Հոգեբանական թեստեր

[StrangeLittleGirl]

Որ ասում եմ, չեք հավատում 9
Էս թեստն ավելի շուտ ոչ թե ինձ համար էր (ես շատ լավ գիտեմ իմ այդ թուլությունը), այլ դիմացինների, որոնք կասկածանքով են վերաբերվում տեղից տեղ փախչելու ցանկությանս:

[Ուլուանա]

6 միավոր։ Ոնց որ թե համապատասխանում է։

[Վարպետ]

3 միավոր

[Կաթիլ]

4 միավոր

[Դեկադա]

Կարողանում եք համոզել

1.Դուք ավելի շուտ տրամաբանորեն եք մտածում, քան պատկերավոր և ինտուիտիվ:

2. Սովորաբար դուք հանգիստ եք և պահպանում եք ինքնատիրապետումը:

3.Մարդիկ ասում են, որ գեղեցիկ ձայն ունեք:

4.Դուք կենսական ակտիվ դիրքորոշում ունեցող մարդ եք:

5.Շատ կարդացած ու խորագիտակ մարդ եք”

6.Սիրում եք շներ և ձիեր:

7.Ձեզ խորթ չէ մարդկանց իշխելու ձգտումը:

8.Դպրոցում առաջնորդի դերում եք եղել:

9. Նույնիսկ ձեզ սակավ ծանոթ մարդիկ սիրում են տրտնջալ ձեզ մոտ:

10.Դուք լավատես եք;

Այժմ ամփոփեք արդյունքները` յուրաքանչյուր դրական պատասխանի դեպքում գրանցեք 2 միավոր


0-6 միավոր- Դուք մեղմ ու զիջող մարդ եք` հակված ենթարկվելու ավելի ուժեղ անհատականություններին: Ցանկացած հարցում ձեզ համոզելը անչափ հեշտ բան է, սակայն ինքներդ գործնականում ի վիճակի չեք որևէ մեկին համոզել:

8-12 միավոր- Մյուսներին, հատկապես աշխատակիցներին, ինչ-որ բանում համոզելը այնքան էլ հեշտ չէ ձեզ համար:Ձեզ պակասում է համառությունն ու ինքնավստահությունը:

14- 20 միավոր- Դուք օժտված եք ղեկավարի բոլոր տվյալներով, գերազանց կարողանում եք մարդկանց համոզել: Սակայն զգուշացեք մարդկանց իշխելու և նրանց ձեր ոչ միշտ օբյեկտիվ կարծիքը պարտադրելու գայթակղությունից

[Երկնային]

ես 12 միավոր եմ հավաքել
8-12 միավոր- Մյուսներին, հատկապես աշխատակիցներին, ինչ-որ բանում համոզելը այնքան էլ հեշտ չէ ձեզ համար:Ձեզ պակասում է համառությունն ու ինքնավստահությունը:

[*e}|{uka*]

14 միավոր , սուտա

[Dayana]

14 միավոր , սուտա

Ես էլ 14 սուտա հաստատ ես ուր, իշխելն ուր

[Ուլուանա]

14 միավոր։ Բայց մեկնաբանությունն ինձ առանձնապես չի համապատասխանում. ինձ համար հաստատ չափից դուրս է. ես էդքան չկամ... Բայց, օրինակ, 8-12–ի մեկնաբանությունն էլ էն չի. ես համոզելուց հաստատ շատ ավելի լավ եմ, քան էդտեղ է գրված։

[Empty`Tears]

14- 20 միավոր- Դուք օժտված եք ղեկավարի բոլոր տվյալներով, գերազանց կարողանում եք մարդկանց համոզել: Սակայն զգուշացեք մարդկանց իշխելու և նրանց ձեր ոչ միշտ օբյեկտիվ կարծիքը պարտադրելու գայթակղությունից

18 միավոր Ճիշտ ա համարյա

[Հայկօ]

16 միավոր: Շների ու ձիերի պահը չհասկացա: Իսկ եթե ոչ թե չեմ սիրում, այլ զզվում ե՞մ: Ֆիզիկապես:

[Դեկադա]

0 - 6 միավոր0-6 միավոր- Դուք մեղմ ու զիջող մարդ եք` հակված ենթարկվելու ավելի ուժեղ անհատականություններին: Ցանկացած հարցում ձեզ համոզելը անչափ հեշտ բան է, սակայն ինքներդ գործնականում ի վիճակի չեք որևէ մեկին համոզել

Էտքան էլ չի համապատասխանում- եթե պետք է լավ էլ համոզում եմ: Էտ շների ու ձիերի պահը ես էլ կարգին չհասկացա, որովհետև ես նրանցից վախենում եմ:

[Դեկադա]

▀▀
▀ ժող քառակուսիս էտքան էլ քառակուսու նման չի, չկարողացա ուղղեմ
●
▲
^^^

Նայեք ուշադիր ֆիգուրներին; Առաջին հայացքից որ ֆիգուրը գրավեց ձեր ուշադրությունը:
Ձեր ընտրած պատկերը ձեր հիմնական ֆիգուրն է:Այն թույլ է տալիս որոշել ձեր բնավորության գլխավոր, գերակշռող գծերը և վարքի առանձնահատկությունները:Մնացած 4 ֆիգուրները մոդուլյատորներ են, որոնք կարող են երանգավորել ձեր վարքի առաջատար մեղեդին:

Քառակուսի- Աշխատասիրություն, ջանասիրություն, սկսած գործը մինչև վերջ հասցնելու պահանջ:Դիմացկունությունը, համբերությունը և հետևողականությունը Քառակուսուն բարձրակարգ մասնագետ են դարձնում իր բնագավառում: Քառակուսին սիրում է մեկընդմիշտ սահմանված կարգ ու կանոն ամեն ինչ պետք է գտնվի իր տեղում և կատարվի իր ժամանակին: Նախապես պլանավորված, կանխատեսելի կյանքը Քառակուսու իդեալն է, նրա հոգուն խորթ են անակնկալները և իրադարձությունների սովորական ընթացքի փոփոխությունները:

Ուղղանկյուն- Անձի ժամանակավոր վիճակն է, որը կարող են ընդունել մնացած կայուն ֆիգուրները կյանքի որոշակի ժամանակաշրջաններում: Դրանք այն մարդիկ են, որոնք բավարարված չեն ներկայումս իրենց վարած ապրելակերպով և այդ պատճառով էլ զբաղված են ավելի լավ վիճակի որոնումներով:Այդ պատճառով էլ Ուղղանկյան լավագույն հատկանիշներն են հետաքրքրասիրությունը, հարցասիրությունը, քննախույզ միտքը, համարձակությունը:Նրանք բաց են նոր գաղափարների, արժեքների, մտածողության նոր ձևերի և կյանքի հանդեպ, հեշտությամբ յուրացնում են ամեն նոր բան:

Եռանկյուն- Այս ֆիգուրը խորհրդանշում է լիդերությունը: Իսկական Եռանկյան ամենաբնորոշ առանձնահատկությունը գլխավոր նպատակի վրա կենտրոնանալու ընդունակությունն է:Եռանկյունները եռանդուն, ուժեղ անձնավորություններ են: Նրանք պատվախնդիր են, պրագմատիկ: Ճիշտ լինելու և գործերը տնօրինելու, իրավիճակները կառավարելու ուժգին պահանջմունքը:Եռանկյունուն դարձնում են ուրիշների հետ մշտապես մրցակցող անձնավորություն:

Շրջան- Հինգ ֆիգուրներից ամենաբարյացկամ է: Նա շատ զգայուն է, ապրումակցման, կարեկցանքին արձագանքելու ընդունակություն ունի:Շրջանն ուրիշի ուրախությունն ու ցավը զգում է ինչպես իրենը:Նա երջանիկ է, երբ բոլորը հաշտ ու հաներաշխ են միմյանց հետ: Այդ պատճառով էլ եթե շրջանի և մեկ այլ մարդու միջև կոնֆլիկտ է ծագում, ապա առավել հավանական է, որ առաջինը հենց նա կլինի զիջողը: Նա ձգտում է ընդհանրություն գտնել նույնիսկ հակադիր տեսակետների միջև:

Զիգզագ- Այս ֆիգուրը ստեղծագործելու խորհրդանիշն է: Բացարձակապես տարբեր գաղափարներից նոր կոմբինացիաներ սարքել և դրա հիման վրա ինչ-որ նոր, օրիգինալ բան ստեղծել. Ահա թե ինչն է դուր գալիս Զիգզագներին:Նրանք երբեք չեն բավարարվում այն միջոցներով, որոնցով ինչ-որ բան է արվում տվյալ պահին: Զիգզագն ամենաոգևորված, նաև ամենագրգռվող ֆիգուրն է: Երբ նրա մոտ նոր և հետաքրքիր միտք է ծագում, պատրաստ է համայն աշխարհին պատմել այդ մասին:Զիգզագներն իրենց գաղափարների անխոջ քարոզողներն են և կարող են իրենց հետևից տանել շատերին:

[Դեկադա]

Բոլորս էլ գիտենք, որ մարդու մասին տեղեկություն կարող ենք ստանալ նրա քայլվածքից, ձեռքի ափի գծերից, ինչպես նաև մատերի ձևից` որոնցից յուրաքանչյուրը օգնում է մեզ բացահայտել բնավորությունը: Իսկ հիմա բերեք ուսումնասիրենք նրանցից յուրաքանչյուրը: Կուզենայի իմանալ Ձեր կարծիքը` ինչքանով է այն համապատասխանում յուրաքանչյուրիդ:

Բթամատ
Դա մեր եսի խորհրդանիշն է: Փորձենք առանց հատուկ ջանքերի այն հեռացնել, նշանակում է` Դուք բնավորությամբ շփվող, մարդամոտ ու մեծահոգի եք, հեշտությամբ եք հարմարվում կյանքի պայմաններին:Եթե այդ անկյունը 90 աստիճան է և ավելի, Դուք հակված եք շռայլության, կամքի ուժի պակաս եք զգում և դժվարանում եք հավատարմության պահպանման հարցում:
Եթե բթանատը դժվարությամբ կամ ընդհանրապես չի շեղվում որևէ ուղղությամբ, ապա դա խոսում է համառության և հաշվենկատության մասին: Բայց դա ունի իր դրական կողմերը, այդպիսի մարդիկ սովորաբար տիրապետում են մեծ պատասխանատվության, հուսալի են և շատ կայուն:

Ցուցամատ

Սա խորհրդանշում է պատվասիրությունը, հմայքը և առաջնորդային հատկանիշները: Եթե Ձեր ցուցամատը երկար է մատնեմատից, ապա Դուք ծնվել եք առաջնորդ լինելու, պատասխանատվությունը Ձեր վրա վերցնելու և մարդկանց Ձեր հետևից տանելու համար: Իսկ եթե ցուցամատը թեքված է դեպի միջնամատը, ապա այն խոսում է Ձեր խանդոտ բնավորության մասին:


Միջամատ

Այս մատը Ձեզ կօգնի ինքնավերլուծություն անցկացնելու: ուղիղ միջամատը խոսում է հուզական կայունության մասին:Այն դեպքում, երբ այն թեքված ցուցամատի կողմը, խոսում է անմիջական, մարդամոտ բնավորության մասին: Մատնեմատի կողմը թեքվածը խոսում է այն մասին, որ Դուք ինքնահաստատաման կարիք ունեք:


Մատնեմատ

Մատնեմատը խոսում է Ձեր ընդունակությունների մասին: Եթե այն երկար է ցուցամատից, Դուք շատ հեշտությամբ հաջողության կհասնեք:Ուղիղ մատնեմատը որոշում է մարդկային բնավորությունների հմուտ գիտակին, իսկ միջամատի կողմը թեթևակի թեքվածը, ընդհակառակը, խոսում է մարդկանց նկատմամբ վերաբերմունքի որոշակի նաիվության մասին:Եթե մատնեմատը կտրուկ ձևով թեքված է դեպի միջամատը, Դուք ազարտայի մարդ եք և սիրում եք ռիսկի դիմել:


Ճկույթ


Ճկույթը բնութագրում է մարդկանց հետ ազատ շփման Ձեր ուանկությունը: Եթե այն հասնում է մատնեմատի վերին հոդին, Դուք մարդկանց հետ հեշտությամբ կկարողանաք շփվել, եթե ոչ, ապա Դուք դժվարություններ կունենաք Ձեր զգացմունքները արտահայտելիս:Ուղիղ ճկույթը խոսում է այն մասին, որ Դուք անկեղծ եք, ռոմանտիկ և հակում չունեք բիզնեսի նկատմամաբ:Մատնեմատի ուղղությամբ թեթևակի թեքված ճկույթը խոսում է Ձեր դիվանագիտական ունակությունների և կյանքից գլուխ հանելու մասին:

[Rammstein]

Բոլորս էլ գիտենք, որ մարդու մասին տեղեկություն կարող ենք ստանալ նրա քայլվածքից, ձեռքի ափի գծերից, ինչպես նաև մատերի ձևից` որոնցից յուրաքանչյուրը օգնում է մեզ բացահայտել բնավորությունը: Իսկ հիմա բերեք ուսումնասիրենք նրանցից յուրաքանչյուրը: Կուզենայի իմանալ Ձեր կարծիքը` ինչքանով է այն համապատասխանում յուրաքանչյուրիդ:........

Չէ, էդքան էլ ճիշտ չի ոնց որ թե։ Եսիմ...