Հոգեբանական թեստեր

[Lapterik]

Պարզում ենք էքստրավերտ եք, թե ինտրավերտ: Ուրեմն...
ՀՈԳԵԲԱՆԱԿԱՆ ԹԵՍՏ. ԷՔՍՏՐԱՎԵՐՏ - ԻՆՏՐԱՎԵՐՏ

Շվեյցարացի գիտնական Կարլ Յունգի «Հոգեբանական տիպերը» գրքում հոգեբանական բնութագրման նպատակով առաջին անգամ գործածվեցին «էքստրավերտ» (բառացի թարգմանությամբ՝ արտաքին ուղղվածություն ունեցող) եվ «ինտրավերտ» (ներքին ուղղվածություն ունեցող) հասկացությունները:

Գիտնականի նկարագրության համաձայն էքստրավերտները ձգտում են ընդլայնել գործնական շփումները, օգտագործել բոլոր հնարավորությունները: Ինտրավերտներն, ընդհակառակն, սահմանափակում են շփումները, ինքնամփոփ են, ավելորդ ծախսեր թույլ չեն տալիս, պահպանում են ուժերը:

Հաշվի առնելով էքստրավերտներին եվ ինտրավերտներին բնորոշող հետեվյալ հիմնական ասպեկտները՝ փորձեք պարզաբանել, թե այդ երկու հիմնական հոգեբանական տիպերից որին եք պատկանում անձամբ դուք:

Դուք էքստրավերտ եք, եթե.

1. Մեկ օրում առանց դժվարության կարող եք դիտել 2 ֆիլմ, համերգ, բեմականացում եվ այլն, նշանակել միանգամից մի քանի հանդիպումներ եվ հասցնել իրագործել միայն դրանցից մեկ-երկուսը:

2. Ձեր մտերիմների, ծանոթների թվաքանակն օրըստօրե ավելանում է:

3. Ձեր տրամադրությունը փչանում է, երբ հեռուստացույցն ու ռադիոընդունիչը չեն աշխատում: Դուք ձեզ միայնակ եք զգում, աշխարհից կտրված, եթե անջատում են հեռախոսը:

4. Հեշտությամբ հիշում եք դեմքերը, դեպքերը, կենսագրությունները, սակայն դժվարությամբ եք մտապահում բանաձեվերն ու այլոց դատողությունները:

5. Սիրում եք ուտել, զվարճանալ որեվէ ընկերախմբում: Խուսափում եք մենակությունից: Պատկանում եք կենսախինդ մարդկանց թվին եվ շփումներ եք փնտրում ձեր նմանների հետ՝ խուսափելով ինքնամփոփ մարդկանցից:

6. Սիրում եք նմանակել ուրիշներին, անեկդոտներ, զվարճալի պատմություններ պատմել: Ունեք թեթեվ բնավորություն:

7. Սիրում եք ճառեր, կենացներ ասել: Ընկերախմբում սիրում եք միշտ ուշադրության կենտրոնում լինել:

8. Գիտեք ինչ, որտեղ եվ երբ անել:

9. Արագ կոնտակտի մեջ եք մտնում անծանոթ մարդու հետ եվ հեշտությամբ կողմնորոշվում եք նոր միջավայրում, առանց արտասովոր դժվարությունների դուրս եք գալիս բարդ իրավիճակներից:

10. Արագ որոշումներ եք կայացնում, ընդունակ եք ռիսկի դիմել, որը գրեթե միշտ արդարացվում է: Գործուղումները ձեզ համար զվարճանալու միջոց են եվ դուք դրանք հաճույքով եք ընդունում:

11. Յուրաքանչյուր կոնկրետ իրավիճակում գնահատում եք՝ ինչ ձեռնարկել, եվ գործում եք կախված իրավիճակից:

12. Միշտ բազմաթիվ ծրագրեր, առաջադրանքներ, պրոբլեմներ ու գաղափարներ ունեք, սակայն իրականում ի վիճակի եք իրագործել դրանց մի մասը միայն:

13. Չեք հասկանում եվ չեք կարեկցում մարդկանց, որոնք անդադար դժգոհում են իրենց առողջությունից:

14. Ձեզ հետաքրքրում է, թե ինչ տպավորություն եք թողնում շրջապատողների վրա:

Դուք ինտրավերտ եք, եթե.

1. Անգամ շատ չնչին իրադարձությունը բավական է, որպեսզի կասեցնեք կարեվոր որոշման կայացումը:

2. Երբեմն մի ներկայացումը կամ համերգը ձեզ բավարարում են ողջ ամսվա ընթացքում:

3. Հաճախ եք տրվում հիշողություններին:

4. Սակավաթիվ ընկերներ ունեք: Դժվարությամբ եք մտերմանում մարդկանց հետ:

5. Ավելի հեշտությամբ հիշում եք հիմնական գաղափարները, քան մանրամասները:

6. Գերադասում եք գործ ունենալ փոքրաքանակ, սակայն նախապես մշակված ինֆորմացիայի հետ, քան վերահսկել հաղորդագրությունների ամբողջ հոսքը:

7. Չեք սիրում իրարանցումը, բարձր երաժշտությունը, աղմկոտ ընկերախմբերը:

8. Քիչ քանակությամբ իրեր ունեք, սակայն դրանք կազմում են ձեր ամբողջության մասնիկը:

9. Սիրում եք լուսանկարվել:

10. Սիրում եք մենակ ուտել: Ձեզ ավելի ազատ եվ անկաշկանդ եք զգում տնային միջավայրում: Խուսափում եք անծանոթ ընկերախմբերից:

11. Դժվարությամբ եք հարմարվում նոր միջավայրին, կոլեկտիվին, իրավիճակին...

12. Սկզբունքային մարդ եք եվ ձգտում եք խստորեն հետեվել ձեր սկզբունքներին:

13. Հետեվողական եք ձեր առողջության նկատմամբ, գտնում եք, որ ավելի լավ է ավելորդ անգամ պրոֆիլակտիկ նկատառումներով դեղահաբ ընդունել, քան հետո բուժել հիվանդությունը:

14. Երբեմն ձեզ ասում են, որ որոշ հարցերի հարկավոր է ավելի թեթեվ վերաբերվել, սակայն դուք այդ կարծիքին չեք:

Հաշվարկելով դրական պատասխանները՝ կարող եք եզրակացություն կատարել, թե Յունգի առանձնացրած հոգեբանական տիպերից որն է ձեզ առավել բնորոշ:

Եթե եվ «էքստրա», եվ «ինտրա» դեպքերում դրական պատասխանների թվաքանակը նույնը լինի, հետեվաբար դուք երրորդ տիպին եք պատկանում, որը կոչվում է «ամբավերտ»:

Ի դեպ, մարդկանց մեծամասնությունը հենց այս վերջին տիպին է համապատասխանում:

Ավելացվել է 19 րոպե անց
Փաստոեն էքստրավերտ եմ:

[Selene]

6:5 օգուտ էքստրավերտի

[ihusik]

«էքստրավերտ» 2 - 12 «ինտրավերտ»

[Belle]

Կա մի էլ-հասցե, որտեղից կարողանամ հոգեբանական թեստեր <քաշել>? Կամ եթե կա մեկը, ով ունի թեստեր, խնդրում եմ ուղարկեք: Նախապես ՇՆՈՐՀԱԿԱԼՈՒԹՅՈՒՆ;

Փաստորեն, ես էլ եմ Էքստրավերտ

[Belle]

Կա մի էլ-հասցե, որտեղից կարողանամ հոգեբանական թեստեր <քաշել>? Կամ եթե կա մեկը, ով ունի թեստեր, խնդրում եմ ուղարկեք: Նախապես ՇՆՈՐՀԱԿԱԼՈՒԹՅՈՒՆ;

Աուուււուուուուու..... Ինչու ոչ ոք չի պատասխանում?

[Fantazy]

Այստեղ կան տեստեր http://pyphagor.newacropol.ru/

Հ.Գ. Այս թեմայի 2-րդ էջում էր:

[Մանոն]

Վստահու՞մ եք ինտուիցիային

Պատասխանելով հարցերին կարող եք իմանալ, թե որքանո՞վ է զարգացած ձեր ինտուիցիան և արժե՞ վստահել ձեր ներքին ձայնին:
1.Ձեր բախտը բերու՞մ է ազարտային խաղերում:
2.Ընդունա՞կ եք առաջին անգամ օտարի տանը հայտնվելով՝ հասկանալ այնտեղ տիրող մթնոլորտը:
3. Վստահու՞մ եք առաջին տպավորությանը:
4. Հաճա՞խ եք գլխի ընկնում, թե ո՞վ է ձեզ զանգողը՝ մինչ խոսափողը վերցնելը:
5. Հավատու՞մ եք նախախնամությանը, ճակատագրին:
6. Միշտ կատարվու՞մ են ձեր նվիրական երազանքները:
7. Կարողանու՞մ եք ավարտել զրուցակցի կիսատ թողած միտքը:
8. Պատահու՞մ է, որ մեկի մասին մտածեք, ու անմիջապես հանդիպեք նրան փողոցում:
9. Ունենու՞մ եք կատարվածն արդեն վերապրած լինելու զգացողություն:
10. Տեսնու՞մ եք մարգարեական երազներ:
11. Պատահե՞լ է, որ արթնանաք այն զգացողությամբ, թե ձեր հարազատներից մեկնումեկը վտանգի մեջ է, ու դա հաստատվել է:
12. Ձեռք եք բերու՞մ այնպիսի իր միայն նրա համար, որ ձեզ թվացել է, թե այն ուղղակի ձեզ համար է նախատեսված:
13. Հավատու՞մ եք սիրույն առաջին հայացքից:
14. Որոշումներ կայացնելիս սովորաբար լսու՞մ եք ձեր ներքին ձայնին:
15. Վստահում եք ինտուիցիայի՞ն, թե՞ տրամաբանությանը:

Յուրաքանչյուր դրական պատասխանի համար գումարեք 1 միավոր և հաշվեք արդյունքը:

10-15 միավոր
Դուք ունեք զարմանալիորեն զարգացած ինտուիցիա: Կարող եք համարձակորեն վստահել ձեր ներքին ձայնին, այն ձեզ երբեք հուսախաբ չի անի:
5-9 միավոր
Դուք ունեք որոշակի մարգարեական ընդունակություններ, բայց կյանքի կարևոր հարցերում չարժե վստահել ինտուիցիային: Դուք ռիսկի կդիմեք ընդունել սեփական վախերը որպես ներքին ձայնի հուշում: Սովորիր ազատել գիտակցությունը վայրկենակամ մտքերից, և այդ դեպքում ենթագիտակցությունը «կտա» ձեզ ճշմարիտ ինֆորմացիա:
5 միավորից քիչ
Ձեր կյանքում որպես առաջին ջութակ հանդիսանում է ո՛չ թե ինտուիցիան, այլ տրամաբանությունը: Կարևոր որոշումներ դուք պետք է կայացնեք լավ կշռադատելով խնդիրը: Ենթարկվել մտքի առաջին իսկ պորթկումին՝ ձեզ հակացուցված է:

[Լէգնա]

«էքստրավերտ» 8 -, «ինտրավերտ» - 9 ,կարծում էի էքստրավերտ եմ