Հեծանիվ

[Ծլնգ]

Հա, լավ ասեցիր: Էդ լավ ա, որ տարիքի սահմանափակում չկա, բայց մյուս կողմից էլ չգիտեմ ոնց սովորել: Նենց ա, որ երբ արդեն հասուն մարդ ես, քեզ չեն կարում բռնեն քաշիդ պատճառով ու տենց էլ մնում ես )))

Բռնել պետք չի ամենէֆեկտիվ ձևը balance bike-ի վրա սովորելն ա։ Հիմա երեխաների չափի սենց հավասարակշռության հեծանիվներ լիքը կան շուկայում, բայց մեծերի համար էլ կարելի ուղղակի պեդալները հանել ու սամոկատի տեղ քշել։ Հեծանիվ քշելու հիմնական դժվարությունը հավասարակշռությունը պահելու մեջ է, ոչ թե պեդալները պտտելու։ Balance bike-ով հավասարակշռությունը պահել սովորած երեխան 3 րոպեում պեդալներով հեծանիվ ա քշում։

Նենց որ ծանոթ-բարեկամ-հարևանից մի հին հեծանիվ ես մի երկու օրով վերցնում, պեդալները վրայից հանում ես ու վրեն հավասարակշռությունդ ես պարապացնում։ Իմաստը նստարանին նստած ոտքերով գետնից հրվելն ա ու հետզետե փորձել ոտքերը բարձրացնել, որ ոտքերդ օդում հեծանիվը շարունակի մի քանի մետր ինքն իրեն գնալ։ Բայց փորձի ղեկի վրայի արգելակիչով հեծանվի վրա պարապել ու անպայման սաղավարտով։ Եթե կոորդինացիայի հետ լուրջ խնդիրներ չկան, պիտի որ մի 2-3 ժամ պարապելով հավասարակշռությունդ հստակ պահել սովորես։ Դե հետո էլ պեդալները հետ ես դնում, ու կյանքից հաճույք ստանում։



Էն պահելու մասի իմաստը չկա ու նույնիսկ հակաարդյունավետ ա, որտև սխալ սկսել ու արգելակելու սովորություն ա սերմանում (առաջին պապտահած balance bike-ի վիդեոն եմ դրել)։ Պեդալով սկսել-կանգնելու ճիշտ ձևի համար սա նայի․

[Վիշապ]

Հա, լավ ասեցիր: Էդ լավ ա, որ տարիքի սահմանափակում չկա, բայց մյուս կողմից էլ չգիտեմ ոնց սովորել: Նենց ա, որ երբ արդեն հասուն մարդ ես, քեզ չեն կարում բռնեն քաշիդ պատճառով ու տենց էլ մնում ես )))

1․ Հեծանիվ ես առնում՝ քո չափի, մոտավորապես բոյովդ կողմնորոշվելը սկզբի համար լավ է, ասենք մինչև 170սմ ես՝ փոքր, մինչև 178սմ՝ միջին, ավելի բոյով ես՝ մեծ չափի հիբրիդ, կամ կոմֆորտ տիպի մեծահասակաների հեծանիվ, որի նստարանի բարձրությունը բռնակով կարգավորվող է, ու կարողանում ես իջեցնել նստարանը այնպես, որ ոտքերդ հասնեն գետնին, ու ղեկը բռնելիս էլ չես լարվում (ձեռքերդ հասնում են «ռույլին» առանց շատ կռանալու, ու նաև առանց շատ ծալվելու), ցանկալի է նոր, կամ քիչ օգտագործած, պարզ ու առանց շատ փոխանցումների հեծանիվ, որ միանգամից քշվում է առանց ջանջալ կարգավորումների։
2․ Առնում ես սաղավարտ՝ այն է հելմետ, կամ կասկա, ցանկալի է հեծանվի, բայց զինվորական սաղավարտն էլ կարող է յոլա տանել, կարևորը էն միջնադարյան շատ ծանրերից չլինի, բայց եթե ասպետական սաղավարտ ես ճարում, ապա հեծանիվը հետ ես տալիս, փոխարենը առնում ես թուր ու վահան․ ու փնտրում ես ասպետական նժույգ․․․ էհ, շեղվեցի ոնց որ։
3․ Համոզվում ես, որ արգելակները, անիվներն ու ղեկը տեղում են՝ կարգավորված, նորմալ ձգած, արգելակները նորմալ աշխատում են (որ արգելակները սեղմած հեծոն ամբողջ ուժով հրում ես, ակերը գլորվելու տեղը սղում են) կարող ես հասկացող մեկին խնդրել՝ ստուգի։ Սաղավարտի գոտին կարգավորում ես, որ առանց խեղդվելու հարմար կարողանաս կոճկել, գլխիդ պիտի նստի ձիգ, բայց շատ հարմար ու առանց որևէ տհաճություն պատճառելու։ Անհարմար սաղավարտը հաճախ ավելի վատ է, քան անհարմար հեծանիվը։
4․ Ընտրում ես թեթև վայրէջք՝ մի 30-50 մետրանոց, ցանկալի է ոչ մարդաշատ վայրում, ցածր խոտածածկույթով, առանց քարերի ու ցեխի։ Հեծանիվդ ու քեզ տանում ես վայրեջքի վերին հատված։
5․ Նստատեղը իջենցում ես այնպես, որ նստելիս երկու կրունկներդ հասնեն գետնին, նստատեղը ձգում ես այնպես, որ հեծանվի կմախքին զուգահեռ լինի ու ցնցումներից չպտտվի ու չիջնի, բայց խայտառակ շատ ուժով էլ չես ձգում, որ տաս ջարդես։ Այս փուլում պեդալները կարելի է քանդել հանել, որ չխանգարեն, բայց եթե շատ չեն խանգարում ոտքերը գետնին դնելուն, կարելի է և չքանդել, բայց ընկնելու դեպքում կարող են քեծվածքների քանակը ավելացնել։
6․ Սաղավարտը դնում ես գլխիդ ու նորմալ կոճկում ես։ Նստում ես հեծանվին, բռնում ես ղեկն ու արգելակի բռնակները պարտաստ արգելակելու, ու վերևից դանդաղ գլորվում ես ներքև առանց պեդալ տալու, խնդիրը բալանս պահելն է, չափից շատ արագանալու դեպքում զգուշորեն, այսինքն՝ ոչ կտրուկ, արգելակում ես երկու բռնակներով հավասարաչափ։ Ներքև հասնելուն պես լրիվ արգելակում ես, իջնում ես հեծանվից ու նորից բրդում ես վերև, որտեղից իջել ես։ Իջնելիս պարտադիր նայում ես դիմացդ ու կողքերդ, հայացքդ բարձր ու դեպի պայծառ ապագա, երբեք չես նայում հեծանվի դիմացի ակին։ Ղեկը բռնում ես հանգիստ, ոչ շատ ձիգ, առանց լարվելու։
7․ Կրկնում ես 6-րդ կետը այնքան, մինչև առանց ոտքերդ գետնին հպելու կարողանում ես իջնել ամբողջ երկարությունը ու արդեն ձանձրալի է դառնում, որովհետև էլ բան չկա էդտեղ շատ սովորելու։
8․ Եթե պեդալները քանդել հանել էիր, ձգում ես տեղը, պեդալները անհրաժեշտ է նորմալ ձգել համապատասխան դարձակով՝ այն է կլյուչ, միջին վիճակագրական ձեռքի ուժով մինչև պտույտի կանգնելը (առանց մարմնի ուժ տալու)։ Էստեղ պարտադիր է հիշել, որ աջ կողմի պեդալը սովորականի պես է ձգվում՝ ժամսլաքի ուղղությամբ, իսկ ձախինը՝ ժամսլաքի հակառակ ուղղությամբ, այսինքն աջ ու ձախ պեդալների թելելափորակը՝ այն է ռեզբա, նույնը չի ու հարկավոր է չշփոթել ու զոռ չտալ ու չփչացնել կռվանի ակոսափորակը:
9. Կրկնում ես 6-րդ կետի քայլերը մի տարբերությամբ, որ այս անգամ ընթացքում փորձում ես ոտքերդ դնել պեդալների վրա ու պտտել, պտտում ես հանգիստ, դեռ մրցավազքը չի սկսվել, խնդիրը՝ պեդալները ընթացքում պտտել սովորելն է։
10․ Կրկնում ես 9-րդ կետը այնքան, մինչև ցանկություն է առաջանում հարթ տեղը պեդալ տալու ու սեփական ոտքերի ուժով ինքզինքը հեծանվով հանդերձ առաջ մղելու, այ էստեղ նոր կայֆերը սկսվում են։
11․ Ուռա, դու կարողանում ես հեծանիվ քշել, հետևիր անվտանգության կանոններին, հարգիր երթևեկության մասնակիցներին, ճամփա տուր հետիոտներին, քֆուր տուր գազելի ու տաքսու շոֆերներին, անփորձանք, բարի երթ։

Հ․Գ․ Իմանայի Ծլնգը վիդեո ա դնելու, էսքան չէի մրի ։Ճ

[Վիշապ]

Ու քանի հավես չկա գործ անելու, լուսանկարահաշվետվություն, մեր գեղի քուչեքումը, համար N:

Դբա բլուրները (մեր թաղից մի քանի կմ դեպի արևելք)։

 •

• 

 Սեղմել՝ ցույց տալու համար

Կոյոտները շրջապատում են ինձ՝ համեղ պատառի տեղ դնելով, հետո ջոկում են, որ անհամի մեկն եմ։

 •

• 

 Սեղմել՝ ցույց տալու համար

Էս մի օր երևի կանեմ, մինչև մեռնելս։

 •

• 

 Սեղմել՝ ցույց տալու համար

Ներքևում մեր քուչան ա, չա չա չա։

 •

• 

 Սեղմել՝ ցույց տալու համար

Էվկալիպտներ, իմ սիրած ծառն է Կալիֆոռնիայում, ոնց որ ասենք բալենին՝ Հայաստանում։

 •

• 

 Սեղմել՝ ցույց տալու համար

Վայրէջք տանջալից վերելքից հետո։

 •

• 

 Սեղմել՝ ցույց տալու համար

[Հարդ]

Վիշապ ու Ծլնգ ջաներ, հույս եք տալիս որ կստացվի, պլանավորում եմ աշունը փորձեմ, կգրեմ եթե մի բան ստացվի ))

[boooooooom]

Վիշապ ու Ծլնգ ջաներ, հույս եք տալիս որ կստացվի, պլանավորում եմ աշունը փորձեմ, կգրեմ եթե մի բան ստացվի ))

Կար ժամանակ, որ Ակումբցի հեծանվորդներով որևէ ազատ այգում հավաքվում էինք ու քշել սովորել ցանկացողները գալիս փորձում էին մեր հեծոների վրա։ Պանդեմիան անցնի, կարելի է էլի կազմակերպել։

[Ներսես_AM]

Հեծանվագետներ աղջկաս հեծանիվը հավանաբար ընկնելուց հետևի փոխարկիչը ծռվել էր, ձայն էր հանում։ Կարգավորման շուրուպը մի քիչ թուլացրեցի համարյա լրիվ դզվեց բացի ամենամեծից ու էդ ոնց որ նրանից ա, որ կասետը ոնց որ առանցքը շեղված լինի։ Էդ ո՞նց են դզում։

[Varzor]

Հեծանվագետներ աղջկաս հեծանիվը հավանաբար ընկնելուց հետևի փոխարկիչը ծռվել էր, ձայն էր հանում։ Կարգավորման շուրուպը մի քիչ թուլացրեցի համարյա լրիվ դզվեց բացի ամենամեծից ու էդ ոնց որ նրանից ա, որ կասետը ոնց որ առանցքը շեղված լինի։ Էդ ո՞նց են դզում։

 •

• 

 Սեղմել՝ ցույց տալու համար

Եթե տեսանյութից ճիշտ եմ հասկանում, ապա ոնց որ թե վռանի (втулка) կամ կասետի խնդիր է:
Էս տեսանյությում պատճառները բացատրում է, ինչպես նաև ուղղելու տարբերակներն է ասում։



Հ․Գ․
Տեսանյութի ֆոնում երեխու հարցը վերջնա

[Ներսես_AM]

հմմ, փաստորեն ռեմոնտի ենթակա չի։ Տարօրինակ ա բայց, համարյա նոր հեծո ա, ու էժան չի։ Գնամ նամակ գրեմ տենամ ինչ են ասում։

[Վիշապ]

Հեծանվագետներ աղջկաս հեծանիվը հավանաբար ընկնելուց հետևի փոխարկիչը ծռվել էր, ձայն էր հանում։ Կարգավորման շուրուպը մի քիչ թուլացրեցի համարյա լրիվ դզվեց բացի ամենամեծից ու էդ ոնց որ նրանից ա, որ կասետը ոնց որ առանցքը շեղված լինի։ Էդ ո՞նց են դզում։

Եթե փոխարկիչը կմախքի վրա կախոցով (derailleur hanger) է ամրացված (հիմնականում էդպես է, եթե շատ խայտառակ հեծանիվ չի), ապա կախոցն է պետք դզել, դա կասետի հետ կապ չունի։
Կախոցները փափուկ մետաղից են ու նախատեսված են, որպեսզի առաջինը ծռվեն, կամ ջարդվեն ու պաշտպանեն փոխարկիչը վնասվելուց։ Ծռվելու դեպքում հաճախ հնարավոր է դզել առանց ջարդելու, բայց երբեմն կարիք է լինում փոխելու, էժան դետալ է,
բայց հենց նույնից է պետք առնել, որովհետև հազար ձևի են լինում։
Ճիշտ դզելը գործիքով են անում, դզել նշանակում է կախոցի էն անցքը, որի վրա փոխարկիչն է ձգվում պիտի հետևի անվի հետ նույն հարթության մեջ գտնվի, բայց աչքաչափով էլ մի կերպ կարելի է դզել, դրա համար փոխարկիչը քանդում ես կախոցից (նախապես շղթան թուլացնել հանելով), փոխարկիչի փոխարեն նույն ռեզբայով բոլտ ես ճարում ու ձգում ու բոլտից բռնելով (հարթաշուրթով կամ ուրիշ բանով) թեթև հրումներով դզում ես համապատասխան ուղղություններով (նայի հղումը)։
Իսկ կասետի ծռմռվածությունը փոխարկիչի հետ ընդհանրապես կապ չունի, դա անվակունդի դեֆեկտ է, եթե համարենք, որ կասետը նորմալ ձգված է ու չի խլվլում։
Ակը քանդի հանի, ու կասետը խաղացրու, եթե թուլացել է, տես ոնց է ձգվում, ձգի ու կասետից մի ձեռով բռնած փորձի ակը պտտել, եթե ակը 8 ա գրում, բայց անվակունդի առանցքը անշարժ է, ուրեմն սպիցերով կարելի է ակը դզել, իսկ եթե անվակունդի առանցն էլ է 8 գրում, ապա նոր ակ, կամ ավելի որակյալ հեծանիվ առնել («թանկից էժանը չկա»-ն հեծանիվների մասին ճիշտ դատողություն է), ծուռ ակով քշելն էդքան անվտանգ չի։
Ձեր մոտ մի հատ թույն օնլայն հեծանվի խանութ կա, որից ես էլ եմ օգտվում, համ որակյալ բաներ են ծախում ու համ էլ Նահանգներ առաքելով ավելի էժան է քան էստեղ։

[Գաղթական]

Իսկ սենց բան փորձող եղել ա՞:
Ոչ մի ձև չեմ պատկերացնում դրա հարմարավետությունը..

[Աթեիստ]

Համ աէրոդինամիկան ավելի լավը կլնի, կամ մեջքը ավելի հանգիստ կլնի։

Կարելի էր փորձել։

[Varzor]

Համ աէրոդինամիկան ավելի լավը կլնի, կամ մեջքը ավելի հանգիստ կլնի։

Կարելի էր փորձել։

Բայց վտանգավոր է։

[Վիշապ]

Պառկած հեծոները հավեսն են, ոնց որ դիվանին պառկած գնաս, բայց մենակ ասֆալտած թրեյլի վրա պիտի քշես, ավտոների կողքով վտանգավոր է, գռուզավիկները կարող է չնկատեն, չոլեր էլ դրանով չես գնա։ Մեջքի պրոբլեմ կամ հաշմանդամություն ունեցողների համար շատ էլ հարմար են, եռակնանի տարբերակներ էլ կան։ Թրեյլի վրա հեչ վտանգավոր չեն, գլխի վրա ընկնելը պրակտիորեն բացառվում է, ծանրության կենտրոնն էլ ցածր է։

[LisBeth]

Մի երկու ամիս առաջ մեզ խփեցին։ Հետևի ակը գրեթե չէր պտտվում։ Ինչպես ասում էր Չիկեն, Աչեբեի պատմվածքում, ես նրան տարա Բայք-դաքթըրի մոտ, հույս չտվեց, ասեց գցի նորը առ։ Ընկերս, թե բա մեր մոտ՝ Աֆրիկայում ցանկացած երեխա երջանիկ կլինի սենց բայք ունենա։ Ասեց բեր ես սարքեմ։ Ասի՝ ես ինքս։ Բերեցի տուն հետևի բրեյքները հանեցի ու տենց անտոռմուզ գազան դառավ, իրար հետ թռնում էինք, ու ամեն անգամ քշելուց էդ երեխեքին էի հիշում, մեկ էլ Չիկեին․․․
Նենց էինք սերտաճել, որ առանց իրա հետ լինելուց հիմա ես էլ եմ անտոռմուզ
Անհամբեր սպասում եմ թե երբ ենք սենց դրամատիկ վերամիավորվելու։ Կոմիքսների էջերից․․․ կամ դժոխքից հետ եկած։



Մի հատ գժոտ անուն եմ ուզում։ Ի՞նչ առաջարկներ կան:

[Վիշապ]

Քանի որ հեծանվիդ հետ, կամ գուցե տիրոջ հետ անհասկանալի իրավիճակ է («մեզ» խփեցին, ակը քցելու աստիճանի չէր ֆռում, տոռմուզը հանեցինք, ու օպլյա՝ խո հեծանիվ չի, աէրոՊլան ա), ապա անունը առաջարկում եմ դնել՝ велопарадокс: