց մասին ուրիշների դատողությունների վրա:

Անցյալի թողած սպիների պատճառով, դուք հաճախ եք կաշկանդում ձեր զգացմունքները: Հավատացեք, որ ամենն, ինչ տեղի է ունեցել, ցավը ներառյալ, - կատարյալ է, և դա հենց այն է, ինչ ծրագրավորել է ձեր բարձրագույն եսը: Հավատացեք, որ ձեր բարձրագույն եսը ցանկացել է, որ դուք փորձարկեք այդ այսպես կոչված “ցավը”, որպեսզի հնարավոր լինի ուսումնասիրել այն և սովորել վստահել, ներել ու սիրել: Այդժամ դուք իրոք, ավելի խորը մակարդակի վրա, կհասկանայիք բոլոր այս ըմբռնումների նշանակությունը: Դուք կկարողանայիք ազատվել զայրույթից և թույլ տալ ձեզ վերապրել ձեր զգացմունքները:

Դուք հաճախ չեք արտահայտում ձեր իսկական զգացմունքները, քանզի վախենում եք, թե ի՞նչ կմտածեն ուրիշները: Հնարավոր է, դուք վախենում եք, որ ձեզ կդատապարտեն: Թույլ տվեք ձեզ ապրել ձեր բոլոր լավ ու վատ զգացմունքները, առանց դատողությունների: Եթե դուք ընկճված եք, խոստացեք զգալ դա, քանզի դա մարդկային գոյատևության մի մասն է: Ազատվեք “Ես պետք է ինձ զգամ ա՛յս կերպ” դատողությունից: Եթե դուք չեք կաշկանդում ձեր զգացմունքները, դուք կզգաք ճնշվածության ամբողջ խորությունը: Հույզերը կյուրացնեն իրենց ճանապարհը ձեր մեջ, որպեսզի դուրս պրծնեն:

Եթե դուք ինչ-որ հույզ եք ապրում, գիտեցեք, որ ինչ էլ որ դուք ապրեք, կատարյալ է: Հավատացեք, որ դա հենց այն է, ինչ որ ձեր բարձրագույն եսը մշակել է ձեր աճի համար, և, վերջին հաշվով, այդ զգացմունքը կյուրացնի իր ճանապարհն ու ազատ կարձակվի: Դուք մաքրություն կզգաք, քանզի հույզը յուրացրել է իր ճանապարհն առանց խոչընդոտների: Եվ երբ դուք ձեզ թույլ տաք բացասական հույզեր ապրել, ուրեմն դրական հույզերը շատ ավելի մեծ էներգիայով կզգաք: Սա այն մասին էր, թե ինչպես զգալ կիրք և բացել քո սիրտը:

Կիրքը` ամեն ինչ անելն է իրական մտադրությամբ: Եթե դուք չեք կարող կիրք ներդնել, եթե դուք չեք կարող ներդնել այդ զգացմունքը, ուրեմն մի՛ արեք, ինչ որ ցանկանում էիք անել: Հնարավոր է, որ դուք կասեք. “Ես չեմ կարող ամբողջ ժամանակ կիրք զգալ”: Ո՛չ, կարող եք: Կիրքը` ամեն ինչի մեջ Լույս տեսնելն է:

[Sambitbaba]

Դաստիարակություն

Որպես Լույսի Էություն, դուք մուտք եք գործում Երկրային ոլորտ և սկսում եք գործել ձեր ֆիզիկական մարմնավորման խտության մեջ: Ձեր կյանքի ճամփորդությունը սկսվում է այն փոխհարաբերություններից, որոնք դուք հաստատում եք նրանց հետ, ով հոգ է տանում ձեր մասին. ավելի հաճախ, դա ձեր ծնողներն են: Ծնողների և երեխաների միջև փոխհարաբերությունների ծավալումը ձեր ապաքինման ճամփորդության մեջ շատ դասեր է պարունակում:

1987 թվականից հետո* ծնված երեխաները` “Անցման երեխաներն” են: Նրանք այդ անունն են ստացել այն պատճառով, որովհետև, փաստորեն, ընտրություն են կատարել հենց հիմա գտնվել Երկրի վրա, որպեսզի ապրեն Անցումը: Նրանցից շատերն ապրել են նաև այն ժամանակներում, երբ Հիսուսն էր քայլում Երկրի վրա: Նրանք զգում էին, որ այն ժամանակ իրականապես չապրեցին Անցման գաղտնիքը, և այդ պատճառով համբերատար սպասեցին ներկա ժամանակվան: Նայեցեք ուշադիր այդ երեխաներին, և դուք կտեսնեք, թե ինչպես են նրանք տարբերվում նախկին սերունդներից: Չի՞ թվում ձեզ արդյոք, որ նրանք ավելի առաջադիմորեն են իրենց ինտուիցիան օգտագործում և չգիտես ինչու պահում են իրենց այնպես, կարծես ձեզանից մեծ լինեն:

Յուրաքանչյուր փոխհարաբերություններում, հատկապես, եթե դուք ծնողական պարտականություններն եք կատարում, ապրեք Ճշմարտության, Վստահելու և Կրքի եռամիասնության հետ համապատասխան: Երբեմն, ծնողական պարտականությունները կատարելիս, դուք մոռանում եք այդ սկզբունքները, քանզի դա այն ճանապարհը չէ, որով ձեր ծնողներն էին գնում: Ներկայիս ծնողները ստիպված են իրենց քիչ այլ կերպ պահել:


- - - - - - - - - -
* Այլ սկզբնաղբյուրներ ասում են, որ այդ երեխաները սկսեցին Երկիր գալ, սկսած 1978 թվականից (Sambitbaba):