Չէ ինչ ախք-ալկո... Ավելի կարճ` ախքո:Kuk-ի խոսքերից
ԱՆՁՆԱԿԱՆ ՕՐԻՆԱԿՈՎ
ՕԵԿ փոխնախագահ Հեղինե Բիշարյանը պաշտոնապես հաստատել է, որ Արթուր Բաղդասարյանը գինու-կոնյակի գործարան է կառուցում, եւ դա բացատրել է նրանով, որ ՕԵԿ նախընտրական ծրագրում խոսվում էր նոր աշխատատեղերի ստեղծման մասին:
«ՉԻ» - Խնդիրն այստեղ միայն այն չէ, որ մեր օրենսդրությունը պետական պաշտոնյաներին արգելում է զբաղվել բիզնեսով, հետեւաբար՝ Արթուր Բաղդասարյանը սովորական օրինախախտ է: Խնդիրն այն է, որ փաստորեն այդ մարդն իր նախընտրական ծրագրում խոսել է նոր աշխատատեղերի ստեղծման մասին, հետո էլ որոշել է անձամբ իրականացնել այդ ծրագիրը՝ կառուցելով սեփական գործարան: Չէ, մենք հասկանում ենք, որ գինու-կոնյակի արտադրությունը Հայաստանի համար ազգային անվտանգության խնդիր է, հետեւաբար՝ հենց Անվտանգության խորհրդի քարտուղարը պիտի զբաղվի դրանով: Բայց որքան հիշում ենք՝ Հեղինե Բիշարյանի նախընտրական ծրագրի զգալի մասն էլ նվիրված էր Երեւանի մաքրությանը: Հետաքրքիր է՝ ինչո՞ւ նա չի հետեւում շեֆի օրինակին, եւ ցախավելը ձեռքին՝ անձամբ չի ավլում Երեւանի փողոցները:
Հ.Գ. Հուսով ենք՝ Արթուր Բաղդասարյանի կառուցած գործարանը չի կոչվի «Ախք-ալկո»:
Մեջբերել
Էջանիշներ