Հպա՞րտ ես, որ հայ ես

[Artgeo]

Ուզում եմ իմանալ, հպա՞րտ եք, որ հայ եք

1. Ինչո՞ւ եք հպարտ
2. Ո՞ր հայերով եք հպարտանում

Հայերի մեջ հայ լինելը էնքան էլ հպարտանալու բան չի, արտասահմանցիների մոտ ինչո՞վ եք հպարտանում:

[Arisol]

Ես նացիոնալիստ չեմ, ուստի ինձ համար նշանակություն չունի, թե ես որ ազգին եմ պատկանում, ուստի քվեարկել եմ «ի՞նչ հպարտանալու բան կա» :

[Taurus]

հա, հպարտ եմ , որ արտասահմանցիներից տարբերվում եմ համբերությամբ ու դժվար իրավիճակներից ինքնուրոույն ելք գտնելու ունակությամբ

[քաղաքացի]

1. Ես հպարտ եմ: Ինչո՞ւն շատ բաներ կա ասելու: Եթե հարցեր ունեք ասեք:
2. Այն բոլոր հայերով, որ իրենք էլ են հպարտ հայ լինելով:

Արտասահմանցիների մոտ պետք է միքիչ (ոչ շատ) նացիոնալիստական տպավորություն թողնես … Չէ լավ: Կմատածեմ հետո կասեմ:

[StrangeLittleGirl]

Ի՞նչ հպարտանալու բան է: Հպարտանա՞մ, որ հայրենակիցներիս ճնշող մեծամասնությունը ստրկամիտ է, հարմարվող, դժգոհում է, բայց մատը մատին չի տալիս: Հպարտանա՞մ, որ երկրիս կառավարությունն ինչ ուզում, անում է, որ վաղը-մյուս օր ինձ իմ տնից էլ է զրկելու, որ հոսանքը երբ ուզում գնում է, երբ ուզում գալիս է, որ փողոցները սառած են, որ փոստով ուղարկած նամակներս եթե մի քիչ հաստ են լինում, բացում են, որ դոլարի կուրսն անխիղճ ձևով իջնում է, իսկ գները բարձրանում են, որ եթե կառավարության բարեկամն ես, քեզ ամեն ինչ տրվում է, իսկ եթե բարեկամը չես, թշնամին ես համարվում, ամեն ինչ վերցնում են քո ձեռքից:

[քաղաքացի]

Ի՞նչ հպարտանալու բան է: Հպարտանա՞մ, որ հայրենակիցներիս ճնշող մեծամասնությունը ստրկամիտ է, հարմարվող, դժգոհում է, բայց մատը մատին չի տալիս: Հպարտանա՞մ, որ երկրիս կառավարությունն ինչ ուզում, անում է, որ վաղը-մյուս օր ինձ իմ տնից էլ է զրկելու, որ հոսանքը երբ ուզում գնում է, երբ ուզում գալիս է, որ փողոցները սառած են, որ փոստով ուղարկած նամակներս եթե մի քիչ հաստ են լինում, բացում են, որ դոլարի կուրսն անխիղճ ձևով իջնում է, իսկ գները բարձրանում են, որ եթե կառավարության բարեկամն ես, քեզ ամեն ինչ տրվում է, իսկ եթե բարեկամը չես, թշնամին ես համարվում, ամեն ինչ վերցնում են քո ձեռքից:

Հետաքրքիր է կառավարության բարեկամները ինչ կարծիքի են: Ինչ էլ ասեն 100% չեմ հավատ:

[Ծով]

Հպարտ եմ…էլ դու սուս…
նացիոնալիստ եմ , բայց դաշնակցական չեմ
Հպարտ եմ իսկական հայերով…հպարտ եմ այն հայերով,որ իրենց լեռնային փոքրիկ տունը օվկիանոսների հետ չեն փոխի…
Հպարտ եմ այն հայերով,որ սիրում են իրենց հայրենիքը,հոգատար են այդ հայրենքիքի նկատմամբ…
Հպարտ եմ այն հայերով,որ կռվեցին,որ դու հիմա ապրես խաղաղ հայրենիքում…

[emo]

Հպարտանալու բան չկա.

[Արշակ]

Շատ գոհ եմ, որ հայ եմ։ Ինքս իմ մեջ հպարտ եմ իմ հայ լինելով ու հպարտանում եմ բազմաթիվ հայտնի ու անհայտ հայերով։ Շատ բան ունեմ հպարտանալու։ Շատ բաներ ուղղակի զգում եմ ու դժվարանում եմ ձևակերպումներ տալ։ Բայց երբևէ այլազգիների առաջ գլուխ չեմ գովում ու հայերին մյուսներից վեր չեմ դասում։ Հարգում եմ այլոց ազգային պատկանելությունը։ Յուրաքանչյուր ազգ ունի իր յուրահատկություններն ու արժանիքներ, որոնցով կարող է հպարտանալ։
Այս ամենի հետ միասին, հայ ժողովուրդն ունեցել է ու ունի բազմաթիվ խայտառակություններ, ազգային ամոթալի, որոշ դեպքերում կործանարար հատկանիշներ, որոնք փորձում եմ գիտակցել ու պայքարել դրանցից ազատվելու համար։

[Guest]

Շատ գոհ եմ, որ հայ եմ...

Մի քիչ էլ ձգեիր ռեպ կտայի… շատ ճիշտ էր, հալալ ա Արշակ

[StrangeLittleGirl]

Շատ գոհ եմ, որ հայ եմ։

Մի քիչ էլ ձգեիր, ռեպ կիջեցնեի

[Մելիք]

Հպատրտանալ հայ լինելով, նույնն ա, թե հպարտանալ, որ ծրագրավորող ես, կամ գինեկոլոգ, կամ էլ նույնն ա, որ հպարտանաս, որ ծնվել ես հունվարին կամ հունիսին:

[Mesrop]

հպարտ եմ

[Firegirl777]

Հենց նայեցի թեման բացողի անունը, անմիջապես մտքովս անցավ, միայն նա կարող է այսպիսի թեմա բացել

[Արշակ]

Հպատրտանալ հայ լինելով, նույնն ա, թե հպարտանալ, որ ծրագրավորող ես, կամ գինեկոլոգ, կամ էլ նույնն ա, որ հպարտանաս, որ ծնվել ես հունվարին կամ հունիսին:

Է հա, ես հպարտ եմ, որ ծրագրավորող եմ