Անքնություն

[freethinker]

«Ինչպես պայքարել քնելու դեմ» թեման, դրդեց կատարել գրառում նաև այս թեմայում (Ուլուանայի հղման շնորհիվ իմացա, որ եղել է այսպիսի թեմ )։

Մի քանի գործնական մեթոդ անքնության դեմ, որը ես հավաքել եմ մի քանի բժշկական և մասնագիտական ձեռնարկներից.

1) Եթե մեր գործը նստակյաց է, ապա հարկավոր է օրվա մեջ կատարել ֆիզիկական վարժություններ, բայց ոչ երեկոյան ժամերին՝ քնելուց մի քանի ժամ առաջ։

2) Քնելուց առաջ չդիտել լարված ֆիլմեր և չկարդալ այնպիսի գրքեր, որոնք ակտիվություն են առաջացնում։ Կարելի է լսել հանգստացնող երաժշտություն։

3) Տաք ջրով լողանալ

4) Պառկեք անկողին միայն այն ժամանակ, երբ պատրաստվում եք քնել։ Այն մարդիկ ովքեր սովորություն ունեն պառկած հաց ուտել, ինչ որ գործ անել, հեռուստացույց նայել կամ համակարգչով խաղալ ու ակումբ մտնել , դժվար է լինում քնել։

5) Խուսափել այնպիսի կերակուրներից և խմիչքներից որոնք քունը փախցնում են։ Ինչպես սոված, այնպես էլ կուշտ փորով պառկելը խանգարում է քնելուն։ Շատերին թվում է, որ ոգելից խմիչքները օգնում են քնել։ Սակայն դա միայն սկզբում է այդպես։ Մոտ մի ժամ հետո ոգելից խմիչքը կարող է հակառակ էֆեկտ ունենալ։

6) Ստեղծել քնելուն համապատասխան պայմաններ։ Ոչ շատ բարձր ջերմաստիճան սենյակում, լույսի և ձայնի բացակայություն, հարմար մատրաս և բարձ։

7) Առավոտյան արթնանալուց շատ երկար չմնալ պառկած, քանի որ այդ դեպքում սովորաբար գիշերը շատ դժվար է լինում քուն մտնել։

Ստացվում է չքնելու համար բավական է ուղղակի անել լրիվ հակառակը -
ֆիզիկական վարժություններ,
սարսափ ֆիլմեր ծանր ռոքի տակ,
սառը ցնցուղ և այլն

[Դեկադա]

freethinker-ի խոսքերից
սարսափ ֆիլմեր ծանր ռոքի տակ,

Էտ անքնություն չի բերի. էտ կբերի գլխացավի:

[freethinker]

Էտ անքնություն չի բերի. էտ կբերի գլխացավի:

հմ, ճիշտ ես... սարսափ ֆիլմը պետք ա լռության ու մթության մեջ նայել

[Jarre]

Ստացվում է չքնելու համար բավական է ուղղակի անել լրիվ հակառակը

Չէ, չքնելու համար բավական է այցելել այստեղ կամ էլ «Զվարճալի» բաժինը

[Չիպ]

Լրիվ համամիտ եմ Jarre–ի հետ: Եսել որ գիշերները քունս չի տանում նայում եմ ակմբի գրառումները:
Համել ինչ՞ կա ետ քնելու մեջ ապրենք,վայելենք կիանքը մի անգամա տրված…

[Լեո]

Իսկ ես տառապում եմ քնախտով: Միշտ քնել եմ ուզում՝ գիշեր լինի, թե ցերեկ: Բայց միշտ կարոտ եմ մնում

[Հովհաննես]

Անքնության դեմ պայքարելը շատ դժվար ա ինչ ասես չեմ փորձել մոտս նույնիսկ արդեն նեվրոզ ա ինչ ասես չեմ փորձել երգ լսել եմ, հատուկ սաղ օրը ինչ որ բանով զբաղվել եմ որ հոգնեմ քունս տանի, գիրք կարդացել եմ, նույնիսկ սարսափ կինոներ եմ նայել ու չգիտեմ խի օգնել ա

[Լուսաբեր]

Համել ինչ՞ կա ետ քնելու մեջ ապրենք,վայելենք կիանքը մի անգամա տրված…

Դե, պիտի քնես, որ էտ մեկ անգամ տրված կյանքդ կարողանաս վայելել, առավել ևս ապրել

[Shah]

Մի քանի խորհուրդ`
ա/ Մի փորձի պառկել քնել եթե քունդ չի տանում էդ պահին, նույնիսկ եթե ցերեկը քունդ կտանի, մեկա մի քնի, մեկել ուտելու համար ժամեր պահպանի, քնիցդ մոտ 4-5 ժամ առաջ կեր:
բ/ Ներվային և անհանգիստ վիճակում մի փորձիր քնել, դրա փոխարեն աշխատի հանգստանաս, օրինակ գիրք կարդա կամ էլ ջրային պրոցեդուրաներ ընդունի:
գ/ Ամեն օր ռեժիմ մշակիր քնիդ համար և աշխատի նույն ժամին քնես, այլ ոչ թե մի օր ժամը մեկին, մյուս օրն էլ փորձես ժամը 11-ին քնես...
դ/ Ալկոհոլը որպես քնաբեր մի ընդունի, չնայած դրանով քունդ կտանի, բայց քունդ կլինի մակերեսայնորեն ու գումարած հաջորդ օրը հոգնած ու ցրված կզգաս քեզ:

[Okamigo]

Իմ մոտ դա մեծ խնդիր է,քնում եմ ժամը 4-ի կողմերը,համակարգչի առաջ պիտի նստեմ

[Alphaone]

Հայեր, ո՞վ կարող է գործուն խորհուրդ տալ, թե ինչպես բուժել անքնությունը, բայց ոչ էս կարգի, էլի՝
- Նախ անջատել համակարգիչը...

[StrangeLittleGirl]

Հայեր, ո՞վ կարող է գործուն խորհուրդ տալ, թե ինչպես բուժել անքնությունը, բայց ոչ էս կարգի, էլի՝
- Նախ անջատել համակարգիչը...

նախ անջատել համակարգիչը սենց թեմա ակումբում արդեն կա, հեսա գտնեմ

[Alphaone]

ես անքնությունը որոնում տվեցի, չգտա, ճարահատյալ թեմա բացեցի )))))

[Alphaone]

նախ անջատել համակարգիչը

[StrangeLittleGirl]

Չէ, կներես, իմ ասած թեման էդքան էլ անքնության հետ կապ չունի: Էս ա

Լավ, արի մի քիչ զրից անենք: Ուրեմն անքնության հարցը լուծելու համար նախ պետք ա պարզել ինչ ձևի ա ու ինչից ա: Ասենք, կարա անկանոն ռեժիմից լինի կամ սխալ սնունդից:Բայց նաև պետք ա պարզել անքնությունն ինչ ձևի ա. քնելու դժվարությու՞ն, թե՞ ընդհատված քուն և այլն: