Հարցեր քահանային

[Ter Hayr]

Տեր Հայր ցանկանում էի Ձեզ ուղղել մի հարց ,որն ինձ շատ է հետաքրքրում: Ինչպես է եկեղեցին վերաբերվում Տըրնդեզ տոնին ,արդյոք նման չէ կրակապաշտությանը կրակի շուրջ պտտվելը և հավատալը ,որ այն հեռու կտանի չար ուժերը և նման այլ բաներ:

Ես այդպես չեմ մտածում: Այստեղ ոչ թե փառաբանվում է կրակը և նրա զորությունը, այլ Աստված, որ Լույսն է աշխարհի: Շատ մարդիկ սխալ մոտեցում ունեն շատ հարցերի նկատմամբ և այս հարցի նկատմամբ նույնպես: Բայց մենք մշտապես շտկում և ուղղորդում ենք նրանց: Տյառնըդնառաջ տոնի մասին ամբողջական պատկերացում կազմելու համար այցելեք Արարատյան թեմի կայքը հետևյալ հասցեով. http://www.araratian-tem.am/holidays.php?id=10
Օրհնությամբ` Տ. Շմավոն քահանա Ղևոնդյան:

[Շաքէ]

3արգելի քահանայ
Ըստ մեր Առաքելական եկեղեցու երբ մարդը մահանում է արդեօ՞ք նրա հոգին կենդանի է եւ կարող է զգալ իր անմիջական հարազատների դժւարութունները եւ անհանգստութիւնները կամ հասկանու՞մ է այս աշխարհում պատահած իրողութիւնները :

[Monk]

Մոդերատորական. Մի շարք գրառումներ ջնջվել են, հեղինակները՝ տուգանվել: Կրկնում եմ. թեման նախատեսված է միայն քահանային հարցեր ուղղելու և պատասխաններ ստանալու համար: Որոշ դեպքերում թույլատրելի են հավելյալ հարցեր ուղղելը, եթե պատասխանը չի բավարարել կամ պարզաբանման կարիք ունի: Սակայն ոչ մի դեպքում թեման չպիտի վերածվի բանավեճի, իսկ քահանայի նկատմամբ պետք է պահպանվի անհրաժեշտ հարգանք:

[wem]

Հարգարժան Տեր Հայր,
երբ որ մարդիկ մահանում են, իրենց հոգիները ո՞րտեղ են գնում մինչև ահեղ դադաստանի օրը:
Շնորհակալություն:

[Էդգար]

Տէր հայր ինչու են հնում սատանային համարել ԱՐէգակ (խօսքը Գրիգոր Տաթեւացու մասին է):

[Aware]

Հարգելի քահանա, ինձ հետաքրքրում է` ինչ խորհուրդ ունի թաղման քելեխի ժամանակ բաժակաճառից հետո բաժակները` միայն մատներով միմյանց խփելը ? Ինչն է պատճառը,որ մյուս առիթներում բաժակների` միմյանց կպնելը կարելի է,իսկ էս դեպքում ոչ??

[Արևածագ]

Մի շաբաթ հետո պետք է մկրտվենք: Մկրտությունը կատարելու է հայ քահանան: Ինձ հետաքրքրում է՝ ռուսական եկեղեցու կողմից արդեն իսկ օրհնված խաչը կարելի՞ է օգտագործել այդ մկրտության ժամանակ:

[Տեր_Համբարձում]

Հարգելի քահանա, ինձ հետաքրքրում է` ինչ խորհուրդ ունի թաղման քելեխի ժամանակ բաժակաճառից հետո բաժակները` միայն մատներով միմյանց խփելը ? Ինչն է պատճառը,որ մյուս առիթներում բաժակների` միմյանց կպնելը կարելի է,իսկ էս դեպքում ոչ??

Ի տարբերություն մնացած արարողակարգերի, երբ հավաքվում ենք սեղանի շուրջ միաբանվելով, թաղման հոգեհացը բավականաչափ տարբերվում է մյուս բոլոր արարողակարգերից՝ նրանով, որ բոլորը միաբերան հավաքվում են Աստծո ողորմությունը խնդրելու՝ հանգուցյալի հոգու համար: Այս մոտեցումն է, որ մեզ ստիպում է լուռ մրմունջ կատարելու՝ հեռացնելով ուրախությունը և ցնծությունը, ինչը հատուկ է ուրախ սեղաններին:

[McGregor]

Բարև ձեզ:
Պատահաբար հայտնաբերեցի այս ֆորումը, շատ ուրախացա և սրտանց ողջունում եմ ձեզ: Այս և նմանատիպ ֆորումները հանդիսանում են հրաշալի հնարավորություն հարցերի և պատասխանների միջոցով հստակորեն պատկերացնել մեր դերը կյանքում և կրոնի դերը մեր կյանքում:
Թույլ տվեք մի հարց տալ, ես շատ հավատում եմ Աստծուն, Քրիստոնեությանը և մեծ հավատքով կնքվել եմ: Վերջերս մասնակցեցի մի կնունքի արարողությանը, որտեղ քահանան կնքվողին ասեց, որ շրջվի դեպի արևմուտք և երեք անգամ կրկնի, թե նա հրաժարվում է սատանայից: Շատ գեղեցիկ և ազդեցիկ պահ էր: Սակայն, ես ակնթարթորեն հիշեցի իմ կնունքը և ներկա գտնողներից ճշտելուց հետո հաստատ կարող եմ ասել, որ քահանան իմ կնունքի ժամանակ ուղղակի չարեց դա: Շատ անհանգստացա, կարդացի կնունքներ կատարելու ցավոք ռուսերեն ընթացակարգը/հայերենը չկա համացանցում/ և հասկացա, որ կնքման արարողության այդ բաղկացուցիչը կա նաև ուղղափառ եկեղեցում: Այսպիսով ես չափազանց անհանգիստ եմ դրա համար, բայց միևնույն ժամանակ հավատով լի, որ կամքը Աստծո իրականությունն է իմ: Շատ եմ խնդրում, հարգելի հոգեվորականներ, կմեկնաբանեք իմ իրավիճակում ինչպես վարվել?
Կանխավ շնորհակալություն

[Հիդրոգեն]

Ter Hayr, պատկերացրեք մի երկիր որպես պետական կրոն է ընդունել մի կրոն, համաձայն որի եթե մարդը ձախ ձեռքի գոնե մեկ մատին մատանի չի կրում, նա մեղք է գործում։ Այդ երկրի բնակչության մի մասը չի դավանում այդ կրոնին, սակայն մեծամանսությունը չափազանց հավատացող է։
Որոշ ժամանակ անց այդ երկրի կրոնական առաջնորդները որոշում են տեղեկացնել ժողովրդին, որ մատանի չկրողները ոչ միայն ինքներն են մեղք գործում, այլև նրանց պատճառով մեղսավոր են դառնում նաև հասարակության նորմալ հավատացյալները։
Առաջնորդները նաև կոչ են անում օրենք հաստատել, համաձայն որի առանց ձախ ձեռքին մատանի կրելու հասարակություն դուրս գալն անօրինական կլինի և կպատժվի ազատազրկմամբ։ Արդյունքում հավատացյալ հասարակությունը ստիպում է կառավարությանը հաստատել համապատասխան օրենքը, և արդյունքում որոշ մարդիկ սահմանափակվում են իրենց իրավունքների մեջ այն կրոնի պատճառով, որն իրենցը չէ։
Ինչպե՞ս դուք կգնահատեիք այդ առաջնորդների վարած քաղաքականությունը։
Ի՞նչ գնահատական դա կարող էր ստանալ հայոց եկեղեցու կողմից։

[Լեո]

Խնդրում եմ ինձ բացատրեք, թե ինչպե՞ս է մեկնաբանվում Աստվածաշնչյան հետևյալ միտքը. «Իմ մահվան օրն ես ավելի երջանիկ էի, քան իմ ծննդյան օրը»:

[karina13]

Oրհնեցեք Տեր Հայր,
Ինչ է Ժամերգությունը՞:
Ո՞ր ժամերին է մեր եկեղեցիներում կատարվում Ժամերգություն:

[Ter Hayr]

Oրհնեցեք Տեր Հայր,
Ինչ է Ժամերգությունը՞:
Ո՞ր ժամերին է մեր եկեղեցիներում կատարվում Ժամերգություն:

Աստված օրհնի քեզ, Կարինե
Վերջապես այս կայքում հանդիպեցի հոգևորականին դիմելու կանոնական ձև:
ԲԱյց սա ամենևին մեղադրանք թող չհնչի մնացյալ ակումբցիների համար: Ժամերգությունը հավաքական աղոթք է, որը կատարվում է եկեղեցում որոշակի ժամերի: Ժամերգույունն իրենից ներկայանում է աղոթքների, շարականների, մաղթանքների և քարոզների կանոնական ամբողջություն: Ժամերգության գերագույն նպատակը Աստծո փառաբանությունն է, գոհունակություն հայտնելը և հոգևոր խնդրանքներ: Հայ Առաքելական Ս. Եկեղեցին ունի հետևյալ ժամերգությունները. Գիշերային, Առավոտյան, Արևագալի, Ճաշու ողորմյաներ, Երեկոյան, Խաղաղական և Հանգստյան: Այսօր հետևյալ ժամերգությություններն են կատարվում. առավոտյան ժ. 9.00-ին` միասնաբար Գիշերային, Առավոտյան, Ճաշու ժամամուտ, որնին կոչում են նաև թիվ պատարագ: Երեկոյան ժ. 17.00-ին` Երեկոյան ժամերգություն: Մեծ Պահքի օրերին առավոտյան ժ. 9.00-ի կատարվելիք ժամերգություններին ավելանում են Արևագալի և Ճաշու 3 ողորմյաները, նաև Երեկոյան ժամերգությունը կատարվում է իբրև միջօրեի ժամերգություն; Իսկ երեկոյան`ժ. 17.00-ին, փոխնիփոխ` Խաղաղական և Հանգստյան ժամերգությունները:
Օրհնությամբ Տեր Շմավոն քահանա

[Ter Hayr]

Խնդրում եմ ինձ բացատրեք, թե ինչպե՞ս է մեկնաբանվում Աստվածաշնչյան հետևյալ միտքը. «Իմ մահվան օրն ես ավելի երջանիկ էի, քան իմ ծննդյան օրը»:

Խոսքն այստեղ գնում է, ըստ իս, երկրային բոլոր հոգսերի, ցավերի, տառապանքների մասին: Քանի որ, ինչպես մենք գիտենք, մահը վերջ չէ քրիստոնյայի համար, այլ սկիզբ անմահության և հավիտենության: Իսկ ծնունդն ինքին ենթադրում է երկար կյանք, որը որ լի է ամեն տեսակ ցավերով և տառապանքներով: Այս ամենը չի նշանակում կայնքի մերժում և որ կայնքում ուրախ և երջանիկ օրեր չկան: Կյանքի յուրաքանչյուր օր պետք է ապրել այնպես, որ երբևիցե չզղջալ ապրածի համար, ըստ Աստծո կամքի և արժանանալ հավիտենական կյանքի:
Օրհնությամբ Տեր Շմավոն քահանա

[Pagan Angel]

Էջմիածնի Մայր Աթոռը կառուցվել է հեթանոսական կռատան վրա, սակայն դրանով սատանայապաշտությունը, կրակապաշտությունն ենք վերացրել:

Ter Hayr, ի՞նչ սատանայապաշտության մասին է խոսքը: Եթե չգիտեք, թե ի՞նչ խորհուրդ է իր մեջ պարունակում Հայ Հեթանոսությունը՝ կխնդրեի չարտահայտվել. ես էլ կարող եմ առանց փաստարկների նույն բանն ասել ձեր քրիստոնեության վերաբերյալ [թեկուզ փաստարկները «Հին Կտակարանում» կան, եթե հետաքրքիր է՝ կարող եմ բերել] :

Սակայն պետք է ասել, որ պատմական հուշարձանները հայերը ոչնչացրել են յուրաքանչյուր հեղափոխությունից հետո, օրինակ` Լենինի, Բանվորի հուշարձանները և այլն:

Գրիգոր «լուսավորիչը» պարթեվ չէ՞ր:

Ադամին և Եվային Աստված պատժեց անհնազանդության համար, որի համար վտարվեցին երկիր: Այդպես ծնողները ևս պատժում են իրենց երեխաներին, երբ չեն լսում:

Ter Hayr, դուք փաստորեն իմ հարցին չպատասխանեցիք. ես ձեզ հարցնում եմ՝ ինչու՞ էր «աստված» վախենում նրանից, որ մարդկային ցեղը կարող էր «իմաստությանը պտուղը ճաշակել»: Դա չի՞ նշանակում, որ գիտությունը «աստծո» թշնամին է (դարերի փորձն էլ է ցույց տալիս, որ այդպես է, քանզի մինչ վերածննդի դարաշրջանը գիտնականներին հերետիկոս էին հայտարարում ու վառում էին):

Հարց:
Ինչու՞ Երեվանում ոչ-մի ձեվ հնարավոր չէ ձեռք բերել իսկական հայկական աստվածաշունչ, այսինքն այն, որ թարգմանվել է 405թ.: Չասեք թե հնարավոր է, քանզի քույրս երգում է Գրիգոր «լուսավորիչ» եկեղեցու երգչախմբում եւ ոչ-մի կերպ չի կարողանում ճարել, ես կասեի ավելին. քահանաներից մեկը նրան է նվիրել Ավետարանչական եկեղեցու հրատարակած «Նոր Կտակարանը», տպագրված ինչ-որ Գիդեոն (եթե չեմ սխալվում) տպ. տան կողմից: