Այվի ջան, քո պատմվածքների մասին ինչքան էլ գրեմ, էլի միշտ մի բան պակաս է մնում: Հիմա էլ, օրինակ, էնքան բան չասացի...ivy-ի խոսքերից
Օրինակ, ուզում էի ասել ու մոռացա, որ նրանց մեջ մի շատ կարևոր ընդհանուր բան կա. արտակարգ մաքրություն: Գիտես, ոնց որ բնական պայմաններում, առանց պարարտանյութերի աճեցրած միրգ ու բանջարեղեն ուտես, չվախենալով առողջությանդ համար: Այդ պատճառով էլ կրպակիդ առջև միշտ հերթ է ու մարդիկ սպասում են, թե երբ ես նոր միրգ բերելու...
Բացատրություններիցդ համարձակվեցի եզրակացնել, որ այնուհանդերձ ինչ-որ բան տեսել եմ, որովհետև, երբ գրում էի. "համաձայն չեմ, որ անորոշ են կերպարներդ, դու ուղղակի ուրվագծերով ես նրանց նկարել, ավելի ճիշտ՝ մառախուղի մեջ", - հենց սա նկատի ունեի.Չեմ կարծում, թե լավ ցույց էի տվել, Շին: Մի քանիսը «տեսել էին», բայց ոչ բոլորը:
Ու դա շատ լավ է քեզ մոտ ստացվում, հավատա: Մեֆը հանճարեղ է նկատել՝ այդ "անորոշության" հետ մեկտեղ, հերոսներիդ մեջ նաև մեծ կիրք կա, զգացմունքայնություն: Ու դա է երևի, որ ծնում է Լիլի ասած "լուսավոր թախծի էֆեկտը"...Էնպես չի, որ կան հստակ լուծումներ, կա հստակ՝ լավն ու վատը ու կա հստակ ճանապարհ կոնկրետ իրավիճակից: Ինձ թվում է, կյանքում էլ է էդպես, ի տարբերություն հեքիաթների:
Ինչ-որ ժամանակ ինչ-որ մի կին թողել է իր երեխային, հեռացել իր երկիր: Կարծում եմ, ոչ ոք չի կասկածում, որ էդպիսի բաներ լինում են ու նույնիսկ շատ հաճախ: Եթե կան էդպիսի կասկածներ, ընդամենը պետք է մի որոշ ժամանակ ապրել ուրիշ երկրում, շփվել տարբեր ընտանիքների հետ ու լսել նրանց պատմությունները:
Հիմա, երբ էդ կինն այլևս չկա, իր տունը մնացել է իր աղջկան: Ինչո՞ւ է էդ կինն ուզել, որ իր տունը աղջկան մնա: Գուցե ուզում էր իրեն ինչ-որ բան ցույց տալ, ինչ-որ բան հասկացնել: Թեկուզ հենց էդ բոլոր ծիրաններով:
Ո՞նց է աղջիկը արձագանքում: Դեռ ինքն էլ չի հասկանում՝ ինչ է զգում ու ինչ պիտի անի: Ի՞նչ կանի էդ տան հետ, կուզենա՞ նորից ներս մտնել ու փորձել «բացահայտել» էնտեղ ժամանակին ապրող կնոջը, թե կվաճառի ու կմոռանա ամենի մասին: Ինքն էլ դեռ չգիտի: Ու հենց էդպես էլ պիտի վերջանա պատմությունը, որովհետև հեշտ լուծումներ չկան: Իրական կյանքում էլ վերջում երկնքից երեք խնձոր չի ընկնում:
Բայց...
...այ, հիմա իսկական ժամանակն է անցնել "Ամռան վերջին օրվան":
Մեջբերել
Էջանիշներ