Հումորն ու ընտրությունները

[Artgeo]

Իմ արև բոց են երգերը
http://groups.google.com/group/verji...les?&sort=size

[Աբելյան]

լևոնախտ

Լևոնախտը 21-րդ դարի կործանարար հիվանդություն է, որը բնորոշվում է լևոնի տրիադայով. մտածողության միակողմանիությամբ, մեծամոլական զառանցանքներով, լևոնի խողքերի էխոլալիայով (բառացի կրկնությամբ):
Համաճարակաբանությունը: Տարածված է Հայաստանի Հանրապետությունում: Փետրվարի 19-ի հետազոտության տվյալներով բնակչության 20%-ից ավելին տառապում է այս հիվանդությամբ, սակայն դրանից հետո կտրուկ աճել է նրանց թիվը: Դեպքեր են գրանցվել նաև այլ երկրներում բնակվող հայերի մոտ, հատկապես՝ ԱՄՆ-ում:
Հիմնականում հիվանդանում են երիտասարդ տարիքի տղաները և «տղամարդ» աղջիկները: Հիվանդանում են նաև միջին տարիքի տղամարդիկ և կանայք, ծերերը և անչափահասները:
Պատճառագիտությունը: Հարուցիչը ԼՏՊ կոչվող վիրուսն է: Վարակման ռիսկի գործոններն են երիտասարդ տարիքը, տաքարյունությունը, կամքի թուլությունը, ներշնչվողականությունը, հիվանդ ծնողները:
Ախտածնությունը: Լիովին պարզաբանված չէ: Վիրուսը տարածվում է հանրահավաքների, վարակված մեյլերի, թերթերի և մարդկանց միջոցով: Անհայտ ճանապարհներով թափանցում է գլխուղեղ՝ հերթով ոչնչացնելով մտածող նեյրոնները: Դրանց փոխարինում են միակողմանի մտածողությամբ, հատուկ ծրագրով օտար բջիջներ:
Հիվանդությունը բաղկացած է հետևյալ փուլերից.
1. Գաղտնի շրջան - լևոնին ատում են: Հանրահավաքներին չեն գնում կամ գնում եմ միայն հետաքրքրասիրությունից դրդված՝ հաստատ իմանալով, որ լևոնին չեն ընտրելու: Քննադատությունը պահպանված է:
2. «Հակասերժացման» շրջան - ընտրում են լևոնին/ուրիշին ընտրելուց հետո հետևում են լևոնին՝ պատճառաբանելով, որ միայն լևոնը «կարա» իշխանությունների դեմ: Այս փուլում նկատվում է դրական/բացասական փոփոխության ախտանիշը: Նրանք փոփոխություն են ուզում՝ անկախ նրանից, թե ինչ կլինի: Ավելի հեռուն տեսնելու հատկությունից զուրկ են: լևոնին դեռ ատում են: Քննադատությունն իջնում է:
3. Վերջնական լևոնականացում - հանկարծ չհամարձակվես լևոնի հասցեին որևէ թթու խոսք ասել: Միանգամից հարձակվում են, պաշտպանում իրենց «սուրբ» առաջնորդին, գտնում, որ նրա բոլոր քայլերը ճիշտ են:Քննադատությունը բացակայում է:
4. Հակաղարաբաղցիացման շրջան - հիվանդության ծանր ընթացքի դեպքում հասնում են այս փուլին, երբ գիտակցությունը լրիվ անջատվում է, մարդիկ գործում են՝ առաջնորդվելով ենթագիտակցության մեջ տպված «Վե՛րջ ղարաբաղցիներին» կամ այլ նմանատիպ լոզունգներով: Քննադատության մասին խոսելն անիմաստ է, քանզի գիտակցություն ընդհանրապես չկա:

Կլինիկական նշանները.
1. Սուտը ճշտից տարբերելու անընդունակություն
2. Ագրեսիվ վարքագիծ
3. 1991-1998 թվերի լրիվ ամնեզիա, որը լրացվում է կոնֆաբուլացիաներով (կեղծ, ֆանտաստիկ հիշողություններ)
4. Աստիճանաբար իջնող քննադատություն
5. Մեծամոլական զառանցանքներ
6. Գերարժեքային մտքեր
7. Էխոերևույթներ (էխոլալիա, էխոպրաքսիա, էխոմիմիա) միայն հատուկ անձանց նկատմամբ
8. Դիմացինին մեղադրելու, սխալ հանելու, վիրավորելու ձգտում
9. Ծանր դեպքերում՝ պարաֆրեն համախտանիշ

Ախտորոշումը կատարվում է անամնեզի տվյալների և զրուցելու ժամանակ հայտնաբերված ախտանիշների հիման վրա:
Բուժումը հայտնի չէ:

http://strangelittlestudent.blogspot...g-post_18.html

էս լուրջ ա՞
աչքիս ես 3-րդ փուլում եմ...

Բյուր, իսկ ի՞նչ խորհուրդ կտաս, որ 4-րդ փուլին չհասնեմ

[Zangezur]

ամսի 1-ին, Լևոնի խաղաղ մինիգին մեկին ծեծում են և ուշքը գնումա, տանում են Հանրապետական հիվանդանոց: Վերա կենում ասումա, վորտեղ եմ, ասում են Հանրապետական, եսի գժված ասումա արա ես Լևոնական եմ, ինձ ուր եք բերել ստղեղ

[_DEATH_]

Իմ արև բոց են երգերը
http://groups.google.com/group/verji...les?&sort=size

(erg ) Araj Hayastan.MP3

HIP HOP HAYASTAN .mp3 էս HayEl-ն էլ ինչ երգ երգումա մեջը սապոնա ասում

[Լ.յ.ո.վ.]

Կցորդ 22701



Հ.Գ. ռուսերեն էսպիսի մի արտահայտություն կա` "Мы не скажем кто это был, хотя это был слоненок" (արտահայտությունը կարծեմ ինչ-որ մուլտից է, լավ չեմ հիշում...)

լոլ էս նկարը սարքողին հալալա, էս ինչ բացելա բացել

[Սամվել]

Կցորդ 22701



Հ.Գ. ռուսերեն էսպիսի մի արտահայտություն կա` "Мы не скажем кто это был, хотя это был слоненок" (արտահայտությունը կարծեմ ինչ-որ մուլտից է, լավ չեմ հիշում...)

ԲԱյց անվճար չի է սաղ ցավը հենց էտա... Դրա դիմաց վճարը ամեն ինչից թանկ է լինելու

[Աբելյան]

Բյուր, Լևոնի անունը փոքրատառով ե՞ս գրել

[Sunny Stream]

Կցորդ 22701



Հ.Գ. ռուսերեն էսպիսի մի արտահայտություն կա` "Мы не скажем кто это был, хотя это был слоненок" (արտահայտությունը կարծեմ ինչ-որ մուլտից է, լավ չեմ հիշում...)

քանի որ շատերը հավանել են կցորդը, տեղեկացնեմ, որ ունեմ ամբողջական, լավ որակով ու "բաց երեսով" տարբերակը, կարող եմ ուղարկել (եթե տեղադրեմ Ակումբում, կարծում եմ, անմիջապես կջնջվի)
Սամվել ջան, էդ "թաց ուղեղավորները" մեկ է` չեն հասկանալու, իսկ էլեկտրականության վճարն էլ իրենց համար էդքան էլ մեծ գումար չի... մենք էլ, մնում է, ծիծաղենք

[Artgeo]

Խնդրում ենք հայտնել իրավապահներին

Մարտի 1-ին, Ֆրանսիայի դեսպանատանը հարող տարածքում, օրենքով սահմանված կարգի խախտմամբ տեղի ունեցած հանրահավաքի վերաբերյալ համացանցում տարածվել են ակնհայտ կեղծ և սուտ լուրեր։ Նման սադրիչ լուրերից մեկն էլ ոմն Ե. Չարենցի կողմից գրված և համացանցում տարածված պոեմն է։

ՀՀ հատուկ քննչական ծառայությունում հարուցված քրեական գործի նախաքննությամբ պարզվել է, որ այդ պոեմում նկարագրված ակնհայտ սուտ դեպքերը մարտի 1-ին Ֆրանսիայի դեսպանատանը հարող տարածքում, օրենքով սահմանված կարգի խախտմամբ տեղի ունեցած զանգվածային միջոցառման վերաբերյալ նպատակ ունեն ատելություն սերմանալ ժողովրդի մոտ իրավապահ մարմինների աշխատակիցների նկատմամբ։

Քրեական գործի քննության բազմակողմանիությունն ու օբյեկտիվությունն ապահովելու նպատակով քննչական մարմինը միջոցներ է ձեռնարկում հիշատակված Ե. Չարենցին հայտնաբերելու ուղղությամբ: Իրավապահ մարմիններին երկու օրվա քրտնաջան աշխատանքից հետո հաջողվել է գտնել Ե. Չարենցի նկարը։

http://www.memocast.com/images/thumb.../95122_146.jpg

Խնդրում ենք բոլոր քաղաքացիներին, ովքեր կճանաչեն լուսանկարում պատկերված տղամարդուն, այդ մասին տեղեկացնեն քննչական մարմնին՝ հետևյալ հեռախոսահամարներով՝ +7 495 257 87 ** կամ դիմեն մոտակա ոստիկանության բաժանմունք:

[Աթեիստ]

1. Մեկը մտնում է դեղատուն և ասում "երկու տուփ արթուր բաղդասարյան տվեք"

2. Ստեղծվել է մարդկանց նոր տեսակ - Գեղամյան Արթուր Սերժի:

[_DEATH_]

Ցավոք այս անգամ ևս նախագահի երդումը օրինական չի լինելու, որովհետև սերժին ոչ մի կերպ չհաջողվեց երդման օրը փոխել և նշանակել ապրիլի 1-ը:

[Լ.յ.ո.վ.]

Առաջ էր Հայաստան

[Ռուֆուս]

Copyright Ռոբերտ Արորդի Փաշայան

[Artgeo]

ՕՐԵՆՔ ԶԲՈՍԱՆՔՆԵՐԻ ՄԱՍԻՆ

Հաշվի առնելով այն հանգամանքը, որ զբոսանքը համարվում է զանգվածային միջոցառում, եւ առաջնորդվելով այն իրողությամբ, որ տարածաշրջանային եւ համաշխարհային որոշակի մարտահրավերի առկայության դեպքում նմանօրինակ միջոցառումները կարող են լրջորեն խաթարել Հայաստանի Հանրապետության ներքաղաքական կայունությունը, առաջարկում ենք անհապաղ օրենք ընդունել զբոսանքների մասին` դրանով իսկ հստակություն մտցնելով իրավական ոլորտից դուրս մնացած այս կարեւորագույն ասպարեզում: Եվ այսպես.

Օրենք զբոսանքների մասին (նախագիծ)

Հոդվ. 1. Զբոսանք է համարվում ՀՀ քաղաքացիների կողմից իրականացվող այն գործողությունը, որն իրականացվում է ուղղահայաց դիրքով, ստորին վերջույթների (ոտքերի) միջոցով եւ նպատակ ունի ապահովել անձի տեղաշարժը մի վայրից մյուսը (կամ հակառակը):

Հոդվ. 2. Զբոսանք իրականացնող քաղաքացիները պարտավոր են միջոցառումից առնվազն 3 (երեք) օր առաջ գրավոր կերպով իրազեկել քաղաքապետարանին` մանրամասն նշելով զբոսանքի երթուղին, տեւողությունը եւ նպատակը: Անհրաժեշտության դեպքում ներկայացվում են նաեւ հետեւյալ փաստաթղթերը.

ա. Տեղեկանք բնակության վայրից,

բ. Տեղեկանք առողջության մասին (6-րդ ձեւ),

գ. Անձնագրի եւ սոցիալական քարտի պատճենը,

դ. Վերջին տարվա եկամուտների հայտարարագիրը:

Հոդվ. 3. Մեկից ավելի զբոսնողների առկայության դեպքում զբոսնողները պարտավոր են.

ա. Գտնվել միմյանցից առնվազն 8 (ութ) մետր հեռավորության վրա,

բ. Միմյանց հետ չհաղորդակցվել,

գ. Անջատել բջջային հեռախոսները եւ կապի այլ միջոցները,

դ. Խուսափել միմյանց նայելուց:

Հոդվ. 4. Երկու հոգու համատեղ զբոսանքը թույլատրվում է միայն հետեւյալ փաստաթղթերի առկայության դեպքում.

ա. Ամուսնության վկայական (բնօրինակը),

բ. Եթե զբոսնողներից մեկն անչափահաս է` վերջինիս ծննդականը (բնօրինակը),

գ. Եթե երկուսն էլ անչափահաս են` վերջիններիս ծնողների գրավոր համաձայնությունը (նոտարական վավերացմամբ):

Հոդվ. 5. Զբոսնողներն իրավունք ունեն.

ա. Շնչել,

բ. Արտաշնչել,

գ. Կատարել օրենքով չարգելված այլ գործողություններ:

Հոդվ. 6. Զբոսանքի վերահսկողությունն իրականացնում են ՀՀ Ոստիկանության հատուկ ստորաբաժանումները, իսկ անհրաժեշտության դեպքում` նաեւ տնտեսվարող սուբյեկտների սեփականատերերի թիկնազորների անդամները:

Հոդվ. 7. Սույն օրենքի պահանջներից որեւէ մեկի խախտման դեպքում ոստիկաններն իրավունք ունեն անհապաղ կասեցնել զբոսանքը:

Զբոսանքի կասեցման ընթացքում կիրառվող հատուկ միջոցները չեն կարող հակասել «Ընդդեմ խոշտանգումների» Ժնեւյան կոնվենցիայի պահանջներին:

Հոդվ. 8. Կասեցված զբոսանքի մասնակիցներից բռնագանձված տույժերն ու տուգանքները կուտակվում են ՀՀ Կառավարությանն առընթեր «Հանուն քաղաքական կայունության» հատուկ հիմնադրամում:

Հոդվ. 9. Օրենքն ուժի մեջ է մտնում ընդունման պահից:

Հուսով ենք, ՀՀ Ազգային ժողովն անհապաղ ձեռնամուխ կլինի սույն նախագծի քննարկմանը եւ կընդունի առանց էական փոփոխությունների:

ԴԱՎԻԹ ԱՎԱԳՅԱՆ

chi.am

[dvgray]

Էս կադրը նկարողին "լավագույն կադր" մրցանակը կտայի: