ինչ է հարկավոր հայ աղջիկներին երջանիկ լինելու համար

[Լեո]

Ողջույն, այս քննարկումը անխուսափելիորեն ու աննկատ կսահի՜, ու դեմ կառնի Նենսի Մայերսի ստեղծած ֆիլմի սյուժեին…ու անզորությամբ կտարածենք ձեռքներս

Հայ աղջիկները երջանիկ չե՞ն լինի Դե լավ, գոնե հարուստ լինեն…

[One_Way_Ticket]

Հարցս պարզ է և հասկանալի,ինչ անենք մենք` տղաներս ձեզ երջանկացնելու համար

Ժամանակին այդ հարցի պատասխանը այստեղ տրվել է Ցիտում եմ:

1. Չծխել
2. Չխմել
3. Բարձր աշխատավարձ ունենալ
4. Հավատարիմ լինել

[Sagittarius]

այ մարդ տիեզերքի առեղծվածը ավելի հեշտ ա բացահայտել, քան էս հարցի պատասխանը՝ բոլոր ազգերի աղջիկների համար էլ
լավ եղեք աղջիկներ... կարևորը որ ամբողջ կյանքը ձեր կոմից սիրված և ձեզ սիրող մարդու հետ փնտրեք այդ երջանկությունը

[Ֆոտոն]

Քանի թեմային դեռ գոնե կիսալուրջ կարելի պատասխանել, պարտքս կատարեմ, իմ կարծիքն էլ հայտնել:

Հարցը էդքան էլ վատը չի:

Հայերի հոգեկերտվածքն իսկապես տարբերվում է մյուս ազգերինից: Իսկ կանանց «ստրկությունը» կամ երկրորդականությունը դեռ նորմալ է համարվում: Դե եթե ինձ հարցնեին (կարծեմ մի անգամ միկրաֆոնը տնկեցին փողոցում, հենց էդ էլ հարցրին), կպատասխանեի, որ հայ կնոջը հարկավոր է ազատություն, իրավունքների հավասարություն տալ (ինքնին պարզ է, որ հնարավորինս չափով): Ամեն մեկը իր կերպով սրան կընդդիմանա: Մի կողմից կանանց մի մասն է, որ հասել է այդ մակարդակին, որ ուզում է նշածս: Տղամարդկանց մի մասն է, որ կարող է տալ դա: Շատ ընդհանրական հոդված չեմ կարող ներկայացնել, բայց կոնկրետ այս բաղկացուցիչները կարևորներից են ներկայումս:

[Adriano]

Հաջողն էլ հարուստն ա չէ՞


Բա ինչ անի մարդ եթե արդեն տարիքն ա ու իր զույգին չի գտել,մնա միայնակ հուսալով թե մի օր կհանդիպի իր սիրուն՞:օԵհեեեեեեե

Հենց խնդիրը դրա մեջա, եթե մարդ չի կարողանում մեկին սիրի ինչ անի բոլորին դժբախտացնի, ձև տա թե ձևական երջանիկա հա էդա միտքդ: Եթե չի կարում թող չամուսնանա, ուրեմն ինքը չի հասել էդ մակարդակին, թող ուշ ամուսնանա ինչ կա դրա մեջ, համել էդ ովա էդ տարիքը որոշել: Ես ուզւոմ եմ ասել, որ երջանկությունը կարող է կեղծ լինել, երբ թվացյալ արտաքին բաներով փակում են, սակայն խորը ներքինում մեկա ամուսինները հասկանում են, որ իրար չեն սիրում: Խնդիրը նրանում է, որ մարդ պետք է գտնի իրանին, ինչել ուզումա լինի, ով էլ նստի թախտին սպասի բախտին, պարզա ոչինչ չի լինի:

[Դատարկություն]

Ես էլ իմ կարծիքն ասեմ: Էս կյանքը էնպիսին ա, որ ամեն մարդու համար երջանկությունը մի բանա, երջանկության ինչ-որ կոնկրետ սահմանում չկա, ոչ էլ նրան հասնելու կոնկրետ խնդիրներ ու նպատակներ, որ ընդհանուր են բոլորի համար: Երջանկությունը ինչ-որ իդեալ է, որ ամեն մարդ /այդ թվում նաև հայ աղջիկները/ յուրաքանչյուրը մի ձև է պատկերացնում: Ինչքան մարդ` էնքան երջանկություն, էնքան երջանկության պատկերացում: Դրա համար, եթե քեզ հուզում է, թե ինչպես կոկրետ ինչ-որ հայ աղջկա երջանիկ դարձնես ու չես գտնում ինչպես, հարցդ կոնկրետացրու, գնա էդ աղջկա մոտ ու ասա «Սիրելի՛ս, ինչպե՞ս քեզ երջանկացնեմ», գուցե հենց ամենալավ լուծումը ինքը առաջարկի իրեն երջանկացնելու համար: Թեև դա էլ կարողա չլինի, որովհետև երջանկության պատկերացումը մարդու մոտ ամեն րոպե, ամեն օր կարողա տարբեր լինի: Եթե այսօր հայ աղջիկը /կամ ընդհանրապես մարդը/ ունեցավ այն ինչ համարում էր «երջանկություն», «երջանկության չափանիշ», վաղը կարողա դա իրա համար էլ երջանիկ չլինի: Էնպես որ, ամենը կախվածա տվյալ մարդու, մասնավորապես` տվյալ հայ աղջկա անհատական առանձնահատկություններից, որը պետքա ճանաչել

[Katka]

ադ-նա-կլաս-նիկ-ի.ՌՈՒ

[Refreshment]

իրականում նույնիսկ եթե ինչ որ մեկս մտածումա թե իրեն երջանիկ լինելու համար հարկավորա ասենք թե
1. փող
2. սեր
3. հաջող ամուսին ու էլի չգիտեմ ինչ ... (էս որպես նմուշ եմ գրում, միջին թվաբանական)
կարողա մեկ էլ էնպիսի սիտուացիա գա որ հասկանա որ բոլոր նախկինում թվարկածները ոնց որ թե կա բայց ինքը աշխարհի ամենադժբախտնա

Ես օրինակ երջանիկ եմ երբ սիրելիիս պետքա ուր որա տեսնեմ ասենք 5 րոպեից, ու մի տեսակ հաճելի թեթև դողա անցնում մարմնովս ու անհամբերություն թե էտ 5 րոպեն երբա անցնելու: Ու էտ զգացումը, ու շատ շատ նման այլ զգացողություններ նրա հետ կապված, հերիք չի ժամանակի ընթացքում չեն անցնում, այլ դեռ շատանում են:
Իսկ թե ինչպես այլ տղամարդիկ դրան հասնեն, դա իրենք ինքնուրույն պետքա զգան: Ամեն դեպքում եթե իսկականից ուզեն երջանկացնել, հաստատ կստացվի վաղ թե ուշ:
Ազգության հետ կապ չունի երջանիկ լինելը:

[Դեկադա]

Մի հարց տամ էլի՞
Հայ աղջիկներին թե՞ կանանց.....որովհետև աղջիկների էտքան էլ շատ բան հարկավոր չի, այ կանանց լիքը բաներա հարկվոր՝ երջանիկ դարձնելու համար:Աղջիկների թեորապես խոստումներ տվեք, իսկ կանանց հարցում էտ խոստումները ապացուցեք:

[masterpiece]

Շատ ներողություն, իսկ հայ աղջկներն ինչով են տենց ֆենոմենալ, որ իրենց երջանկացնելու համար հատուկ բանաձև պիտի մշակվի?

[E-la Via]

Հարցս պարզ է և հասկանալի,ինչ անենք մենք` տղաներս ձեզ երջանկացնելու համար

Այստեղ նշած հենց «հայ» աղջիկներին երջանկացնել հարցադրումը արդեն իսկ սխալ է իմ կարծիքով: Իսկ աղջկան և կնոջը երջանկացնելը շատ տարբեր բաներ են: Իսկ չմանրանալու համար ասեմ, թեկուզև այժմյան "հայ" աղջիկներ այն տպավորությունն են ստեղծել, որ իրենց հարկավոր է սեր, որի մասին ոչինչ չգիտեն, փող, որի մասին գիտեն, թե հատկապես, որ "բուտիկներում" այն կծախսեն և ապահովություն, որն էլ նրանց հարկավոր չէ, բայց կան այնպիսիններ, որ այլ բան են ցանկանում երջանկության համար: Իսկ այդ ցանկությունները շատ տարբեր են…
Իմ կարծիքով, նախ հարկավոր է, որ մեր հայ տղաները նախ լինեն կայացած, հաստատակամ մարդիկ: Հետո անհրաժեշտ է, որ երկու կողմերն էլ իրենք իրենցով, առանձին-առանձին կարողանան երջանիկ լինել, կարողանան բացել սրտները կյանքի առաջ, կարողանան գնահատել ու ուրախանալ կյանքով, ամեն ծագող արևով: Եթե մարդը սրանով արդեն երջանիկ է, նրան միայն մնում է իր երջանկությունը կիսել մարդկանց հետ, նրանց երջանկություն տալ: Այս դեպքում, "հայ" տղաներ, կարող եք ձեր երջանկությունը կիսել "հայ" աղջիկների հետ, և նրանք դրանով իսկ կերջանկանան: Իհարկե նույնը պետք է լինի հակառակ սեռի կողմից:
Հայ տղաներ, գտեք ձեզ, եղեք այնպիսին, ինչպիսին, որ կաք և թողեք, որ ձեր դիմացի հայ աղջիկներն էլ լինեն այնպիսին, ինչպիսին, որ կան: Դա արդեն երջանկություն բերող առաջին քայլն է:

[MaryMay]

ԵՍ ԵՐՋԱՆԻԿ ԵՄ... Ու հարցը նույնիսկ նրանում չէ, թե "ինչ է հարկավոր", հարցը, իմ կարծիքով, երջանկությունը տեսնելու կարողության մեջ է... Համոզված եմ, ձեզանից շատ-շատերն ունեն այն, ինչ ես ունեմ ու ինչով երջանիկ եմ... Հարկ է միայն լայն բացել աչքերն ու տեսնել այն, կամ փակել աչքերն ու պատկերացնել, թե ինչ կլիներ եթե չունենայիր այդ ամենը...

[Կաթիլ]

ինչ է հարկավոր հայ աղջիկներին երջանիկ լինելու համար

Աշխատանք

[Դարք]

Աշխատանք

այդքան քիչ,միգուցե դե կարող է հիմքերից մեկը հանդիսանալ երջանկության համար,

[CactuSoul]

Լիլ ջան , բա խի են ասում <<չաղ ու բախտավոր>> ?

Հ.Գ.
http://www.akumb.am/showthread.php/4...AB%D6%80%D5%A8

Սերխիո ջան, ես էլ, վերնագիրը կարդալով, միանգամից հիշեցի նշածդ թեման, բայց հետո հասկացա, որ տարբեր մակարդակի բաներ են քննարկվում, ու չարժե շիլաշփոթ սարքել: Էնտեղ տեսությունն է, էստեղ՝ գործնական խորհուրդները: Էնտեղ խորքային խնդիր է քննարկվում, էստեղ՝ կոսմետիկ լուծումներ են առաջարկվում: