Բարեգործական ծրագիր

[Root]

Ուզում եմ հանդես գալ մի առաջարկությամբ:
Եկեք կազմակերպենք մի բարեգործական ծրագիր ՝ կապված մանկատան երեխաների հետ: Նախկինում ես ինքս կազմակերպել եմ նման միջոցառումներ այլ հայրենասեր-կամավորների հետ միասին...
ծրագիրը պարբերաբար իրականցվում է ամեն ամիսը մեկ
Ծրագրի իմաստը հետևյալն է ՝
ընտրում ենք կոնկրետ մի մանկատուն և ամեն անգամ կազմակերպում 20 երեխաների մեկօրյա հանգիստը .. ասենք օրինակ ... այցելություն գազանանոց կամ բուսաբանական այգի կամ ժամանցի այլ վայրեր…
Մանկատան երեխաները հիմնականում փակված են 4 պատի մեջ և ունեն են ոչ բավրար շփում հասարկության հետ , այս առումով գովելի կլիներ եթե ակումբի անդամները հետաքրքրություն ցուցաբերեին ծրագրի հանդեպ:
Ուզում եմ իմանալ ակումբի անդամների ընդհանուր տրամադրվածությունը այդ առաջարկի նկատմամաբ:

[Wisper]

Հալալա : Շատ լավ միտք էր : Իրոք, նրանք ունեն հասարակության հետ շփվելու կարիք: Ի դեպ, շատ մարդիկ էլ չեն կարողանում նորմալ շփվել երեխաների հետ... չափից ավել լուրջ ու մռայլ են լինում հիմնականում... : Մի խոսքով լավ միտքա, իսկ կոնկրետ ո՞ր մանկատան մասինա խոսքը, թե՞ դեռ որոշված չի: Ինչևէ, ժող միացեք...

[lili-4]

Շատ հետաքրքիր առաջարկ է ու ողջունելի: Բայց մի դիտողություն : Եթե իսկապես այս մտադրությունը դառնա իրականություն, հաշվի առեք մի շատ կարևոր հանգամանք. երբեք չի կարելի, առավել ևս այդպիսի վայրերում, նման ծրագիրն իրականացնել մի քանիսի համար: Չե՞ք կարծում, որ այդ ընտրության ժամանակ կկատարվի անձի նկատմամբ ոչ ցանկալի խտրականություն: Ինչո՞վ մեղավոր կլինի այն երեխան, որ չի ընդգրկվի այդ ծրագրի շրջանակում: Հասկանում եմ, որ 20 երեխա ընտրվում է ոչ մեծ խումբ կազմելու համար, բայց կարելի է դա իրականացնել 20 -ական խմբերով՝ բոլորի համար: Կարծում եմ, որ կգտնվեն կամավորներ, որոնք իսկապես մի փոքրիկ ջերմություն իրենց հոգուց կտան այդ երեխաներին:

[Root]

Շատ հետաքրքիր առաջարկ է ու ողջունելի: Բայց մի դիտողություն : Եթե իսկապես այս մտադրությունը դառնա իրականություն, հաշվի առեք մի շատ կարևոր հանգամանք. երբեք չի կարելի, առավել ևս այդպիսի վայրերում, նման ծրագիրն իրականացնել մի քանիսի համար: Չե՞ք կարծում, որ այդ ընտրության ժամանակ կկատարվի անձի նկատմամբ ոչ ցանկալի խտրականություն: Ինչո՞վ մեղավոր կլինի այն երեխան, որ չի ընդգրկվի այդ ծրագրի շրջանակում: Հասկանում եմ, որ 20 երեխա ընտրվում է ոչ մեծ խումբ կազմելու համար, բայց կարելի է դա իրականացնել 20 -ական խմբերով՝ բոլորի համար: Կարծում եմ, որ կգտնվեն կամավորներ, որոնք իսկապես մի փոքրիկ ջերմություն իրենց հոգուց կտան այդ երեխաներին:

Քանի որ նշեցի որ նման ծրագրերի կազմակերպման փորց ունեմ, ասեմ Ձեզ որ նշված հարցի վերաբերյալ մենք ևս մտած էլ ենք… Կոնկրետ վերցնենք օրինակ Նորք-Մարաշի մանկատունը, որը ունի 60 սան: Յուրաքանչյուր ամիս մենք ծրագիրը իրականացնում էինք տարբեր 20 հոգի երեխաների համար... ի զարմանս մեզ ... երեխաները խանդով չէին վերաբերվում .. հասկանում էին որ մեր միջոցներով ենք կազմակերպել .. բայցի այդ գոյություն ուներ հերթի հասկացողություն .. ամեն 3 ամիսը մեկ յուրաքանչյուր խումբ մեկ անգամ հնարավորություն էր ստանում 1օրյա հանգիստ վայլել .... հիմնականում 20 հոգի թվի ընտրությունը կապված էր ֆինանսական և մարդկային ռեսուրսների սղության հետ ... գումարած դրան փոքր խումբը ավելի կառավարելի էր քան մեծը:
Ամեն դեպքում... անձամբ ես գտնում եմ, որ ավելի լավ է կազմակեպել ամեն ամիս և 3 ամիսը մեկ հնարավորություն տալ մի երեխայի ուրախություն ու ջերմություն ստանալ քան թե ....... ավտոմեքենաներով շրջել փողոցներով երաժշտություն միացնել ու գոռալ քեզ համար Հայաստան....

[Ուլուանա]

Իսկապես շատ լավ միտք է։ Շատ լավ կլինի։ Մեծ ուրախությամբ կմասնակցեմ։ Եկեք իրոք կպնենք այս գործին ու մի կարգին բան անենք։

[dvgray]

Քանի որ նշեցի որ նման ծրագրերի կազմակերպման փորց ունեմ,

Շատ լավ գործ եք հանձն առել:
Ապրեք!!!

Ինչ-ինչ պատճառով չեմ կարող մասնակցել անմիջականորեն, սակայն մեծ ուրախությամբ կմասնակցեի ֆինանսապես:
Եթե դեմ չէք այսպիսի տարբերակին, ապա arca.am online վճարային համակարգում այդ նպատակի համար կարելի է հատկացնել մի վիրտուալ նպատակային հաշիվեհամար, որի վրա կարելի է հավաքել գումարը: Ով ինչքան կարող է:

[Մանոն]

Ա՛յ գովեստի արժանի առաջարկ, ապրես Root , վերջապես կարելի է տեսականից անցնել գործնականի:

[NetX]

Շատ լավ միտք է,
կարելի է ասել Առաջարկություններ և դիտողություններ բաժնի` ուզերների կողմից առաջարկված հազվագյուտ իսկապես օգտագկար առաջարկություններից է,

Քվերակել եմ առաջին տարբերակին, բայց մի վերապահումով`
ֆինանասական օժանդակություն կցուցաբերեմ, բայց ցավոք ժամանակային սղության պատճառով
ֆիզիկապես մասնակցություն չեմ կարող ունենալ

բացի այդ առաջարկում եմ քվերկությունը "բացել", որպեսզի առաջարկությունը կյանքի կոչելու կազմակերպչական աշխատանանքերի ժամական կոնկրետ պարզ լինի թե որ անդամներ հետ պետք է կապ հաստատել

[քաղաքացի]

Հիանալի բարեգործություն է: Ցավոք ես խոսք չեմ տալիս ֆինանսական օգնություն ցույց տալ, քանի որ ես ընդամենը 1 շաբաթ է ինչ աշխատում եմ և չգիտեմ աշխատավարձիս սահմանները: Եթե ինձ վճարեն այնքան, որքան ինձ բավարարի (շատ չեմ ուզում՝ քիչ) ես 100% պատրաստ եմ ֆինանսապես օգնելու: Ամեն դեպքում կոպեկներն էլ են օգուտ, ուրախ կլինեմ, ամեն կերպ աջակցեմ:

[Cassiopeia]

Երկու ձեռքով կողմ եմ, պատրաստ եմ հնարավորությանս սահմաններում անել ամեն ինչ:
Հ.Գ. Գնալով ավելի ու ավելի եմ սիրում Root-ին

[impression]

Շատ լավ միտք էր, ես էլ ուրախությամբ կմասնակցեմ:

[Cassiopeia]

Ի՞նչ ֆինանասավորման մասին է խոսքը: Ամեն անգամ հանդիպումների ժամանակ յուրաքանչյուրս ամենաքիչը առնվազն 1000 դրամ ծախսում ենք որևէ օբյեկտում նստելու ժամանակ: Միթե այդ 1000 դրամը հատկացնելով նման պիկնիկի չենք կարող այդ ֆինանասավորման "հախից գալ": Մանավանդ եթե հաշվի առնենք, որ բավական շատ անդամներ գալիս են հանդիպման: Կարող ենք մի հանդիպումը հենց այդպիսի պիկնիկի ձևափոխել:

[Root]

Հարգելիներս

անչափ շնորհակալ եմ, որ արձագանքեցիք առաջարկությանս, հուսով եմ շահագրգիռ անդամների քանակը դեռ կավելանա:
Որպեսզի տեսականը իրոք չմնա թղթին առաջարկում եմ հստակեցնել մի շարք խնդիրներ:

1. Որ մանկատունը;
Ռեսուրսների սղության պատճառով ցավոք մենք կարող ենք մեզ թույլ տալ "հովհանավորել" միայն մեկ մանկատուն: Բոլոր մանկատներն էլ Հայաստանում կարիք ունեն այսօր օգնության, սակայն ես ավելի հակված եմ կարծել, որ մեր թիրախը պետք է հանդիսանա դրանից ամենավատթարագույն վիճակում գտնվողները: Այսպես օրինակ Նորք-Մարաշի մանկատունը ավելի գերադասելի թիրախ է քան ասենք Փարաքարի կամ Էրեբունու մանկատները:

2. Ինչքան ֆինանսներ պետք է հավաքել:
Ինչպես արդեն սիրելի Կասեոպեան նշեց 1000 դրամը մեր շատերի համար մեկ սրճարանի գումար է: Ոչ մեկս էլ պարտադրված չէ ...ամեն մեկը թող կատարի իր ներդրումը իր հնարավորության սահմաններում ` լինի դա ֆինանսական ռեսուրս է թե մարդկային ...Հավատացնում եմ Ձեզ 20 երեխայի 1 օրյա հանգիստը կազմակերպելու համար մեծ ֆինանսներ հարկավոր չեն: Բացի այդ, եթե կլինեն մարդիկ որոնք աշխատում են որևէ կազմակերպությունում ու հնարավորություն ունեն ներգրավել հովանավորչական միջոցներ, միայն ողջունելի կլինի;

3. Ինչպես սկսել ...
Առաջարկում եմ ստեղծել գործադիր խորհուրդ: Այսպես օրինակ 3 հոգուց բաղկացած խորհուրդը կստանձնի բոլոր կազմակերպչկան հարցերը, օրինակ ՝ շահագրգիռ անդամների ցուցակագրում և ֆինանսների հավաքագրում, մանրամասն ժամային կտրվածքով ժամանցային օրվա մշակում, կապ անդամների և մանկատան հետ:

Շատ կուզենայի լսել Ձեր կարծիքը վերոհիշյալ առաջարկությունների վերաբերյալ:

[Ֆելո]

100% ձեր հետ եմ. մանավանդ, որ վաղուցա գազանանոց չեմ գնացել . ես ու Բյուրը ոտով կգանք, մարդա 1100 կդնենք

[Կարեն ջան]

Ողջունում եմ նման նախաձեռնությունը:
Իմ հնարավորությունների սահմանում կօգնեմ ձեզ: