Բարեգործական ծրագիր

[Wisper]

Root ջան, ես եթե 100000 ձեռք ունենայի, պիտի եդքանով էլ համաձայն լինեի Շատ լավ միտք է
Ես ինքս Երևանի Ս. գրիգոր Լուսավորիչ Մայր եկեղեցում գործող երիտասարդաց միության անդամ եմ, մենք շատ հաճախ ենք նման ակցիաներ կազմակերպում: Ես, շփվելով մանկատան երեխաների հետ, հասկանում եմ նրանց հոգեվիճակը: Նրանք ամեն մեկի մեջ փորձում են հայր կամ մայր տեսնել: Երբ նայում ես նրանց աչքերին, զգում ես նրանց մեկուսացվածությունը: Մենք` երիտասարդներս, ոչ թե պետք է, այլ որպես հայազգի երիտասարդ, որպես սիրով լեցուն քրիստոնյա պետք է ուշադրություն դարձնենք մատաղ սերնդին, որպեսզի նրանք կարողանան այս բարդ կյանքում իրենց ուրույն տողը գտնեն` ազատվելով կոմպլեքսներից և թերարժեքության զգացումից:
ՈՂՋՈՒՆՈՒՄ ԵՄ ՁԵՌՆԱՐԿԴ:
Միայն, թեպետ չեմ հասցրել գրառումները կարդալ, միգուցե արդեն կա առաջարկը, լավ կլինի մի կոնկրետ օր և կոնկրետ տեղ պայմանավորվենա և սկսենք այդ գործը:

ԱաԱաաաա չկամ էլ : Կներես չդիմացա, բայց էտ արդեն եղել պրծելա: Լավ կլիներ կարդայիր գրառումները լոլ

[Hay-Qristonya]

ԱաԱաաաա չկամ էլ : Կներես չդիմացա, բայց էտ արդեն եղել պրծելա: Լավ կլիներ կարդայիր գրառումները լոլ

Ի տարբերություն քեզ, մարդիկ ինձ առաջարկեցին իրենց օգնությունը:

[Wisper]

Ի տարբերություն քեզ, մարդիկ ինձ առաջարկեցին իրենց օգնությունը:

Ես նույնպես կարող եմ օգնել քեզ՝ որոշակի բաներում էլի...

[Grieg]

Ողջույն համախոհ ակումբցիներ !

Հիշեցնեմ որ Հունիսի 2–ին ժամը 11:30 Նուբարաշենից երեխաները կժամանեն բուսաբանական այգի:

Մասնակիցներին Խնդրում ենք լինել ստույգ նշված ժամին այգու մուտքի դիմաց, տոմսի արժեքն է 100 դրամ:
Երեկ տնօրինությունից տեղեկացանք որ ամառային արձակուրդներին 100 երեխաներից 50-ը գնում է բարեկամների, ծնողների, հարազատների մոտ, իսկ մնացած երեխաները մնում են գիշերօթիկում ամբողջ տարվա ընթացքում:
Ուստի նրանք էլ ավելի սիրո կարիք ունեն: Խնդրում ենք լինել շատ ուշադիր:
Երեխաները 8- 13 տարեկան են: Սիրում են նկարել, խաղալ, զբոսնել, շփվել:
Բուսաբանական այգում ծառերի փչակներում բնակվում են սկյուռիկներ:Այգին հարուստ է բուսականությամբ , բուրավետ ծաղկունքով ու թարմությամբ:
Համոզված եմ մեծ բավականություն կստանան թե երեխաները թե մենք մասնակիցներս:
Քանի որ այգու մուտքը և տրանսպորտը երեխաների համար անվճար է՝ մեր բոլոր ներդրումները ծախսվելու են երեխաների օրը հետաքրքիր դարձնելու համար։



Կհանդիպենք Հունիսի 2-ին ժամը 11։30 ին

[Cassiopeia]

KHT-ի նվիրած պրինտերը դեռևս թիվ 2 օժանդակ դպրոց չի տարվել՝ համակարգիչ-պրինտեր միացման լարի բացակայության պատճառով… Մոտակա օրերս այդ հարցով ևս կզբաղվեմ:

[Cassiopeia]

Այժմ մի փոքր տպավորությունների մասին.
Հեռուստացույցի "հանձնման" արարողությանը ներկա էին Ուլուանան, Վազգենը, Kita-ն, Apsara-ն և ես: Սպասվածին հակառակը տնօրենը՝ պարոն Ղազարյանը սպասում էր մեզ… Արժանացանք ջերմ ընդունելության: Երեխաները դասասենյակներում դասերն էին պատրաստում, հետևաբար չտեսան, թե ինչպես ներս տարանք հեռուստացույցը: Երբ տնօրենի հետ "ձևական արարողությունները" վերջացրեցինք, տնօրենը որոշեց մեզ ցույց տալ դպրոցի կարի արհեստանոցը և կոշիկի արհեստանոցը… Այնտեղ տեսանք երեխաների ձեռագործ աշխատանքները՝ ձևած ու կարած հագուստը, ինչպես նաև կոշիկները, որոնք տղաները կարում կամ վերանորոգում էին… (տղաների կարած կոշիկները աղջիկներն են հագնում): Այնուհետ տեսանք այգին, որը երեխաներն են մշակում, ինչպես նաև տեսանք նրանց ճաշարանը… Երբ միջանցք մտանք, երեխաների մի մասը դասերը պատրաստելուց հետո իջնում էր բակ՝ խաղալու: Նրանք մեզ տեսնելով ջերմորեն ողջունեցին մեզ (գրկախառնություններ, համբույրներ) և հետաքրքրվեցին, թե արդյոք հեռուստացույցը տարել ենք… Անչափ ուրախացան իմանալով, որ իրոք արդեն հեռուստացույց ունեն: (Հուսով ենք, այդ ուրախությունը կարճ չի տևի):

Տնօրենի հետ քննարկելով մեր ապագա անելիքները ահա թե ինչ պլաններ առաջացան.
Քանի որ նմանատիպ հաստատություններում սանիտարական պայմաններն այնքան էլ բարենպաստ չեն, ուստի նրանց մոտ ոջիլի խնդիր միշտ էլ եղել է: Ուստի դրանից ելնելով ( հանկարծ չմտածեք, թե ուզում եմ ձեզ տանել, որպեսզի նրանց գլուխների ոջիլներն ու անիծները մաքրեք) տնօրենը ասեց, որ ցանկալի է մի վարսավիր լինի, ով աղջիկների մազերը կկտրի: Ուստի կոչ ակումբցիներին.

Հարգելի ակումբցիներ, եթե կա ձեր մեջ վարսավիր, կամ թեկուզ վարսավիրի աշակերտ, և ով պատրաստ է իր մեկ օրը նվիրել երեխաներին ու առանց վճար կտրել նրանց մազերը, ապա խնդրում եմ, արձագանքեք…

Ֆորումի Leyla անդամը իր պատրաստակամությունն էր հայտնել միջոցառումների հետ կապված պարի դասեր տալ երեխաներին: Միգուցե սեպտեմբերի 21-ին նմանատիպ միջոցառում կկազմակերպվի, որտեղ կպարեն հենց Leyla-ի "աշակերտները" (եթե իհարկե փոխհամաձայնություն լինի):

Ավելացվել է 5 րոպե անց
Եվ մեկ հանգամանք ևս, եթե կարողանանք օգնել դպրոցի աշխատակազմին, որ սեպտեմբերի 21-ի կապակցությամբ կազմակերպվող միջոցառումը նորմալ կազմակերպվի, ապա ՇԱՆԹ հեռուստաընկերությունից համաձայնություն կա գալ և նկարահանել տվյալ միջոցառումը, ռեպորտաժի կերպով այն ցուցադրել, որը, կարծում եմ ավելի մեծ օգնություն կլինի այդ դպրոցին (քանզի նրանց մասին կիմանան շատ ավելի շատերը, քան ներկայումս գիտեն) և մի փոքրիկ գովազդ էլ մեզ համար

[Hay-Qristonya]

Չեք պատկերացնի` որքան եմ ուրախանում կարդալով և տեղեկանալով ձեր աշխատանքի մասին: Իրոք որ Աստվածահաճո գործ եք կատարում և ամենաքիչը օրհնվում եք (չգիտեմ` ով ինչպես կընդունի խոսքերս): Բայց չեք պատկերացնի, թե ինչքան եմ ափսոսում, որ որևէ կերպ չեմ կարողանում մասնակից դառնալ, հիմնականում ժամանակի պատճառով: Բայց գոնե հոգով հաստատ ձեզ հետ եմ:
Ապրե'ք: Շարունակե'ք և էլ ավելի զորացե'ք ձեր նախագծում, և Աստծո օրնությունն էլ իհարկե միշտ ձեր գործերում և ձեզ վրա լինի:

P.S. Հուսամ մի օր ես էլ կկարողանամ միանալ ձեզ: