Հարցեր քահանային

[Վարպետ]

1.Աստվաß արև է ßագեցնում և հավատացողնեռի ,և չհավատացողնեռի վռա:
2.Աստվաß անձրևով ոռոգում ե հողը և մեկի և մյուսի համար:
3.Աստվաß հանդուրԺում է այս անաստվաßուտյունը ՝ հուսալով ,որ մի օր ու-քի կգան մարդիկ
–ատ բան կգրեի,բայց ավելի լավ է զանգես բանաոր ասեմ

Ինչ ա է ասում... ծ,ծ,ծ....
Փորձեք ուշադիր կարդալ թեմայի անվանումը: Այսուհետ ինչպես Ձեզ կոչենք? Տեր Հայր? Հայր Սուրբ? Գուցե Սրբազան?

[Ուլուանա]

Մոդերատորական։ Manumel, խնդրում եմ չմոռանալ, որ տվյալ թեման բացվել է հատուկ քահանային հարցեր ուղղելու համար (տե՛ս թեմայի վերնագիրը), հետևաբար այս թեմայում հենց նա էլ պիտի պատասխանի տրված հարցերին։ Պարզ է, որ մեզնից շատերը տրված հարցերի վերաբերյալ ունեն իրենց տեսակետը և կարող են արտահայտել այն, բայց դրա համար Ակումբում բազմաթիվ թեմաներ կան կրոնի և դրան հարակից հարցերի վերաբերյալ։ Այնպես որ որևէ հարցի շուրջ ունեցած Ձեր դիտողություններն ու կարծիքներն այսուհետև արտահայտեք այդ թեմաներում, որպեսզի «Հարցեր քահանային» թեման չվերածվի ակումբի անդամների միջև սովորական բանավեճի։

[Ter Hayr]

Դեռ քրիստոնեության ընդունման ժամանակ, Գրիգոր Լուսավորիչն արգելում էր աղանադավորների հետ բանավիճել, քանի որ նրանք շատ համառ էին և անիմաստ էր որևէ բան բացատրելը:
Այս հարցում կարևոր է պետության դիրքորոշումը: Այսօր, իբր ժողովրդավարական երկիր ենք և պետությունը չի արգելում աղանադավորների գործունեությունը: Մինչդեռ այս հարցը հիմնովին կարող է լուծվել միայն պետական մակարդակով:
Աղանդավորները հասարակ ժողովրդին կաշառում են չնչին օգնություններով, իսկ խելացի մարդկանց`տարբեր խոստումներով:
Աղանդավորները կարկուտի նման թափվում են մարդկանց գլխին, սակայն խելացի մարդիկ պետք է պաշտպանվեն այդ կարկուտից, բնականաբար` Հայ Առաքելական եկեղեցում, որը մեր պապերի ճանապարհն է և մեր պետության ընդունած պետական կրոնը: Այն մարդիկ, որոնք երերում են հավատի մեջ, նրանք անկայուն են ու ոչ սկզբունքային նաև ընտանիքում, աշխատավայրում, ամեն տեղ:
Սիրելի Աստղիկ , իսկ ինչ վերաբերվում է կաթողիկոսոթյուններին, ապա այստեղ պատմական խնդիր կա, որի մանրամսներին հետաքրքրվողների համար կարող ենք համապատասխան գրականություն խորհուրդ տալ: Ներքին անհամաձայնություններ անշուշտ կան, սակայն դավանաբանական առումով 2 կաթողիկոսարանները ՄԻ են, որևէ հակասություն չկա:
Օրհնությամբ` Տ.Մխիթար քահանաԱլոյան:

Ի դեպ, քանի դեռ Տեր Հայրը խոսեց հոգևոր գրականության մասին, տեղեկացնեմ բոլոր հետաքրքրվողներին, որ Արարատյան Հայրապետական թեմն ունի հոգևոր գրադարան, որից կարող են օգտվել բոլոր ցանկացողները: Գրադարանը գործում է ամեն օր ժ.9-16.00: Շաբաթ օրերին`ժ. 9-14.00: Հեռ. 58 47 91.

Ավելացվել է 3 րոպե անց
Մատաղը խորհուրդ չէ: Հայ Առաքելական եկեղեցին 7` Մկրտության, Դրոշմի, Ձեռնադրության, Հաղորդության, Ապաշխարհության, Պսակի և Ամուսնության,Կարգ հիվանդաց խորհուրդներն ունի:
Մատաղը շնորհակալական ընծա է, աղքատաց կերակուր, մատաղով խոստանում են ողորմություն տալ, նրանց, ովքեր հիվանդ են, անկյալ, աղքատ, անոթի: Մատաղ անելը խնջույքի չպետք է վերածվի, այլ աղքատներին օգնելու իմաստ ունենա:
Ավելի մանրամասն` www.qahana.am ինետրենտային կայքում` Հաճախակի տրվող հարցերի բաժնում:
Մամլո դիվան:
Հարցին պատասխանեց Տ.Մխիթար քհն.Ալոյանը:

Ավելացվել է 5 րոպե անց
Ի՞նչ կրոն կամ կրոնական ուղղություն էր ներկայացնում Հովհաննես Մկրտիչը, որն օծեց Քրիստոսին, ի՞նչ նշանակություն ուներ այդ արարողությունը:
Հովհաննես Մկրտիչը Քրիստոսին ոչ թե օծեց, այլ մկրտեց և որևէ աղանդի չէր հարում, այլ` միաստվածության գաղափարին: Հին Ուխտի սկզբուքներով էր խոսում էր. <<Ես ձեզ ջրով եմ մկրտում ապաշխարության համար, բայց ով գալիս է ինձնից հետո, ինձնից ավելի հզոր է, և ես արժանի չեմ հանելու Նրա կոշիկները, Նա կմկրտի ձեզ Սուրբ Հոգով և հրով, Նա, որի քամհարն Իր ձեռքում է, և կմաքրի իր կալը, ցորենը կհավաքի իր շտեմարանում և հարդը կայրի անշեջ կրակով>> /Մատթ. 3:11-12/:
Փաստորեն, նա հող էր նախապատրաստում Հիսուս Քրիստոսի գալստյան համար:
Հարցին պատասխանեց Տ.Մխիթար քհն.Ալոյանը:

Ինչպիսի՞ն է Հայ Առաքելական եկեղեցու դիրքորոշումը Մարկիոնի Ավետարանի վերաբերյալ, արդյո՞ք Հայ Առաքելական եկեղեցին ընդունում է Մարկիոնի դիրքորոշումները Նոր և Հին կտակարանների վերաբերյալ:
Քրիստոնյա եկեղեցիների հիմքը չորս` Մատթեոս, Մարկոս, Ղուկաս, Հովհաննես Ավետարաններն են, որոնք գրեթե միանման են: Քրիստոսն ասում էր, երբ մեկին պարսավում ես, պետք է մեկին վկա վերցնես: <<Եթե եղբայրդ քո դեմ մեղանչի, գնա հանդիմանի'ր նրան, երբ դու և նա մենակ եք. եթե քեզ լսի, քո եղբորը շահեցիր: Իսկ եթե քեզ չլսի, ա'ռ քեզ հետ մեկին և կամ երկուսին, որպեսզի երկու կամ երեք վկաների բերանով հաստատվի ամեն ինչ>> /Մատթ. 18:15-16/: Իսկ մյուսները` Հուդայի, Պետրոսի և այլն Ավետարանները երկրորդական կամ պարականոն եղան, օրինակ Քրիստոսի մանկության մասին գրված Ավետարանը և այլն, որոնք պարզապես լրացնում են, ոչ թե հակասում Հայ Առաքելական եկեղեցու դավանաբանությանը:
Հարցին պատասխանեց Տ.Մխիթար քհն.Ալոյանը:

Ինչպե՞ս է Հայ Առաքելական եկեղեցին մեկնաբանում Քրիստոնեության Երուսաղեմական համայնքի և այն ներկայացնող առաքյալների դիրքորոշումը Պետրոսի և Հովհաննեսի նկատմամբ, ու՞մ դիրքորոշումն է առավել ընդունելի Հայ Առաքելական եկեղեցու համար:
Հայ Առաքելական եկեղեցու համար բոլոր առաքյալները նույն հարթության վրա են, մեծ ու փոքր չկա: Հռոմի Կաթոլիկ եկեղեցին Պետրոս առաքյալին շատ է մեծարում, քանի որ Գրիգոր Տաթևացին նրան գնահատելով առաջինն է գրել. <<Քո վեմի վրա հիմք ունենալով պետք է կառուցեմ իմ հավատի եկեղեցին>>: Գրիգոր Տաթևացին մի հատվածում նաև Պետրոսին նմանեցնում է Հուդային, որը վախենալով մահից` երեք անգամ ուրացավ Քրիստոսին: Հուդան չզղջաց և իրեն կախեց, իսկ Պետրոսը լաց եղավ ու ներում գտավ: Յուրաքանչյուր մարդ իր կատարած գործերին համապատասխան երկնքում ստանալու է ըստ արժանվույն:
Հարցին պատասխանեց Տ.Մխիթար քհն.Ալոյանը:

Ինչո՞ւ Հայաստանը կամ Հայ եկեղեցին, իր պատմամշակութային մատյաններում համազգային արժեքները գրանցում է որպես զուտ քրիստոնեական: Հայտնի է, որ այդ կառույցներից շատերը եղել են հեթանոսական և միայն ավերվելուց հետո դարձել քրիստոնեական, ինչը նույնն է, երբ այսօր քրիստոնեական եկեղեցին բռնի իսլամացնում են:
Էջմիածնի Մայր Աթոռը կառուցվել է հեթանոսական կռատան վրա, սակայն դրանով սատանայապաշտությունը, կրակապաշտությունն ենք վերացրել: Առ այսօր պահպանվել է միայն Գառնիի մայր տաճարը: Սակայն պետք է ասել, որ պատմական հուշարձանները հայերը ոչնչացրել են յուրաքանչյուր հեղափոխությունից հետո, օրինակ` Լենինի, Բանվորի հուշարձանները և այլն: Քրիստոնեական շրջանի մեր հայրերը լավ գիտեին, որ եթե չավերեին հեթանոսական տաճարները, ապա ժողովուրդը գաղտնի կգնա և կհարի հեթանոսությանը:
Հուզումների արդյունքում է կատարվում վանդալիզմը, այսինքն` անհատների ցանկությունը կատարվում է ամբոխի միջոցով: Այդպես մարդիկ, երբ վիճում են իրար հետ, հետո հասկանում, որ սխալներ են թույլ տվել:
Հարցին պատասխանեց Տ.Մխիթար քհն.Ալոյանը:

