ՎԱՐԴԱՆԻԿԻ ՁԵՌՔԸ ՀԱՄԲՈՒՐՈ՞ՒՄ ԵՆ
Գյումրիի քաղաքապետ Վարդան Ղուկասյանի եւ Հայ առաքելական եկեղեցու Շիրակի թեմի առաջնորդ Միքայել արքեպիսկոպոս Աջապահյանի միջեւ ծագած պատմությունը շարունակվում է. օրերս ստորագրահավաք է սկսվել ի պաշտպանություն Միքայել սրբազանի, իսկ երեկ էլ սրբազանին աջակցություն է հայտնել «Միացում» հ/ք նախաձեռնությունը:
Երեկ այս խնդրի կապակցությամբ խոսեցինք Վարդան Ղուկասյանի հետ: Վերջինս, սակայն, մինչեւ հարցազրույցը հանդես եկավ փոքրիկ հայտարարությամբ` ուղղված «ՀԺ»-ին. «Ես ուզում եմ ասել` «Հայկական Ժամանակ», այդքան ատելություն, այդքան թշնամանք, որ իմ նկատմամբ կա 9 տարի, որտեղի՞ց:
Ո՞վ է այդքան գումար վճարում: Էդքան գումար աշխատեց իմ հաշվին, բայց քո շեֆը մի հատ չեկավ մի անգամ սեղան գցի գոնե: Քո շեֆին կասես` ամոթ է, էդքան չի կարելի թշնամանալ, ես լավ մարդ եմ, հըլը արի մի օր նստենք, իրար հետ խոսենք, թող տեսնի, որ հայրենասիրությունը, մաքրությունը ինձանից է ծագում»: Սա Վարդան Ղուկասյանի հայտարարությունն էր, իսկ ստորեւ ներկայացնում ենք հարցազրույցը.
-Պարոն Ղուկասյան, ի վերջո կասե՞ք` ինչու եք լարվել Սրբազանի հետ:
-Որտեղի՞ց է ձեզ այն հիմքերը, որ դուք ինձ ասում եք, որ քաղաքապետը եպիսկոպոսի նկատմամբ ոչ բարյացակամ վերաբերմունք է ցուցաբերել, կամ ասենք` իր նկատմամաբ ինչ-որ վատ խոսք է ասել կամ, ասենք, չի ընդունում:
-Ամբողջ Գյումրին խոսում է, որ դուք նրան մեղադրել եք սատանային ծառայելու եւ նման այլ բաների մեջ:
-Հիմա որ ես դատի տամ էդ խոսքը ասողին, ո՞վ է դրա հեղինակը, կարո՞ղ եք ինձ ասել, ես դրան պետք է պատասխան տամ:
-Այսինքն` ժխտո՞ւմ եք, որ ձեր միջեւ խնդիրներ կան:
-Մինչեւ էսօր իմ կողմից, կարող է սրբազանի կողմից կա, բայց իմ կողմից երբեք սրբազանին սատանա կամ մի հատ ինչ-որ թթու խոսք երբեք ես չեմ ասել: Ուղղակի ես զարմանում եմ ե՛ւ սրբազանի, ե՛ւ մանավանդ, լրատվական կառույցներից. ես չեմ զարմանում, որովհետեւ բանսարկությունը դա լրատվական կառույցների գործն է, հիմա ուղղակի ես զարմանում եմ, թե դուք ինչո՞ւ եք ինձ դրդում, որ ես բան ասեմ:
-Ես ձեզ չեմ դրդում, ես հարցնում եմ ձեր կարծիքը:
-Ուրեմն,
սիրուն ջան, ես ընդհանրապես ոչ մի տեղ, ոչ մի լրատվական կառույցում անհարգելի, որեւէ թթու խոսք սրբազանի նկատմամբ չեմ ասել: Եթե իր անձն էլ չհարգեմ, ես Եկեղեցին եմ հարգում:
Ես իր անձը թողնում եմ երկնային Աստծուն, որ թագավորն Աստված է, եւ իր բերանի խոսքն եմ լսում: Իմ գործը չի. «մի՛ դատվեք, որ չդատվեք» սկզբունքով եմ առաջնորդվում: Ինքը
ամսու 24-ին
ելել է հեռուստատեսությամբ ոչ թե իր կարծիքն է հայտնել մյուս թեկնածուի նկատմամբ, այլ ո
ւղղակի մտել է էկրան երեկոյան ժամը 12-ի մոտ ու
ամենավատ խոսքերով պատահական իմ հասցեին ասել է: Բայց ես ո՛չ պատասխանել եմ, ո՛չ խոսել եմ, ո՛չ էլ ինչ-որ առիթ է եղել, որ էսքան ժամանակ ես իր նկատմամբ մի անհարգալից վերաբերմունք ցույց տամ:
-Եթե որեւէ պրոբլեմ չկա` ինչո՞ւ են մարդիկ ստորագրահավաք անում` ի պաշտպանություն սրբազանի:
-Ո՞վ է ասել, որ ստորագրահավաք են սկսել:
-Արդեն հայտարարել են, որ սկսել են: Բացի այդ, 80 հոգի էլ այցելել էին Սրբազանին:
-Ես
զարմանում եմ ձեր ներկայացրած խոսքերի վրա. ստորագրահավաք են արել, 80 հոգի գնացել են... ես ոչ մի բանից ընդհանրապես տեղյակ չեմ, ոչ էլ ք
աղաքականապես այնպիսի աֆերիստական բաներ եմ անում, որ սարքեմ. էլ ստից հարցեր, նմանատիպ բաներ ես չեմ անում: Ես ունեմ 35 հազար մաքուր ձայներ,
նու թող 300 կամ 400 ձայն պակաս լինի, էսքան ժողովուրդ իմ կողքին կանգնած է եղել առանց կաշառք բաժանելու, առանց կեղծիքներ, եւ այսօր իրենց ընտրյալ քաղաքապետին եթե որեւիցե մեկը մի վատ բան է ասում, ժողովուրդը չի՞ թշնամանում, ո՞նց եք կարծում:
-Ուզում եք ասել` ժողովո՞ւրդն է թշնամացել Սրբազանի դեմ:
-Ես չեմ ուզում ասել, թե ժողովուրդն է թշնամացել Սրբազանի դեմ, որովհետեւ հիմա ես կոնկրետ այդ հարցերով ընդհանրապես չեմ զբաղվում: Ես ունեմ հսկայական աշխատանք եւ ես իմ
ժամանակը նմանատիպ հարցերի շուրջ չեմ նպատակաուղղում: Ես, իմ աշխատանքով լծված, աշխատում եմ, իմ քաղաքը կառուցում: Թե ով ի՞նչ կխոսա` վերջում ընտրությունները գալիս են, արդյունքները երեւում են:
-Պարոն Ղուկասյան, ձեզ չի՞ հետաքրքրում, թե մարդիկ ինչպես են արձագանքել Սրբազանի խոսքերին:
-Հիմա դու արի ինձ հետ պտտվի քաղաքում, դու կտեսնես, որ ինձ օրհնում են: Դաժե տեղ է եղել, որ իմ ձեռքը, չեմ ուզում էդպիսի բան ասել, համբուրում են: Եկեք հետս պտտվեք, տեսեք` անիծո՞ւմ են, թե սիրում են:
-Պարոն Ղուկասյան, խոսակցություններ կան, որ դուք իշխանություններին ասել եք, թե Սրբազանը կապ ունի ընդդիմության հետ, եւ դրանով է պայմանավորված նրա նկատմամբ հետապնդումը:
-Գիտե՞ք ինչ կա, ես ընդհանրապես էդպիսի բաներով չեմ զբաղվում: Դ
ա ամբողջ պետությունը ունի տարբեր կառույցներ, կա ազգային անվտանգություն, կա ներքին գործեր, կա դատախազություն, կան, ասենք, հեռուստաընկերություններ, կան, ասենք, էդ ամեն ինչեր, որ բոլորը պատասխանատվություն տալիս են իրենց վերադասներին, եւ այսօր ես իմ աշխատանքով եմ ներկայացնում: Թե սրբազանը ի՞նչ է անում, ինձ ընդհանրապես չի հետաքրքրում: Միայն ինձ հետաքրքրում է մի բան. եթե Սրբազանը բողոքական քարոզներ կանի, եթե Սրբազանը Տիրոջը դեմ լինի, ես անպայման իր հետ իրոք լուսավորչական ձեւով, հավատքի ձեւով կպայքարեմ,
իսկ մնացած քաղաքական բաները, պահվածքը ինձ չի հետաքրքրում, մանավանդ որ` ընդհանրապես չէի ուզենա, որ որեւէ մի հոգեւոր առաջնորդ զբաղվեր քաղաքականությամբ. կարող է ինքը թեկնածուի նկատմամաբ իր բարեկամական վերաբերմունքը արտահայտի, բայց` մյուսին չփնովելով: Այ հոգեւորականների դերը սրանում է կայանում, որովհետեւ դիմություն թե ընդդիմություն` դա թեմի առաջնորդի հոտն է: Կարող է ինքը թեկուզ իմ ընդդիմադիր թեկնածուին պաշտպանել, բայց ոչ`
ինձ վատաբանել ու հայհոյել:
-Պարոն Ղուկասյան, ՀՀԿ-ն այս հարցում կանգնա՞ծ է ձեր մեջքին:
-Ուրեմն, տես ինչ եմ ասում`
Սրբազանը ինձ թող «չար» ասի, ես իրեն բարով կհատուցեմ: Իսկ ճիշտն ասած` իմ մեջքին կանգնելու առիթը չկա: Ես եկեղեցուն ինչքան որ հողակտոր տվել եմ, ես ինչքան եկեղեցու նկատմամբ աշխատանք եմ տարել ու տանելու եմ, ուրիշ քաղաքապետերը թող ինձանից չնեղանան, բայց ոչ ոք այդքան չի արել, որքան ես, ու անելու եմ: Այսօրվա սրբազանը կլինի, թեկուզ մյուսը կլինի, բայց ես էլի ամեն ինչ անելու եմ` լինեմ քաղաքապետ, լինեմ ոչ քաղաքապետ:
-Ձեր ասածներից հարց ծագեց` հնարավո՞ր է, որ երբ էլ քաղաքապետ չլինեք, դառնաք հոգեւորական:
-
Աստված ինչ որ կամենա, փա՛ռք Աստծո կամքին: Եթե Աստված կամեցավ, որ ծառայենք, ասենք, այդ ոլորտում, միգուցե, Աստծո կամքով, փա՛ռք կամեցածին:
ՔՐԻՍՏԻՆԵ ԽԱՆՈՒՄՅԱՆ
http://hzh.am/04-12.html
Գյումրիի «քաղաքապետ» Վարդան Ղուկասյանը
Մեջբերել
Մարկիզ-ի խոսքերից
: Արա էս ու՞ր ենք հասել, արա՛, էս ու՞ր եք էթում... Մի հոգուց ավել ենթակա ունեցողը արքայից արքա ա, հինգ հոգուց ավել ունեցողը՝ աստված: Չտես, քնձռոտ աստվածիկներ:
:
Էջանիշներ