Քիմ Քարդաշյան

[Հայկօ]

Բայց ինչ անհամ մարդիկ դուրս եկաք: Բա շրթունքնե՜րը, բա հայա՜ցքը:

Այո, և նաև ապշեցուցիչ զուլալ հոգի ու բյուրեղի պես մաքուր սիրտ ունի Քիմը: Սակայն կարևորը ՏուՏուԶի՜կն է, չէ՞. դա հո ես ու դու լա՞վ գիտենք :

Տվյալ դեպքում ՏուՏուԶի՜կը բարձրացվել է նոր որակական աստիճան և սովորական նստուկի նվաստ կարգավիճակից աճել մինչև բազմամիլիոնանոց ինդուստրիա: Ոչ բոլոր նստուկներն են արժանանում սույն բախտին ու երջանկությանը: Բազմաթիվ դեռահաս, պզուկոտ ու ռոմանտիկ պատանիներ ծածուկ երազում են լինել չորքոտանի, իմա՝ այն երանելի աթոռը, որի վրա սեփական գավակն է տեղավորում աստվածային Քիմը: Ականատեսները պատմում են, որ մի անգամ, Քիմի հետուստը տեսնելով, մի իննսունամյա անդամալույծ պապիկ սկսել է քայլել, ընդ որում՝ այդուհետև սկսել է դժվարությամբ պառկել փորի վրա: Օ՜, ժամանակներ, օ՜, ծալքեր: Հավաստի աղբյուրները պնդում են նաև, որ շուտով, շատ շուտով աշխարհահռչակ «Որոգայթ» ֆիլմը, իմ պատիվ չնաշխարհիկ Քիմի, վերանվանվելու է «Ոռոգայթ»: Խելամիտ որոշում: Ավելին՝ ասում են, որ «Վիագրա» դեղամիջոցի մեջ ավելացնում են Քիմի՝ ինտերնետից բեռած նկարների էքստրակտ:

Օ՜, Քիմ, Քիմ... Ես ուզում եմ հետամուտ լինել քո եթերային բարձունքներին ու հետաքննել քո հմայքի երկփեղկ գաղտնիքը, բաղձում եմ ոռմնադիր դառնալ ու լինել քո երջանկության շինարարը: Omnia vincit Amor, ասում էր մեծն հետախույզ ու ոռսորդ Էդ Գարպօն՝ շեշտելով վերջին երկու տառը: Հանճարեղ մարդու հանճարեղ խոսքեր...