«Կրոն» բաժնի թեմաներից դուրս քննարկումներ

[Sambitbaba]

Սամ ջան, էտ նորմալ ա։ Օրինակ ես երաժիշտ չեմ, բայց երաժշտություն բաժնում լիքը թեմաներ եմ բացել ու կանոնավորաբար գրառումներ եմ կատարում, իսկ ինչ որ մի ակուբցի էլ երաժիշտ ա, բայց էտ բաժնում ինձանից պասիվ ա։

Էս վիճակը, որ ճիշտն ասեմ, սրտովս չի՝ "Կրոնական մտորումների" օրագրատիպ լինելը: Ես, օրինակ, Ջառ ջան, հարցիդ ավելի մեծ հաճույքով հենց այնտեղ էլ կպատասխանեի, առավել ևս, որ առանց քո հարցի էլ պատրաստվում էի գրել այդ մասին: Իսկ հիմա գրելու եմ այստեղ, իսկ դա բացածդ նոր թեման մի տեսակ անիմաստ է դարձնում ինչ է... Ինչևէ:

Մարդու երաժիշտ լինել-չլինելը ոչ մի կապ չունի այն բանի հետ, որ երաժշտությունը հսկայական տեղ է զբաղեցնում ցանկացած մարդու կյանքում, ու երևի հարյուր մարդուց երկուսը հակառակը չպնդի:
Իսկ հնարավո՞ր է արդյոք ասել. կրոնը հսկայական տեղ է զբաղեցնում ցանկացած մարդու կյանքում, ու երևի հարյուր մարդուց երկուսը հակառակը չպնդի: Ես որ հաստատ այն երկուսից մեկն եմ, չնայած, ինչպես գիտես, ոչ հավատացյալ եմ, ոչ էլ աթեիստ: Իսկ աթեիստնե՞րը…
Եթե կրոնը նրանց կյանքում տեղ չի գրավում, ուրեմն ինչու՞ են այդքան կրոնից խոսում…
Ասածս այն է, Ջառ ջան, որ ըստ իս, "էտ նորմալ" չի: Չէ, սխալ չհասկանաս, նորմալ ա, որ խոսում են կրոնից, նորմալ չի այս դեպքում կրոն-երաժշտություն համեմատությունը…

Հ.Գ. Երևի մնացածն այնուամենայնիվ գնամ, "Մտորումնրում" գրեմ: Հուսով եմ, մոդերը կհասկանա իրավիճակն ու չի ջնջի, քանզի դա, փաստորեն, վերևում ասածս մտքի շարունակությունն է:

[Jarre]

Էս վիճակը, որ ճիշտն ասեմ, սրտովս չի՝ "Կրոնական մտորումների" օրագրատիպ լինելը: Ես, օրինակ, Ջառ ջան, հարցիդ ավելի մեծ հաճույքով հենց այնտեղ էլ կպատասխանեի, առավել ևս, որ առանց քո հարցի էլ պատրաստվում էի գրել այդ մասին: Իսկ հիմա գրելու եմ այստեղ, իսկ դա բացածդ նոր թեման մի տեսակ անիմաստ է դարձնում ինչ է... Ինչևէ:

Մարդու երաժիշտ լինել-չլինելը ոչ մի կապ չունի այն բանի հետ, որ երաժշտությունը հսկայական տեղ է զբաղեցնում ցանկացած մարդու կյանքում, ու երևի հարյուր մարդուց երկուսը հակառակը չպնդի:
Իսկ հնարավո՞ր է արդյոք ասել. կրոնը հսկայական տեղ է զբաղեցնում ցանկացած մարդու կյանքում, ու երևի հարյուր մարդուց երկուսը հակառակը չպնդի: Ես որ հաստատ այն երկուսից մեկն եմ, չնայած, ինչպես գիտես, ոչ հավատացյալ եմ, ոչ էլ աթեիստ: Իսկ աթեիստնե՞րը…
Եթե կրոնը նրանց կյանքում տեղ չի գրավում, ուրեմն ինչու՞ են այդքան կրոնից խոսում…
Ասածս այն է, Ջառ ջան, որ ըստ իս, "էտ նորմալ" չի: Չէ, սխալ չհասկանաս, նորմալ ա, որ խոսում են կրոնից, նորմալ չի այս դեպքում կրոն-երաժշտություն համեմատությունը…

Հ.Գ. Երևի մնացածն այնուամենայնիվ գնամ, "Մտորումնրում" գրեմ: Հուսով եմ, մոդերը կհասկանա իրավիճակն ու չի ջնջի, քանզի դա, փաստորեն, վերևում ասածս մտքի շարունակությունն է:

Սամ ջան, կետերով գրեմ, որ ավելի պարզ լինի։
1) օրագրային թեմայից գրառումդ ստեղ մեջբերելու իմաստն այն է, որ այդ միտքը հնչել է տարբեր ակումբցիների կողմից, այդ թվում՝ քո։ Ինձ հետաքրքիր էր իմանալ, թե ինչու են տարբեր մարդիկ նման կերպ մտածում։ Հետաքրքիր էր, քանի որ օրինակ դու օրագրային գրառմանդ մեջ այդպես մտածելու պատճառների մասին ոչինչ չէիր գրել, ինչը նորմալ եմ համարում։ Իսկ հիմա գրեցիր, ու ես մոտավորապես հասկացա քո միտքը։

2) եթե «Կրոնական մտորումներ» թեմայի գրառումները հակասեն բաժնի և թեմայի կանոններին, ապա դրանք կամ կտեղափոխվեն համապատասխան թեմա կամ կջնջվեն մոդերատորների կողմից։

3) Կրոնի կարևորության մասին։ Իմ համար անհասկանալի է, թե «տեղ զբաղեցնելը» ինչ է նշանակում քեզ համար։ Նշանակում է արժե՞ք, սե՞ր, հետաքրքրությո՞ւն, ուսումնասիրության օբյե՞կտ, թե ի՞նչ։ Օրինակ բժշկի կյանքում վիրուսները տե՞ղ են զբաղեցնում, թե՞ ոչ։ Եթե ինքը ուսումնասիրում է տարբեր վիրուսները, դրանց առաջացման պատճառները, դրանց ազդեցությունը մարդկային օրգանիզմի վրա, դրանց կասեցնելու և վերացնելու եղանակներ է փնտրում, դու դա՞ նկատի ունես տեղ զբաղեցնել ասելով։ Թե՞ նկատի ունես օրինակ գիտնականին, ով շեղված է գիտության վրա, որ գիտությունը իր համար արժեք է, կյանքի նպատակը, որ նա սիրում է այն և նվիրված է դրան։

[Sambitbaba]

Իսկ դու ինչ որ խնդիր ե՞ս տեսնում։
Պարզապես նման մտքեր մի քանի հոգուց եմ լսել ու ակումբում գրված են դրանք, ու ինձ հետաքրքիր է դրա մասին նշելու պատճառը ո՞րն է։

Այո, խնդիր տեսնում եմ:
Եվ հարցն այստեղ ոչ թե հավատացյալ կամ աթեիստ լինելն է: Հարցը՝ մարդն է:
Ուղղակի մարդ չի կարող չխոսել կրոնից:
Բայց այս նախադասության մեջ էլ՝ մի շատ մեծ ու կարևոր սխալ կա, որը որպես աքսիոմա մտցվել է մեր ուղեղի, մեր արյան մեջ այնպիսի խորամանկությամբ ասեմ, թե հմտությամբ ասեմ կամ վարպետությամբ, որ աթեիստն անգամ այդ մասին խոսելուց, կարծում է, թե կրոնի մասին է խոսում: Եվ եթե դա լիներ ճշմարտությունը, մի՞թե իրոք պարադոքս չէր լինի դա, Ջառ ջան. աթեիստն անընդհատ խոսում է կրոնի մասին…

Ճիշտ նախադասությունը սա է.

ՄԱՐԴ ՉԻ ԿԱՐՈՂ ՉԽՈՍԵԼ ԱՍՏԾՈ ՄԱՍԻՆ:

Սա շատ մեծ տարբերություն է և մեծատառերով գրելս ձևականություն չի. ես շատ կուզենայի, որ դուք հիշեիք այս տարբերության մասին: Նույնիսկ պարտադիր էլ չէ, որ համաձայնվեք սրա հետ, ուրախ կլինեի, որ ուղղակի հիշեք, քանզի սա բերում է մի երկրորդ շատ կարևոր մտքի, որ, կներեք, բայց նորից մեծատառերով պետք է գրեմ.

ՄԱՐԴ ՉԻ ԿԱՐՈՂ ՉԽՈՍԵԼ ԻՐ ՄԱՍԻՆ:

Որովհետև մարդ՝ Աստծո մասնիկն է: Նույնիսկ աթեիստը: Անկախ նրանից, թե ինչ կարծիքի է ինքը, համաձայն է, թե ոչ, ցանկանում է, թե ոչ…
Դու կարող ես համարել, որ ձախ ձեռքիդ կարիքը չունես և ամբողջ կյանքումդ չօգտագործես այն: Բայց եթե մի օր հանկարծ սայթաքես ձախ կողմիդ վրա, դու չես կարող ստիպել ձախ ձեռքիդ, որ նա իրեն դեմ չտա՝ գլուխդ վտանգից փրկելու համար…

Դու չես կարող Աստծո մասնիկը չլինել, որովհետև ամեն ինչ է Աստված: Իսկ լինել Աստծո մասնիկը, նշանակում է, որ ինքդ էլ՝ Աստված ես…

Եվ ամենահետաքրքիրը հենց այստեղ է սկսվում:

Գնացեք "Ով է մարդն իրականում" թեման: Ու վերհիշեք, թե ինչ կարծիքի եք դուք ձեր մասին: Լավ, ոչ բոլորը, բայց մեծամասնությունը: Դուք համաձայն եք լինել ինչ ասեք. ճիճու, բացիլ, վիրուս կամ հազար ու մի այլ զիբիլ, բայց Աստված… երբե՛ք:

Ինչու՞… Որովհետև ձեզ այդպե՞ս են ասել…

Եվ դուք հնազանդվե՞լ եք… Ու համաձայն եք լինել ինչ ասես, բայց ոչ այն, ինչ կա՞ք… Իսկ գոնե դուք, աթեիստներ, գոնե դուք, հիշու՞մ եք, թե ով է դա ձեր գլուխը մտցրել...

Բայց դուք կարող եք միայն հարկադրել ձեր մտքին մտածել ձեր ցանկացած ուղղությամբ: Իսկ հարկադրել ձեր հոգուն մոռանալ, թե ով է ինքն իրականում՝ երբեք: Այդ պատճառով է, որ.

Մարդ չի կարող չխոսել իր մասին, այսինքն՝ մարդ չի կարող չխոսել Աստծո մասին: Որովհետև դա գալիս է ոչ թե մտքից, այլ՝ հոգուց:

Ինձ թվում է, եթե ցանկացած աթեիստ իր մեջ ուժ գտնի Աստծոն առանձնացնել կրոնից, նա Աստծո լավագույն ընկերը կդառնա…

[Jarre]

Դու չես կարող Աստծո մասնիկը չլինել, որովհետև ամեն ինչ է Աստված: Իսկ լինել Աստծո մասնիկը, նշանակում է, որ ինքդ էլ՝ Աստված ես…

Սամ ջան, ես քեզ հասկացա։
Էս քո գրածով, լրիվ ընդունում եմ, որ ես հավատում եմ Աստծուն։ Այո՛, հայտարարում եմ, որ ես ընդունում եմ Աստծուն։ Եթե ես ինքս Աստված եմ, դու Աստված ես, Չուկը Աստված ա, Մեֆը Աստված ա, մեր Աթեիստ եղբայրը Աստված ա ու սաղ ակումբցիները աստվածներ են, ուրեմն այո՛, ես ընդունում եմ այդ աստվածների գոյությունը։ Անգամ չեմ փորձի վիճել։ Ստեղ հավատի կարիք չկա, որովհետև դա փաստ ա. իրանք կան, ու ինչ որ մեկը իրանց բացի մարդ անվանելուց նաև անվանում ա Աստված։ Ընդունում եմ։

Բայց, որ ես ինչ որ մեկի մասնիկն եմ..... Էտ գեղաղվեստական արտահայտություն ա։ Ես տիզերքի մասնիկն եմ, ջրի, հողի, ուրեմն ես հող եմ, ջուր եմ, երկիր եմ, տիեզերք եմ։ Գեղեցիկ փոխաբերություն, ոչ ավելին։ Դե առնվազն իմ ընկալմամբ։

ՄԱՐԴ ՉԻ ԿԱՐՈՂ ՉԽՈՍԵԼ ԱՍՏԾՈ ՄԱՍԻՆ:

Սամ, քո լոգիկան ուրիշ ոլորտների վրա եմ կիրառում.
Բժիշկը չի կարող չխոսել վիրուսներից, ուրեմն բժիշտը վիրուս է։
Ֆիզիկը չի կարող չխոսել ձգողականության ուժից, ուրեմն ֆիզիկը ձգողականության ուժն է։
Չուկը չի կարող չխոսել Ակումբի մասին, ուրեմն Չուկը Ակումբն է։ (էս մեկը կարծես թե ճիշտ է)։
Հավատացյալը չի կարող չխոսել աթեիստի մասին, ուրեմն հավատացյալը աթեիստ է։
Աստված չի կարող չխոսել Սատանայի մասին, ուրեմն Աստված Սատանան է։

Եթե այս պնդումներն ընդունես, խոստանում եմ, որ լրջորեն կմտածեմ գրածներիդ մասին։

[Աթեիստ]

Sambitbaba ջան, ես նշածդ թեմայում գրառում եմ արել հենց կրոնի ու մարդու մասին: Ցույց կտա՞ս, թե որ բառս կապ ուներ աստծո հետ:

[Sambitbaba]

Սամ ջան, ես քեզ հասկացա։

Իսկ ես քեզ՝ ոչ, Ջառ ջան, կներես...

Գիտե՞ս, թե կամաց-կամաց ինչ տպավորություն է սկսում ստեղծվել ինձ մոտ... Որ ամեն կերպ ինձ ուզում ես կպցրած լինես նրան, ինչից ինքդ ոչ մի կերպ չես կարողանում պոկվել: Չնայած ինքդ համարում ես, որ դու դրա հետ ընդհանրապես կապ չունես: Մենակ թե մի նեղացիր, ինչ կլինի...

Նորից ու նորից, չգիտեմ, քանի անգամ նորից, կրկնում եմ ու եթե կարիք լինի, էլի կկրկնեմ, որ ինձ համար Աստված՝ "ով" չի: Եվ արդեն երկար տարիներ: Երբ ես դա հասկացա, ես դադարեցի հերքել Աստծո գոյությունը: Իսկ մինչ այդ հերքում էի: Թունդ աթեիստ էի: Շատ թունդ:

Ջառ ջան, իմ ասած Աստված՝ քո ասած Տիեզերքն է: Մեկ ուրիշի ասած Աբսոլյուտը:

Բայց քո ասած Աստված՝ իմ ասած Աստվածը չէ: Դա կրոնի ասած Աստվածն է, ինչից էլ հենց դու շատ պինդ կպած ես ու ոչ մի կերպ չես կարողանում պոկվել, հերիք չի, դեռ ինձ էլ փորձում ես կպցնել: Թույլ տուր պարզաբանել, որ նորից սխալ չհասկացվի ասածս. կպած ես ոչ թե Աստծոց կամ կրոնից, այդ մասին չեմ ասում, - կպած ես Աստծո մասին կրոնի թելադրած պատկերացումից:

Այդ կրոնն է ասում, որ Աստված՝ անձ է, պերսոնա է, և դու էլ, ինչպես նաև մյուս աթեիստները, գերազանց սերտած դասի պես կրկնում եք դա, չնայած այն բանին, որ ձեզ կրոնից անսահման հեռու եք համարում: Մի ասա, որ այդպես չէ, Ջառ ջան, մի՞թե դու չգրեցիր սա. "Բայց, որ ես ինչ որ մեկի մասնիկն եմ"...
Իսկ արդյո՞ք ես ասել եմ, որ Աստված՝ ինչ-որ մեկն է: Միակ բանը, որ կրկնում եմ անընդհատ. Աստված Ամեն Ինչ Է: Այդ թվում նաև՝ քո ասած Տիեզերքը: Եվ ավելին, քան Տիեզերքը: Որովհետև Տիեզերքը՝ Աստծո տեսանելի մասն է ընդամենը, իսկ կա նաև շատ ու շատ ավելի անսահման Անտեսանելին:

Եվ այս ասածս ինքստինքյալ հերքում է քո հաջորդ միտքն էլ, կներես...

