Կնոջ դաջվածք

[Լէգնա]

Դաջվածքները համարում եմ նկարչության կամ արվեստի մի հին ու նոր ճյուղ:Շատ եմ սիրում նուրբ ու վայրի տատուները նաև կնոջ մարմնին:Այսօր գրեթե ամբողջ աշխարհում կանայք դա համարում են հարդարման մի անհրաժեշտ մասնիկ:Նույնիսկ Հնդկաստանում հարսի մատները գեղանկարում են հինայով,որը եկել է վաղուց և իրենց ավանդույթներից մեկն է:Հայաստանում հայ կնոջ վրա դաջված պատկերը ,բոլորովին այլ տրամադրություն է ստեղծում շրջապատում,իր անձի հանդեպ:Անձամբ ես շատ եմ սիրում նկարել մարմնի վրա,բայց երբեք չեմ իրագործել,քանի որ նախ ընտանիքս դա չի ընդունում այնպես ինչպես ես կուզեի,հետո եթե ես դա անում եմ ,որպես գեղեցիկ և անկրկնելի մի պատկեր,բայց ընկալվելու է անբարո կնոջ իմիջի մասնիկ,ինչո՞ւ անել:
հարցը ոչ թե ուզում եմ այսպես բարձրացնել,հայ կինը կարող է տատու անել,այլ ՝
Քո կողքի հայ կինը ,տատու անելու դեպքում,նույն վերելքում կգտնվի՞
Կոնկրետ. Քո մայրը,քո քույրը,քո կողակիցը…

հ.գ.Ասեմ ,որ ընդհանրապե սկապ չունի միլիռովկա թեմայի հետ ,այն լիներ թե չլիներ,այս թեման բացելու էի

[Riddle]

Եթե կարճաժամկետ են, ապա ոչինչ էլ չեմ ասի, ամեն մարդ իր մարմնի տերն է, իսկ եթե մշտական, ապա իմ մտերիմ կամ հարազատ մարդուն ընդամենը կհիշեցնեմ, որ դաջվածքներից ազատվելն ավելի դժվար է, քան ձեռք բերելը: Ինձ համար դա մարդու բարձրության հետ ոչ մի կապ չունի:

[Ուլուանա]

Եթե կարճաժամկետ են, ապա ոչինչ էլ չեմ ասի, ամեն մարդ իր մարմնի տերն է, իսկ եթե մշտական, ապա իմ մտերիմ կամ հարազատ մարդուն ընդամենը կհիշեցնեմ, որ դաջվածքներից ազատվելն ավելի դժվար է, քան ձեռք բերելը: Ինձ համար դա մարդու բարձրության հետ ոչ մի կապ չունի:

Համաձայն եմ:
Դաջվածք անելու մեջ ոչ մի վատ բան չեմ տեսնում և չեմ համարում, որ դաջվածքը կարող է մարդու կերպարի ցուցանիշը լինել։ Անձամբ ես ներկա պահին դաջվածք անելու ցանկություն ու մտադրություն չունեմ։ Ուղղակի համոզված չեմ, որ հիմա արած դաջվածքը որոշ ժամանակ հետո էլ եմ ուզենալու կրել մարմնիս վրա, դրա համար էլ ավելի հարմար եմ գտնում ընդհանրապես չանելը։ Բայց եթե մարդկանց դուր է գալիս և անում են, իրենց գործն է։ Դրանից հաստատ ոչ աչքիցս կընկնեն, ոչ էլ կբարձրանան։ Ասենք, չէ, մի քիչ սխալ ասեցի. հնարավոր է, որ որոշ չափով բարձրանան զուտ այն առումով, որ դա ազատամտության նշան կհամարեմ, այսինքն՝ դա ցույց կտա, որ եթե տվյալ մարդուն ինչ-որ բան դուր է գալիս, որը ոչ մեկին վնաս չի տալիս, և նա առանց որոշ մարդկանց բացասական կարծիքներից վախենալու անում է դա, ուրեմն այդ մարդը արժանի է հարգանքի։

Ուրիշ հարց է, որ դաջվածք անելը շատ նուրբ ու պատասխանատու գործ է, որին, ցավոք, ոչ բոլոր դաջվածք անողներն են տիրապետում, և դա հաճախ վարակի և այլ բացասական հետևանքների աղբյուր է դառնում։ Ես նման դեպքերի մասին շատ եմ լսել, հատկապես Հայաստանում։

[Արշակ]

Ընդհանրապես դեմ եմ մարմնի վրա դաջվածք անելուն, քանի որ նախ ինձ համար տհաճ են դրանք ու բոլորովին էլ սիրուն չեն, բացի դրանից համարում եմ, որ պետք չի մարդու բնական գեղեցկությանը ձեռք տալ։ Զիզի-բիզիություն է էլի…
Երևի այլ պատճառներ էլ կան դաջվածքներ չանելու համար։ Համ էլ սովորաբար մարդիկ հետագայում փոշմանում են, որ դաջվածք են արել։
Բայց եթե մտերիմս դաջվածք անի, դրանով աչքիցս առանձնապես չի ընկնի։

Բայց մեկ է, դաջվածք անելը ազատամտության դրսևորում չեմ համարում։ Նույնիսկ հակառակը…

[Մասսագետ]

Լավ կլինի, եթե ընդհանրացնենք էս թեման. խոսենք ոչ միայն կնոջ, այլ տղամարդու տատուից նույնպես:
Ես ասեմ իմ կարծիքը:
Riddle-ը ճիշտ բան ասեց. «իսկ եթե մշտական, ապա իմ մտերիմ կամ հարազատ մարդուն ընդամենը կհիշեցնեմ, որ դաջվածքներից ազատվելն ավելի դժվար է, քան ձեռք բերելը»:
Լինում ա, որ տատուները լինում են գաղափարական. այսինքն, եթե դու հակված ես ինչ-որ գաղափարների, ենթադրենք ֆաշիստ ես, անում ես որևէ ֆաշիստական տատու, բայց օրերից մի օր, հասկանում ես, որ քո գաղափարները սխալ են, ստիպված ես տատուդ ջնջել ու նենց խորը-խորը փոշմանում ես, որ էդ տատուն արել ես:
Դեմ բան չունեմ, որ մարդ տատու ա անում, բայց իմ մարմինը ափսոս ա, որ ես անեմ, ես տատուի փոխարեն սպիեր եմ անում:

[Sergey]

Ուղղակի համոզված չեմ, որ հիմա արած դաջվածքը որոշ ժամանակ հետո էլ եմ ուզենալու կրել մարմնիս վրա, դրա համար էլ ավելի հարմար եմ գտնում ընդհանրապես չանելը։ Բայց եթե մարդկանց դուր է գալիս և անում են, իրենց գործն է։ Դրանից հաստատ ոչ աչքիցս կընկնեն, ոչ էլ կբարձրանան։ Ասենք, չէ, մի քիչ սխալ ասեցի. հնարավոր է, որ որոշ չափով բարձրանան զուտ այն առումով, որ դա ազատամտության նշան կհա

Ինչ վերաբերում է ազատամտության նշան հանդիսանալուն, ապա պետք չէ անտեսել նաև այն դեպքը, և դա չի վերաբերում միայն դաջվածքին, երբ գործ ենք ունենում ոչ թե ազատամտության, այլ բոլորից տարբերվելու հիվանդագին ցանկության հետ: Ամեն դեպքում ինքս դաջվածքներին նորմալ եմ վերաբերվում:

[Ուլուանա]

Ինչ վերաբերում է ազատամտության նշան հանդիսանալուն, ապա պետք չէ անտեսել նաև այն դեպքը, և դա չի վերաբերում միայն դաջվածքին, երբ գործ ենք ունենում ոչ թե ազատամտության, այլ բոլորից տարբերվելու հիվանդագին ցանկության հետ: Ամեն դեպքում ինքս դաջվածքներին նորմալ եմ վերաբերվում:

Համաձայն եմ, ես նկատի չունեի, որ դաջվածք անելն ինքնին ազատամտության նշան է, երևի գրածիցս մի քիչ հստակ չէր հասկացվում, դա կարող է լինել ազատամտության նշան, բայց, ճիշտ ես ասում, երևի ավելի հաճախ հենց բոլորից տարբերվելու ցանկությունն է խոսում դաջվածք անելու հարցում:
Ամեն դեպքում այդ փոշմանելու վտանգը միշտ էլ կա:

[John]

Ինքս երբեք չեմ հրապուրվել տատու անելու հեռանկարով և իմ համար առավել ևս ցանկալի չէր լինի, եթե իմ հարազատներից մեկը (աղջիկներին ու կանանց ի նկատի ունեմ) տատու անի, բայց դե դա իրանց գործն է…

[Lider2006]

Հիմնականում չեմ ընդունում: Ետե իմանում եմ ինչ որ աղջկա մասին տենց բան արդեն սկսում եմ կասկածանքով վերաբերվել նրան… հայերեն ասած «ՈՒրիշ բաներ կասակածել» Կնոջ վրա չեմ ընդունում միանշանակ: Ոնկերուհիս վօր անի առանց ինձ հարցնելու հաստատ ետ մեր ընկերության վերջը կլինի…

[Meme]

Արդյո՞ք նորմալ եք համարում,երբ աղջիկները դաջվածք են անում,մարմնի տարբեր հատվածներում,նորից հետաքրքիր է ակումբի անդամների կարծիքները,եթե դժվար չի պատասխանեք

[Աբելյան]

Նայած որտեղ են անում:

[Yellow Raven]

Նայած որտեղ են անում:

Ինչպիսի համադրություն ստորագրության հետ

[Sagittarius]

Շատ նորմալ, ուղղակի պետք է համապատասխանի մարդու կերպարին և կարևորը ժամանակի ընթացքում չփոշմանի...
օրինակ՝ կարևոր պաշտոն զբաղեցնող կնոջ համար այդքան էլ նախընտրելի չի մարմնի երևացող մասում դաջվածք անել,
անձամբ ես ճաշակով արված դաջվածքը բավականին գրավիչ եմ համարում, ուղղակի՝ սույեկտիվ մոտեցում ա, նման հարցերում չեմ կարծում, որ ճիշտ ու սխալ կա, ամեն մարդ իր ճիշտը ունի

[Chuk]

Չեմ սիրում: Միշտ դեմ եմ եղել: Բայց ոչ թե կնոջ դաջվածքին, այլ ընդհանրապես դաջվածքին: Դեմ եմ, որովհետև մարդու աշխարհայացքը, ճաշակը կարող է փոխվի ասենք տաս տարի հետո իրեն այլևս հոգեհարազատ չլինի իր ընտրած պատկերը: Այդպիս մնայուն բաները կարծում եմ, որ չարժի անել: Տղամարդկանց ու կանանց չեմ առանձնացնում: Բայց եթե արել է, լավ է արել (թե՛ կինը, թե՛ տղամարդը), իր մարմինն է, ինքն է, իր աշխարհայացքն է, իր ընտրությունն է, ձեզ ի՞նչ:

[art5041]

Շատ Նոռման . Խտրականություն չեմ դնում .