Հոգեբանական թեստեր

[Lapterik]

Հ.Գ.
Շատ լավ էլ կա
Շնորհակալ եմ, լավ թեստեր էին

Խնդրեմ:
Բոլորը գրեցին, ես չեմ գրել, վերջապես ես էլ լրացնեմ: Ուրեմն...

ՏՐԱՄԱԲԱՆՈՒԹՅՈՒ՞Ն, ԹԵ ԶԳԱՑՄՈՒՆՔՆԵՐ. ԽԱՌՆՎԱԾՔԻ 16 ՏԻՊԵՐԸ

ԱՁԱԱ

Գործնական եք, եվ ձեր խառնվածքում համադրում եք տրամաբանությունը մեղմության հետ: Այս տիպն ավելի հաճախ համընկնում է կանանց հետ՝ ստեղծելով «գործնական կին» կերպարը: Դանդաղ եք համակերպվում եվ շատ զգույշ եք: Երբեք չեք առճակատում մարդկանց հետ, հաշվենկատ եք, համբերատար: Հարաբերությունները մարդկանց հետ կառուցում եք աստիճանաբար, դանդաղ, թեթեվակի սառնություն ունեք:

Սեխալոլիկային...

Սեխ եվ լոլիկ: Եթե սա Ձեր նախապատվությունն է, ապա Դուք հավասարակշռված եք, նրբանկատ եվ հանդարտ: Ունեք ներքին տակտ եվ զգայականություն: Սիրում եք գեղեցիկ իրեր եվ շատ լավ ճաշակ ունեք: Սեխա-լոլիկային տղամարդիկ մի փոքր կանացի են: Շատ հաճախ նրանք դառնում են նկարիչներ կամ երաժիշտներ: Կարճ ասած՝ այս մարդկանց ավելի մոտ է ստեղծագործ աշխատանքը: Նման կանայք շուտ սիրահարվող են, տպավորվող, սիրային հարաբերություններում՝ կրքոտ եվ կայուն: Նրանք սովորաբար լինում են նվիրված, քնքուշ եվ հոգատար կին իրենց ամուսինների համար: Իսկ ահա տղամարդիկ, որոնք պատկանում են այս տիպին, կարող են ինքնասիրահարված էգոիստներ լինել:

ԿՆՈ՞Ջ, ԹԵ ՏՂԱՄԱՐԴՈՒ ԲՆԱՎՈՐՈՒԹՅՈՒՆ ՈՒՆԵՔ
50-95 միավոր

Անհրաժեշության դեպքում դուք ինչպես տիպիկ տղամարդկային, այնպես էլ դասական կանացի բնավորության գծեր եք դրսեվորում: Կարողանում եք մեղմությունը զուգակցել վճռականության հետ եվ տպավորվողությունը՝ սառը դատողականության հետ: Միգուցե կենսական հանգամանքները երբեմն ձեզանից կպահանջեն այնպիսի արարքներ գործել, որոնք դուք ավելի բնորոշ եք համարում հակառակ սեռի համար, բայց եվ այնպես հարմարվելու ունակությունն ու հոգական մեծ ճկունությունը մշտապես ձեր դաշնակիցները կլինեն ցանկացած իրավիճակում:

ՍԱՌՈՒ՞ՅՑ ԵՔ, ԹԵ ԿՐԱԿ
N-P տիպի անցում եմ

[Selene]

Ինձ խփել չկա:

Չէ, Լապտերիկ ջան, քանի դեռ թեստը միակողմանի է արվում

Խոլերիկներ

Խոլերիկները շատ սեքսուալ են: Նրանք տաքարյուն են, բայց, ի տարբերություն սանգվինիկների, հակված են տրամադրության անկումների: Այդպիսի պահերին նրանք սեքսի մասին չեն մտածում: Խոլերիկը կարող է իր զուգընկերոջ գլխին ամեն տեսակի նախատինք թափել, խանդի բուռն տեսարաններ սարքել: Նա շատ զգացմունքային է նաեվ ինտիմ հարցերում: Խոլերիկը սիրում է սեքսով զբաղվել, սակայն նրան միշտ թվում է, թե իր համար ինչ-որ բան քիչ է արվել: Այս պատճառով նա հազվադեպ է լիակատար հոգեկան բավարարվածություն ստանում սիրով զբաղվելուց: Այնինչ, եթե նրա տրամադրությունը բարձր է, սեքսի ժամանակ իր զուգընկերոջն անմոռանալի պահեր կպարգեվի:

Խոլերիկները ցանկացած նորամուծության սիրահար են. սեքսը նրանց հետ բազմազան է եվ յուրօրինակ: Նաեվ նկատի ունեցեք, որ խոլերիներն արագ բռնկվում, արագ էլ հանգում են, այնպես որ, երկաթը տաք-տաք են ծեծում…

Մնացածի մասին բան չեմ կարող ասել, որովհետև չգիտեմ, բայց ես այդչափ խանդոտ չեմ, ոչ էլ նախատող

[Լէգնա]

ՍԱՌՈՒ՞ՅՑ ԵՔ, ԹԵ ԿՐԱԿ

Սառույցով կրակ վ ստուդիո

Սանգվինիկներ

Սանգվինիկներն ուղղակի էներգիայի կծիկ են, ասպես ասած, հավերժական շարժիչ, որը լիցքավորման կարիք չունի: Ի դեպ, այդ էներգիան միշտ դրական է. չէ՞ որ սանգվինիկները կենսուրախ են եվ բարեհոգի: Նրանք ցանկացած ընկերախմբի ամենացանկալի անդամն են, քանի որ օժտված են հումորի զգացումով, կարողանում են սրամտել, ստեղծել տոնական մթնոլորտ: Նրանց կարգախոսն է. «կորչեն ձանձրույթն ու թախիծը»:

Սա վերաբերում է նաեվ սեքսին: Սանգվինիկները կրքոտ եվ սիրառատ են, պատրաստ են սեքսով զբաղվել ժամեր շարունակ՝ առանց հոգնելու: Սովորաբար սանգվինիկ կանաց պետք չէ երկար-բարակ նախապատրաստել ինտիմ հարաբերության. Նրանք վայրկենապես բռնկվում են ու երկար ժամանակ չեն մարում: Սանգվինիկներին միշտ հաջողվում է ինչ-որ նոր բան հորինել՝ փոփոխություններ մտցնելով ինտիմ կյանքում, ինչը քիչ չի ուրախացնում նրանց զուգընկերոջը: Սակայն եթե զուգընկերը ձանձրալի է եվ սեքսով զբաղվել առանձնապես չի սիրում, սանգվինիկը հեշտությամբ ուղեվորվում է նոր ընտրյալ գտնելու, ով խանդավառությամբ կխրախուսի նրա «անկողնային» նախաձեռնությունները:

[Lapterik]

ՀՈԳԵԲԱՆԱԿԱՆ ԹԵՍՏ. ԻՆՉՊԵ՞Ս ԵՔ ԲԱՑՈՒՄ ԾՐԱՐԸ

Ուշադիր դիտեք հետեվյալ 4 նկարները եվ փորձեք կողմնորոշվել, թե որ ձեվով եք դուք առավել հաճախ բացում ծրարները:



--------------------------------------------------------------------------------

1. Եթե դուք ծրարը բացում եք այնպես, ինչպես պատկերված է նկար 1-ում, ապա դուք պահանջկոտ եք կյանքի նկատմամբ: Փոփոխական տրամադրությամբ, նյարդային եվ անհամբեր անձնավորություն եք: Միեվնույն ժամանակ, դուք լի եք լավատեսությամբ եվ հակված եք էնտուզիազմի: Ընդունակ եք զմայլվել արեվի ուշագրավ մայրամուտով, գեղեցիկ նկարով կամ արձանով եվ ձգտում եք սեփական ուրախությունը կիսել այլոց հետ: Այնուհանդերձ, ձեզ հաճախ պարուրում է հուսահատության եվ ապատիայի ալիքը, եվ այդ ժամանակ ձեր հեռանկարային պլաններն ու փայլուն գաղափարները մնում են չիրագործված:


--------------------------------------------------------------------------------

2. Եթե դուք ծրարը բացում եք այնպես, ինչպես ցույց է տրված նկար 2-ում, նշանակում է՝ դուք եվ տանը, եվ աշխատավայրում առաջին հերթին ուղղորդվում եք բանականությամբ, այլ ոչ թե զգացմունքներով: Ատում եք թափթփվածությունը, սիրում եք, որ կյանքում ամեն բան լինի «ինչպես հարկն է»՝ իր տեղում: Առանձնանում եք հիմնավորվածությամբ, սկսած գործն ավարտին հասցնելու ունակությամբ: Սիրում եք լավ կատարված աշխատանքը: Կարողանում եք նվերներ ընծայել ու հյուրեր ընդունել: Գերադասում եք ձեռքում բռնած թռչնակին երկնքում թռչող երազային կռունկից, եվ նրան այնքան պինդ եք բռնում ձեռքերում, որ հանկարծ չթռչի...


--------------------------------------------------------------------------------

3. Եթե ծրարը բացում եք նկար 3-ում պատկերվածի պես, ապա ձեր մտերիմները հաճախ տանջվում են ձեր տրամադրության կտրուկ փոփոխություններից. մեկ ուրախ ու բարի եք լինում, մեկ էլ հանկարծ ընկղմվում եք տխրության ու թախծի մեջ: Սակայն չնայած դրան՝ դուք կշռադատող մարդ եք, կարողանում եք գնահատել ուրիշներին, եվ, ինչ խոսք, նաեվ ինքներդ ձեզ: Գիտեք ձեր բոլոր արժանիքներն ու թերությունները: Գործնական հարաբերություններում հույսը դնում եք պրոտեկցիայի եվ «կապերի» վրա, իսկ անձնական կյանքում գնահատում եք ձեր հանդեպ ուշադրությունը եվ սիրում եք, երբ ձեզ երես են տալիս: Ինքնավստահ եք, ձեր նախաձեռնողականությունն ու գաղափարները հաճախ են ընդունվում ու քաջալերվում գործընկերների կողմից:


--------------------------------------------------------------------------------

4. Եթե ծրարը բացում եք այնպես, ինչպես նկար 4-ում է պատկերված, ուրեմն դուք ինքնավստահության պակաս ունեք: Հաճախ դեպի առաջ մեկ քայլ անելիս մտածում եք երկու հետ-քայլերի մասին: Պատահում է, երբ սկսածը թողնում եք կես ճանապարհին՝ չհավատալով լավ արդյունքին: Իսկ իրականում նյարդայնանալու եվ անհամբերության պատճառներն ավելի սակավ են, քան դուք ենթադրում եք: Շրջապատողների համար ձեր ինտելեգենտությունը կարող է հրապուրիչ լինել, եթե չներփակվեք ինքներդ ձեր մեջ: Նման անվստահության պատճառները նույնիսկ ձեզ հայտնի չեն: Դուք պարզապես ինքներդ ձեզ համոզել եք, որ այլ կերպ չէր էլ կարող լինել...

[Mari]

[QUOTE=Mogakan`Lapterik;393405]ՀՈԳԵԲԱՆԱԿԱՆ ԹԵՍՏ. ԻՆՉՊԵ՞Ս ԵՔ ԲԱՑՈՒՄ ԾՐԱՐԸ

Ուշադիր դիտեք հետեվյալ 4 նկարները եվ փորձեք կողմնորոշվել, թե որ ձեվով եք դուք առավել հաճախ բացում ծրարները:



--------------------------------------------------------------------------------

1. Եթե դուք ծրարը բացում եք այնպես, ինչպես պատկերված է նկար 1-ում, ապա դուք պահանջկոտ եք կյանքի նկատմամբ: Փոփոխական տրամադրությամբ, նյարդային եվ անհամբեր անձնավորություն եք: Միեվնույն ժամանակ, դուք լի եք լավատեսությամբ եվ հակված եք էնտուզիազմի: Ընդունակ եք զմայլվել արեվի ուշագրավ մայրամուտով, գեղեցիկ նկարով կամ արձանով եվ ձգտում եք սեփական ուրախությունը կիսել այլոց հետ: Այնուհանդերձ, ձեզ հաճախ պարուրում է հուսահատության եվ ապատիայի ալիքը, եվ այդ ժամանակ ձեր հեռանկարային պլաններն ու փայլուն գաղափարները մնում են չիրագործված:


Ընդգծված հատվածների մասին- ինչքան էլ ինձ մոտ այդ հոգեվիճակը լինի, ինձ շրջապատողները երբեք չեն իմանա դրա մասին: Այն բացասականը, ինչ-որ կարող է տխրեցնել դիմացինիս, լրիվ մնում է իմ մեջ: Չնայած ասում են՝ դա սխալ է, պետք է արտահայտվել: Արտաքինից՝ ուրախ, ներսից՝ տխուր մարդ:Ուֆ, չգիտեմ

[Lapterik]

ՀՈԳԵԲԱՆԱԿԱՆ ԹԵՍՏ. ԻՆՉՊԵ՞Ս ԵՔ ԲԱՑՈՒՄ ԾՐԱՐԸ

--------------------------------------------------------------------------------

3. Եթե ծրարը բացում եք նկար 3-ում պատկերվածի պես, ապա ձեր մտերիմները հաճախ տանջվում են ձեր տրամադրության կտրուկ փոփոխություններից. մեկ ուրախ ու բարի եք լինում, մեկ էլ հանկարծ ընկղմվում եք տխրության ու թախծի մեջ: Սակայն չնայած դրան՝ դուք կշռադատող մարդ եք, կարողանում եք գնահատել ուրիշներին, եվ, ինչ խոսք, նաեվ ինքներդ ձեզ: Գիտեք ձեր բոլոր արժանիքներն ու թերությունները: Գործնական հարաբերություններում հույսը դնում եք պրոտեկցիայի եվ «կապերի» վրա, իսկ անձնական կյանքում գնահատում եք ձեր հանդեպ ուշադրությունը եվ սիրում եք, երբ ձեզ երես են տալիս: Ինքնավստահ եք, ձեր նախաձեռնողականությունն ու գաղափարները հաճախ են ընդունվում ու քաջալերվում գործընկերների կողմից:

Բավական ճիշտ բաներ կար ասված:

[Selene]

Ես էլ եմ ծրարը բացում 3-րդ նկարի համաձայն

[Մանոն]

Mogakan`Lapterik ջան, շատ լավ թեստեր էին, ապրես
Հիմա ասեմ ինձ մոտ ինչ ստացվեց.

ՁՁՁԱ
Ձեր հիմնական բնութագրական գիծը զգայականության եվ վճռականության համատեղումն է: Լի եք էներգիայով: Թեթեվակի ցրված եք, ինչը երբեմն հանգեցնում է որոշումների զգայական, չմտածված, արագ կայացման:

ԿՆՈ՞Ջ, ԹԵ ՏՂԱՄԱՐԴՈՒ ԲՆԱՎՈՐՈՒԹՅՈՒՆ ՈՒՆԵՔ

50-95 միավոր

Անհրաժեշության դեպքում դուք ինչպես տիպիկ տղամարդկային, այնպես էլ դասական կանացի բնավորության գծեր եք դրսեվորում: Կարողանում եք մեղմությունը զուգակցել վճռականության հետ եվ տպավորվողությունը՝ սառը դատողականության հետ: Միգուցե կենսական հանգամանքները երբեմն ձեզանից կպահանջեն այնպիսի արարքներ գործել, որոնք դուք ավելի բնորոշ եք համարում հակառակ սեռի համար, բայց եվ այնպես հարմարվելու ունակությունն ու հոգեկան մեծ ճկունությունը մշտապես ձեր դաշնակիցները կլինեն ցանկացած իրավիճակում:

ԼՈԼԻԿԻ, ՎԱՐՈՒՆԳԻ, ՁՄԵՐՈՒԿԻ ԵՎ ՍԵԽԻ ՄԱՍԻՆ...[/B]

Լոլիկ եվ ձմերուկ:
Լոլիկա-ձմերուկային կանայք շատ զգացմունքային են, սիրում են կենդանիներին, բարձր են գնահատում ընտանեկան օջախը, եվ նրանց միջավայրում միշտ ջերմ ու հարմարավետ է: Նրանք բոլորովին ունակ չեն խարդավանքներ ստեղծելու, սակայն երբեմն լինում են շատ աննրբանկատ, քանի որ գրեթե միշտ ասում են այն, ինչ մտածում են: Անկեղծությունն ու միամտությունը այս տիպի մարդկանց գլխավոր հոգեբանական բնութագրիչներն են:

Ասեմ, որ բավականին ճիշտ էր

[Lapterik]

Copy Paste-ը մոտս լավ ա ստացվում

ԵՂՈՒՆԳՆԵՐԻ ՁԵՎՆ ՈՒ ԲՆԱՎՈՐՈՒԹՅՈՒՆԸ

Համարվում է, որ խնամված ձեռքերը՝ կատարյալ սանրվածքի ու լավ ոտնամանների հետ միասին, հանդիսանում են յուրաքանչյուր կնոջ գեղեցկության ու հաջողակության այցեքարտը եվ, այսպես ասած, կնոջը կին են դարձնում: Շատերը նույնիսկ գտնում են, որ աշխատանքի կարելի է ներկայանալ առանց շպարվելու, սակայն ոչ առանց մանիկյուրի: Այնպես է ստացվում, որ գեղեցիկ ու խնամված կանացի ձեռքերը միշտ ուշադրության կենտրոնում են, նույնիսկ ավելի, քան մարմնի մյուս մասերը:

Գնահատելով ծանոթների մանիկյուրի որակը՝ ի միջի այլոց ուշադրություն դարձրեք նաեվ նրանց եղունգների ձեվի վրա: Դա ձեզ կօգնի շատ բան իմանալ նրանց բնավորության, ունակությունների, հնարավորությունների, նույնիսկ տաղանդների մասին:

Բահանման եղունգները խոսում են այն մասին, որ իրենց տիրոջ բանականությունն ու տրամաբանությունը ակնհայտորեն գերակայում են զգացմունքների համեմատությամբ: Նման մարդը բնածին մատերիալիստ է, գերադասում է կյանքի մասին պրակտիկ գիտելիքները բոլոր ինտուիտիվ ենթադրություններին: Ինֆորմացիայի հիմնական աղբյուրը նրա համար անձնական փորձն է, թեկուզ եվ նեգատիվ: Նրա հետ անիմաստ է խոսել զգայությունների լեզվով: Եթե ցանկանում եք նրան համոզել ինչ-որ բանում, ավելի լավ է ասեք «ես գիտեմ» ու բերեք կոնկրետ օրինակներ: Բահանման եղունգներ ունեցող մարդը կարող է լավ արհեստավոր լինել՝ այդ բառի լայն իմաստով: Ստեղծագործական պոռթկումները, ինտուիտիվ արարքները, որոշումների անորոշությունն ու անկանխատեսելիությունը նրա համար չեն: Փոխարենը ցանկացած գործ, որը նա կստանձնի իր կյանքում, կիրականացվի ամենայն ճշգրտությամբ, գրեթե կատարելապես:

Քառանկյուն եղունգները վկայում են փիլիսոփայական մտքի մասին, ընդ որում՝ ոչ միայն արվեստի, գրականության եվ այլ հումանիտար գիտությունների ասպարեզում: Նման եղունգներ ունեցող մարդը շատ լավ կողմնորոշվում է նաեվ ճշգրիտ գիտություններում: Կարեվորն այն է, որ նա ամեն ինչում տեսնում է հստակ եվ օրինաչափ տրամաբանական կապերը: Եղունգների նման ձեվը կարող է խոսել նաեվ այն մասին, որ իր տերն իշխանատենչ է, կարող է առաջնորդ լինել, վեր բարձրանալ ամբոխից, ծայրահեղ վիճակներում առաջինը կայացնել միակ ճիշտ որոշումը: Նրա թույլ կողմը սեփական ներաշխարհն է:

Քառակուսի եղունգներ ունեցող մարդը պարզապես մոլորվում է, երբ հարկ է լինում հետեվել սեփական զգացմունքների, էմոցիաների, կոմպլեքսների, արարքների դրդապատճառների ընթացքին: Միեվնույն ժամանակ նա հիանալի կերպով կարող է բնորոշել մեկ այլ մարդու ներիքին «Ես»-ը՝ առանց գեթ մեկ անգամ սխալվելու: Սակայն ամեն անգամ, երբ խոսք է գնում նրա անձի մասին, նրա անսխալական ու սառը դատողությունը խաթարվում է: Նման մարդու հետ շփվելիս ապարդյուն է անդրադառնալ նրա զգայություններին եվ ինտուիցիային, քանզի դրանք նրա համար օտար ու անհասկանալի ոլորտներ են: Անիմաստ է նրա հետ խոսել նաեվ սեփական զգացմունքների մասին. այս դեպքում եվս նա ձեզ չի հասկանա: Նա ընկալում է միմիայն փաստերի լեզուն՝ կոնկրետ փորձն ու տրամաբանական կապերը:

Սրածայր կամ կոնաձեվ եղունգները վկայում են գեղանկարչության, ճարտարապետության, կառուցողականության եվ այլ պլաստիկ արվեստների նկատմամբ իրենց տիրոջ հակման մասին: Նա արտիստիկ բնույթ ունի, բնածին ռոմանտիկ է, երեվակայող, իրականությունը փոքր-ինչ գունազարդելու սովորություն ունի, հետեվաբար նաեվ լավատես է, աշխարհին նայում է վարդագույն ակնոցով: Նա հեշտությամբ կարող է տարվել գործով, որեվէ մարդով կամ գաղափարով, բայց նույն հեշտությամբ էլ սառում է ու սկսում զբաղվել նոր, ավելի հետաքրքիր բանով, հատկապես՝ եթե նրա նախորդ զբաղմունքը աշխատասիրություն ու նպատակասլացություն է պահանջում: Այլ խոսքով՝ նման մարդուն գրավում է այն, «ինչն ինքն իրեն ստացվում է» ու չի պահանջում համառություն, ջանասիրություն, համբերություն: Ոգեշնչման կարճատեվ պահն անցնելուն պես կորչում է նաեվ նրա հետաքրքրությունը սկսած գործի հանդեպ: Նրան բնորոշ է եվս մի հատկություն՝ անկախությունը ինչպես անձնական, այնպես էլ հասարակական փոխհարաբերություններում:

Կոնաձեվ եղունգներ ունեցող մարդու համար ցանկացած ժամանակային սահմանափակումները, ուրիշի պլանին ենթարկվելու անհրաժեշտությունը նշանակում են միայն մի բան՝ «սա ինձ համար չէ»: Անձնական սահմանները խախտելու կամ սեփական կանոններով նրան առաջնորդելու փորձը նույնիսկ սիրելի անձնավորության կողմից հանգեցնում է միեվնույն արդյունքին: Նման մարդիկ հակված են ներթափանցելու իրերի, երեվույթների ու իրադարձությունների՝ շատերի համար անհայտ ներքին իմաստների մեջ: Դա է պատճառը, որ նրանք հաճախ լրջորեն տարվում են էզոթերիկ գիտություններով, կրոնով, մագիայով եվ այլն: Նյութական բարիքների հանդեպ նրանք միանգամայն անտարբեր են: Դա, բնականաբար, ասկետիզմ չէ, պարզապես այդ բարիքները նրանց կողմից ընկալվում են ավելի շուտ որպես բնական, ի սկզբանե տրված, այլ ոչ թե որպես կյանքի նպատակ:

Կլոր եղունգները խոսում են այն մասին, որ իրենց տերը խոցելի է, վիրավորվող, սիրում է տրվել անիրագործելի երազանքներին, ի վիճակի չէ համակերպվել անարդարության հետ, նույնիսկ եթե դա իրեն չի վերաբերում, անուղղելի սենտիմենտալ է, ոչ միշտ է օբյեկտիվ գնահատումներում: Ցավոք նա չի տիրապետում «իրեն մատուցելու» արվեստին ու չնայած բոլոր հնարավորություններին՝ հաճախ հանդես է գալիս իր համար ոչ այնքան նպաստավոր լույսի ներքո: Հաճախ նա զգում է իր թուլությունը, ոչ միշտ է կարողանում դուրս գալ ստեղծված իրավիճակից, կարող է երկար տանջվել հարազատների, ընկերների հանդեպ մեղքի անհասկանալի զգացումից: Եվ չնայած ներաշխարհի բոլոր այս առանձնահատկություններին՝ նա ունակ է իրապես երջանկացնելու այն մարդուն, ով կկարողանա գնահատել իր բարությունն ու մաքուր հոգին:

Վարդագույն եղունգները վկայում են կայունության ու հաստատակամության մասին:

Անհավասար, ծռմռված եղունգները կամակորության ու հարձակողական բնույթի նշան են:

Կեռ եվ սրացված եղունգները, հատկապես՝ նիհար ձեռքերի վրա, մատնանշում են մարդու խիստ ու չար բնույթը: Հնարավոր է, որ նման մարդը թոքերի հիվանդություն ունենա:

Սփրթնած եղունգները, հատկապես եթե դրանք նաեվ կլոր են, վկայում են այն մասին, որ իրենց տերը վտանգավոր մարդ է բոլոր ասպարեզներում:

Ընդունված է համարել, որ եղունգների վրա առկա սպիտակ բծերը կանխատեսում են մոտալուտ երջանկությունը, իսկ մուգ բծերը՝ դժբախտությունը: Դիտարկումների համաձայն սպիտակ բծերը խոսում են նաեվ իրենց տիրոջ չափից ավելի նյարդային խառնվածքի մասին:

Կարճ եղունգները վկայում են իրենց տիրոջ մարտաշունչ բնույթի մասին: Նման մարդիկ հայտնի վիճաբանողներ են, սիրում են ծաղրել ուրիշներին:

Կարճ, հաստ ու ամուր եղունգները մատնանշում են իրենց տիրոջ ցասումնալից խառնվածքը:

Բոլոր կողմերից մաշկի մեջ ներաճած փոքրիկ եղունգները համարվում են մեծ զգայականության նշան:

Ահա, այսքանը: Ինչպես տեսնում եք, մարդկանց եղունգներն ինֆորմացիայի իսկական շտեմարաններ են: Եվ, այնուհանդերձ, պետք չէ գլխովին տարվել դրանք ուսումնասիրելով, քանի որ նման վարքը մի կողմից շատ անբնական ու կասկածելի կթվա, մյուս կողմից՝ զրուցակցին կստիպի նյարդայնանալ: Ի վերջո, ոչ պակաս ինֆորմատիվ է մարդու աչքերի մեջ նայելը: Դա, ի դեպ, նաեվ ավելի բնական կդիտվի...

[Լուսաստվեր]

Ահա ևս մեկ թեստ, որը կարծում եմ մի փոքր ավելի հետաքրքիր ու արդյունքների առումով մոտ է իրականությանը, բայց էլի գիտական լուրջ թեստ համարվել չի կարող. ցանկացողները թեստը լրացնելուց հետո կարող են իրանց արդյունքները տեղադրեն այստեղ այնպես ինչպես ահա ես եմ դա անում. (չմոռանամ ասել, որ թեստը ռուսերեն է)

Ահա և այդ կայքի հասցեն. / http://pyphagor.newacropol.ru/

1.Ֆիզիոլոգիական կարիք- 26%
2.Էներգետիկ կարիք - 40%
3.Հուզական կարիք - 60%
4.Տրամաբանական կարիք - 66%
5.Իդեալների կարիք - 100%
6.Հավատի և սիրո կարիք - 100%
7.Կյանքի իմաստի կարիք - 80%

Սա էլ ինձ մոտ ստացվեց
Կարծում եմ, եթե բացարձակ ճիշտ էլ չի ամեն դեպքում բավականին մոտ է իրականությանը

[Lapterik]

Պարզում ենք էքստրավերտ եք, թե ինտրավերտ: Ուրեմն...
ՀՈԳԵԲԱՆԱԿԱՆ ԹԵՍՏ. ԷՔՍՏՐԱՎԵՐՏ - ԻՆՏՐԱՎԵՐՏ

Շվեյցարացի գիտնական Կարլ Յունգի «Հոգեբանական տիպերը» գրքում հոգեբանական բնութագրման նպատակով առաջին անգամ գործածվեցին «էքստրավերտ» (բառացի թարգմանությամբ՝ արտաքին ուղղվածություն ունեցող) եվ «ինտրավերտ» (ներքին ուղղվածություն ունեցող) հասկացությունները:

Գիտնականի նկարագրության համաձայն էքստրավերտները ձգտում են ընդլայնել գործնական շփումները, օգտագործել բոլոր հնարավորությունները: Ինտրավերտներն, ընդհակառակն, սահմանափակում են շփումները, ինքնամփոփ են, ավելորդ ծախսեր թույլ չեն տալիս, պահպանում են ուժերը:

Հաշվի առնելով էքստրավերտներին եվ ինտրավերտներին բնորոշող հետեվյալ հիմնական ասպեկտները՝ փորձեք պարզաբանել, թե այդ երկու հիմնական հոգեբանական տիպերից որին եք պատկանում անձամբ դուք:

Դուք էքստրավերտ եք, եթե.

1. Մեկ օրում առանց դժվարության կարող եք դիտել 2 ֆիլմ, համերգ, բեմականացում եվ այլն, նշանակել միանգամից մի քանի հանդիպումներ եվ հասցնել իրագործել միայն դրանցից մեկ-երկուսը:

2. Ձեր մտերիմների, ծանոթների թվաքանակն օրըստօրե ավելանում է:

3. Ձեր տրամադրությունը փչանում է, երբ հեռուստացույցն ու ռադիոընդունիչը չեն աշխատում: Դուք ձեզ միայնակ եք զգում, աշխարհից կտրված, եթե անջատում են հեռախոսը:

4. Հեշտությամբ հիշում եք դեմքերը, դեպքերը, կենսագրությունները, սակայն դժվարությամբ եք մտապահում բանաձեվերն ու այլոց դատողությունները:

5. Սիրում եք ուտել, զվարճանալ որեվէ ընկերախմբում: Խուսափում եք մենակությունից: Պատկանում եք կենսախինդ մարդկանց թվին եվ շփումներ եք փնտրում ձեր նմանների հետ՝ խուսափելով ինքնամփոփ մարդկանցից:

6. Սիրում եք նմանակել ուրիշներին, անեկդոտներ, զվարճալի պատմություններ պատմել: Ունեք թեթեվ բնավորություն:

7. Սիրում եք ճառեր, կենացներ ասել: Ընկերախմբում սիրում եք միշտ ուշադրության կենտրոնում լինել:

8. Գիտեք ինչ, որտեղ եվ երբ անել:

9. Արագ կոնտակտի մեջ եք մտնում անծանոթ մարդու հետ եվ հեշտությամբ կողմնորոշվում եք նոր միջավայրում, առանց արտասովոր դժվարությունների դուրս եք գալիս բարդ իրավիճակներից:

10. Արագ որոշումներ եք կայացնում, ընդունակ եք ռիսկի դիմել, որը գրեթե միշտ արդարացվում է: Գործուղումները ձեզ համար զվարճանալու միջոց են եվ դուք դրանք հաճույքով եք ընդունում:

11. Յուրաքանչյուր կոնկրետ իրավիճակում գնահատում եք՝ ինչ ձեռնարկել, եվ գործում եք կախված իրավիճակից:

12. Միշտ բազմաթիվ ծրագրեր, առաջադրանքներ, պրոբլեմներ ու գաղափարներ ունեք, սակայն իրականում ի վիճակի եք իրագործել դրանց մի մասը միայն:

13. Չեք հասկանում եվ չեք կարեկցում մարդկանց, որոնք անդադար դժգոհում են իրենց առողջությունից:

14. Ձեզ հետաքրքրում է, թե ինչ տպավորություն եք թողնում շրջապատողների վրա:

Դուք ինտրավերտ եք, եթե.

1. Անգամ շատ չնչին իրադարձությունը բավական է, որպեսզի կասեցնեք կարեվոր որոշման կայացումը:

2. Երբեմն մի ներկայացումը կամ համերգը ձեզ բավարարում են ողջ ամսվա ընթացքում:

3. Հաճախ եք տրվում հիշողություններին:

4. Սակավաթիվ ընկերներ ունեք: Դժվարությամբ եք մտերմանում մարդկանց հետ:

5. Ավելի հեշտությամբ հիշում եք հիմնական գաղափարները, քան մանրամասները:

6. Գերադասում եք գործ ունենալ փոքրաքանակ, սակայն նախապես մշակված ինֆորմացիայի հետ, քան վերահսկել հաղորդագրությունների ամբողջ հոսքը:

7. Չեք սիրում իրարանցումը, բարձր երաժշտությունը, աղմկոտ ընկերախմբերը:

8. Քիչ քանակությամբ իրեր ունեք, սակայն դրանք կազմում են ձեր ամբողջության մասնիկը:

9. Սիրում եք լուսանկարվել:

10. Սիրում եք մենակ ուտել: Ձեզ ավելի ազատ եվ անկաշկանդ եք զգում տնային միջավայրում: Խուսափում եք անծանոթ ընկերախմբերից:

11. Դժվարությամբ եք հարմարվում նոր միջավայրին, կոլեկտիվին, իրավիճակին...

12. Սկզբունքային մարդ եք եվ ձգտում եք խստորեն հետեվել ձեր սկզբունքներին:

13. Հետեվողական եք ձեր առողջության նկատմամբ, գտնում եք, որ ավելի լավ է ավելորդ անգամ պրոֆիլակտիկ նկատառումներով դեղահաբ ընդունել, քան հետո բուժել հիվանդությունը:

14. Երբեմն ձեզ ասում են, որ որոշ հարցերի հարկավոր է ավելի թեթեվ վերաբերվել, սակայն դուք այդ կարծիքին չեք:

Հաշվարկելով դրական պատասխանները՝ կարող եք եզրակացություն կատարել, թե Յունգի առանձնացրած հոգեբանական տիպերից որն է ձեզ առավել բնորոշ:

Եթե եվ «էքստրա», եվ «ինտրա» դեպքերում դրական պատասխանների թվաքանակը նույնը լինի, հետեվաբար դուք երրորդ տիպին եք պատկանում, որը կոչվում է «ամբավերտ»:

Ի դեպ, մարդկանց մեծամասնությունը հենց այս վերջին տիպին է համապատասխանում:

Ավելացվել է 19 րոպե անց
Փաստոեն էքստրավերտ եմ:

[Selene]

6:5 օգուտ էքստրավերտի

[ihusik]

«էքստրավերտ» 2 - 12 «ինտրավերտ»

[Belle]

Կա մի էլ-հասցե, որտեղից կարողանամ հոգեբանական թեստեր <քաշել>? Կամ եթե կա մեկը, ով ունի թեստեր, խնդրում եմ ուղարկեք: Նախապես ՇՆՈՐՀԱԿԱԼՈՒԹՅՈՒՆ;

Փաստորեն, ես էլ եմ Էքստրավերտ

[Լէգնա]

«էքստրավերտ» 8 -, «ինտրավերտ» - 9 ,կարծում էի էքստրավերտ եմ