Սամ, քո լոգիկան ուրիշ ոլորտների վրա եմ կիրառում.
Բժիշկը չի կարող չխոսել վիրուսներից, ուրեմն բժիշտը վիրուս է։
Ֆիզիկը չի կարող չխոսել ձգողականության ուժից, ուրեմն ֆիզիկը ձգողականության ուժն է։
Չուկը չի կարող չխոսել Ակումբի մասին, ուրեմն Չուկը Ակումբն է։ (էս մեկը կարծես թե ճիշտ է)։
Հավատացյալը չի կարող չխոսել աթեիստի մասին, ուրեմն հավատացյալը աթեիստ է։
Աստված չի կարող չխոսել Սատանայի մասին, ուրեմն Աստված Սատանան է։

Սա իմ լոգիկան չի, Ջառ ջան... Սա կրոնական ստերեոտիպերով սնուցված լոգիկա է: Սա նրա լոգիկան է, ով ոչ մի կերպ չի կարողանում Աստծոն տարբերել կրոնից...

Եթե ես ասած լինեի. մարդ չի կարող չխոսել կրոնի մասին, - այդ դեպքում քո այս համեմատությունները լրիվ տեղին կլինեին: Բայց ես ասել եմ. մարդ չի կարող չխոսել Աստծո մասին: Քեզ համար, ստացվում է, որ դա նույն բանն է՝ գրառումներդ են այդ մասին խոսում: Իսկ ինձ համար դրանք լրիվ տարբեր բաներ են.

Կրոնը՝ պատ է մարդկանց միջև ու բոլորին բաժանում է իրարից;
Իմ հասկացած Աստված՝ քարուքանդ է անում կրոնի սարքած պատերն բոլորին դարձնում է Մի Ամբողջականություն: Կամ՝ քո ասած Տիեզերքը՝ իր մասնիկներով հանդերձ:

[Sambitbaba]

Sambitbaba ջան, ես նշածդ թեմայում գրառում եմ արել հենց կրոնի ու մարդու մասին: Ցույց կտա՞ս, թե որ բառս կապ ուներ աստծո հետ:

Աթեիստ ջան, ազնվորեն, չեմ հասկանում տվածդ հարցը...

Նշածս թեման էլ՝ "Ով է մարդ իրականում", - թերթեցի ծայրից ծայր ու քո ոչ մի գրառում չգտա: Բայց եթե խոստովանես, թե մտքինդ ի՞նչ է, կպատասխանեմ մեծ ուրախությամբ...

[Աթեիստ]

Կրոնական մտորումներն ի նկատի ունեի։

http://www.akumb.am/showthread.php/6...=1#post2462356

[Աթեիստ]

Ջառ ջան, իմ ասած Աստված՝ քո ասած Տիեզերքն է: Մեկ ուրիշի ասած Աբսոլյուտը:

Մի հատ խնդալու բան նկատեցի. ուրեմն կրոնը ստեղծել ա աստծու գաղափարը։ էդ գաղափարը հորինված համարողները (աթեիստները) պնդում են, որ տենց բան գոյություն չունի։
Մեկ էլ գալիս ա Sambitbaba-ն, որը լրիվ ուրիշ բանի անունն ա դրել աստված, ու հիմա կպած աթեիստներին համոզում ա, որ իրանց հայացքները «մի փոքր սխալ են»։

Ոնց որ ես ասեմ, որ զզվում եմ կոնյակից, մեկ էլ գալիս ա մի մարդ, որը ասենք իրա ախպորնա դիմում կոնյակ բառով, ու ինձանից բացատրություն ա պահանջում, թե խի եմ զզվում «կոնյակից»։