Ինչու՞ Աստված պատժեց Ադամին և Եվային, երբ նրանք փորձեցին իմաստության ծառի պտուղը:
Ադամին և Եվային Աստված պատժեց անհնազանդության համար, որի համար վտարվեցին երկիր: Այդպես ծնողները ևս պատժում են իրենց երեխաներին, երբ չեն լսում: Մեղքով դեպի աշխարհ գալու ինքնակամ ճանապարհը մարդն ինքն ընտրեց: <<Եվ Տեր Աստված արտաքսեց նրան բերկրության դրախտից, որպեսզի նա մշակի հողը, որից ստեղծվել էր>> /Ծնն. 3:24/: Ադամն ու Եվան լույսից խավարի մեջ ընկան:
Հարցին պատասխանեց Տ.Մխիթար քհն.Ալոյանը:

[StrangeLittleGirl]

Հարգելի քահանա, վերը նշվածն ամեն օր լսում ենք ամեն տեղ: Կրկնում եմ հարցս. ըստ առաքելական եկեղեցու ո՞րն է համարվում աղանդ: Կա՞ հստակ սահմանում: Կա՞ն կրոնական կազմակերպություններ, որոնք հստակորեն ընդգրկված են աղանդավորների ցուցակում:
Թե չէ, ասենք, մեկի հետ զրուցում ենք հոգևոր թեմաներով: Ինչպե՞ս իմանանք. աղանդավո՞ր է, թե՞ ոչ:

[StrangeLittleGirl]

Ապաշխարհության

Կարծեմ ապաշխարություն է

[Bergmann]

Մոդերատորական։ Գրառումը ջնջված է։ Ֆորումում արգելվում է ծաղրական վերաբերմունք ցուցադրել մարդու կամ մարդկանց խմբի նկատմամբ։

[Ter Hayr]

Ինչպիսի՞ն է Հայ Առաքելական եկեղեցու դիրքորոշումը Մարկիոնի Ավետարանի վերաբերյալ, արդյո՞ք Հայ Առաքելական եկեղեցին ընդունում է Մարկիոնի դիրքորոշումները Նոր և Հին կտակարանների վերաբերյալ:
Մարկիոնի Ավետարանը պարականոն է, չի ընդունվում: Եթե այն լիներ կանոնական, կընդունվեր: Սակայն, Մարկիոնը տեղ չի գտել ոչ մի եկեղեցում, ոչ մի կանոնում, ուստի Հայ Առաքելական եկեղեցու դիրքորոշումը բացասական է նրա նկատմամբ: Հայտնի է, որ Մարկիոնը Մարկիոնական ուսմունքի հիմնադիրն է, աղանդավոր, ուստի և անընդունելի:
Հարցին պատասխանեց Տ.Շմավոն քհն.Ղևոնդյանը:

Ճշմարի՞տ է, որ գոյություն ունի սատանա: Մի՞թե աստված այնքան ուժեղ չէ, որ կարողանա նրա գործերին միջամտել:
Աստված շատ հզոր է: Հիշենք, որ սատանան անսեռ հրեշտակ է, որն իր ազատությունն օգտագործելով ի չարս, ըմբոստացավ Աստծո դեմ և իր բոլոր հետևորդների հետ ընկավ ներքև և դարձավ չար հրեշտակ: Նրա միակ նպատակն է մարդկանց հեռացնել Աստծուց, որովհետև իր էությամբ շատ թույլ է և չի կարող Աստծուն անմիջապես վնասել:
Հայտնի է, որ եթե չլիներ չարը, ապա ընտրության հնարավորություն չէր լինի: Իսկ մարդուն տրվել է ազատ կամք` ընտրելու չարն ու բարին:
Հարցին պատասխանեց Տ.Շմավոն քհն.Ղևոնդյանը:

Ինչու՞ Աստված պատժեց Ադամին և Եվային, երբ նրանք փորձեցին իմաստության ծառի պտուղը: Արդյո՞ք դա սիմվոլիկ նշանակություն ունի, թե գիտությունն Աստծո թշնամին է:
Այստեղ Ադամի և Եվայի անհնազանդությունն է արտահայտվել Աստծո խոսքի հանդեպ: Եվ նրանք անմիջապես պատժվեցին: Աստված արգելեց ուտել այդ իմաստության ծառից, որպեսզի չարը չճանաչեն, չարիք չգործեն: Աստված ցանկանում էր, որ նրանք մաքուր ու անարատ մնային: Աստված այնուամենայնիվ Ադամին ու Եվային տվեց ազատ կամք, բայց զգուշացրեց. <<Սակայն դրախտի մեջտեղի ծառի պտղի համար Աստված ասաց. <<Դրանից չուտեք և չմոտենաք, որպեսզի չմեռնեք>> /Ծննդ. 3:3/:
Հարցին պատասխանեց Տ.Շմավոն քհն.Ղևոնդյանը:

Ինչպե՞ս է պատասխանում Հայ Առաքելական եկեղեցին Կանտի հայտնի հարցերին. ի՞նչ կարող եմ իմանալ, ի՞նչ պետք է անեմ, ո՞ւմ վրա հույս դնեմ, ի՞նչ է մարդը:
Միակ բանը, որ մարդը կարող է իմանալ` ճշմարտությունն է, որովհետև ամեն ինչ հարաբերական է: Կյանքում ամեն ինչ անցողիկ է, ինչպես Ժողովողն է ասում. <<Ունայնություն ունայնությանց…>> /Ժող. 1:2/, միակ բանը` ճշմարիտ Աստվածճանաչողությունն է: Մինչդեռ Աստված լիովին անճանաչելի է, պարզապես մարդը փուլ առ փուլ պետք է կարողանա բացահայտել Աստծո այս կամ այն հատկությունը:
Քրիստոնյա մարդու տեսակետից, այս կյանքում պետք է նմանվել միայն Աստծուն` բարություն անելով: Մարդն Աստծու վրա պետք է հույսը դնի, ինչպես Աստվածաշնչում է գրված. <<իսկ եթե տանջվում է որպես քրիստոնյա, թող չամաչի, այլ փառավորի Աստծուն այդ անվամբ>> /Ա.Պետր. 4:16/: Մարդն Աստծո կողմից ստեղծված էակ է, որն ունի ազատ կամք, արարելու հնարավորություն և պետք է այդ ամենն ի բարին գործադրելով ապրի:
Հարցին պատասխանեց Տ.Շմավոն քհն.Ղևոնդյանը:

