Նավակը սիրո

[Apsara]

Ծովում կարոտի
Նավակ է լողում,
Ամպերն են պատում
Երկինքը մռայլ,
Ծովը օրեցօր
Կատաղի դառնում,
Նավակն իր գրկում
Օրորում դաժան,
Առանց առագաստ
Ու առանց թիեր,
Նավակում նստած
Մի սիրտ միայնակ,
Արցունքոտ աչքերն
Երկնքին հառած,
Ու լուռ աղոթքը
Շրթունքին սառած,
Քամին է փչում
Ալիքն է ծփում,
Նավակն է պարում
Կարոտից արբած
Սիրտը հուսահատ
Դանդաղ բաբախում
Փրկությունը իր
Նավակում փնտրում.
Կամպիտ ցամաքի
Ծովը կարոտի,
Կամ պիտի դառնա
Դաժան, վայրագի,
Կամ պիտի արևն
Երկինքը պատռի,
Կամ էլ գիժ քամին
Ողջ ուժով փչի.
Թե ինչ կլինի
Լոկ Աստված գիտի…

[Apsara]

Մի վախեցիր, ինչպես երազ
Առավոտյան դու կարթնանաս,
Ու չես հիշի ինձ անցյալում,
Այլ կփնտրես երազներում:
Ինճպես ցնորք կանհետանամ,
Հիշողություն լոկ կդառնամ,
Մի մտածի, չես մոլորվի,
Ճանապարհդ շարունակի,
Ուղիղ թե ծուռ՝ ինքդ գիտես,
Բայց մտքերում չխճճվես:
Ու մի փնտրիր դու պատասխանն,
Այն ամենի ինչ որ եղավ
Դրսում իմ մեջ կամ ուրիշ տեղ,
Այն քեզ մոտ է, քեզ հետ, քո մեջ…

[Cassiopeia]

Առաջին բանաստեղծության համար մի խորհուրդ, տողերդ շատ կարճ են ու բանաստեղծության իմաստը կարծես դրա պատճառով կորում է: Կարող ես տողերն ավելի երկար թողել, հանգավորումը դրանից չի տուժի

[Apsara]

Առաջին բանաստեղծության համար մի խորհուրդ, տողերդ շատ կարճ են ու բանաստեղծության իմաստը կարծես դրա պատճառով կորում է: Կարող ես տողերն ավելի երկար թողել, հանգավորումը դրանից չի տուժի

Անպայման հաշվի կառնեմ գռքույկս հրատարակելուց

[ihusik]

Երկուսն էլ շատ լավն էին, ապրես

[Apsara]

Երկուսն էլ շատ լավն էին, ապրես

Շնորհակալություն, շատ գնահատում եմ ֆորումի անդամների կարծիքը

[Apsara]

* * * *-ին

Կուզեմ կրկին սիրել, ու քեզ,
Բայց ի՞նչ անեմ, սիրտս կարծես
Թաքնվել է ինձնից, ու տես.
Չեմ հավատում, որ չես խաբի,
Վախենում է կրկին այրվի:

Կուզեմ նորից սիրել, ու քեզ,
Քո նորությամբ նոր ձև կիզվել,
Քո նրբությամբ քեզ նվիրվել,
Ու լուռ այրվել քո կրակից:

Կուզեմ, կուզեմ... բայց ի՞նչ անեմ,
Սիրտս կարծես թաքնվել է ինձնից,
Ու տես…

[Cassiopeia]

Դեռ կբացվի, այ, կտեսնես

[Selene]

* * * *-ին


Կուզեմ, կուզեմ... բայց ի՞նչ անեմ,
Սիրտս կարծես թաքնվել է ինձնից,
Ու տես…

Դեռ կտեսնես, որ կբացվի սիրտդ անտես, ամենատես,
Ու կսիրես,
Ու կսիրես, առանց վախի, վայրկյան անգամ չես վարանի,
Եվ կունենաս այն մեծ սերը, որ քո սրտին է արժանի,
Դեռ կտեսնես …

[Guest]

* * * *-ին

Կուզեմ նորից սիրել, ու քեզ,

Շատ սիրուն ա ստացվել ու զգացմունքային…
Պատկերացնում եմ թե ինչ երանելի վիճակում ա հայտնվել այն անձը ու կուզեիր սիրել
Ասեմ, որ եթե շատ ես ուզում ամեն ինչն էլ լինում ա: