Այսօր՝ 10.09.2007թ. 17:00 հավաքվում ենք Ա. Իսահակյանի արձանի մոտ:
Նպատակը՝ այցելություն թիվ 2 հատուկ օժանդակ դպրոց (հեռուստացույցի և տրամաբանական խաղերի հանձնման արարողություն դպրոցի սաներին)…
Խնդրում եմ չուշանալ, քանզի առնվազն 17:45 պետք է լինենք այնտեղ…
Հ.Գ. Հենց նոր պարզեցի, որ տնօրենն այսօր այնտեղ չի լինելու, սակայն մեզ այնտեղ սպասելու են
Ավարտվեց բարեգործական ծրագրի հերթական փուլը: Այժմ ձեր ուշադրությանն եմ ներկայացնում փոքրիկ հաշվետվություն ակցիայի և կատարված ծախսերի վերաբերյալ:
Այս փուլի նպատակն էր` 1. Թիվ 2 Օժանդակ, հատուկ դպրոցի սաներին փոքրիշատե ապահովել հագուստով և 2. նրանց նվիրել հեռուստացույց և խաղեր:Բարեգործականի ֆոնդում առկա էր 93 200 դրամ…
Առաջին կետի համար ակումբի անդամների կողմից հավաքվեց և դպրոցի սաներին հանձնվեց օգտագործած, բայց հագնելու պիտանի հագուստ (հագուստներ հավաքելու համար իմ խորին շնորհակալությունն եմ հայտնում հետևյալ անդամներին` Chuk, Ուլուանա, Apsara, Selene, Alizee_Etoilik, Cassiopeia
(ինքս ինձ)):Երկրորդ կետն իրականացնելու համար հավաքվեց որոշակի գումար, որը նախորդ ակցիայի արդյունքում ավելացած գումարի հետ կազմեց 93200 դրամ: Գումարի հանգանակման համար խորին շնորհակալությունս եմ հայտնում հետևյալ անդամներին` KHT, Sergey, Apsara, Vishapakah, Impression, Ձայնալար, Նորմարդ, Cassiopeia (էլի ինքս ինձ
Կատարվեցին հետևյալ ծախսերը.
1 Հեռուստացույց ZENDO - 37000
2 Գնդակ - 900
3 Լեգո - 3400
4 Կեգլի - 1000
5 Շախմատ - 1200
6 Լոտո - 1100
7 Ցատկապարան - 1000
8 Խորանարդիկ փոքր - 1200
9 Խորանարդիկ մեծ - 1000
10 Նկար գլուխկոտրուկ փոքր - 2000
11 Նկար գլուխկոտրուկ մեծ - 550
12 Նկար գլուխկոտրուկ մեծ - 600
13 Խաղ 50-ը 1-ում - 1500
14 Գունավոր թուղթ - 500
15 A4 ֆորմատի թուղթ - 450
16 Սոսինձ -600
17 Մկրատ -300
18 Գրքեր - 10000
20 Լուսանկարներ - 3000
Շնորհակալություն եմ հայտնում Apsara-ին, ով դպրոցին նվիրեց մանկական ֆիլմերի ու մուլտֆիլմերի 9 DVD դիսկ:
Տրանսպորտային ծախսերը չեն ներառվել վերոհիշյալ հաշվարկի մեջ, քանզի դրանք իրենց վրա վերցրեցին` Chuk-ը, Կարեն Ջանը, Cassiopeian, և Արմեն Գրիգորյանը (ով ֆորումի անդամ չէ): Շնորհակալություն բոլորին:
Ընդհանուր ծախսերը կազմեցին` 67300 դրամ:
Ներկայումս բարեգործականի ֆոնդում առկա է 25900 դրամ:
Հ.Գ. Կից ֆայլերում չեն ներառվել որոշ հագուստներ (ուշ բերվելու պատճառով), գնդակները (իմ մոռացկոտության պատճառով), դիսկերը:
KHT-ի նվիրած պրինտերը դեռևս թիվ 2 օժանդակ դպրոց չի տարվել՝ համակարգիչ-պրինտեր միացման լարի բացակայության պատճառով… Մոտակա օրերս այդ հարցով ևս կզբաղվեմ:
Այժմ մի փոքր տպավորությունների մասին.
Հեռուստացույցի "հանձնման" արարողությանը ներկա էին Ուլուանան, Վազգենը, Kita-ն, Apsara-ն և ես: Սպասվածին հակառակը տնօրենը՝ պարոն Ղազարյանը սպասում էր մեզ… Արժանացանք ջերմ ընդունելության: Երեխաները դասասենյակներում դասերն էին պատրաստում, հետևաբար չտեսան, թե ինչպես ներս տարանք հեռուստացույցը: Երբ տնօրենի հետ "ձևական արարողությունները" վերջացրեցինք, տնօրենը որոշեց մեզ ցույց տալ դպրոցի կարի արհեստանոցը և կոշիկի արհեստանոցը… Այնտեղ տեսանք երեխաների ձեռագործ աշխատանքները՝ ձևած ու կարած հագուստը, ինչպես նաև կոշիկները, որոնք տղաները կարում կամ վերանորոգում էին… (տղաների կարած կոշիկները աղջիկներն են հագնում): Այնուհետ տեսանք այգին, որը երեխաներն են մշակում, ինչպես նաև տեսանք նրանց ճաշարանը… Երբ միջանցք մտանք, երեխաների մի մասը դասերը պատրաստելուց հետո իջնում էր բակ՝ խաղալու: Նրանք մեզ տեսնելով ջերմորեն ողջունեցին մեզ (գրկախառնություններ, համբույրներ) և հետաքրքրվեցին, թե արդյոք հեռուստացույցը տարել ենք… Անչափ ուրախացան իմանալով, որ իրոք արդեն հեռուստացույց ունեն: (Հուսով ենք, այդ ուրախությունը կարճ չի տևի):
Տնօրենի հետ քննարկելով մեր ապագա անելիքները ահա թե ինչ պլաններ առաջացան.
Քանի որ նմանատիպ հաստատություններում սանիտարական պայմաններն այնքան էլ բարենպաստ չեն, ուստի նրանց մոտ ոջիլի խնդիր միշտ էլ եղել է: Ուստի դրանից ելնելով (
Հարգելի ակումբցիներ, եթե կա ձեր մեջ վարսավիր, կամ թեկուզ վարսավիրի աշակերտ, և ով պատրաստ է իր մեկ օրը նվիրել երեխաներին ու առանց վճար կտրել նրանց մազերը, ապա խնդրում եմ, արձագանքեք…
Ֆորումի Leyla անդամը իր պատրաստակամությունն էր հայտնել միջոցառումների հետ կապված պարի դասեր տալ երեխաներին: Միգուցե սեպտեմբերի 21-ին նմանատիպ միջոցառում կկազմակերպվի, որտեղ կպարեն հենց Leyla-ի "աշակերտները" (եթե իհարկե փոխհամաձայնություն լինի):
Ավելացվել է 5 րոպե անց
Եվ մեկ հանգամանք ևս, եթե կարողանանք օգնել դպրոցի աշխատակազմին, որ սեպտեմբերի 21-ի կապակցությամբ կազմակերպվող միջոցառումը նորմալ կազմակերպվի, ապա ՇԱՆԹ հեռուստաընկերությունից համաձայնություն կա գալ և նկարահանել տվյալ միջոցառումը, ռեպորտաժի կերպով այն ցուցադրել, որը, կարծում եմ ավելի մեծ օգնություն կլինի այդ դպրոցին (քանզի նրանց մասին կիմանան շատ ավելի շատերը, քան ներկայումս գիտեն) և մի փոքրիկ գովազդ էլ մեզ համար
Վերջին խմբագրող՝ Cassiopeia: 11.09.2007, 12:29: Պատճառ: Գրառման ավելացում
Չեք պատկերացնի` որքան եմ ուրախանում կարդալով և տեղեկանալով ձեր աշխատանքի մասին: Իրոք որ Աստվածահաճո գործ եք կատարում և ամենաքիչը օրհնվում եք (չգիտեմ` ով ինչպես կընդունի խոսքերս): Բայց չեք պատկերացնի, թե ինչքան եմ ափսոսում, որ որևէ կերպ չեմ կարողանում մասնակից դառնալ, հիմնականում ժամանակի պատճառով: Բայց գոնե հոգով հաստատ ձեզ հետ եմ:
Ապրե'ք: Շարունակե'ք և էլ ավելի զորացե'ք ձեր նախագծում, և Աստծո օրնությունն էլ իհարկե միշտ ձեր գործերում և ձեզ վրա լինի:
P.S. Հուսամ մի օր ես էլ կկարողանամ միանալ ձեզ:
Բարձրանում ենք աստիճաններով, որպեսզի հասնենք Աստծուն, սակայն հաճախ չենք նկատում, որ այդ աստիճանը բռնել է հենց ինքը` Աստված...
Ժողովուրդ, կրկին անգամ վերսկսում եմ հագուստների հավաքագրումը: Խնդրում եմ բոլոր նրանց, ովքեր պատրաստ են աջակցել մեզ, ՊՄ-ով տեղյակ պահել ինձ: Եվ մեկ հարց բոլոր նրանց, ովքեր գումարով մեզ արդեն օգնել են, արդյո՞ք համաձայն եք դուք, որպեսզի այդ գումարից մի մաս տրամադրվի պրինտեր ձեռք բերելու համար, քանզի առկա պրինտերի պրինտեր-համակարգիչ կաբելը այդպես էլ չկարողացա ձեռք բերել…
Կարող ա էս կաբելից ա պետք?
Չէ, էդպիսին պետք չի
Պորտի վրա գրված է IF SP, ունի հետևյալ տեսքը:
Cassiopeia-ի խոսքերից
Չէ, էդպիսին պետք չի
Պորտի վրա գրված է IF SP, ունի հետևյալ տեսքը:
Լավ չի~~~...
Ժողովո՛ւրդ.
Շաբաթ օրը, 08.12.2007թ. ժամը 12:00 գնում ենք Նորք-Մարաշի թիվ 2 օժանդակ հատուկ դպրոց՝ նրանց հագուստ տանելու նպատակով:
Ցանկացողները կարող են միանալ:
Տեղեկությունների համար պմ գրել:
Հ.Գ. Բոլոր նրանք, ովքեր ունեն հագուստ ու կոշիկ, որը այլևս ինչ-ինչ պատճառներով չեն օգտագործվում, խնդրում եմ, մի զլացեք ու հանձնեք այդ երեխաներին փոխանցելու համար: Հատկապես տաք և տղաների հագուստի մասին է խոսքը:
Իսկ կլինի ես գումարով կամ ւորիշ նվերներով մասնակցեմ ։ Հա մեկ էլ ես 11-ին քննության եմ , դրանից հետո ազատ եմ ու նախատեսել էի սահադաշտ գնալ / գալ ձեր հետ / , ամեն դեպքում չէի կարող չասել , որ հիացած եմ իմ "փերու" նախաձեռնությամբ
Ժողովուրդ, ով ուզում է միանալ մեզ դեպի մանկատուն, ապա
Շաբաթ օրը, 11:30 լինել Ավ. Իսահակյանի արձանի մոտ:
Ուշացողներին ներում ու սպասում չկա:
Քիչ առաջ վերադարձանք Նորք-Մարաշի թիվ 2 գիշերօթիկից:
…Այնքան կարոտ կար երեխաների աչքերում, այնքան սեր… Ես չգիտեմ ինչի վերադարձա իմ մանկություն, նրանց հետ խաղում էի: Իսկ նրանք…Պատկերացնում եք, մեկի հայրը եկել էր, որդուն հանգստյան օրերին տուն տանելու, ու երբ բոլորի ներկայությամբ այդ մանչուկին տնօրենը հարցրեց, թե ներկա գտնվողներից ո՞ւմ է նա ամենաշատը սիրում, նա ոչ թե հորը, այլ Apsara-ին մատնացույց արեց:
Տղաներից մեկն էլ իր համար հարսնացու ընտրեց Selene-ին… Փաստորեն մեր Սելենը հարս է գնալու Շամշադին, բարի ճանապարհ, Մերի ջան, չմոռանաս, որ տղաներիցդ մեկի անունը………
Երբ տնօրենը նրանց հարցրեց, թե ի՞նչ կուզենան որ Ձմեռ պապիկը իրենց նվեր բերի (երևի մեզ էր լսեցնում), նրանցից ոմանք մեքենա ուզեցին, ոմանք զենք, մի աղջնակ էլ իր բոյի շուն ուզեց…
Դեկտեմբերի 20-ին, ժամը 11.00-ին ամանորյա միջոցառում ունեն, որին հրավիրեցին…
Ցավոք սրտի, իմացանք, որ հեռուստացույցը, հոսանքի տատանման պատճառով փչացել է և հիմա պետք է այն վերանորոգելու ուղղությամբ աշխատենք:
Պետք է կրկին անգամ հագուստ հավաքենք, տաք հագուստ: Երբ երեխաները դուրս էին գալիս տնօրենի աշխատասենյակից, տղաներից մեկի ոտքերին նկատեցի առնվազն նրա ոտքերից 2 համար մեծ մարզակոշիկ
Հաջորդ այցը այնտեղ նախատեսում եմ եկող տարվա փետրվարի կեսերին (դեկտեմբերի 24-ից մինչև հունվարի 21-ը արձակուրդ է ու երեխաները ցրվելու են կամ տներով, կամ գնալու են ուրիշ նմանատիպ հաստատություններ, կամ էլ այնտեղի աշխատողների տանն են ապաստանելու այդ ժամանակահատվածում)… Բարի մարդիկ, խնդրում եմ արձագանքեք ու ձեզ համար չօգտագործվող հագուստը նվիրաբերեք երեխաներին…
Հ.Գ. Հատուկ շնորհակալությունս - Dayana-ին՝մանկական ֆիլմերի DVD դիսկ նվիրելու համար, Alizee-ին, խաղալիքների համար…Ապսարային, Սելենեին ու Գոգային՝ հագուստ նվիրաբերելու ու ինձ ուղեկցելու կապակցությամբ, Սելենեի ու Գոգայի հորաքրոջ տղային, մեր ծանր տոպրակները որոշ տարածք իր ընկերների հետ տեղափոխելու համար, Ապսարայի հայրիկին՝ հագուստի մի մասը իր մեքենայով տեղ հասցնելու համար և Կարեն ջան-ին, իր մեքենայով մեզ նման թանկարժեք բեռ ու ծանրություն ու հագուստների մի մասը տանելու և մեզ ընկերանալու կապակցությամբ…
Վերջին խմբագրող՝ Cassiopeia: 08.12.2007, 15:17:
Միշտ խուսափում էի միանալ ձեզ՝ այցելելու մանկատուն, մտածում էի, որ հոգեբանորեն վատ կանդրադառնար ինձ վրա, բայց վերջապես որոշեցի ու եկա...
Նայելով նրանց աչքերին՝ ես հասկացա, որ մի կաթիլ սերն անգամ կջերմացնի նրանց սրտերը
Ուզում եմ շնորհակալություն հայտնել այս նախագծի կազմակերպչին
Մենք փոխանակվեցինք մեր ժպիտներով
Ամսի 13-ին Ագուլիս մանկական թատրոնը կհաճախի Նուբարաշենի գիշերոթիկ-դպրոց: Ցանկացողները կարող են միանալ մեզ` դեկտեմբերի 13-ին ժամը 1-ին Նուբարաշենում կամ 12:15 Շրջանայինի Լիություն խանութի դիմացից, Նուբարաշենի կանգառից գնում ենք Ճուտիկներին այցի:
հ.գ. եթե էլի գրառումիցս բան չհասկացաքկամ Վարդանին ` 093314353:
Այս պահին թեմայում են 1 հոգի. (0 անդամ և 1 հյուր)
Ձեր իրավունքները բաժնում
Մեջբերել
Էջանիշներ