Հոգեբանական թեստեր

[ihusik]

Ժողովուրդ, մի հատ տեստ էլ ես գրեմ.

1. Գնում ես ընկերոջդ/ընկերուհուդ տուն: Այնտեղ կարելի է հասնել երկու ճանապարհով` երկար, բայց լի զվարրություններով, և կարճ, բայց համեմատաբար տխուր: Որ ճանապարհը կընտրես?

2. Ճանապարհին 2 վարդի թուփ ես տեսնում` կարմիր և սպիտակ: Որոշում ես 20 վարդ տանել: Ինչ համամասնությամբ կվերցնես?

3. Երբ տուն ես հասնում, դուռը բացում է տան անդամներից որևէ մեկը: Ինչ կանես` կխնդրես, որ կանչեն Նրան, թե ինքդ կգնաս Նրա մոտ:

4. Բարձրանում ես Նրա սենյակ, բայց այնտեղ ոչ ոք չկա: Որտեղ կդնես ծաղիկները` անկողնուն, թե պատուհանագոգին?

5. Գնում եք քնելու տարբեր սենյակներում: Առավոտյան Նրա սենյակ մտնելիս տեսնում ես, որ նա արթուն է, թե քնած է?

6. Տուն գնալու ժամանակն է: Հիմա որ ճանապարհը կընտրես?

Ուրեմն էս ա.

1. Ճանապարհն այն է, թե ինչպես ես սիրահարվում: Եթե ճանապարհը կարճ է, ապա դու սիրահարվում ես արագ և հեշտությամբ, իսկ եթե այն երկար է, ապա սիրահարվելու համար քեզ ժամանակ է անհրաժեշտ:

2. Կարմիր վարդերի քանակությունը ցույց է տալիս, թե որքանով ես դու նվիրվում սիրուն, սպիտակ վարդերի քանակությունը` ինչքան ես պահանջում:

3. Սա ցույց է տալիս, թե ինչպես ես նախընտրում լուծել սիրածիդ հետ կապված խնդիրները: Եթե խնդրում ես կանչել նրան, ապա նախընտրում ես խուսափել խնդիրներից և սպասում ես, որ դրանք ինքաբերաբար կանցնեն, իսկ եթե ինքդ ես գնում նրա մոտ, ապա դու նախընտրում ես բոլոր հարցերը ինքդ լուծել:

4. Տեղը, թե որտեղ ես դնում ծաղիկները, նշանակում է, թե որքան ես ուզում տեսնել սիրելիիդ: Եթե ծաղիկները դնում ես անկողնուն, ապա դու շատ ես ուզում տեսնել նրան, իսկ եթե դնում ես պատուհանագոգին, ապա քեզ առանց դրա էլ հիանալի ես զգում :

5. Սա քո վերաբերմունք է սիրելիիդ անձին: Եթե նա քնած է, ապա դու նրան ընդունում ես այնպիսին, ինչպես որ կա, իսկ եթե արթուն է, ապա դու ուզում ես, որ նա փոխվի քեզ համար:

6. Այս մեկն էլ ցույց է տալիս, թե ինչքան երկար ես սիրում: եթե ընտրում ես երկար ճանապարհը, ապա դու բավականին երկար ես սիրում, իսկ կարճի դեպքում դու շուտ կորցնում ես հետաքրքրությունը սիրո մեջ:

Ես արդեն գրել էի թեստերի տեսակների մասին և այս մեկը ևս կարծում եմ պատկանում է ուղղակի ժամանցային տեսակի թեստերին: Խոսեմ այս թեստի 3 կետերի մասին, որոնց մեկնաբանությունը կարծում եմ ճիշտ չէ ուղղակի, բայց իհարկե այս ամենը կարող եք համարել զուտ իմ անձնական կարծիքը:

Նախ առաջին կետում ես ընտրել եմ "կարճ ճանապարհը", բայց դա չի նշանակում, որ շուտ եմ սիրահարվում, այլ ընտրել էի այդ տարբերակը, քանզի նպատակին հասնելու որոշման դեպքում ես չեմ սիրում շեղվել ճանապարհից՝ առավել ևս չեմ սիրում այդ դեպքում շեղվել զվարճությունների կողմը: Հակառակը կարող եմ ասել, որ զվարճություններ սիրող մարդիկ ավելի շուտ են սիրահարվում այսպես ասած, եթե դա կարելի է սիրահարվածություն անվանել ընդհանրապես: Նույնն էլ վերջի հարցի դեպքում. կարճ ուղին ընտրողն անպայման չէ որ կարճ էլ սիրի, հակառակ՝ զվարճություններ սիրող մարդն է հաճախ կարճ սիրում՝ իրեն զվարճությունների նման կարճ տևելով ու արագ անցնելով նրա սերն էլ:

Երկրորդ հարցում (ես ընտրել էի 19 սպիտակ և 1 կարմիր վարդ) սպիտակ վարդը կապ չունի, թե ինչքան ես պահանջում սիրուց, իսկ կարմիրն էլ թե ինչքան ես նվիրվում, այլ կարմիր վարդը մարմնական սիրո, կրքի խորհրդանիշն է, իսկ սպիտակ վարդը՝ մաքուր, պլատոնական սերը և այս իմաստով կարծում եմ ավելի շուտ կարելի էր այս կետին հակառակ մեկնաբանությունը տալ՝ քան կա այստեղ, այսինքն սպիտակ վարդը լիներ տալու, նվիրվելու խորհրդանիշն, իսկ կարմիրը՝ վերցնելու, պահանջելու: Բայց նորից եմ ասում, այս ասածս կարող եք համարել զուտ իմ անձնական կարծիքը...