Կոռուպցիոն բացահայտումներ թավշյա հեղափոխության շնորհիվ

[Արշակ]

Արշակ ջան, էս երկու պնդումներիդ միջև էական տարբերություն կա ու մեկի հետ համաձայն եմ, մյուսի հետ՝ ոչ:

Իրենց գործունեության սկզբնական փուլում երկուսն էլ սկսել են հարստանալ պատերազմի ժամանակ ու հետպատերազմյան (ի նկատի ունեմ դրա տաք փուլը) շրջանում թալանի միջոցով:
Սա ճիշտ է:
Բայց թալանել են ոչ թե բանակին, այլ՝ դատարկված թուրքական գյուղերը:

Դե հետագայում էլ շարունակել են թալանել ու գողանալ առանձին մարդկանցից, պետությունից:
Հա, ընդհանուր բնորոշմամբ, կարելի է վիճել, թե ասենք ինչ տարբերություն ժողովրդից ու պետությունից գողանալու ու բանակից գողանալու միջև:
Բայց կարծում եմ նման քննարկումն անիմաստ ու ոչ մի տեղ տանող է:

Իմ ասածը, ինչպես նշել էի, վերաբերում էր Մանվելի ապրիլյան պատերազմի ժամանակ գողացածին, որից էլ, ըստ իս, հիասթափված ու կատաղած էր Սեյրանը՝ ասելով, թե Մանվելի ի՞նչն էր պակաս, որ դրա հույսին էր մնացել:

Գաղթական ջան, ես Սեյրանի մասին կոնկրետ փաստեր ու մանրամասներ չունեմ, հետևաբար չեմ կարող 100%–ոց պնդել, թե ինքը ինչեր ա արել։ Բայց բանակի հետ առնչվող շատերն են ասում, որ սպայական կազմի կողմից բանակի պարենը թալանելը նենց ոչինչ մասսայական երևույթ ա եղել ու կա։ Հրես՝ էսօր էլ տենց մի դեպք բացահայտեց ԱԱԾ–ն․ http://armtimes.com/hy/article/139942
ՈՒ Սեյրանը մեր բանակի ամենահռչակավոր ԲՏ–ներից լինելով՝ չէր կարա էդ մասին չիմանար ու մասնակից էլ չլիներ։ Առավել ևս չէր կարա զարմանար, որ Մանվելը էդ թեմայի մեջ կա։

Իրականում էս ամեն ինչի մասին բոլորն էլ շատ լավ գիտեին, դրա մասին ժողովուրդն էլ էր հա խոսում, թերթերն էլ էին գրում, ոչ մեկի համար գաղտնիք չէր։ Առավել ևս իրանց ներքին կուխնիայում թալանի ամեն մի ծակուծուկը չէր կարա թաքուն մնար։ Երկրի, էդ թվում բանակի թալանը շատ կազմակերպված մենեջմենթով արվում էր, ամենավերևում էլ իհարկե Սերժն էր։
ՈՒղղակի երբ էսքան տարիներ ռազմահայրենասիրական պաթոս են ժողովրդին կերցնում մարդկանց պատերազմով լռացնելու ու իրանց թալանը սվաղելու, անխռով կազմակերպելու համար, ու մեկ էլ էս ամեն ինչը արդեն ոչ թե պատերի տակ խոսելով, այլ պաշտոնական լրատվությամբ ա փռվում բոլորի դեմ, երեխեքի նամակներով բանով, էդ ռազմահայրենասիրական պաթոսը ողջ թափով հետ ֆռաց իրանց դեմ, իրանց ռեակցիան էլ ուզած չուզած հենց էդ պաթոսի շրջանակներում եղավ, էդքան բան։

Հա, բայց ՀՀԿ-ական պատգամավորների պոպուլիզմն ու դրան հաջորդած մանթոն, դա ընդամենը կողմնակի էֆեկտ էր՝ իմ կարծիքով:

ՈՒ նրա պահեստում եղածն էլ՝ իր զուգարանի թղթերով ու օլդթայմերների տնազ անճաշակ հավաքածույով հանդերձ, մի չնչին ու լրիվ աննշան մասն էր՝ այլոց գողոնի համեմատ (տոչնի չեմ հիշում, թե ԱԱԾ-ն որքան էր գնահատել.. 7-8մլն դրա՞մ):

Բայց Մանվելին բարոյապես փչացնելը մի քանի այլ կարևոր հարց լուծեց, որոնց թվում էին «արդար բողոքի» սքողի տակ զինված խմբերի հանդես գալով հասարակական ալիքի ստեղծումն ու նման նշանավոր ֆիգուրների շախմատի տախտակից հանգիստ ու անհետևանք հեռացման նախադեպը:

Իսկ որ ԷՇ-ն ու Աշոծյանի մանթոն ամենակարևոր բանը չէր, ինչին խնդիր էր դրված հասնելու, այլ՝ շատ ավելի վտանգավոր խաղեր են տեղի ունենում կուլիսների հետևում, դրա մասին Գուրգեն Եղիազարյանը շատ ավելի լավ կբացատրի, քանի որ համաձայնի, նրա տիրապետած ինֆոյից էստեղ զրից անող ոչ մեկս էլ չենք խաբար չենք.

Ապեր, չթերագնահատելով էս ասածներդ, կուլիսների հետևում խաղերն ու Նիկոլի առաջ կանգնած վտանգները, արի չթերագնահատենք նաև ՀՀԿ–ին էմոցիոնալ ջախջախելը, ու հանրային մակարդակում հոգեբանական–էմոցիոնալ ընկալումները։ Մարդիկ խիստ էմոցիոնալ արարածներ են․ ՀՀԿ–ական ջոջերից սկսած, շարքային քաղաքացիներով վերջացրած։ Մեր գործողությունները ինչքան էլ մեզ թվում ա, թե տրամաբանական դատողությունների արդյունք են, առնվազն մի էդքան էլ, եթե ոչ ավելի, ենթագիտակցական, էմոցիոնալ հիմքեր ունեն։

Ի վերջո, էս հեղափոխությունն էլ եղավ ոչ թե կուլիսային խաղերի, այլ հանրային տրամադրությունների ու ընկալումների տրանսֆորմացիայի շնորհիվ ու միջոցով։ ՈՒ Նիկոլի կողմից, թեկուզ որոշ պոպուլիստական տարրերով ՀՀԿ–ին ժողովրդի առաջ էմոցիոնալ կոտրելը չափազանց էական մոմենտ ա։
Ինչպես որ քո բերած Գուրգեն Եղիազարյանն ա ասում ու որ ավելի կարևոր ա՝ Նիկոլն ա անընդհատ շեշտում, Նիկոլի գլխավոր զենքն ու հենարանը ժողովուրդն ա։