ՀՀ-ի հիմնը 0.00-ին

[REAL_ist]

Ինձ չի թվում, որ էստոնացին կամ վրացին, որը իրա հիմնը սիրումա, սիրումա նրա համար, որ այն իրանից երաժշտական արժեքա ներկայացնում...Սիրումա նրա համար, որ իր սեփականնա, իր պետության խորհրդանիշնա: Գոհ եղեք, որ թուրքական կամ ռուսական հիմն չեք լսում ամեն օր...

Վատ հիմն չկա, կա պետականության արժեքը չգնահատող քաղաքացի:

[Rammstein]

Ինձ չի թվում, որ էստոնացին կամ վրացին, որը իրա հիմնը սիրումա, սիրումա նրա համար, որ այն իրանից երաժշտական արժեքա ներկայացնում...Սիրումա նրա համար, որ իր սեփականնա, իր պետության խորհրդանիշնա: Գոհ եղեք, որ թուրքական կամ ռուսական հիմն չեք լսում ամեն օր...

Վատ հիմն չկա, կա պետականության արժեքը չգնահատող քաղաքացի:

Պետականությունը հիմնը պաշտելով չի, որ պետք ա գնահատել:
Ու բացի էդ պետք չի խառնել հիմնը սիրելը, այն գնահատելու հետ: Օրինակ` ես կաթից զզվում եմ, ատելով ատում եմ կաթի հոտն ու համը… … բայց միաժամանակ գնահատում եմ, որ տենց բան կա, որտեւ դրանից հազար ու մի համով բան են սարքում:

[aerosmith]

որ սովորում էի դպրոցում, վերջին դասարանումս մեր դիրոն մի օրենք հանեց, որ ամեն օր առաջին ժամին պետքա ոտքի կանգնենք ու էդ ախմախությունը երգենք...
մի քանի օր տենց վարվեցինք. հետո էլ էդ օրենքը մենք մեր ցանկությամբ հանինք ռադ արինք, որտև շատ անտեղի էր, ու անիմաստ ։ Էդ բառերը արտասանելուց էլ սաղիս մոտ ահավոր տհաճություն էր առաջանում։ Հետո դիրոն էլ ջոկեց ու անիմաստա էդ արտիստական պահերը ու ինքն էլ էլ գնուխ չէր դնում դրա հետ...
Բայց ոչ Երևանիհիմնը երգեինք այ շատ ուրախ կլինեի..
լավա գոնե Սևակ ենք ունեցել , թե չէ ես էլ էր էշություն լինելու.,.

[REAL_ist]

Էդ բառերը արտասանելուց էլ սաղիս մոտ ահավոր տհաճություն էր առաջանում։

Որ բառերը?

[aerosmith]

ընդհանուր նկատի ունեմ,,, տհաճությամբ էինք երգը հնչեցնում...

[Gayl]

Ժողովուրդ հիմնը հայրենասիրության հետ ինչ կապ ունի? ձևականության ու մանավանդ կեղծ ձևականության հետ ինչ կապ ունի?հիմնը անգամ ազգի հետ կապ չունի:
Աշխարհում մենակ Հայստանը չի որ հեռուստատեսությամբ ժամ ունի սահմանված, որի ժամանակ հիմնը հնչումա, բայց երևի թե մենակ մենք ենք դա հաշվում կեղծ հայրենասիրություն, ձևականություն և նման բաներ...
Ու ինձ չի թվում, որ մի քանի րոպե լսելը կամ պարզապես այլ բանով զբաղվելը, եթե դուրներդ չի գալիս այդքան մեծ բան է, բայց որ դա համարեք զզվելի երևույթ, թքած ունենաք ու ինչքան թուք ու մուր կա թափեք, կներեք, բայց ես դա համարում եմ տարրական կուլտուրա չունենալ սեփական պետության ու նրա խորհրդանիշերի հանդեպ: Հետո էլ կարգին երկրի մասին կերազեք...

Ռեալիստը շատ էլ ճիշտ նշեց: Մենք պետականության մասին միշտ պետքա երազող լինենք, որ դրա ղադիրը իմանանք:

Դրա համար էլ այլազգին իր երկրի հիմնը լսելով հուզվում է, իսկ հայերից ոմանք այն լսելով տանը պահած տատիկի պեռաշկին են հիշում:

[REAL_ist]

ընդհանուր նկատի ունեմ,,, տհաճությամբ էինք երգը հնչեցնում...

որ մասնա տհաճ?

Մեր հայրենիք, ազատ անկախ
Որ ապրել է դարեդար
Յուր որդիքը արդ կանչում են
Ազատ անկախ Հայաստան:

Ահա' եղբայր, քեզ մի դրոշ,
Որ իմ ձեռքով գործեցի.
Գիշերները ես քուն չեղա
Արտասուքով լվացի:

Նայիր նրան` երեք գույնով
Նվիրական մեր նշան,
Թող փողփողի թշնամու դեմ,
Թող միշտ պանծա Հայաստան:

Ամենայն տեղ մահը մի է,
Մարդ մի անգամ պիտ մեռնի,
Բայց, երանի` որ յուր ազգի
Ազատության կզոհվի

[aerosmith]

ընդհանուր և տեքստը, և երաժշտությունը............
ամբողջ տեքստը և ամբողջ երաժշտությունը......... էլ ոնց ասեմ.....

[REAL_ist]

Դե իմ ասածն էլ ենա, որ ոչ թե բառերի կամ երաժշտության մեջա պրոբլեմը, այլ վերաբերմունքի:

[Ambrosine]

Պարտավոր չենք, ոչ ոք ինձ չի կարող նման բան պարտադրել:
Կարող ա ես հայրենասեր չեմ բլա բլա բլա, բայց զզվում եմ մեր հիմնի երաժշտությունից, ու զզվում եմ կեղծավոր տեքստից:
Ու գումարած դրան էլ, էդ տեքստը անգիր չգիտեմ, բացի «Մեր հայրենիք, ազատ անկապ, որ սատկում ես դարեդար» տողերից, չեմ էլ ուզում իմանալ, ինչի՞ ուղեղս իզուր տեղը Spam-ով լցնեմ:

Ո՞նց թե չեն կարող պարտադրել: Դա նույնն է թե ասես՝ քեզ չեն կարող պարտադրել, որ հարգես Սահմանադրության այսինչ հոդվածը: Վերջին հաշվով պետական հարկադրանքի միջոցով կարող են քեզ պարտադրել, որովհետև դա մեր պետական խորհրդանիշներից է, որը պարտավոր ենք հարգել ոչ միայն մենք, այլև՝ օտարազգիները: Ես շատ հեռու չեմ գնա օրինակ բերելու համար. երբ Գյուլը եկել էր Հայաստան՝ ֆուտբոլ դիտելու, մարզադաշտ են հասել այն ժամանակ, երբ Թուրքիայի հիմնն է հնչելիս եղել: Գյուլը խնդրել է սպասել մինչև հիմնը ավարտվի, նոր մտնեն օթյակ: Ու բոլորը, այդ թվում՝ մեր նախագեն, կանգնել և սպասել են մինչև Թուրքիայի հիմնը ավարտվի: Գյուլը դա բացատրել է նրանով, որ հիմնը չի կարելի ընդհատել, Թուրքիայում նա խնդիրներ կունենա: Ես թեմաներից մեկում էլ եմ գրել, մի հատ էլ ստեղ գրեմ, որ երբ թուրքական դրոշը բարձրանում է, ներկաների 70 տոկոսը քիչ է մնում այդ զգացումից խելագարվի: Թուրքի չափ էլ չկանք: Ոչ մի երկրի հիմնն էլ իդեալական չի: Հենց թեկուզ թուրքերինը լսեք, ռուսերեն տեքստն էլ տամ: Բայց մեկը թեկուզ երկրի ներսում շփոթվի թթու խոսք ասել իրենց խորհրդանիշը հանդիսացող հիմնին... արյունահեղություն:

Անկախության քայլերգ_տեքստ

Աստ, բայց էնքանա հնչում, որ մենակ ալիքը էդ ժամին փոխելու ցանկությունա առաջացնում:
Ավելի լավա գովազդ լինի:

Ըհը, ավելի լավ ա Անջելինա Ջոլիի նկարներից դնեն

որ սովորում էի դպրոցում, վերջին դասարանումս մեր դիրոն մի օրենք հանեց, որ ամեն օր առաջին ժամին պետքա ոտքի կանգնենք ու էդ ախմախությունը երգենք...
մի քանի օր տենց վարվեցինք. հետո էլ էդ օրենքը մենք մեր ցանկությամբ հանինք ռադ արինք, որտև շատ անտեղի էր, ու անիմաստ ։ Էդ բառերը արտասանելուց էլ սաղիս մոտ ահավոր տհաճություն էր առաջանում։ Հետո դիրոն էլ ջոկեց ու անիմաստա էդ արտիստական պահերը ու ինքն էլ էլ գնուխ չէր դնում դրա հետ...
Բայց ոչ Երևանիհիմնը երգեինք այ շատ ուրախ կլինեի..
լավա գոնե Սևակ ենք ունեցել , թե չէ ես էլ էր էշություն լինելու.,.

Իսկ մեր դպրոցում «դիրոն» մեր փոխարեն չէր որոշում, բայց մենք հատկապես իրավունքի դասից առաջ պարտադիր մեր հիմնը երգում էինք: Ու դա հաստատ ձևական չէր, ոչ ոք տհաճություն չէր ապրում, որովհետև դա մերն էր, մենք գիտեինք մեր պատմությունը, այն ամենը, ինչի միջով անցել է մեր ազգը, ու գնահատում ենք այն, որ մենք պետություն ունենք, տեղ ենք զբաղեցնում աշխարհի քարտեզի վրա: Հիմիկվա երեխեքի պագոնները կընկնեն, որ իրենք հիմն երգեն: Ես այս ամենի մեղավոր համարում եմ հենց ձեր «դիրո»-յին, որ ինքը առաջին դասարանից չի ստիպել, որ երգեք: Ոչինչ, բանակում կերգեք

Իսկ Երևանի հիմնը ոչնչով լավը չէ պետական հիմնից: Եթե Գյումրիից լինեիր, Երևանի հիմնը չէիր սիրի, չէ՞: Համոզված եմ ուղղակի, որ եթե ամեն թաղամաս իր հիմնը ունենա, մեր հայերը միայն իրենց թաղամասերինը կսիրեն, դաժե կպահանջեն, որ դա լինի պետական հիմնը:

[aerosmith]

չէ, կարծում եմ ես ասել եմ որովհետև բառերի մեջ իմաստ կա, ու երաժշտությունն էլ շաաաատ լավնա ի տարբերություն Հայաստանի հիմնի անտաղանդ երաժշտության

---------- Ավելացվել է՝ 22:26 ---------- Սկզբնական գրառումը՝ 22:21 ----------

Դե իմ ասածն էլ ենա, որ ոչ թե բառերի կամ երաժշտության մեջա պրոբլեմը, այլ վերաբերմունքի:

չէ ապ ջան, բառերի և երաժշտության մեջա... իրոք էտ երաժշտություից զարզանդում եմ....

[Sagittarius]

պֆֆֆֆֆ, բառեր, երաժշտություն,
հիմնը հավանում են հիմն լինելու համար, դա չի նշանակում որ երաժշտությունը չի կարող ժամանակի ընթացքում ձևափոխվել և ավելի ճիշտ գործիքավորում ստեղծվել
բայց իմ հիմնը ինձ համար միշտ ոգեշնչող ա, ու միշտ երբ լսում եմ, ձենով մեկ երգում եմ, ու ընդհանրապես [B]թքած ունեմ[B] թե կողիները ինչ կմտածեն, կերգեն, թե չեն երգի, իրանց «կդզի» թե «չի դզի»…
բայց դե չեմ ընդունում նաև, որ անկապ առանց առիթ հա հնչեցնում են հիմնը, դա ինչ-որ լեդի գագայի երգ չի, որ ամբողջ օր առանց առիթ հեռուստատեսությամբ կամ այլ միջոցներով հնչեցնեն, լրիվ քցում են հիմնի արժեքը

[Hda]

Ինչպես գրեթե բոլոր դեպքերում, հիմա էլ միանշանակ ու օբյեկտիվ դժվար է ընկալել բոլորիս քննարկումները:
ԻՄԽՀ- հեռուստատեսությունը բավականին հզոր զենք է-(ասեմ ատոմային ռումբ) ու իրոք ավելի ազգանպատակ գործերի կարելի է ծառայեցնել:
Հիմա որ ասեմ,պիտի ասեք էս լուրջ թեմայում էլ ա անլուրջ գրառում անում: 2X2=4 ըսենց պաստառ որ ցույց տային,միգուցե ավելի օգուտ լիներ:Գոնե մի քանի հաստավիզ կամ ծույլիկ աշակերտ կսերտեին..
Բառերը լրիվ չգիտեմ,ագռավից մի քիչ եմ լավ երգում-դրանից ոչ մի հետևություն էլ չեմ անում,որ պակաս հայ եմ:
Իսկական ազգասերը պտի լինի իր գործի արհեստավարժը անկախ նրանից հավաքարար է, ֆուտբոլիստ,ինժեներ թե պրեզիդենտ ...
Պարզապես էլի ուրիշներից կոպիա անելու կլասիկ հիվանդությունն է: (70-ականներին թուրքիական հեռուստատեսության ընդունման բումի ժամանակ էր,երբ առաջին անգամ տեսա:Նրանց մոտ դեռ այն ժամանկ ավելի դիտարժան ու տպավորիչ էր այդ ամենը-կենդանի ֆիլմ դրոշի բարձրացում,պատվո պահակ ու իհարկե հիմնը...Հիմա ի՞նչ իրանք վաղուց մտածում էին իրենց պետականության մասին,մենք էլ նոր զարթնել ենք..)
Ինչպես ուրիշները չհասկածան,որ հայերին պետք չի ստանդարտների ենթարկել,այնպես էլ մենք կամ մեզ պարտադրողնեը,որ ուրիշի ստանդարտներից մեր հայ լինելը չի ավելանում..
արդեն լրիվ շեղվում են,ավելի լավ ա օֆթոփով ավարտեմ
Ակումբի հիմնի մասին էլ մտածել պետք չի՞
ասեմ -իմ վրա հույս չդնեք,քանզի հաստատ ինձանից լավ երաժիշտներ ու բանստեղծներ կան, հա համ էլ դիզայներ մի լավ զինաշան մտածելու համար.

[Rammstein]

Ո՞նց թե չեն կարող պարտադրել: Դա նույնն է թե ասես՝ քեզ չեն կարող պարտադրել, որ հարգես Սահմանադրության այսինչ հոդվածը: Վերջին հաշվով պետական հարկադրանքի միջոցով կարող են քեզ պարտադրել, որովհետև դա մեր պետական խորհրդանիշներից է, որը պարտավոր ենք հարգել ոչ միայն մենք, այլև՝ օտարազգիները:

Հա՞, ինձ ահավոր հետաքրքիր ա` ո՞վ իրավունք ունի իմ ճաշակի վրա բռնանալու: Նորից ասեմ, ես հարգում եմ հիմնի գաղափարը, ուրախ եմ որ ունենք հիմն, բայց ուրախ չեմ, որ ունենք սենց զզվելի հիմն: Հա, իմ համար այն զզվելի ա, ու դեռ չի ծնվել էն մարդը, ով իրավունք ունենա իմ ճաշակի վրա բռնանալու:

[Hda]

Հա՞, ինձ ահավոր հետաքրքիր ա` ո՞վ իրավունք ունի իմ ճաշակի վրա բռնանալու: Նորից ասեմ, ես հարգում եմ հիմնի գաղափարը, ուրախ եմ որ ունենք հիմն, բայց ուրախ չեմ, որ ունենք սենց զզվելի հիմն: Հա, իմ համար այն զզվելի ա, ու դեռ չի ծնվել էն մարդը, ով իրավունք ունենա իմ ճաշակի վրա բռնանալու:

տարբեր բաներից էք խոսում
-Rammstein ջան,ոչ ոք որևէ ճաշակ չի պարտադրում որևէ մեկին, բայց տվյալ հարցում հիմնի ընդունել,հարգել անկախ ճաշակից-կարող է
վերջին հաշվով օրենքների 99.99% ճաշակովս չեն,բայց պարտավոր եմ հարգել քանի տվյալ երկրի քաղաքացին եմ..