ԿԻՐԱԷԼ. Թող ձեզ հայտնի լինի, բարեկամներս, որ երբևիցէ Երկրի վրա քայլող մեծագույն Վարպետներից մեկը խնդրում է, որ ձեր խիզախությունը, հավատը և պատրաստակամությունը` մի ամբողջականություն դառնան: Ձեզանից ոմանք կոչում են Նրան “Հիսուս Քրիստոս”: Ձեզանից ոմանք կոչում են Նրան “Քրիստոս”: Ձեզանից ոմանք կոչում են Նրան ուղղակի “Հիսուս”: Եթե դուք դեմ չեք, ես կկոչեմ Նրան “Վարպետ Հիսուս””:
Բեթղեհեմում, Մարիամի և Հովսեփի ընտանիքում ծնված Վարպետ Հիսուսի էներգիան Երկրային ոլորտ է բերվել, որպեսզի իր դերը խաղա: Դա բացարձակ հիասքանչ էներգիա էր: Ձեր տարեգրական պատմությունը պնդում է, որ Նա սկսեց հրաշքներ գործել, երբ դեռ տասներեք տարեկան էր: Իրականությունն այն է, որ Նա սկսել է դա շատ ավելի առաջ, բայց այդ հրաշքները չեն ճանաչվել, քանզի Նա ձգտել է ուշադրություն չգրավել Իր վրա:
Մոտավորապես երեսուն տարեկանում Վարպետ Հիսուս սկսել է Իր անձնական մաշտաբային Անցումը: Ոմանք կարող են պնդել, որ Վարպետ Հիսուսի կենսական ուժի էներգիան վերակարգավորվել է, և ամենը, ինչի նա ձեռնամուխ է եղել դրանից հետո, նոր և նույնիսկ ավելի իմաստավորված գոյություն է ձեռք բերել: Այս հանգամանքը հայտնի կդառնա որպես “կենսական ուժի անցում” և երանելիորեն կճանաչվի որպես Քրիստոսի Գիտակցություն:
Քանզի մի անգամ Նա, ուրիշ մահկանացուների հետ մեկտեղ հերթի մեջ կանգնած, սպասում էր, մինչև Հովհաննեսը կկնքի իրեն հանուն Իր Հոր: Նրա կողքը կանգնած ժողովրդի բազմությունը ցնցում ապրեց, ականատես լինելով Վարպետ Հիսուսի փոխակերպմանը: Այնպիսի տպավորություն էր, որ ամբողջ կյանքը մի նոր իրականություն տեղափոխվեց: Շառաչող ալիքի պես, Արարչի Էներգիան համակեց Վարպետ Հիսուսին: Այժմ Վարպետը նորից վերամիացավ Իրեն նվիրած ուժերի հետ, և Նա աշխարհ մտավ, որպեսզի համայն մարդկության բուժարարը դառնա:
Բոլորին, ով պետք է նկարագրեր Վարպետ Հիսուսի առաքելությունը, պարզ էր, որ ճշմարտությունը, որը Նա եկել էր տարածելու ամբողջ Երկրի վրա, - “Ապաքինում Սիրո միջոցով” ուղերձն է: Այդ բառերը կարող են արտասանվել երկու վայրկյանում: Բայց և այնպես, այն օրը և այն ժամանակ մարդկությանը չհաջողվեց ճիշտ հասկանալ Նրա պնդումը. “Ինչ էլ որ ես անեմ, կարող եք նաև դուք”: Նա իրոք ցանկանում էր, որպեսզի աշխարհը գիտակցի. հենց որ դուք հասկանաք, որ սերը կդիմանա բոլոր Անցումներին, այդժամ ամեն ինչ, ներառյալ Մայր Երկիրն ապաքինելու իրականությունը, - ուրախ իրադարձություն կդառնա, այնպիսի, ինչպիսին էլ հենց այն պետք է լինի: Ղեկի մոտ կանգնածներն այլևս չեն կարող վախի վարագույրի տակ պահել մեծամասնությանը: Քանզի հենց Մեծ Անցումը կբարձրացնի ձեր թրթիռներն այնքան, որպեսզի դուք գիտակցեք, որ սերը կհաղթի ամեն ինչ:
Շատ տարիներ առաջ, դեռևս փարավոնների ժամանակներում, պատմությունը բերնեբերան էր փոխանցվում: Օրինակ, գրքերը, որոնցից կազմվեց Աստվածաշունչը, մի քանի հազարամյակների ընթացքում բանավոր խոսք էին, որ փոխանցվում էին սերնդե սերունդ: Վերջիվերջո, այդ պատմությունները գրի առնվեցին ու թարգմանվեցին բազմաթիվ լեզուներով: Սակայն այլևայլ պատճառներով, այդ ընթացքում բնագրերը փոփոխությունների ենթարկվեցին: Ակաշայի Լրատուների օգնությամբ ես ցանկանում եմ փորձել ձեզ համար վերականգնել տեղեկությունների մի մասը: Ակաշան` տարածք է, որտեղ գրի է առնվում ամենը, ինչ երբևիցէ տեղի է ունեցել կամ տեղի կունենա: Ամեն ոք կարող է անդրադառնալ այդ գրություններին, բայց առայժմ, քանի դեռ դուք բավական փորձ չունեք դրանում, թույլ տվեք թարգմանել ձեզ համար:
Գիտեցեք, որ ես այստեղ եմ ոչ թե նրա համար, որ վիրավորեմ ինչ-որ մեկի, հատկապես նրա կրոնական համոզմունքները: Եվ նմանապես կարիք չունեմ ապացուցել իմ իրավացիությունը, քանզի չունեմ անհրաժեշտություն ընդհանրապես ինչ-որ բան ապացուցել: Ես ցանկանում եմ ընդամենը փորձել ձեզ ցույց տալ իրերի վրա հայացքի մի այլ ճանապարհ, և շարադրում եմ ուղղակի փաստերի շարք, որը Ճշմարտություն եմ համարում:
Կրոնը` Վարպետ Հիսուսի ուսմունքի մեկ մասն էր ընդամենը: Նա արդարև հարմարեցրել էր Իր էներգիան Երկրային ոլորտի հետ այնպես, որպեսզի բոլորը գիտակցեն, որ ամեն մարդ կատարելապես տիրապետում է իր չորս մարմինների համակարգին, որը բաղկացած է առաջին հայացքից իրարից բաժան թվացող թրթիռներից. ֆիզիկական, զգայական, մտավոր և հոգևոր: Եթե թերթեք Աստվածաշունչը, կգտնեք քաղվածքներ այս բոլոր չորս մարմիններն ապաքինելու Հիսուսի հնարավորությունների մասին: Երբ տեղի է ունենում չորս մարմինների միացումը, Տիեզերքում սկսում են հրաշքներ ծաղկել:
Աստվածաշնչում շատ պատմություններ կան Վարպետ Հիսուսի և Նրա հիանալի աշխատանքի մասին: Սակայն մեկնիչը հազվադեպ է հասնում այն վառ էներգիայի իսկական ըմբռնմանը, որը կարող էր ներմուծել Վարպետ Հիսուս: Նրանք, ովքեր ճամփորդում էին Վարպետի հետ միասին, համախմբվեցին մտքի էներգիայի մի հսկայական, անվախ, միասնական համամտքի (մաստեմայնդ) մեջ, որպեսզի հզորացնեն չորս մարմինների Ճշմարիտ ապաքինումը:
Հաճախ հարց է ծագում. “Եթե Վարպետ Հիսուս տիրապետում էր ապաքինման այդպիսի ուժերի, ինչո՞ւ ամբողջական պայծառացման մեջ ընկան ընդամենը սակավաթիվ ընտրյալներ, այլ ոչ ամբողջ մարդկությունը”: Ճշմարտությունն այն է, որ կային նրանք, ովքեր, իրականում, չէին ցանկանում ապաքինվել: Պատճառները շատ են, չնայած մեծամասնությունը դրանց հետ չէր համաձայնվի: Նույնիսկ այսօրվա աշխարհում միևնույն հիվանդությունից կարելի բուժել ոմանց և ոչ` ուրիշներին: Վարպետը միշտ հարգանքով է վերաբերվում մարդկանց ազատ ընտրությանը: Հրաշքը երբեք տեղի չի ունենում առանց կրքոտ խնդրանքի:
Վարպետ Հիսուսի ուսմունքներն այնքան հսկայական են, որ գրված խոսքի ամբողջ հատորեներ են հարկավոր, որպեսզի նկարագրվեն Նրա գործերից ամենահասարակներն անգամ: Շատ պատմությունները կարելի է մեկնաբանել այնպես, ասես Վարպետ Հիսուս դատում էր, թե ով է ճիշտ և ով է սխալ: Իրականում, Նա իր առաքելությունն էր կատարում առանց վախի և դատողության, քանզի դրանք չէին անդրադարձվի Նրա ուսմունքների հետ: Նրա իսկական ուղերձն էր Սիրո և Ապաքինման վրա հիմնված Ճշմարտությունը: Վարպետ Հիսուս մի տեղ նկարագրել է Սերը` որպես Լույսի ամենամաքուր մտքի կուտակում, որը գալիս է ստացողի էությունը փայփայող Աղբյուրից: Ինչպե՞ս կարելի էր մտածել, որ նման էներգիան կարող է դատել իր եղբայրներին և քույրերին:
Այս գիրքը կարդացող քանի՞ մարդ է համարում, որ իր իրականության հիմնական խնդիրն է փողը կամ նրա չլինելը: Քանի՞ մարդ է գիտակցում, որ Վարպետ Հիսուս ինքն էր ապրում կարիքը, որպես մասն Իր իրականության:
Ասում են, որ Վարպետ Հիսուս մոտ 14 տարեկան էր, երբ նրա հայր Հովսեփը դժբախտ պատահարի շնորհիվ լքեց Երկրային ոլորտը: Մինչ այդ նրա ընտանիքը բավական բարեկեցիկ էր ապրում, քանի որ Հովսեփը լավ էր ապահովում նրան: Հովսեփի մահից հետո գործատերը խոստացավ, որ նշանակալի դրամական փոխհատուցում կվճարի ընտանիքին, որպեսզի օգնի հաղթահարել կորուստը: Երբ Վարպետ Հիսուս իր մոր և եղբայր Հակոբի հետ եկավ նրա մոտ, իրենց ասացին, որ այդ մասին ոչ մի պայմանավորվածություն չի եղել և դրամը չվճարեցին: Ընկճված, նրանք վերադարձան ընտանիքի մնացած անդամների մոտ: Այդ ակնթարթին Վարպետ Հիսուսին բախտ վիճակվեց ընտանիքի միակ կերակրողը դառնալ: Դրանից հետո Նա իր ամբողջ ընտանիքի հետ միասին ապրեց չքավորությունը և հասկացավ նրա իսկական իմաստը:
Այսպիսով, բարեկամներս, եթե ձեր վիճակն այնպիսին չէ, ինչպիսին դուք կցանկանայիք այն տեսնել, ուղղակի հիշեք այս ուղերձն ու գիտակցեք, որ եթե Վարպետ Հիսուս կարողացավ գտնել Ճշմարտությունն այդ իրավիճակում, ուրեմն, անկասկած, կարող եք նաև դուք: Վարպետի մասին շատ պատմություններ կան գրություններում, որոնց հասնել մարդկությունը դեռ չի սովորել: Մի օր այդ գրերը կբացեն բոլորի առջև, և շատ գաղտնիքներ բացատրություն կստանան: Ճշմարտությունն իրականություն կդառնա, և դա այն է, ինչ որ միշտ ցանակցել է մեծամասնությունը:
Մեջբերել
Էջանիշներ