ԲԱՐՁՐԱԳՈւՅՆ ԵՍ - 32


Հնգաթև աստղերի ժամանակը անցավ,
Արիացավ մեր կամքը, գիտակցությունն իմաստնացավ։
Հմտացավ մեր միտքը կյանքի փակուղիներում,
Արթնացավ, և հիմա ավելի բարձր է սավառնում։

Տեսանելի է դարձել մեզ համար մեր ներկան,
Ջնջվում է մեր անցյալը, մեր ձեռքին է մեր ապագան
Եվ էլ չենք թափառում մենք անցյալի հուշերում,
Իսկ ապագան միայն ներկա գործերում ենք տեսնում։

Մեր հայացքը ուղղված է դեպի Անսահմանությունը։
Մեր սիրտն այլևս բաց է դեպի Տիեզերքի Անհունը։
Մոտակա բարեշրջման Ուրախությունն է մեր սրտում,
Մեր միտքը դեպի Պայծառացած Երանություն է նկրտում։


05.12.2023