[Ter Hayr]

Հարգելի ակումբականներ: Շատ մեծ թվով հարցեր եք ուղղում Տեր Հայրերին: Բնականաբար, ինտերնետով ձեզ սպառիչ պատասխաններ տալ հեշտ գործ չէ: Ամեն մի պատասխանից բնականաբար շատ այլ հարցեր են ծագում: Տեր Տաճատն այդ առիթով առաջարկեց հանդիպում կազմակերպել առաջնորդարանում, որին կարող եք մասնակցել դուք, ձեր ընկերները և բարեկամները, բոլոր նրանք, ովքեր հարցեր ունեն քահանային:
Այնպես որ ծանոթացեք հանդիպման մանրամասներին հայտարարության տեքստից և մասնակցեք հարց ու պատասխանին` տեղում պարզաբանելով ձեզ հուզող հարցերը:
Հարգանքով`
Արարատյան Հայրապետական թեմի Մամլո դիվան:

ՀԱՅՏԱՐԱՐՈՒԹՅՈՒՆ

Բոլոր նրանք, ովքեր ցանկանում են հոգևոր բնույթի հարցեր ուղղել հոգևորականին և ստանալ պատասխաններ, կարող են այցելել Արարատյան Հայրապետական Թեմի առաջնորդարան հուլիսի 11-ից սկսած յուրաքաչնյուր չորեքշաբթի` ժ.17.00-ին: Հասցե` Ռ. Իսրայելյան 21` առաջնորդանիստ Ս. Սարգիս եկեղեցու հարևանությամբ: Հեռ. 58 47 22:

[Amaru]

Ter Hayr
Կարո՞ղ եք մեջբերել աստվածաշնչից այն մասը, որտեղ կոնկրետ նշվում է, որ Եվային պտուղ ուտել համոզող օձը հենց սատանան է:
Երկինքն ու Երկիրը աստված է ստեղծել... իսկ նրան ո՞վ է ստեղծել:

[Աբելյան]

Կներեք, մի քանի հատ միամիտ հարց եմ ուզում տամ:

1. Մենք երկրպագում ենք սբ. երրորդությանը. Հայր, Որդի, Սուրբ Հոգի: Սա բազմաստվածություն չի՞: Կոնկրետ էտ 3-ից ո՞ր մեկն ա մեր Աստվածը: Եթե մենք հավատում ենք Հայր ասծուն, ինչի՞ ա մեր կրոնը կոչվում Քրիստոնեություն:
2. Հին Կտակարանում մի քանի տեղ, եթե չեմ սխալվում, Աստված իրան անվանում ա նախանձոտ: Բայց նախանձը մահացու մեղք չի՞:
3. Հին Կտակարանում շատ օրենքներ կան, որոնց խախտման համար մահապատիժ ա սահմանված: Ինչ-որ մի մարդ պետք ա էտ հանցագործներին սպանի, բայց դրանով ինքը պատվիրան չի խախտու՞մ:
4. Որ խնդրեմ, կարո՞ղ եք մոտավորապես նկարագրել դժոխքը:

[Ter Hayr]

Կներեք, մի քանի հատ միամիտ հարց եմ ուզում տամ:

1. Մենք երկրպագում ենք սբ. երրորդությանը. Հայր, Որդի, Սուրբ Հոգի: Սա բազմաստվածություն չի՞: Կոնկրետ էտ 3-ից ո՞ր մեկն ա մեր Աստվածը: Եթե մենք հավատում ենք Հայր ասծուն, ինչի՞ ա մեր կրոնը կոչվում Քրիստոնեություն:
2. Հին Կտակարանում մի քանի տեղ, եթե չեմ սխալվում, Աստված իրան անվանում ա նախանձոտ: Բայց նախանձը մահացու մեղք չի՞:
3. Հին Կտակարանում շատ օրենքներ կան, որոնց խախտման համար մահապատիժ ա սահմանված: Ինչ-որ մի մարդ պետք ա էտ հանցագործներին սպանի, բայց դրանով ինքը պատվիրան չի խախտու՞մ:
4. Որ խնդրեմ, կարո՞ղ եք մոտավորապես նկարագրել դժոխքը:


1. Ձեր հարցի պատասխանը կարող եք Նոր Կտակարանում Ա Հովհաննես 5:7-8: Հետևաբար երեքն են, որ երկնքում վկայում են` Հայրը, Բանը և Սուրբ Հոգին, և այս երեքը մեկ են: Եվ երեքն են, որ երկրի վրա վկայում են. Հոգին, ջուրը և արյունը և երեքը միաբան են: Եթե մարդկանց վկայությունը ընդունում ենք, Աստծո վկայությունն ավելի մեծ է , քանզի այս է Աստծո վկայությունը, որ իր Որդու համար վկայեց: Նա ով Աստծո Որդուն է հավատում` իր մեջ վկայություն ունի: Նա ով Աստծուն չի հավատա, Նրան ստխոս է դարձնում, քանի որ չի հավատում այն վկայությանը, որ Աստված իր Որդու համար վկայեց: Եվ վկայությունը այս է, որ Աստված մեզ հավիտենական կյանք տվեց և այս կյանքը Նրա Որդու մեջ է : Նա ով Աստծու Որդուն ընդունում է կյանք ունի, իսկ նա ով չի ընդունում Աստծո Ոոդուն կյանք չունի:
2. Դա իրապես ոչ թե նախանձոտ, այլ նախանձախնդիր Աստվածն է: Աստված Ինքը Իր նախախնամությանը Տերն է: Նա իր ընտրյալ ժողովրդի հետ պետք է հասներ Իր նպատակին` որ Հիսուս ծնվեր Ավետյաց երկրում: Եւ այդ ճանապարհին Աստված իրագործում էր Իր նախախնամությունը` մարդահաճո չլինելով: Նախանձ բառը սխալ թարգմանության արդյունք է: Ճիշտը` նախանձախնդիր բառն է: Աստված հետևողական է Իր տնօրինականի իրագործմանը:
3. Նոր Կտակարանում ՀՈվհաննես Ավետարանիչը հայտարարեց, որ Աստված սեր է: Եւ Հիսուս Մատթեոսի Ավետարանում գրում է. “եթե դուք մարդկանց ներեք իրենց հանցանքները, ձեր երկնավոր հայրն էլ ձեզ կների: Իսկ եթե դուք մարդկանց չներեք իրենց հանցանքները, ձեր հայրն էլ ձեզ չի ների ձեր հանցանքերը: Առավել հստակեցվում է անկյունները, երբ Հիսուս պատվիրում է. “մի դատեք, որ Աստծուց չդատվեք”: Դա է պատճառը, որ այսօր մեր պետական պատկան մարմիններին են վերաբերվում պատժելու և հանցագործներին մեկուսացնելու խնդիրները:
4. Ընթերցեք խնդրեմ Ղուկասի Ավետարանի 16:19-31 համարները: Ինչպես նաև Հայտնության գրքի 21-րդ համարը:
Օրհնությամբ` Տեր Շահե քահանա Հայրապետյան:

Ավելացվել է 2 րոպե անց
Կարո՞ղ եք մեջբերել Աստվածաշնչից այն մասը, որտեղ կոնկրետ նշվում է, որ Եվային պտուղ ուտել համոզող օձը հենց սատանան է:
Երկինքն ու Երկիրը աստված է ստեղծել... իսկ նրան ո՞վ է ստեղծել:

Ընթերցեք`
Հայտնություն 12:9:
Եզեկելի 28:13-16:
Օրհնությամբ` Տեր Շահե քահանա Հայրապետյան:




Հարց: Աստված Սեր է: Սա ամենաառարկելի ճշմարտություններից մեկն է, եթե չեմ սխալվում:
Կարող եք բերել երեք օրինակ, որոնք արմատապես կհիմնավորեն Աստծո` Սեր լինելը, ինչի արդյունքում կպնդեք, որ ես չեմ կարող հիմնավորել, թե Աստված Վրեժ է, Աստված Ցասում է, Աստված Կողմնապահություն է եւ այլն (ցուցակը կարելի է շարունակել):

Ընթերցեք Հովհաննեսի 1-ին թուղթ, 4:7-21:
Օրհնությամբ` Տեր Շահե քահանա Հայրապետյան:



Ter Hayr, դուք փաստորեն իմ հարցին չպատասխանեցիք. ես ձեզ հարցնում եմ՝ ինչու՞ էր «աստված» վախենում նրանից, որ մարդկային ցեղը կարող էր «իմաստությանը պտուղը ճաշակել»: Դա չի՞ նշանակում, որ գիտությունը «աստծո» թշնամին է (դարերի փորձն էլ է ցույց տալիս, որ այդպես է, քանզի մինչ վերածննդի դարաշրջանը գիտնականներին հերետիկոս էին հայտարարում ու վառում էին):

Ոչ միայն Հայ Առաքելական եկեղեցին, այլ նաև Ուղղափառ և ավանդական շատ այլ եկեղեցիներ երբեք հակառակություն չեն ունեցել գիտության զարգացմանը, այլ ընդհակառակը` դրան նպաստել են: Ավելորդ չենք համարում հիշեցնել Անանիա Շիրակացու և նրա նման շատ հոգևորականների մասին, որոնք իրենց ավանդը ունեցան գիտության ազպարեզում: Առ այսօր ներկայիս բարձարստիճան հոգոևրականները հոգևոր և նյութական օժանդակություն են ցույց տալիս Գիտությունների Ազգային Ակադեմիային, բժշկական զանզանան կենըրոններին` գիտական նոր նվաճումներին նպաստելու նպատակով: Նաև նշենք, որ քրիստոենության ընդունումից առ այսօր մեր ազգի մշակութային և գիտական ձեռքբերումների հիմնական ծանրությունն իր վրա են տարել եկեղեցու հոգոևրականները: Ավելորդ չենք համարում ևս մեկ անգամ նշել նրանցից Մովսես Խորենացուն, Մխիթար Գոշին, Մեսրոպ Մաշտոցին, Ներսես Շնորհալուն, Գրիգոր Տաթևացուն, Կոմիտաս վարդապետին, և այլն: Իհարկե, միգուցե ասեք, որ քանի որ բոլոր ուսումնական հաստատությունները եկեղեցու ձեռքում էին, դա էր պատճառը, որ այդ ասպարեզի լավագույն ներակայցուցիչները հոգևորականներ էին, սակայն հիշենք նաև, որ ունեցել ենք բազմաթիվ աշպարհիկ մտավորականներ և գիտնականներ:
Եւ վերջում կուզեի նաև մի կարևոր հարցի անդրադառնալ. Եթե այսօր որևէ մի քաղաքացի մեկ ուրիշի հանդեպ դատաստամ տեսնի և պատժամիջոց կիրառի, դա կհամարվի ինքնադատաստան և անօրինական արարք: Սակայն երբ դա անումէ դատավորը, որն ունի իշխանություն` տրված ժողովրդի և պետության կողմից, ապա նրա արաքը արդար է և ընդունելի: Երբ փորձում ենք գնահատել եկեղցեու գործերը, նախ պետք է հասկանալ, թե եկեղեցին ինչ իշխանությմաբ է այդ ամենն անում: Անձամբ ես վստահ եմ, որ այդ իշխանությունն Աստծուց է, քանի որ Եկեղեցին ինձ ոչ միայն պատմել է Աստծո մասին, այլ նաև տվել է Նրա հետ կենդանի հաղորդության միջոց:
Աղոթաբար` Սուրեն դպիր Ներսեսյան:


Հարց:
Ինչու՞ Երեվանում ոչ-մի ձեվ հնարավոր չէ ձեռք բերել իսկական հայկական աստվածաշունչ, այսինքն այն, որ թարգմանվել է 405թ.: Չասեք թե հնարավոր է, քանզի քույրս երգում է Գրիգոր «լուսավորիչ» եկեղեցու երգչախմբում եւ ոչ-մի կերպ չի կարողանում ճարել, ես կասեի ավելին. քահանաներից մեկը նրան է նվիրել Ավետարանչական եկեղեցու հրատարակած «Նոր Կտակարանը», տպագրված ինչ-որ Գիդեոն (եթե չեմ սխալվում) տպ. տան կողմից:
Մոսկովյան փողոցի վրա` Պուշկինի դպրոցի հարևանությամբ գտնում է Աստվածաշնչային ընկերության գրախանութը, որտեղից որ կարող եք ձեռք բերել ցանկացած տեսակի Աստվածաշունչ, նաև Ձեզ հետարքրող տարբերակը:
Օրհնությամբ` Տեր Շահե քահանա Հայրապետյան:


ըստ առաքելական եկեղեցու ո՞րն է համարվում աղանդ: Կա՞ հստակ սահմանում: Կա՞ն կրոնական կազմակերպություններ, որոնք հստակորեն ընդգրկված են աղանդավորների ցուցակում:
Թե չէ, ասենք, մեկի հետ զրուցում ենք հոգևոր թեմաներով: Ինչպե՞ս իմանանք. աղանդավո՞ր է, թե՞ ոչ:

Նա, ով շեղված է ավանդական եկեղեցու դավանությունից և չի պահպանել նվիրապետական կարգը /այսինքն ձեռնադրությունը/:
Ձեզ բերում ենք Հայ Առաքելական եկեղեցու դավանությունը:
Հավատո Հանգանակ
Հավատքի այս խոստովանության շուրջ բոլոր եկեղեցիների միջև համաձայնություն գոյացավ Առաջին Տիեզերական Ժողովի ընթացքում, որը գումարվեց 325 թ. Կոստանդնուպոլսի մոտ գտնվող Նիկիա քաղաքում: Նիկիական Հանգանակը հանդիսավորապես երգվում է եկեղեցում ժողովրդի կողմից, որպես պաշտոնական հայտարարություն եկեղեցու վարդապետության կարևոր կետերի, որովհետև անհրաժեշտ է, որ բոլոր նրանք, ովքեր մասնակցում են Ս. Պատարագին, ունենան նույն աստվածաբանական համոզումը:

Ինչի՞ն ենք մենք հավատում:
Հավատում ենք մեկ Աստծո` ամենակալ Հորը, երկնքի և երկրի, երևելիների և աներևույթների արարչին:
Եւ մեկ Տիրոջ` Հիսուս Քրիստոսին, Աստծո Որդուն, ծնված Հայր Աստծուց Մ իածին, այսինքն` Հոր էությունից:
Աստված` Աստծուց, լույս` լույսից, ճշմարիտ Աստված` ճշմարիտ Աստծուց, ծնունդ և ոչ թե` արարած: Նույն ինքը` Հոր բնությունից, որի միջոցով ստեղծվեց ամեն ինչ երկնքում և երկրի վրա` երևելիներն ու անևերույթները:
Որ հանուն մեզ` մարդկանց ու մեր փրկության համար` իջավ երկնքից, մարմնացավ, մարդացավ, ծնվեց կատարելապես Ս. Կույս Մարիամից Ս ուրբ Հոգով:
Որով` ճշմարտապես, և ոչ կարծեցյալ կերպով, առավ մարմին, հոգի և միտք և այն ամենը, որ կա մարդու մեջ:
Չարչարվեց, խաչվեց, թաղվեց, երրորդ օրը հարություն առավ, նույն մարմնով բարձացավ երկինք, նստեց Հոր աջ կողմում:
Գալու է նույն մարմնով և Հոր փառքով` դատելու ողջերին և մահացածներին: Նրա թագավորությունը չունի վախճան:
Հավատում ենք նաև Սուրբ Հոգուն` անեղ և կատարյալ, որն խոսեց Օրենքի, մարգարեների և ավետարանների միջոցով: Որն իջավ Հորդանանի վրա, քարոզեց առաքյալների միջոցով և բնակություն հաստատեց սրբերի մեջ:
Հավատում ենք նաև մեկ, ընդհանրական և առաքելական եկեղեցու, մի մկրտությ ա ն, ապաշխարության, մեղքերի քավության և թողության: Մեռելների հարության, հոգիների և մարմինների հավիտենական դատաստանի, երկնքի արքայության և հավիտենական կյանքի:
Կարող եք նաև Հայ Առաքելական եկեղեցու ժամագրքից կարդալ Հավատամքի խոստովանությունը:
Աղանդների վերաբերյալ այցելեք նաև Արարատյան Հայրապետական թեմի http://www.zvartnotc.am/ եւ www.qahana.am ինտերնետային կայքերը:

[Ter Hayr]

- Հարգելի Հայր, ասացեք իւնդրեմ,ինչպես է աջակցում մեր եկեղեցին աղքատնեռին,լքվածնեռին,հալա ծվածներին:Նաիւկինւմ մարդիկ աշիւարհից փաիւչում ու պատսպարվում էին եկեղեցում.Գոյություն ունի՞ նման տեղ մեր եկեղեցում:Մարդ կարո՞ղ է հույսը հանձնել եկեղեցուն:Ի՞նչ աշիւատանքներ է տարվում օգնելու աղբանոցնեռում ուտելիք փնտռողներին ,փողոցում փող մուրացող եռեիւաներին: Ի՞նչ է սպասվում այս քրիստոնեաներին: Չի՞ կարող արդյոք եկեղեցին միջնորդել աղքատ և հարուստ քրիստոնեաների միջև :Չէ՞ ոչ մի բուռ են մնացել ու հայը սովոր ե մեծ ընտանիքի նման մեկը մեկին օգնելով ապրելու: Հիմի միայն ցուցադրում են իրենց ունեցվածքը, թե ու՞մ ,Աստված գիտե...Մեր հողի ու հավատքի պասմությունը անհիշելի Ժամանակներից է հասել մեզ: Պայքարեք մեր ազգին միավորելու համար, իւնդրում եմ...
Ֆանատ մուսլիմները ինքնասպան են լինում հանուն ալլահի,մեռոնկ գոնե պետք ե պահպանեն մեկը մյուսին,օգնեն ,չեմ ասում ֆանատներ դառնան.


Եկեղեցու առաքելությունը մարդու հոգու փրկությունն է: Ասվածի մեջ, անշուշտ շատ բան կարող ենք հասկանալ: Հոգևոր զրույցներ, քարոզներ, հոգևոր գրականության, թերթոնների տպագրում և տարածում, եկեղեցական խորհուրդների կատարում, մխիթարություն և այլն, և այլն: Միաժամանակ եկեղեցին իրկանացնում է նաև բազմաթիվ սոցիալական ծրագրեր, որոնց մասին հոգոևրականները շատ խոսել չեն սիրում /առաջին հերթին կարևորելով գործը, հետո` խոսքը/: Այնուամենայնիվ, մի քանի օրինակ Ձեզ բերեմ: Արարատյան Հայրապետական թեմը Հայ Առաքելական եկեղեցու եվրոպական և ամերիկյան թեմերի օժանդակությամբ տարեկան հազարավոր ծնողազուրկների դրամական օգնություն է ցուցաբերում: Թեմում գործում է նաև բարեգործական գրասենյակ, որի միջոցով շատ կարիքավորներ պարբերաբար հագուստ և սնունդ են ստանում: Թեմի հոգևորականներից գրեթե յուրաքանչյուրը, բացի իրենց հոգևոր սպասավորության առաքելությունից, սոցիալական ծրագրեր են իրականցնում: Այդպես, Տեր Եսային խուլ և համր երեխաներին Աստծաշաունչ է դասավնդում: Սովորել է նրանց լեզուն և հաղորդակցվում է: Նչանց համար հատուկ հոգևոր ժեսետրի բառարան է տպագրել ու էլի շատ գործեր է անում այդ մարդկանց համար: Տեր Շահեն թափառաշրջիկ երեխաներով է զբաղվում: Տեր Բաբկեմը հոսպիսային ծրագիր է իրականացնում: Տեր Կարապետը տասնյակ տարիներ շարունակ Կոշի գաղութ է այցելում և հոգևոր և սոցիալական ծրագրեր անց կացնում նաև այնտեղ: Իմաստ չեմ տեսնում թվարկել բոլոր քահանաների ծրագրերը: Նշեմ նաև, որ միայն ԱՄՆ արևելյան թեմը Հայաստանում գործող իր 4 ճաշարանների միջոցով օրական հազարից ավել մարդու անվճար սնունդ է տրամադրում: Բնականաբար բազմաթիվ են անհատական բարեգործությունները և շատ այլ սոցիալական ծրագրեր, որոնք իրականանում են Ամենայն Հայոց Հայրապետի օրհնությամբ: Այդ ամենը թվարկելը հոգևորականները չեն ողջունում` առաջնորդվելով Աստվածաշնչային պատգամով, թե «աջ ձեռքը թող չիմանա, փե ձախն ինչ է անում»:
Տեր հայրերը հնարավորության չափով սիրով կպատասխանեն Ձեր այլ հարցերին:
Կրկին հիշեցնեմ, որ բոլոր նրանք, ովքեր ցանկանում են հոգևոր բնույթի հարցեր ուղղել հոգևորականին և ստանալ պատասխաններ, կարող են այցելել Արարատյան Հայրապետական Թեմի առաջնորդարան հուլիսի 11-ից սկսած յուրաքաչնյուր չորեքշաբթի` ժ.17.00-ին: Հասցե` Ռ. Իսրայելյան 21` առաջնորդանիստ Ս. Սարգիս եկեղեցու հարևանությամբ: Հեռ. 58 47 22:

Ավելացվել է 2 րոպե անց
Ter Hayr-ի խոսքերից
Հարգելի ակումբականներ: Շատ մեծ թվով հարցեր եք ուղղում Տեր Հայրերին:

Որոնց չեք կարողանում պատասխանել:

Նշեք, թե որ հարցրեին հոգևորականները չեն պատասխանել:
Հարգանքով` Մամլո դիվան:

[Welcome]

Պետք է արդյոք հավատալ գուշակություններին?

[Ter Hayr]

Եվան կարո՞ղ էր չուտել արգելված միրգը
Եվան հնարավորություն ուներ սատանային չխաբվելու, բայց նա հոժարակամ դա արեց, սատանան խաբեց նա էլ իր կամքով կերավ պտուղը, և որպեսզի մենակ չմնա մարդուն էլ հետևից տարավ:
Սատանան հպարտացավ: Հրաշտակաց դասը մնաց հավատարիմ, իսկ այս մեկը, որը շատ գեղեցիկ էր, հպարտացավ:
Պարականոն գրքերում կա մի պատմություն, որտեղ ասվում է, թե Աստված մարդուն` աստվածային լույսի մեջ գտնվող Ադամին և Եվային, դրախտից վտարեց, և նրանք ընկան աշխարհ: Սատանան եկավ ու ասաց, որ նրանք խավարի մեջ են և ինքը կարող է նրանց լույս տալ, բայց պետք է իր հետ պայման կապեն, որ նրան ժառանգները պիտի նրանը լինեն: Եվ Ադամը իր արյունով գրեց այդ պայմանագիրը: Սատանա վերցրեց ձեռագիրն ու տարավ պահեց Հորդանան գետի մեջ, արշալույսին գալով Ադամին ասաց, որ ինչպես տեսնում է նրանք լույսի մեջ են:
Ադամն ու Եվան ուրախացան, որ լույս է, բայց երբ եկավ երեկոն ու նորից մթնեց, նրանք տեսան, որ խաբվել են ,և որ դա արևի լուսն էրև ոչ թե հավիտենական լույսը:
Սա Աստվածաշնչի մեջ չկա: Ասվում է նաև, որ Հիսուս մկրտվեց հորդանան գետում, որտեղ Սատանան գցել էր Ադամի արյունով գրված թուղթը, և ջնջեց այդ ձեռագիրը:
Որքանով գիտեմ միջնադարում հոգևորականները սատանային ինչ անունով ասես կոչել են, տարբեր կերպարներ են հորինել, իսկ ո՞րն է ճիշտը` կ՞ա սատանա և ո՞րն է նրա չար գործը: Միթե՞ Աստված այնքան ուժեղ չէ , որ նրա գործերին միջամտի:
Աստված կարող է ամեն ինչ ոչնչացնել:
Անգամմարդը կարող է իր ստեղծածը փչացնել:
Եթե ես եմ հեղինակը, ուրեմն գիտեմ ինչպես է դա ստեղծվել և ինչպես կարող եմ այն վերացնել: Աստված է աշխարը ստեղծել, ուրեմն գիտի նաև ինչպես այն վերացնել:
Իսկ այն, ինչ վերաբերում է սատանայի լինելուն կամ չլինելուն, իհարկե կա Աստված և կա սատանա: Նույնիսկ Աստվածաշնչում` Հոբի գրքում ասվում է սատանայի մասին:
Աստված բոլոր ժամանակներում հզոր է:
Աշխարհում կան հանցանք գործողներ և կան գաղութներ, որտեղ լինում են օրինազանցները:
Քանի որ մարդ դեռ հակում ունի օրինազանցության, բնականաբար կլինեն նաև գաղութները:
Աստված ստեղծել է մարդուն, ով մեղավոր է, և եթե դժոխքի վախը չլինի, մարդ շատ ավելի չարիքներ կգործի: Դժոխքը բոլոր ժամանակներում պետք է որպես սանձ: Պետք է հասկանալ` ի՞նչ ասել է դժոխք և աստվածահաճո գործով ապրել:

Օրհնությամբ` Տեր Մխիթար քահանա Ալոյան:

[Manumel]

Հարգելի Հայր ,ասացեք իւնդրեմ,ինչպես է աջակցում մեր եկեղեցին աղքատնեռին,լքվաßնեռին,հալաßվաßնեռին:Նաիւկինւմ մարդիկ ա-իւարհից փաիւչում ու պատսպարվում էին եկեղեցում.Գոյություն ունի՞ նման տեղ մեր եկեղեցում:Մարդ կարո՞ղ է հույսը հանձնել եկեղեցուն:Ի՞նչ ա-իւատանքներ է տարվում օգնելու աղբանոցնեռում ուտելիք փնտռողներին ,փողոցում փող մուրացող եռեիւաներին :Ի՞նչ ե սպասվում այս քրիստոնեաներին: Չի՞ կարող արդյոք եկեղեցին միջնորդել աղքատ և հարուստ քրիստոնեանեռի միջև :Չէ՞ ոչ մի բուռ են մնացել ու հայը սովոր ե մեß ընտանիքի նման մեկը մեկին օգնելով ապրելու:Հիմի միայն ցուցադրում են իրենց ունեցվաßքը,-թե ու՞մ ,Աստվաß գիտե...Մեր հողի ու հավատքի պասմությունը անհի-ելի Ժամանակներից է հասել մեզ:Պայքարեք մեր ազգին միավորելու համար,իւնդրում եմ...
Ֆանատ մուսլիմնեռը ինկնասպան են լինում հանուն ալլահի,մեռոնկ գոնե պետք ե պահպանեն մեկը մյուսին,օգնեն ,չեմ ասում ֆանատներ դառնան.