Դալայ Լաման ցնցել է աշխարհն իր հայտարարությամբ
20.10.2013 11:50
Մի քանի միլիոն բուդիստների առաջնորդ Դալայ Լաման օրերս հայտարարություն է արել, որը կարելի է որակել որպես դարակազմիկ հայտարարություն:
Նա մասնավորապես ասել է.
«Աշխարհի բոլոր կրոնները մեծ նշանակություն են տալիս սիրո զգացմունքին, կարեկցանքին, հանդուրժողականությանն ու ներողամտությանը և նպաստում են հոգևոր արժեքների զարգացմանը: Դա միանշանակ այդպես է:
Սակայն իրականությունն այսօր այնպիսին է, որ էթիկան կրոնի հետ ձուլելու այլևս իմաստ չունի:
Այնպես որ, ես ավելի ու ավելի վստահ եմ, որ եկել է ժամանակը գտնելու նոր ճանապարհ` հոգևոր և էթիկական հարցերում լուծում գտնել առանց կրոնի»:
Հայտարարությունն անկասկած դարակազմիկ է:
Մի քանի միլիարդ բուդդիստների առաջնորդն այսօր խոսում է այն մասին, որ նա չի տեսնում կրոնը` որպես ժամանակակից հասարակության հոգևոր և բարոյական հիմք:
Ըստ առաջնորդի, «Մարդկությունն այսօր մանկան գիտակցությունից անցնում է մեծահասակի գիտակցության և այլևս չի ցանկանում «Աստծո ծառա» լինել:
Մարդիկ ցանկանում են լինել սեփական ճակատագրի ստեղծողը, իսկ նրանց հազար տարվա դոգմաներ են առաջարկում, որոնք այլևս չեն համապատասխանում ոչ ժամանակին, ոչ էվոլյուցիային»:
Նշենք, որ Դալայ Լաման մեր ժամանակների ամենահարգված մարդկանցից մեկն է, և որ ավելի կարևոր է` ամենասիրելի քաղաքական և հոգևոր առաջնորդը:
Նա ընդամենը երկու տարեկան է եղել, երբ նրան հռչակել են 14-րդ Դալայ-Լամա:
Դալայ-Լաման Տիբեթի, Մոնղոլիայի, Բուրյաթիի և բազմաթիվ այլ շրջանների բուդդիստների հոգևոր առաջնորդն է:
1989 թվականին արժանացել է Նոբելյան մրցանակի: 2006-ին ստացել է ԱՄՆ Կոնգրեսի Ոսկե մեդալ:
Աղբյուր՝ shamshyan.com
Մեջբերել
De gustibus et coloribus non est disputandum.
Tig-ի խոսքերից
Էջանիշներ