Իմ վերևի մարդը

[Ռուֆուս]

Peace-ից դեռ գլուխ չեմ հանել, ինքը ոնց որ Ակումբի ազատ անկախ դիտորդ լինի Շատերին հասցրել ա լավ մոտիկից ուսումնասիրել, գիտի որոշ մարդկանց բնավորությունները, հատկանիշները, բայց իր գրառումներն էնքան փակ են, որ իր մասին գրեթե ոչինչ հնարավոր չէ պատկերացնել: Մի խոսքով, ուզում եմ, Peace-ը բացի ամեն մեկիս հատիկ-հատիկ մոտիկից ուսումնասիրելու փոխարեն թող մի քիչ էլ ինքը բացվի, որ մենք էլ կարողանանք իրեն ուսումնասիրել, թե չէ սենց մի տեսակ արդար չի

Համ էլ գյումրեցի ա, մի օր գյումրեցիներովս հանդիպում կանենք, նախանձից կմեռնեք

[Ամմէ]

Ռուֆուս--- քանի որ նորեկ եմ ու դեռ շատ էլ չեմ չանաչում շատերին կարծիքս երևի այդքան էլ կոնկրետ չեմ կարող ասել , բայց հենց Ռուֆոուսի հետ զրույց ունեցել եմ մի փոքր ինձ առաջին հայացքից հաչելի անձավորություն տվաց , գռառումներն էլ կարդալուց վատ կարցիք չեմ ստացել

[StrangeLittleGirl]

Նոր Կյանք, Նոր Տողից
Այս անդամին անմիջապես նկատեցի, բայց ոչ գրառումների շնորհիվ: Երկար մականունն ամեն տեղ աչքի էր ընկնում: Էնպես որ աչքիս MWMS-ի պես ունենալու ենք ՆԿՆՏ: Ամեն դեպքում, կարծես Ակումբում թարմ շունչ լինի, ինչը ողջունելի է: Ինձ դուր է գալիս նրա աշխուժությունը (հույս ունեմ` իրական կյանքում էլ է այդպիսին) ու տարբեր քննարկումների մասնակցելու պատրաստակամությունը:

[einnA]

Էս Բյուրը հաստատ տարօրինակ մարդ արարած է ամեն դեպքում տարբերվող տարօրինակներից է, որ եթե շատ խորը նայես, էնքան հակասող բաներ կգտնես:

Սիրում եմ, որ արտահայտվելիս լրիվ անկեղծ է լինում, չեմ սիրում, որ մի բանի վրա շատ է ֆիքսվում ու իրան հաստատ չես կարող շեղել, մինչև ինքը չցանկանա: Էն մարդկանցից է, որի հետ ծանոթությունից հետո քեզ պարտադրված չես զգում շարունակել իրական շփումը, հանգիստ կարող ես էտ հեռավորության վրա մոտ զգալ:

հ.գ. շատ չխորանամ, թե չէ շատ խառը տարօրինակ մտքեր են պտտվում գլխումս, իսկ ես իրականում լավ չգիտեմ Բյուրին

[Smokie]

einnA-ն մանկականի առումով նման չի իր ավատարին՝ բավականին հասուն ու խելացի անձնավորություն է: Հաճախ հաճելի հումորով, հաճախ բարի գրառումներով, հաճախ էլ հետաքրքիր ու բովանդակալից պատմություններով, (թեկուզ հենց իր մասին):
Հաճախ էլ իր մեջ տեսնում եմ սիրո և հպարտության զգացում, դեպի մեր հայկական մշակույթը՝ որակյա'լ մշակույթը, ոչ թե...

[Meme]

Smokie

Էնքան հեշտա բնութագրել տվյալ անդամին, քանի որ իր նման բարի ու կամեցող անդամ թվումա ակումբում չկա, թեթև, հասկանալի ու բովանդակալից գրառումներով, որոնք մի՜շտ ընթերցում եմ, ու հաճույքով, որովհետև նախ գրառումները սրտիցս են լինում, հետո էլ հանգիստ են կարդացվում...Ոչ մի կոպիտ խոսք, ոչ մի վիրավորանք դիմացինին, նորից եմ ասում հանգիստ ու թեթև ընկեր ...
Լավ մարդ ակումբում....
Չփոխվես...Ուրախ եմ, որ կաս...էս սմայլիկը մենակ քոննա...

[yerevanci]

Meme

Շատ լավ ու հաճելի ակումբցի, իր գրառումներում թեթևություն ու միևնույն ժամանակ խորիմաստություն կա, ակումբում այն քիչ մարդկանցից է, որ տարբերություն չի դնում ոչ մեկի միջև, հաճելի զրուցակից է, ու այսքանի հետ մեկտեղ՝ նաև գեղեցկուհի:

[StrangeLittleGirl]

Էսօր հասկացա, որ էս թեման ակտիվացնել ա պետք:

yerevanci ակումբցուն չգիտեմ ինչու հիշում էի որպես սուսուփուս, քիչ արտահայտվող, բայց հավասարակշռված ու ինտելեկտուալ: բայց հիմա փորձում եմ որևէ գրառում մտաբերել, որ կհաստատի կարծիքս, չեմ հիշում:

[Sambitbaba]

Բյուր…

Միշտ սիրելի ես և միշտ՝ հետաքրքիր:
Շատերը հյուր են Ակումբում, իսկ դու՝ Ակումբի բնակիչ ես:
Միշտ հետևում եմ գրառումներիդ, քանզի միշտ հետաքրքիր են նրանք ու միշտ ճշմարիտ ու միշտ ազնիվ ու միշտ խելոք:
Եվ չնայած դրան, երբ տեսա այս թեման և ցանկացա գրել սերս քո մասին, մտածեցի. ի՞նչ գրեմ: Այնքան շատ է այս աղջիկը, որ ես դեռ չեմ հասցրել նրան ճանաչել…

[Ուլուանա]

Sambitbaba–ն ոնց որ Ակումբի խաղաղության աղավնիներից լինի, որոնք, ցավոք, քիչ են Ակումբում։ Նույնիսկ որևէ մեկի հետ խիստ հակակարծիք լինելու դեպքում միշտ փորձում է նախ հասկանալ դիմացինի տեսակետը, հետո անհրաժեշտության դեպքում ինչ–որ բան հասկացնել՝ առանց քննադատելու, վիրավորելու կամ ծաղրելու, ամենայն համբերատարությամբ։ Ընդհանուր առմամբ ինձ դուր է գալիս նրա աշխարհայացքը, ցանկացած հարցի նկատմամբ ցուցաբերած գլոբալ մոտեցումը։ Միայն թե կարծում եմ՝ որոշ դեպքերում մի քիչ շատ է ծավալվում՝ բուն հարցին անդրադառնալուց առաջ։ Իսկ մարդիկ սովորաբար էնքան էլ չեն սիրում երկարաշունչ գրառումներ կարդալ, ու շատ դեպքերում կարող են ընդհանրապես վրայով անցնել ու չկարդալ, եթե շատ երկար լինի գրառումը (ես էլ եմ համեմատաբար երկար գրողներից, ու ինձ էլ են երբեմն քննադատել դրա համար )։ Ինձ մեկ–մեկ նույնիսկ թվում է, թե իրականում ճանաչում եմ Sambitbaba–ին ։ Ու գիտեմ, թե ինչու է էդպես թվում։

[Sambitbaba]

Ուլուանա

Երկար ժամանակ, գրառումներդ կարդալիս, միշտ մի տարօրինակ ջերմություն եմ զգացել, ասես, թե դու ցանկանում ես ինձ մի ինչ-որ հին, շատ հաճելի բան հիշեցնել: Նման վիճակը հաճախ բերում է նրան, որ երբեմն ցանկություն է առաջանում վերցնել ու բոլոր գաղտնիքներդ լցնել քեզ այդքան ջերմություն պարգևողի գոգնոցը…
Ու մի անգամ, երբ պատահաբար աչքիս ընկավ "Ակումբի անդամների լուսանկարները" թեման ու ես մտա այնտեղ… ամեն ինչ պարզ դարձավ:
Այդ մայրական ջերմությունն է քո մեջ խոսում, սիրելիս, - դրանով ես դու բերնեբերան լցված…

[impression]

Sambitbaba-ին սկսեցի նկատել, երբ նա բացեց իր թեմաները՝ նյու էյջի վերաբերյալ, դե ես էլ եմ ահագին էդ ամենով հետաքրքրվում, բայց էդ ժամանակ նրա մասին կարծիք չունեի
կարծիք ունեցա ընդամենը մի քանի այլ գրառումներ կարդալով, օրինակ Ամանդա Տոդդի օրագիրը թեմայում, որտեղ նա արտահայտում էր կարծիքը՝ մնալով կոռեկտության ու մարդկայնության սահմաններում, իսկ դա նշանակում ա, որ Sambitbaba-ն երբ գրում ա՝ ժողովուրդ, սերը կփկի աշխարհը, ինքը իրոք դրան հավատում ա ու իր ուժերի ներածի չափով ապրում ա ըստ էդ գաղափարի
հանգիստ, հավասարակշռված, քաղաքավարի մարդ, նրա նմաններին պետք ա պահել ու փայփայել

[StrangeLittleGirl]

impression
Լիլ, այ Լիլ, ի՞նչ գրեմ քո մասին, որ կրկնություն չլինի
Ուրեմն Լիլը շատ լավ ընկեր ա: Իրան շատ եմ սիրում դրա համար: Քիչ են տենց մարդիկ, որ կարողանում են մնալ լավ ընկեր՝ առանց պարտադրող հարաբերությունների: Մեկ էլ Լիլի լեզուն շատ սուր ա: Հատկապես երբ հումոր ա անում, թող ու փախի: Ծիծաղից թավալվում ես գետնին: Իբր թե-ի Լիլին շատ եմ սիրում

[Artgeo]

StrangeLittleGirl-ի հետ շատ տարիների բարդ հարաբերություններ են կապում։ Կռիվներ, վեճեր, ընկերություն, ջերմություն...
Էսօրվա տեսանկյունից որ նայում եմ, կարոտել եմ իրան շատ, բայց նախկինի պես վստահություն չունեմ, չգիտեմ... Փոխվել ա երևի։ Մյուս կողմից, դրական ա փոխվել, ավելի հանգիստ ա դարձել ու կայուն։

[John]

Երկար տարիների մասնագիտական փորձս թույլ է տալիս կարծիք հայտնել վերևի մարդու մասին.
Արթգեո - փոքր տարիքում` 15-17 տարեկանում էս մարդը հանելուկ էր ինձ համար. իրան ճանաչում էի որպես նեղացկոտ ու բարի արջուկ, հետո տարիներ անցան` մեծացա ու ավելի լուրջ կարծիք սկսեց ձևավորվել. Արթգեոն ուժեղ մարդ է` միանշանակ, որտև ինքը չափազանց կոմպլեքսավորված է, բայց անդադար աշխատում է կոմպլեքսները հաղթահարելու ուղղությամբ (ինչը անել իմ մոտ շատ ավելի անարդյունավետ է ստացվում) ու էնքան լավ է իր մոտ ստացվում այդ կոմպլեքսները քողարկելն ու իրանց հաղթելը, որ միայն վերջերս, չնայած համարյա չենք շփվում, հանգեցի այդ եզրակացությանը: Ու մեկ էլ արջուկոտ է էլի, ոչ միայն արտաքինով ու քայլվածքով, այլ նաև բնավորությամբ: Լավն է Արթգեոն