Մահացել է Գոհար Գասպարյանը

**Artgeo** · 17.05.2007, 12:27

Մահացել է օպերային երգչուհի Գոհար Գասպարյանը:

Երեկ, մայիսի 16-ին, կյանքի 83-րդ տարում մահացել է ՚Հայկական սոխակըՙ` հայ օպերային արվեստի մեծագույն վարպետը, ՍՍՀՄ ժողովրդական արտիստ, , Սոցիալիստական աշխատանքի հերոս, Հայաստանի ժողովրդական արտիստ, ՚Մեսրոպ Մաշտոցՙ շքանշանակիր, Երեւանի կոնսերվատորիայի պրոֆեսոր Գոհար Գասպարյանը:

Գոհար Գասպարյանը ծնվել է 1924թ. Կահիրեում: Ուսանել է տեղի երաժշտական ակադեմիայում: 1948թ հայրենադարձել է: 1949թ-ից Հայաստանի օպերայի եւ բալետի ազգային ակադեմիական թատրոնում հանդես է եկել 23 օպերաների գլխավոր դերերգերով , իսկ նրա համերգային երկացանկում տեղ են գտել ավելի քան 500 ստեղծագործություններ:

http://a1plus.am/

**Delicada** · 17.05.2007, 12:29

Artgeo-ի խոսքերից

Մահացել է օպերային երգչուհի Գոհար Գասպարյանը:

Վայ

Ցավում եմ

**Cassiopeia** · 17.05.2007, 12:31

Արթ, լուրջ ես ասում

ցավալի է, իրեն շատ էի սիրում, հիանալի ձայն ուներ

**Mesrop** · 17.05.2007, 12:49

Cassiopeia-ի խոսքերից

Արթ, լուրջ ես ասում

ցավալի է, իրեն շատ էի սիրում, հիանալի ձայն ուներ

կատակա անում…

օղորմի...

**Artgeo** · 17.05.2007, 12:51

Ցավակցում են Գոհար Գասպարյանի մահվան կապակցությամբ

[12:39] 17 Մայիսի, 2007

՚Խոր վշտով տեղեկացա ԽՍՀՄ ժողովրդական արտիստ, Սոցիալիստական աշխատանքի հերոսուհի, ՚Մեսրոպ Մաշտոցՙ շքանշանի ասպետ, Երեւանի կոնսերվատորիայի պրո‎ֆեսոր Գոհար Գասպարյանի մահվան մասին:

Տասնամյակներ շարունակ ՚Հայաստանի սոխակիՙ ժողովրդական անվանն արժանացած երգչուհին իր անկրկնելի ձայնով փառք է բերել հայ երգարվեստին` լինելով լավագույն կատարողը թե եվրոպացի, թե հայ կոմպոզիտորների օպերաների ու վոկալ ստեղծագործություններիՙ,- ասված է ՀՀ ԱԺ նախագահ Տիգրան Թորոսյանի ցավակցական ուղերձում. ՚Գոհար Գասպարյանի անվան հետ են կապված հայ երաժշտարվեստի արդեն դասական դարձած ձեռքբերումները: Իր ստեղծագործությամբ նա ապացուցեց մարդկային ձայնի կատարելության սահմաններ չունենալու իրողությունը` պարզ ու սրտահույզ վերարտադրելով ու իր բազմահազար ունկնդիրներին հասու դարձնելով երաժշտության անպարագիծ աշխարհին:

Մեծ բեմից հեռանալուց հետո նա երկար տարիներ աշխատեց Երեւանի կոնսերվատորիայում` իր անկրկնելի արվեստի գաղտնիքները փոխանցելով երիտասարդներին, որ շարունակեցին հայ երաժշտարվեստը հայ եւ համաշխարհային բեմերում ներկայացնելու առաքելությունը:

Իմ ցավակցություններն եմ հայտնում Գոհար Գասպարյանի հարազատներին, նրա արվեստի երկրպագուներին` հավատացած լինելով, որ Գոհար Գասպարյանի մահվան ծանր վիշտը փոխհատուցված կլինի նրա արվեստի անանցության փաստովՙ:

http://a1plus.am

**otar** · 17.05.2007, 13:53

ցավում եմ...

**Philosopher** · 17.05.2007, 13:54

Ցավակցում եմ բոլորիս:

**Firegirl777** · 17.05.2007, 15:27

Այսօր առավոտյան լսեցի չհավատացի ճիշտ ասած
Դե ինչ այս տարի շատ "մեծ" մարդկանց մահվան տարի եղավ, հուսով ենք որ փոխարինողները գոնե նրանց կեսը կլինեն, չնայած նրանք մնում են անփոխարինելի և ցավալի է նրանց կորուստը
Ցավակցում եմ