ՄԱՍ ՏԱՍՆՄԵԿԵՐՈՐԴ
74.
Ես կցանկանայի վերադառնալ
մեր հարցերի ցուցակին:
Եկ, եթե կարելի է, խոսենք
իմ հաջորդ հարցի մասին:
Ինչու՞ չեմ կարողանում կյանքիս մեջ
բավարար փող ներգրավել:
Մի՞թե դատապարտված եմ անվերջ
կուտակել ու խնայել:
Ի՞նչը թույլ չի տալիս ինձ
իրականացվել այդ հարցում:
Այդպիսի վիճակի մասին
շատ-շատերն են հայտարարում:
Ինձ ասում են, թե իբր
ինքնահաստատման մեջ է խնդիրը:
Ինձ ասում են, որ ես
ինձ ցածր եմ գնահատում:
Ինձ ասում են, որ ցածր
ինքնագնահատումը
Ի վերջո ինչ-որ բանից
անբավարարվածություն է բերում:
Դա հարմար պարզեցում է,
բայց սխալ է քո նկատմամբ:
Դու չես տառապում ցածր
ինքնագնահատմամբ:
Իրականում քո կյանքում
դու ամենաշատ ուժը ծախսել ես
Հիմնականում նրա վրա,
որ քո “Ես”-ը չկորցնես:
Ես կասեի, դու ինքդ քեզ
չափից բարձր ես գնահատում:
Այո, դա ամոթալի է,
բայց Դու ճիշտ ես ասում:
Երբ Ես ճիշտն եմ քեզ ասում,
դու խոստովանում ես, որ շփոթված ես,
Կամ ամաչում ես, կամ սրտնեղված ես,
կամ նման մի այլ բան:
Բայց շփոթությունը նրա՛ ռեակցիան է,
ում էգոն մտահոգված է
Այն բանով, թե ուրիշներն
ինչպե՞ս են ընկալում նրան:
Մի՛ կենտրոնացիր դրա վրա:
Արձագանքի՛ր այլ կերպ:
Կատակի՛ վերափոխիր դա,
փորձիր վրան ծիծաղել:
Լավ, եթե պատճառը
ինքնահաստատման մեջ չէ, -
Ուրեմն, այդ կարևոր հարցում
ինձ խանգարում է ի՞նչը:
Դու ոչ լրիվ ես հասկանում
սկզբունքը բարեկեցության:
Դու սխալ ես մեկնաբանում,
թե ինչն է “Բարի”, ինչը` “Չար”:
Թույլ տուր, օրինակ բերեմ:
Այո: Խնդրում եմ, բեր:
Դու ապրում ես այն մտքով,
որ շատ վատ բան է փողը:
Ինչպես նաև այն մտքով,
որ շատ լավ բան է Աստված:
Եվ համատեղվել Աստված
ու փողը` չարիք բերողը…
Նման բան քո գիտակցոությունն
անկարող է հասկանալ:
Այո, կարծում եմ, որ այդպես է:
Ես իրոք այդպես եմ համարում:
Դա հետաքրքիր է, քանզի տես,
թե ինչ է դրանից ստացվում:
Ստացվում է, որ եթե մի բան
դու գնահատում ես “շատ լավ”, -
Դու գնահատում ես այն ավելի քիչ
փողային հարաբերականությամբ:
Եվ այդպիսով, անհնար է,
ամոթալի է և անարժան
Քեզ փող վերցնել քո կատարած
յուրաքանչյուր բարի գործի համար:
Ստացվում է, որ ինչ-որ բան`
որքան այն “ավելի լավ” է,
(Այսինքն, ավելի պետքական է), -
այնքան ավելի է էժան:
Եվ դու, սիրելի զավակս,
միայնակ չես այդ հարցում:
Ձեր ամբողջ հասարակությունն է
այդպես համարում:
Եվ այդ է պատճառը, որ ձեր
ուսուցիչներն աղքատ են,
Իսկ ձեր մերկապարուհիները
հարստություն են կուտակում:
Ձեր հոգևոր առաջնորդներին
ժամն է թալանով զբաղվել,
Որպեսզի կարողանան սպորտի
աստղերի հետ համեմատվել:
Եվ ձեր հոգևոր դեմքերն էլ
հաց ու ջրով են ապրում,
Իսկ դուք նետում եք փողը նրանց,
ով ձեզ հաճույք է պատճառում:
Մտածիր այդ մասին, որդիս.
դու համառորեն պնդում ես,
Որ քո բոլոր իրական արժեքները
էժանորեն են ձեռք բերվում:
ՁԻԱՀ դեղամիջոցը
որոնող գիտնականը
Դռնեդուռ ընկած փող է
հայթհայթում ապարդյուն,
Իսկ սեքսի նոր դիրքերի մասին
ծավալուն գիրք գրող տիկինը
Սեմինարներ է անց կացնում
և միլիոնատեր է դառնում:
Դրանում դու հակված ես
ընկալել իրականությունը
Ճիշտ հակառակ կերպ, քանզի
սխալ ես հասկանում:
Այո, քո պատկերացումը
փողի մասին սխալ է,
Եվ այդ պատճառով փողը
քո կյանքում տեղ չի գտնում:
Դու սիրում ես փողը,
բայց դրա հետ մեկտեղ
Պնդում ես, որ նրա մեջ են
չարիքի արմատները:
Դու հարգում ես փողը,
բայց դրա հետ մեկտեղ
“Անարժան մետաղ” անունն ես
փողին կպցրել:
Դրա համար էլ բժշկին
չափազանց շատ փող, -
Ո՛չ, ո՛չ, ոչ մի դեպքում
չի կարելի աշխատել:
Իսկ հոգևոր գործիչի՞ն…
- Ո՛չ, ոչ մի դեպքու՛մ, ո՛չ, ո՛չ:
Հակառակ դեպքում հաստատ
անախորժություններ կլինեն:
Եվ այդպիսով, ստացվում է
ըստ քո դատողության, որ մարդ,
Ով բարձրագույն կոչն է ընտրում,
պարտավոր է ցածր վարձ ստանալ:
Հըմմ…
Այո, քո այդ “հըմմ”-ն այստեղ
իրոք, որ շատ տեղին է:
Եվ քեզ հետևում է
լավ գլուխ կոտրել:
Որովհետև դա շատ
սխալ մեկնաբանություն է:
Այս հարցի վրա անհրաժեշտ է
քեզ լուրջ մտածել:
Եվ դու մի մոռացիր,
որ մտքերն արարող են:
Եթե դու մտածում ես,
որ վատ է փողը,
Եվ դրա հետ մեկտեղ
քեզ լավն ես համարում…
Մի խոսքով, ինքդ էլ տեսնում ես,
որ դա կոնֆլիկտի է բերում:
Այսպիսով, ակնհայտ է
երկակի վերաբերմունքը:
Ձեզանից ոմանք հերքում են
փողի հենց սկզբունքը,
Մյուսները բողոքում են,
թե փող չունեն իրենք:
Եվ Տիեզերքը չգիտի,
թե ինչ անի դրա հետ:
Երկու տարբեր մտքեր է
ձեզանից նա ստացել:
Եվ քանի որ դու ինքդ
դեռ չես կողմնորոշվել, -
Ուրեմն Տիեզերքից էլ
մի սպասիր ավելին.
Փողի հարցում քո կյանքը
անհաստատ կլինի:
Դու համոզված չես լրիվ,
թե ինչն ես ճիշտ համարում:
Իսկ Տիեզերքը` նա ուղղակի
քո մտքերն է արտահայտում:
Եվ քեզ համար կա այդ ամենը
փոխելու միայն մեկ ձև.
Քեզ անհրաժեշտ է այդ մասին
սեփական մտքերդ փոխել:
Ինչպե՞ս կարելի է փոխել այն,
թե ինչպես ես մտածում:
Չէ՞ որ բոլոր իմ մտքերը
ստեղծվել են ոչ մեկ օրում:
Իմ մտքերը, մոտեցումները,
իմ պատկերացումները`
Շատ տարիների իմ փորձը, -
ապրումների արդյունքներ են:
Թե ինչպես եմ ես մտածում
փողի մասին, Դու ճիշտ ես,
Բայց վերցնել և մեկ վայրկյանում
այդ ամենը փոխել… Ինչպե՞ս:
Մարդկանց մեծամասնության համար
արարման սովորական մեթոդը`
Երեքաստիճանավոր պրոցես է,
ընդգրկում է միտքը, գործը, խոսքը:
Սկզբում գալիս է միտքը,
ձևակերպող գաղափարը,
Սկզբնական հասկացությունը:
Դրան հետևում է խոսքը:
Մտքերի մեծամասնությունը
վերափոխվում է խոսքերի,
Խոսքերն էլ որոշ դեպքերում
վերափոխվում են գործողության,
Եվ դու ստանում ես այն,
ինչն սկսվել էր մտքից.
Արտաբերումը մտքիդ
ոլորտի վրա ֆիզիկական:
Ձեր աշխարհում ամեն ինչ
քո շուրջ ստեղծվել է այդպես,
Դա է ֆիզիկական
ձեր աշխարհի սկզբունքը:
Օգտագործվել են բոլոր
երեք արարչական կենտրոնները
Եվ հարց է ծագում. ինչպե՞ս
փոխել Կազմակերպող Միտքը:
Դա իրոք, լավ հարց է:
Եվ շատ է կարևոր:
Եթե դուք չփոխեք
ձեր Մտքերը Կազմակերպող,
Կարող եք ինքներդ ձեզ
մեծ աղետի հասցնել.
Կարող եք ինքներդ ձեզ
մեռնելու դատապարտել:
Մեջբերել
Էջանիշներ