Պատմության կեղծարարնե՞ր

[Lion]

ժողովորդ, հլը ստեղ նայեք: Ազնիվ խոսք, այս մարդկանցից բան չեմ հասկանում... Ես նման ոչ կոնստուկտիվ պահվացք երբեք չեմ հանդիպել: Կարծես ես իրենց անձնական թշնամին եմ...

Նայեք ստեղ

...

ու հարակից էջերն ու թեմաները...


Մոդերատորական. Հղումը հեռացվել է: Ֆորումային էթիկայի տեսակետից սխալ է, այլ ֆորումի քննարկողներին այս ֆորումում քննարկելը:

[Արիացի]

APSU կոչ է անում բոյկոտել Լոս-Անջելեսի համալսարանի հակահայկական համաժողովը

/PanARMENIAN.Net/ Պրոգրեսիվ հայ ուսանողների միությունը (Armenian Progoressive Students Union) կոչ է անում բոյկոտել Լոս-Անջելեսի համալսարանում (UCLA) մարտի 26-28 կայանալիք հայագիտության համաժողովի անցկացումը: Ինչպես ասվում է APSU-ի` PanARMENIAN.Net ուղարկված հաղորդագրության մեջ, համաժողովին կմասնակցեն ավելի քան 40 զեկուցողներ տարբեր երկրներից, այդ թվում` Թուրքիայից: «Հայաստանից համաժողովին մասնակցելու է միայն մեկ հոգի, որի զեկույցը շոշափում է ՁԻԱՀ-ի խնդիրները Հայաստանում: Այդ դասախոսությունը ոչ մի կերպ կապված չէ հայագիտության հետ»,- նշվում է հաղորդագրության մեջ:

Դրա հետ մեկտեղ, APSU հաղորդագրության մեջ ասվում է, որ համաժողովին մասնակցելու է Ռոբերտ Թոմսոնը, որը պատմական փաստերի կեղծող է: «Բացի այդ, համաժողովին մասնակցող թուրք զեկուցողներն իրենց զեկույցներում Հայկական Լեռնաշխարհն անվանում են «Անատոլիա»: Դասախոսություններից մեկը կոչվում է «Օսմանները Անատոլիայի հայերի մեջ 1908թ. հեղափոխությունից հետո»: Մեզ վրդովում է այն, որ նման ոչ գիտական եւ հակահայկական տերմինաբանությունը կիրառվում է հայկական հետազոտությունների ոլորտում»,- ընդգծված է APSU հաղորդագրության մեջ: Հայ ուսանողների կարծիքով, ծրագրված համաժողովը ակադեմիական միջոցառում չի հանդիսանում եւ հեռու է հայագիտությունից: «Մենք բոլոր հայերին կոչ ենք անում բոյկոտել այդ համաժողովի անցկացումը եւ ստորագրել մեր հանրագրի տակ»,- ասվում է հաղորդագրության մեջ:

[Marduk]

Դա հայագիտություն չի դա խայտառակություն է
Դա սեռական հողի վրա խանգարվածների համաժողով է:
Մի հատ էս թեմաները նայեք:

Ռիչարդ Հովհանիսյանը լրիվ աչքիցս ընկել է: Մարդ էդքան բանից հետո գնա ինչ որ սեռամոլագարների հավաքի ու դա կոչի հայագիտություն

• Tamar Boyadjian, UCLA, "The Female City and Its Textual Function: Grigor
Tghay's Lament over the City of Jerusalem"
• Talar Chahinian, UCLA, "The Crisis of Incest: Reconfiguring the Catastrophe in
Orpuni's 'Vartsu Seniag,' Sarafian's Ishkhanuhin, and Shahnur's 'Buynuzlenere'"
• Myrna Douzjian, UCLA, "Challenging Social and Literary Norms: Sexual
Agency in Violet Grigorian's Poetry"
• Lilit Keshishyan, UCLA, "Sexual Perversion as Political Allegory in Gurgen
Khanjian's Hivandanots"

http://ahousekeeper.livejournal.com/387197.html

[Հակոբ Գեւորգյան]

Մարտի 26-28-ը Լոս Անջելեսում տեղի ունեցավ ԱՄՆ-ի հայագիտական ամբիոնների միացյալ հավաք կապված իրենց գործունեության 35 ամյակին: ՀՀ հյուպատոսը և ՀՀ Պետական Համալսարանի ռեկտորը հրավիրված լինելով հանդերձ, ՉՄԱՍՆԱԿՑԵՑԻՆ համահավաքին:

• 
  
  • 
    
    • 
      
      • 
        
        • 
          Պրոգրեսիվ հայ ուսանողների միությունը (Armenian Progoressive Students Union) կոչ է անում բոյկոտել Լոս-Անջելեսի համալսարանում (UCLA) մարտի 26-28 կայանալիք հայագիտության համաժողովի անցկացումը: Ինչպես ասվում է APSU-ի` PanARMENIAN.Net ուղարկված հաղորդագրության մեջ, համաժողովին կմասնակցեն ավելի քան 40 զեկուցողներ տարբեր երկրներից, այդ թվում` Թուրքիայից: «Հայաստանից համաժողովին մասնակցելու է միայն մեկ հոգի, որի զեկույցը շոշափում է ՁԻԱՀ-ի խնդիրները Հայաստանում: Այդ դասախոսությունը ոչ մի կերպ կապված չէ հայագիտության հետ»,- նշվում է հաղորդագրության մեջ: Դրա հետ մեկտեղ, APSU հաղորդագրության մեջ ասվում է, որ համաժողովին մասնակցելու է Ռոբերտ Թոմսոնը, որը պատմական փաստերի կեղծող է: «Բացի այդ, համաժողովին մասնակցող թուրք զեկուցողներն իրենց զեկույցներում Հայկական Լեռնաշխարհն անվանում են «Անատոլիա»: Դասախոսություններից մեկը կոչվում է «Օսմանները Անատոլիայի հայերի մեջ 1908թ. հեղափոխությունից հետո»: Մեզ վրդովում է այն, որ նման ոչ գիտական եւ հակահայկական տերմինաբանությունը կիրառվում է հայկական հետազոտությունների ոլորտում»,- ընդգծված է APSU հաղորդագրության մեջ: Հայ ուսանողների կարծիքով, ծրագրված համաժողովը ակադեմիական միջոցառում չի հանդիսանում եւ հեռու է հայագիտությունից: «Մենք բոլոր հայերին կոչ ենք անում բոյկոտել այդ համաժողովի անցկացումը եւ ստորագրել մեր հանրագրի տակ»,- ասվում է հաղորդագրության մեջ:
        
        
      
      
    
    
  
  

*APSU (Armenian Progressive Students Union) http://apsu11.wordpress.com/

[Հայարիացի]

Հայ ազգայնականների համախմբումը (ՀԱՀ) լրջորեն մտահոգված է հայագիտության ներկա իրավիճակով: Չնայած անկախ պետություն ունենալու հանգամանքին, թե Հայաստանում, թե սփյուռքում հայագիտական կենտրոնները շարունակում են առաջնորդվել հակագիտական եւ հակահայկական դասագրքերով: Այս առումով ՀԱՀ-ի կազմում գտնվող կազմակերպություններն ու անհատները երկար տարիներ է ինչ պայքարում են հայագիտությունը հայկականացնելու եւ այն որպես ազգային անվտանգության բաղկացուցիչ մաս ՀՀ ազգային անվտանգության հայեցակարգում ներառելու ուղղությամբ:

Մենք ողջունում ենք նաեւ սփյուռքահայ ուսանողների հայրենասիրական պոռթկումը, ովքեր բողոքում են հայոց պատմության եւ հայագիտական առարկաների՝ իրենց դասագրքերից, որոնցում հայերը ներկայացված են որպես Հայկական լեռնաշխարհի եկվորներ, իսկ Արցախը համարվում է աղվանների երկիր, կեղծված են նաեւ պատմական ու վիճակագրական թվեր ու տվյալներ:

http://www.hayary.org/index.php?opti...=850&Itemid=56

«ԱԶԳ» օրաթերթում, 2009 թվականի Մարտի 31-ի համարում, տեղադրված է մի ուշացած հաղորդագրություն, ըստ որի՝ «Ամերիկայի համահայկական ուսանողական ասոցիացիան» դատապարտել է՝ «ուսանողների անհայտ մի խմբի համաձայնեցված ջանքերը արատավորելու ինչպես հայագիտական ամբիոնների, այնպես էլ նրանցում գործող պրոֆեսորադասախոսական կազմի աշխատանքները»: Որեւէ մեկը Միացյալ Նահանգներում շատ լավ գիտե, որ «Ամերիկայի համահայկական ուսանողական ասոցիացիան» փոքրիկ խմբակներից կազմված ձեւական կազմակերպություն է, որն ունի «համահայկական» անունը միայն: Այն չի ներկայացնում ամերիկահայ բազմահազար ուսանողությանը եւ հիմնականում ուղղորդվում է կեղծ հայագիտական դպրոցի պրոֆեսուրայի կողմից: Միայն մեկ օրինակ: Գլենդելի հանրային քոլեջում սովորում են երեք հազարի չափ հայ ուսանողներ, որոնց մեծ մասը նույնիսկ տեղյակ չէ, որ նույն քոլեջում կա 10-15 հոգուց բաղկացած «Գլենդել քոլեջի հայ ուսանողական միություն»: Ավելին, «Ամերիկայի համահայկական ուսանողական ասոցիացիան» հայտարարություն է արել Փետրվարի 22-ին (տես՝ «Ասպարեզ» օրաթերթ, Մարտի 4, 2009թ.), որի տակ կա «Գլենդելի հանրային Քոլեջի հայ ուսանողական միության» անունը, որն այդ նույն դիմումի քննարկումը կատարել է միայն չորս օր հետո՝ ամսի 26-ին: Մեր անդամներից երկուսը նույնպես այս քոլեջի հայ ուսանողների միության անդամներ են, եւ այս տեղեկությունը փաստված է: Ահա եւ ձեզ զեղծարարության մի նոր փորձ, որը մեզանում ծիծաղի առարկա է դարձել:

http://www.hayary.org/index.php?opti...=864&Itemid=56

[Elmo]

Հայ ազգայնականների համախմբումը (ՀԱՀ) լրջորեն մտահոգված է հայագիտության ներկա իրավիճակով:

Կներեք էլի անհամեստ հարցի համար: Հայ Արիական Միաբանությունը, բացի մտահոգվելուց ու ողջունելուց, ուրիշ բան անում է՞: Ոնց նայում եմ իրանց ձայնը մենակ հեռվից ա հնչում: Մենք մտահոգված ենք, որ սենց, մենք ողջունում ենք էսինչ բանը, մենք մեր մտահոգությունն ենք հայտնում էնինչ երևույթի նկատմամբ:

[Մուշեղ Ասատրյան]

"Մենք պահանջում ենք, որ հայ ուսանողությունը թե՛ Հայաստանում, թե՛ սփյուռքում ունենա հայոց պատմության նույն դասագիրքը, որը ճշմարիտ և գիտական ազնվությամբ կներկայացնի մեր պատմությունը:"

Հարգելի ակւմբցիներ,
Նախ, վերս մեջբերված հայտարարությունը ոչ միայն հակագիտական է, այլև դեմ է խոսքի և մտքի ազատությանը: Բացի, այս հայտարարությունը չափազանց անիրատես է, քանի որ ԱՄՆ ոչ մի բուհում, ոչ մի դասախոսի (խոսում իմ սեփական փորձից) ոչ ոք, անգամ Բարաք Օբաման, չի կարող պարտադրել այս կամ այն դասագրքով դասավանդել: Հատկապես մի այլ երկրի ակադեմիա:

Բացի այդ, ԱՄՆ բուհական համակարգում առարկաների դասավանդման ժամանակ օգտագործվում է ոչ թե մի դասագիրք, այլ դասախոսն աշխատում է որքան հնարավոր է տարբեր գիտական կարծիքներ մերկայացնել, որ ուսանողները ծանոթ լինեն վեճի բոլոր կողմերին:

Ի դեպ, մեկ այլ ստորագրահավաք էլ կազմակերպվել է` հանուն խոսքի ու գիտական մտքի ազատության, որը ստորագրել են ոչ միայն բազմթիվ "Արևմտյան հայագետներ", այլ հենց Հայաստանում գործեղ` հայագիտության ոլորտում հայտնի դեմքեր:

[Մուշեղ Ասատրյան]

Ստորև կցում եմ հայտարարության տեքստը` ստորգրություններով հանդերձ. ի դեպ, իմ կցված տեքստը մոտ մեկ ամսվա հնություն ունի, այսինքն` հնարավոր է, որ էլի անուններ ավելացած լինեն:

25-04-2009

Հայտարարություն՝
ի պաշտպանություն մտքի ազատության
եւ գիտական սկզբունքների

Մենք, ներքոստորագրյալներս՝ գիտնականներ եւ սատարող կրթական-մշակութային կազմակերպություններ, խորապես մտահոգված ենք և մեր վրդովմունքն ենք հայտնում որոշ անհատների եւ խմբերի կողմից վերջերս իրականացրած գործողությունների եւ հայտարարությունների դեմ, որոնք միտում ունեն վարկաբեկելու հայագիտությամբ զբաղվող գիտնականներին եւ հայագիտությունն առհասարակ, հատկապես Միացյալ Նահանգներում։

Վերջին ամիսներին ականատես ենք լինում նման անհատների ու խմբերի թվի մտահոգիչ ավելացմանը, ինչպես նաև դրանց հակամտավորական գործունեության սաստկացմանը: Ավելին՝ այդ խմբերը պնդում են, թե վայելում են Հայաստանի որոշ պետական այրերի ու հաստատությունների աջակցությունն ու քաջալերանքը: Նկատի առնելով YouTube-ում 2009 թ. հունվարից ի վեր տեղադրված զրպարտչական տեսանյութերը և նորելուկ այսպես կոչված "Հայ առաջադեմ ուսանողների միության" ու "Հայ ազգայնականների միության" յայտարարությունները, ակներև է դառնում, որ հարցը նախապես կարծածից ավելի լայն ծավալ ունի:

Այս հարձակումները հիմնված են կոպիտ խեղաթյուրումների և մտավորական անպարկեշտության վրա: Պարտադիր չէ մասնավոր գիտնականների կողմից որևէ նյութի վերաբերյալ առաջարկված եզրակացության կամ տեսակետի հետ համամիտ լինել՝ պնդելու համար, որ ա) գիտնականների ասածները չպետք է վկայակոչվեն տվյալ համատեքստից դուրս հանած, կամ նրանց չպետք է վերագրվեն իրականում գրածի ճիշտ հակառակ իմաստներ, բ) տարակարծություններն ու պատասխանները հիմնված պետք է լինեն հետազոտության վրա և արտահայտվեն բարեկիրթ ձևով, և գ) տարակարծությունները չպիտի վերածվեն մտավորական ահաբեկչության հասնող խաչակիր արշավանքների: Ակնհայտ է, որ այս շարժումը շատ է հեռացել քննադատության և բանավեճի ու տարակարծության ընդունված կանոններից: Հայագետները, ներառյալ ներկայիս չարախոսության թիրախ դարձածները, գիտական աշխատանքներ են կատարել, որոնք ակադեմիական աշխարհում և միջազգային հանրության մեջ հայոց պատմության ու մշակույթի համար իրենց արժանավոր տեղերն են ապահովել: Այդ գիտնականները նաև միջազգային ատյաններում և մամուլում վճռական հարցերի կապակցությամբ մեծապես ազդեցիկ ձայներ են եղել հայոց անցյալ ու ներկա պատմության ընկալման ասպարեզում:

Անկախ նրանից, թե որոնք են այդ հարձակումների դրդապատճառները, հստակ է, որ այս վիճակը միայն վնաս կարող է հասցնել շահագրգիռ բոլոր կողմերին: Նույնքան կարևոր է այն հանգամանքը, որ հարձակումները կարծես առաջ են մղում հայոց պատմության քարացած մի մեկնաբանություն՝ կախված միակեդրոն մի հեղինակությունից, ստեղծելով մի վիճակ, ուր այդ մեկնաբանությունից որևէ շեղում կարող է պիտակավորվել որպես դավաճանություն: Նման մոտեցումը հատկանշական է եղել ամբողջատիրական վարչակարգերին և դատապարտելի է, որովհետև՝ ա) հակառակ է հետազոտությանն ու հետազոտության վրա խարսխված պատմության քննական վերլուծության գաղափարին, բ) արգելափակում է անցյալին իր բոլոր բարդությունների ու դեռևս չուսումնասիրված երևույթների միջով նայելու պատեհությունը, գ) ներկան հասկանալու և ապագայի վերաբերյալ այլընտրանքներ կշռադատելու համար անարժեք է դարձնում պատմության ու մշակույթի ոլորտի ուսումնասիրությունները: Հստակ է, որ այս հարցը սոսկ հարձակման թիրախ դարձած գիտնականներով սահմանափակվող խնդիր չէ, ոչ էլ, ընդհանրապէս՝ հայագիտությամբ: Հարցը վերաբերում է հայ մշակույթին՝ բառի ամենալայն իմաստով:

Ի նկատի առնելով այս գաղափարապէս սնանկ յարձակումը որի նպատակն է վարկաբեկել գիտնականներին և պարտադրել մեկնաբանությունների միջտեսակությունը, որպիսիք վնասակար են հայագիտական հետազոտություններին, ինչպէս նաեւ Հայաստանի Հանրապետությանը ու հայ ժողովրդին՝

ներքոստորագրյալներս

1) Դեմ ենք կանգնում այդ հարձակումներին և վարկաբեկումների վերոհիշյալ փորձերին,
2) Պնդում ենք հիմնավորված հետազոտության, տեսակետի ու մեկնաբանության ազատության գաղափարը,
3) Կոչ ենք ուղղում Հայաստանի և Սփյուռքի ղեկավար դիրք զբաղեցնող հասարակական ու պետական պաշտոնյաներին, գիտնականներին, լրատվամիջոցներին, ակադեմիական հիմնարկներին ու նրանց ղեկավարներին, ինչպես նաև կրթական-մշակութային կազմակերպություններին, որ միանան մեզ ու մերժեն հայագիտության մեջ միատեսակ գաղափարներ պարտադրելու փորձերը և սատարեն հետազոտության ու մտածողության ազատությանն ու մշակութային հանդուրժողությանը:

Ստորագրված է՝
Հետևյալ համալսարանների հայագիտական ուսումնասիրությունների ծրագրերի կողմից.


LIST OF ENDORSERS AS OF 27 APRIL 2009
------------------------------------

Subscribed to by:

Society for Armenian Studies, and
Association Internationale des Etudes Arméniennes

And:

Analysis, Research and Planning for Armenia (ARPA)
Armenian Bar Association (ABA)
Armenian Center, Columbia University
Armenian Cultural Foundation (ACF), Arlington, Massachusetts
Armenian Dramatic Arts Alliance
Armenian Educational Foundation (AEF)
Armenian Engineers and Scientists of America (AESA)
Armenian Librarians and Libraries Information Committee (ALLIC)
Armenian Library and Museum of America (ALMA)., Watertown, Mass.
Armenian Research Center, University of Michigan-Ann Arbor
Center for Armenian Remembrance
Institute of Armenian Studies, University of Southern California
Moscow Armenian Student Association
National Association for Armenian Studies and Research (NAASR)
Nor Serount Cultural Association, California
Oesterreichisch-armenische Studiengesellschaft, Vienna
Tekeyan Cultural Association, Los Angeles Chapter
Youth Society of Intellectual Interaction (SIVAM), Moscow

And the Armenian Studies Programs of:

Boston University
California State University, Fresno
California State University, Northridge
Clark University
Columbia University
Harvard University
University of California, Los Angeles (AEF Chair)
University of Chicago
University of Michigan-Ann Arbor
Tufts University


And
Individual Scholars and Graduate Students:

Dr. Ramela A. Abbamontian,
Department of Art History,
Pierce Community College,
Woodland Hills, California
Dr. Armenuhi Drost-Abgaryan
Chair of Christian Oriental Studies
Martin Luther University Halle-Wittenberg,
Germany
Corresponding Academician Levon H. Abrahamian,
Head, Department of Contemporary Anthropological Studies,
Institue of Archaeology and Ethnography,
RA National Academy of Sciences,
Yerevan
Mr. Steven Abramian,
Executive Board, HASK-Armenian-American Community Center,
Tujunga, California

Mr. Gregory Aftandilian,
Independent Scholar,
Washington, D.C.

[Մուշեղ Ասատրյան]

Մի քանի խոսք էլ ասեմ այս հարցի շուրջ.

Նման պահվածքով ու ոչ պրոֆեսսիոնալ հայտարարություններվ մենք վնասում ենք ոչ միայն մեր միջազգային իմիջին, մենք նաև խոչնդոտում ենք մեր ժողովրդի առաջ ծառացած բազմաթիվ խնդիրների լուծմանը: Օրինակ` Հարվարդի Համալսարանի հայագիտության պրոֆեսոր Ջեյմս Ռասսելը, որը նմանատիպ հարձկումների հիմնական թիրախներից է, ԱՄՆ-ում Հայկական Եղեռնի ընդունման հիմնական սատարողներից է: Սակայն հայերս, փոխարեն նման մարդուն ամեն կերպ փայփայենք, ամեն կերպ փորձում ենք նրան, ու նմնատիպ մի շարք այլ մարդկանց, օտարել:

Ֆիլմում խոսվում է նաև Ռիչարդ Հովհաննիսյանի մասին: Արդյոք ծանո՞թ են նրան մեղադրողները նրա՝ Մեծ Եղեռնի մասին գրքերին: Ինչևէ, նման վերաբերմունքը նման մարդկանց նկատմամբ ոչ միայն հակագիտական է, այն նաև անչափ անխելամիտ է:

[Մուշեղ Ասատրյան]

Մի բան էլ ավելացնեմ,

Բնականաբար, ցանկացած գիտնական կարող է սխալվել: Սակայն եթե անգամ որևէ մեկը համաձայն չէ որևէ այլ գիտնականի կարծիքի հետ, դա պետք է արվի գիտական դիսկուսիայի ու էթիկայի կանոններին համաձայն: Ուստի արաջարկում եմ այդ ֆիլմի հեղինակներին՝ ուսանել արևմտյան հայտնի գիտական կենտրոններում, ստանալ հայագիտության բնագավառում դոկտորի աստիճաններ, մտնել միջազգային գիտական ոլորտ ու հերքել բոլոր գիտական կարծիքները, որոնց հետ համաձայն չեն:

Օրինակ, ինչքան էլ որ Էյնշտեյնի հարաբերականության տեսությունը ինձ աբսուրդ թվա, ու ես ցանկանամ այն ժխտել, ու մարդկանց հորդորեմ, որ նրան չլսեն, ոչ մի ֆիզիկոս, ու առհասարակ, խելքը գլխին որևէ մարդ, ինձ չի լսի: Ինձ կլսեն միայն այդ դեպքում, եթե ես մասնագիտությամբ լինեմ ֆիզիկոս ու բանավեճը վարեմ ֆիզիկայի գիտական լեզվով:

Հարգանոք`
Մուշեղ

[Chuk]

Մոդերատորական. Անգլալեզու անուններ (ստորագրություններ) պարունակող երեք գրառումները իրենց անկարևորության, ավելորդ ծավալ գրավելու, ինչպես նաև ակումբի կանոններին հակասելու պատճառով ջնջվել են: Նման դեպքերում օգտագործեք հղումներ, մի ծանրաբեռնեք ակումբը:

[Հակոբ Գեւորգյան]

Հայի մասին ամեն ինչ յուրահատուկ է։

Հայի համար ամեն ինչ յուրահատուկ է։

Մեր պատմությանը կպչել չի կարելի։

Մեր պատմությունը ամուր գամված է հողին։

Պատկերացնու՞մ եք, մի պատմաբան հայտարարի, որ իրականում Հայոց Եղեռնի ժամանակ չեն սպանվել մեկ ու կես միլիոն մարդ, այլ մահացել են ավելի քիչ։ Ու դա նա անի փաստելով, որ այդ թվականներին, հրացանը կրակելուց հետո, նոր փամփուշտ տեղադրելու համար հարկավոր էր լինելու մի "որոշ" ժամանակ։ Ու այդպես շարունակելով փաստել, որ "հինգ ժամում" (հինգ ժամը վերածելով փամփուշտի բեռնավորման ժամանակին, զինվորի քայլելու ժամանակին, սրով սպանելու ժամանակին, մեռնել չցանկացողի ետեւից հասնելու եւ այնուհետեւ սպանելու ժամանակին, դիմադրողին սպանելու ժամանակին, եւ այլն) անհնար կլիներ սպանել հազար հարյուր մարդ։
Ես ինքս համամիտ եմ ճշմարտությունը բացահայտելու հետ։ Մենք չպիտի վախենանք պատմության կեղծարարներից. միգուցե նրանք կեղծարարներ չեն, այլ պարզապես նրանք մեզ կտան այնպիսի տեղեկություններ, որոնք մութ են մեզ համար. օրինակ այսպես, մեկ պարկ կեղծիք, մի պտղունց ճշմարտություն։

[ministr]

Հիմա ինչ ուզում ես ասես բերեք հաշվենք ինչքան մարդա մեռել???

[Մուշեղ Ասատրյան]

Ախր թե Ռասսելը, թե Ռիչարդ Հովհաննիսյանը միայն ու միայն նպաստում են, որ եղեռնի փաստը ճանաչվի և ընդունվի արևմուտքում, այսինքն՝ ինչ կեղծելու մասին է խոսքը

[Հակոբ Գեւորգյան]

Ախր թե Ռասսելը, թե Ռիչարդ Հովհաննիսյանը միայն ու միայն նպաստում են, որ եղեռնի փաստը ճանաչվի և ընդունվի արևմուտքում, այսինքն՝ ինչ կեղծելու մասին է խոսքը

Քիչ առաջ կարդացի մի հոդված, որը տեղադրված է Արթուր Արմինի կազմակերպած կայքում։ Այստեղ էլ կա այդ հոդվածի PDF ֆայլը։ Տես՝

http://www.scribd.com/doc/15777047/F...menian-History