Եթե քո ասած աստվածը ոչ մի կապ չունի ամբողջ աշխարհի հասկացած աստծու հետ, մի գուցե ուրի՞շ անուն դնես։

[Sambitbaba]

Մի հատ խնդալու բան նկատեցի. ուրեմն կրոնը ստեղծել ա աստծու գաղափարը։ էդ գաղափարը հորինված համարողները (աթեիստները) պնդում են, որ տենց բան գոյություն չունի։
Մեկ էլ գալիս ա Sambitbaba-ն, որը լրիվ ուրիշ բանի անունն ա դրել աստված, ու հիմա կպած աթեիստներին համոզում ա, որ իրանց հայացքները «մի փոքր սխալ են»։

Ոնց որ ես ասեմ, որ զզվում եմ կոնյակից, մեկ էլ գալիս ա մի մարդ, որը ասենք իրա ախպորնա դիմում կոնյակ բառով, ու ինձանից բացատրություն ա պահանջում, թե խի եմ զզվում «կոնյակից»։

Եթե քո ասած աստվածը ոչ մի կապ չունի ամբողջ աշխարհի հասկացած աստծու հետ, մի գուցե ուրի՞շ անուն դնես։

Կրոնը ստեղծել ա աստծու գաղափարը։

Կրոնը չի ստեղծել Աստծո գաղափարը: Այդ Աստծո մասին մարդկանց գաղափարն է, որ ստեղծել է կրոն:
Ջառի խոսքերով ասած, մեքենայի գործարանը չի, որ ստեղծել է մեքենայի մասին գաղափարը: Մեքենայի մասին գաղափարն է, որ մեքենայի գործարան է ստեղծել:
Այս աշխարհում ամեն ինչ սկզբում որպես գաղափար է եղել. մեխը, մեքենան, պատառաքաղը, ինքնաթիռը; ու նաև՝ ուրախությունը, թախիծը, հումորը, վախը; ու նաև՝ կրոնը, աթեիզմը, սատանիզմը; և նույնիսկ ծառերը, սարերը, երկինքը... բայց այս վերջին երեքն արդեն ոչ քեզ համար, Աթեիստ ջան...

էդ գաղափարը հորինված համարողները (աթեիստները) պնդում են, որ տենց բան գոյություն չունի։

Գաղափարը, սիրելիս, չի կարող հորինված չլինել, որովհետև դա հենց այն է, ինչ դեռևս գոյություն չունի: Եվ ուրեմն, ի՞նչ են պնդում աթեիստները. որ այն, ինչ կա - կա՞... թե՞, որ այն, ինչ չկա - չկա... Օքեյ, թող պնդեն:

Մեկ էլ գալիս ա Sambitbaba-ն, որը լրիվ ուրիշ բանի անունն ա դրել աստված, ու հիմա կպած աթեիստներին համոզում ա, որ իրանց հայացքները «մի փոքր սխալ են»։

Ճիշտ ես, Աթեիստ ջան, ես ինքս ինձ համար "այդ բանին" երբեք Աստված չեմ անվանում, քանզի Աստված բառը շատ փոքր է "այդ բանն" ամբողջովին իր մեջ ընդգրկելու համար, - ես հիմնականում օգտագործում եմ "Արարիչ" բառը: Իսկ Աստված բառն ինձ համար՝ "այդ բանի" միայն ֆիզիկական, կամ նյութական, մասն է և մեր հայերեն բառը, ըստ իս, հենց այդ էլ նշանակում է. Աստված, այսինքն, աս-տվածը, այս ամբողջ մեզ տրվածը, ինչը մենք կարող ենք տեսնել ու զգալ մեր վեց զգայարաններով: Իսկ դա՝ "այն բանի" շատ փոքրիկ մասն է ընդամենը...

Ու մի բան էլ. նորից ուզում եմ կրկնել, որ Արարիչ՝ Ամեն Ինչ Է, և գոյություն չունի ոչինչ, ինչը կարող է Ամեն Ինչից դուրս լինել կամ Ամեն Ինչ չլինել: Եվ եթե Արարիչ՝ Ամեն Ինչ Է, ուրեմն ինչ էլ որ ստեղծի Արարիչ՝ իրենից է ստեղծում, և ինչ էլ որ ստեղծի Արարիչ՝ իրեն է ստեղծում: Որովհետև՝ կրկնեմ, - ամեն ինչ՝ Ամեն Ինչի մեջ է և Ամեն ինչից դուրս լինել չի կարող:

Հիմա եկ նույն բանն ասենք Ջառի խոսքերով. Տիեզերքն՝ Ամեն Ինչ Է, և գոյություն չունի ոչինչ, ինչը կարող է Ամեն Ինչից դուրս լինել կամ Ամեն Ինչ չլինել: Եվ եթե Տիեզերքն՝ Ամեն Ինչ Է, ուրեմն ինչ էլ որ ստեղծի Տիեզերքը՝ իրենից է ստեղծում, և ինչ էլ որ ստեղծի Տիեզերքը՝ իրեն է ստեղծում: Որովհետև՝ կրկնեմ, - ամեն ինչ՝ Ամեն Ինչի մեջ է և Ամեն ինչից դուրս լինել չի կարող:

Իսկ հիմա դու կարող ես ընտրել քո ցանկացած բառ. .........՝ Ամեն Ինչ Է, և գոյություն չունի ոչինչ, ինչը կարող է Ամեն Ինչից դուրս լինել կամ Ամեն Ինչ չլինել: Եվ եթե .........՝ Ամեն Ինչ Է, ուրեմն ինչ էլ որ ստեղծի .........՝ իրենից է ստեղծում, և ինչ էլ որ ստեղծի ..........՝ իրեն է ստեղծում: Որովհետև՝ կրկնեմ, - ամեն ինչ՝ Ամեն Ինչի մեջ է և Ամեն ինչից դուրս լինել չի կարող:

Եթե քո ասած աստվածը ոչ մի կապ չունի ամբողջ աշխարհի հասկացած աստծու հետ, մի գուցե ուրի՞շ անուն դնես

Ախր հարցն անունը չի, Աթեիստ ջան... Եթե հարցը միայն անունը լիներ...
"Այդ բանին" ինչ-որ անուն են տվել և ինչ-որ կերպ են կոչում... հու՞ քերզ... Բայց "այդ բանը" այն է, առանց ինչ՝ ես, դու, Ջառը, կոնյակը, Տիեզերքը, Աստված (իմ հասկացածը, պուճուրը) չկանք, ուղղակի գոյություն չունենք...

Ինչ-որ ժամանակ ինչ-որ ոմանց անհրաժեշտ է եղել "այդ բանը" մեզ սխալ ներկայացնել: Ու մենք էլ, ոչխարների պես, հլու-հնազանդ, ընդունել ենք դա որպես ճշմարտություն ու կրում ենք այդ "ճշմարտությունը" մեր մեջ արդեն քանի հազար տարիներ... (Երևի ա՞դ է պատճառը, որ նրանք իրենց անվանել են հովիվներ, իսկ մեզ՝ ոչխարներ...)

Մեզանից ոմանք հավատացել են դրան ու կուլ են գնացել դրան ու կրում են դրա լուծն իրեն վրա, և նրանց մենք կոչում ենք հավատացյալներ:

Մեզանից ոմանք հավատացել են դրան ու հերքել են դա ու կուլ չեն գնացել ափաշկյարա ստին, և նրանց մենք կոչում ենք աթեիստներ:

Ցավալին այն է, որ թե առաջինները, և թե երկրորդները... հա-վա-տա-ցել են հնարովի "այդ բանին" ու հրաժարվել են իսկականից, այսինքն՝ իրենք իրենցից...

[Jarre]

Սամ, դու չես պատկերացնում, թե մեր մտածելակերպերը ինչքան նման են որոշ հարցերում։ Որոշ հարցերում սկզբունքորեն տարբեր են, որոշ հարցերում շատ նման։ Կփորձեմ օրինակներով գրել։

[Jarre]

Սամ մի բան եմ ուզում ասել։ Գիտեմ, որ ասածս կարաս համարես դատարկացնդաբանություն։ Կամ մտածես, որ հումոր եմ անում։ Բայց ես լրիվ լուրջ եմ գրում։

Դու գիտե՞ս, որ քո վերևի գրառումով դու իրականում համարում ես, որ Տիեզերքը շատ ավելի փոքր ա քան քո գլուխը։
Ես քեզ հենց քո գրառման սկզբունքներով ցույց կտամ քեզ դա։ Ու ես էտ մտքի հետ էս պահին համաձայն եմ։ Տիեզերքը շատ ավելի փոքր ա մեր գլուխը։

Էս ոչ փիլոսոփայություն ա, ոչ էլ ես իմ ինչ։ Շատ պրակտիկ միտք է, որի պատճառները հասկանալը շատ բան կարա մեզ տա։ Ես անպայման կբացատրեմ։

[Sambitbaba]

Սամ, դու չես պատկերացնում, թե մեր մտածելակերպերը ինչքան նման են որոշ հարցերում։ Որոշ հարցերում սկզբունքորեն տարբեր են, որոշ հարցերում շատ նման։ Կփորձեմ օրինակներով գրել։

Գիտեմ, Ջառ ջան, հաճախ եմ այդ նկատում: Եվ դա է պատճառը, որ քեզ հետ քիչ ավելի համարձակ եմ խոսում, քանզի համոզված եմ, որ կհասկանաս ու չես նեղանա, եթե անգամ ասածս քիչ կոպիտ հնչի:
Եվ, ինչ մեղքս թաքցնեմ, շատ ուրախ եմ, որ նման են:

[Sambitbaba]

Սամ մի բան եմ ուզում ասել։ Գիտեմ, որ ասածս կարաս համարես դատարկացնդաբանություն։ Կամ մտածես, որ հումոր եմ անում։ Բայց ես լրիվ լուրջ եմ գրում։

Դու գիտե՞ս, որ քո վերևի գրառումով դու իրականում համարում ես, որ Տիեզերքը շատ ավելի փոքր ա քան քո գլուխը։
Ես քեզ հենց քո գրառման սկզբունքներով ցույց կտամ քեզ դա։ Ու ես էտ մտքի հետ էս պահին համաձայն եմ։ Տիեզերքը շատ ավելի փոքր ա մեր գլուխը։

Էս ոչ փիլոսոփայություն ա, ոչ էլ ես իմ ինչ։ Շատ պրակտիկ միտք է, որի պատճառները հասկանալը շատ բան կարա մեզ տա։ Ես անպայման կբացատրեմ։

Կսպասեմ գրառմանդ, բայց հիշեցնեմ իմ շատ-շատ սիրելի Տոտ Հերմես Տրիսմեգիստի խոսքերը: Միգուցէ դրանք կօգնե՞ն քո եզրահանգումներին.

"Ինչ վերևում է, այն էլ ներքևում է":

[Jarre]

Չէ մի չէ, մեր վարչափետը, որ կաթողիկոսի հետույքից արդեն մի քանի տարի ա դուրս չի գալիս։

Վրաստանի նախկին վարչապետը քննադատել է վրացական եկեղեցուն

Վրաստանի նախկին վարչապետ Բիձինա Իվանիշվիլին մեկնաբանել է վրաց պատրիարքի հայտարարությունը՝ սուրոգատ եղանակով երեխաների ծննդյան կապակցությամբ:

Սուրբծննդյան ուղերձում Իլյա 2-րդը հայտարարել էր, թե սուրոգատ մորից ծնված երեխան դատապարտված է լինել «չսիրված, միայնակ եւ անդաստիարակ»:

Իվանիշվիլիի կարծիքով, եկեղեցին չպետք է տաբուացված լինի:

«Պատրիարքն էլ կարող է սխալվել: Նա կարող է ասել, թե ինչպես է տեսնում հարցը, մենք էլ կարող ենք չկիսել նրա տեսակետը: Դա նորմալ է, դոգմաներ պետք չեն: Եկեղեցին ժամանակին դեմ էր դեղերին, իսկ այսօր լավ բուժում են: Փոքր-ինչ վիճելի է սուրոգատ մոր հարցը, այդ օրենսդրությունը պետք է կատարելագործել»,- ասել է Իվանիշվիլին:

Աղբյուր՝ news.am