Ծեծը՝ դաստիարակության միջոց

[VisTolog]

Իմ կարծիքով ծեծը դաստիարակության միջոց է, որովհետև այն եղել է դարեր շարունակ ու տվել է իր դաստիարակչական արդյունքները՝ երեխաներին դարձնելով հնազանդ, լսող: Իսկ թե ինչ վնասներ է տվել դաստիարակելու հետ միասին, Աստված գիտի... Կարող ենք միայն ենթադրել, որ երեխայի հոգեկանը քարուքանդ է արել՝ սերմանելով վախ, ամոթ, ատելություն, չարություն ու էլի շատ բաներ:

Էնպես որ, այո, ծեծը դաստիարակության միջոց է, բայց ժամանակակից մարդը պիտի գիտակցաբար հրաժարվի այդ մեթոդից՝ հանուն իր երեխայի հոգեկան առողջության:

Դու, իսկ ես կարծում էի, թե դու դեմ կլինես դրան:
Բայց դե հոգեկան առողջության համար պետք չի ծեծել:

[lulu]

գիտեք որ արտասահմանում երեխային ծեծելիս ՝երեխան իրավունք ունի ծնողին դատի տա: Այդ օրենքը Հայաստանում ել պետք է գործի , դեռ շատ-շատերն են ծեծում :


Դե հիմա երեխայա ! ուզումա մի հատ չարություն անի , չի կարելի պատժել իսկ եթե մի քանի անգամ է անում կարելիա մի հատ հասկանալ պատճառը ու հանգիստ մտնոլորտում լուծել են իրանց խնդիրը
բայց ոչ թե խփեն-խփեն մինչև ծնողի ձեռքերը ցավան ... հետո էլ ասեն դաստիրակեցի!!!!!!!!!
ՉԻ ԿԱՐԵԼԻ
ՎԱՂՎԱ ՕՐՎԱ ՄԱՍԻՆ ՄՏԱծԵՔ!!!!!!!!!!!!!!!!!!!!!!!!
ԱՊՏԱԿՆԵՐԸ ՎԵՐՋՈՒՄ ՀԻՇՎՈՒՄ ԵՆ

[Ariadna]

Իմ կարծիքով, դա ուղղակի սև հումոր էր:Այստեղ այդքան էլ համաձայն չեմ քեզ հետ` հարգելի ՈՒրվական:Շատ դեպքերում, շատ է կախված լինում:

Ասածս ահագին հետաքրքիր ռեակցիա է առաջացրել փաստորեն, գրելուց մտքովս էլ չէր անցնում։)))) Նախ պետք է մի քիչ հումորը աշխատացնել։)))) Երկրորդ ուզում եմ ասել, որ ծեծով դաստիարակված երեխան նորմալ մարդ չի դառնա, իրա մեջ մենակ դաժանություն կլինի, ու շատ հնարավոր է, որ ենթագիտակցորեն, առանց հասկանալու նույնիսկ թե ինչու, վատ վարվի իր ծնողի հետ հետագայում։

[ivy]

Դու, իսկ ես կարծում էի, թե դու դեմ կլինես դրան:
Բայց դե հոգեկան առողջության համար պետք չի ծեծել:

Ուշադիր կարդա գրածս: Որտեղ տեսար, թե ես կողմ եմ ծեծին:
Ասում եմ, թե ծեծը դաստիարակության միջոց է, բայց դրանից պետք է հրաժարվել, որովհետև ահավոր վնասներ է բերում:


Offtopic - Հետո էլ ասում ես՝ դասս ինչու չեմ կարողանում սովորել. ուշադիր կարդալ սովորիր:

[ivy]

Ինձ թվում է՝ հարցադրումն ի սկզբանե սխալ է դրված այս թեմայում : «Ծեծը դաստիարակության միջոց է, թե ոչ» հարցը նույնացվել է «կողմ եք ծեծի կիրառմանը, թե ոչ» հարցին: Ու այն մարդիկ, որոնք պատասխանել են, թե ծեծը դաստիարակչական մեթոդ չէ, հավանաբար նրանք են, ովքեր գտնում են, որ այդ միջոցը չպետք է կիրառել: Բայց սրանք տարբեր հարցեր են:

Ես էլ եմ գտնում, որ այդ միջոցը երբեք չպիտի կիրառվի, բայց հերքել այն փաստը, որ դա դաստիարակության միջոց է, չեմ կարող: Այն բազմիցս կիրառվել է ու կիրառվում է դաստիարակչական նպատակներով: Լավ է, թե վատ է, դա արդեն երկրորդ հարցն է: Սա նույնն է, ինչ հարցնես՝ «բուսաբուժությունը բժշկական մեթոդ է թե ոչ», ու եթե պատասխանես այո, դա դեռ չի նշանակում, որ կողմ ես բուժման այդ տեսակի կիրառմանը երեխայիդ առողջացման համար:

[VisTolog]

Ուշադիր կարդա գրածս: Որտեղ տեսար, թե ես կողմ եմ ծեծին:
Ասում եմ, թե ծեծը դաստիարակության միջոց է, բայց դրանից պետք է հրաժարվել, որովհետև ահավոր վնասներ է բերում:


Offtopic - Հետո էլ ասում ես՝ դասս ինչու չեմ կարողանում սովորել. ուշադիր կարդալ սովորիր:

Ես այդպես հասկացա, քանի որ դու ասացիր թե ծեծը դաստիարակություն միջոց է:

[Ariadna]

Ինձ թվում է՝ հարցադրումն ի սկզբանե սխալ է դրված այս թեմայում : «Ծեծը դաստիարակության միջոց է, թե ոչ» հարցը նույնացվել է «կողմ եք ծեծի կիրառմանը, թե ոչ» հարցին: Ու այն մարդիկ, որոնք պատասխանել են, թե ծեծը դաստիարակչական մեթոդ չէ, հավանաբար նրանք են, ովքեր գտնում են, որ այդ միջոցը չպետք է կիրառել: Բայց սրանք տարբեր հարցեր են:

Ես էլ եմ գտնում, որ այդ միջոցը երբեք չպիտի կիրառվի, բայց հերքել այն փաստը, որ դա դաստիարակության միջոց է, չեմ կարող: Այն բազմիցս կիրառվել է ու կիրառվում է դաստիարակչական նպատակներով: Լավ է, թե վատ է, դա արդեն երկրորդ հարցն է: Սա նույնն է, ինչ հարցնես՝ «բուսաբուժությունը բժշկական մեթոդ է թե ոչ», ու եթե պատասխանես այո, դա դեռ չի նշանակում, որ կողմ ես բուժման այդ տեսակի կիրառմանը երեխայիդ առողջացման համար:

Ինչ որ տեղ ճիշտ ես ասում, բայց մյուս կողմից էլ նայած ինչ ես դաստիարակում։ Ծեծվելով մեծացած երեխան չի կարող դաժանություններ չունենալ իր մեջ, միգուցե ոչ դաժանություն, բայց մի ուրիշ վատ որակ, հնարավոր չի որ դա էդպես գնա ու կորի։ Իր հետքն անպայման կթողնի, մանուկ հասակում ստացած ծեծը մի ձևի կարտահայտվի արդեն դեռահաս տարիքում, ու հաստատ բացասական իմաստով։

[VisTolog]

Հեսա կասեք էս Վիստան էլի էս թեման առաջ բերեց
Մի հարց էլ,էլի.
Ծեծել ասելով ինչ եք հասկանում:

[Ուլուանա]

Հեսա կասեք էս Վիստան էլի էս թեման առաջ բերեց
Մի հարց էլ,էլի.
Ծեծել ասելով ինչ եք հասկանում:

Իսկ մի՞թե ծեծը տաբեր իմաստներ ունի։ Ծեծ ասելով հասկանում ենք ֆիզիկական ուժի գործադրում որևէ մեկի նկատմամբ։ Իսկ դու ուրիշ իմատ էլ գիտե՞ս։

[ivy]

Իսկ մի՞թե ծեծը տաբեր իմաստներ ունի։ Ծեծ ասելով հասկանում ենք ֆիզիկական ուժի գործադրում որևէ մեկի նկատմամբ։ Իսկ դու ուրիշ իմատ էլ գիտե՞ս։

Երևի Wista-ն տվյալ հարցով նկատի ուներ, թե մի ապտակը կամ մի հատ տուտուզին խփելն արդեն ծե՞ծ է, թե՞ ծեծը միայն այն է, երբ ջարդը տալիս են բոլոր տեսակ կապտուկներով ու վերքերով:

[Ջուզեպե Բալզամո]

Լավ հարց է...
ասենք ոռիկին մի հատ շրխկը համարվում է՞ ծեծ.... թե՞ մի քանի շրխկը…
Հետո կան տարբեր ծեծեր. կանոնակարգված(Կառատեի Միջազգային Ֆեդերացիա և այլք...) և անկանոն( փողոց , բանտ , ռեստորան և օրինապահ մարմինների պադվալներ): Ասենք,քո հարազատ երեխային, ծեծելուց կարելի՞ է արմունկով գլխին խփել... թե միայն դեմքին՝ բռունցքով ՞՞՞՞ ո՞ր տեսակն ենք քննարկում:
Իմ տղուկը շուտով կդառնա 2 տարեկան… արդեն հասցրել ա 1 հատ թաթիկին ու 1հատ էլ մռթիկին(իրար վրա շրխկ-շրխկ,կայծակնային,շեշտակի ու ցավոտ…արծիվ պապա՜) ստանալ-գետնից բան վերցնելու և բերանը անելու փորձի համար: Արդեն 4 ամիս ա էլ նման փորձ չի արել … ու 4 ամիս ա, որ ես, ինքս ինձ մի քիչ ավելի պակաս եմ հարգում…

Ճիշտ ասած ինձ հետաքրքիր ա թե էս թեման քննարկողներից քանիսն են ծնող...

[Kita]

Չգիտեմ ինչու հավեսս տվեց, որ գրեմ
Դե որ կտրականապես դեմ եմ, էտ հաստատ… Պատճառները թվարկեմ կոնկրետ դեպքերով
Դեմ եմ, երբ փոքրերին են ծեծում, քանի որ իհարկե պատասխան չեն կարող տալ, բայց մեկ է մեջները վիրավորանք, ցավ, ինչպես ուզում եք անվանեք կմնա, որը մի ձև հետո կարտահայտվի և ով գիտե, գուցե հենց ծնողների վրա:
Դեմ երբ աղջիկներին են ծեծում ասսենք արդեն մի 13-14 տարեկանում, չէ որ կսովորեն, և երբ հասնկարծ ամուսինը ծեծի կմտածի "հա ինչ ծնողներս էլ էին ծեծում, սովորական է, նույն բարեկամն է":
Նույնը տղաների տարեքային առումով: Չի կարելի ձեռք բարձացնել, տղայի ուժը կպատի պատասխանելուն և ով գիտե, կարող է մի օր կպատասխանի և ահա կկորի իրենց միջև ջերմ կապող օղակը: Տղան ծեծի սովոր կլինի, որը նա կարտահայտի դրսում ծեծելիս և հետևաբար ծեծվելիս:
Պետք չէ երեխայի մեջ առաջացնել այնպիսի զգացմուքներ, որոնք հետո բացասական ձևով դուրս կգան նրա միջից,և որոնք կարող են կործանել և՛ նրան, և՛ կողքիններին, թեկուզ հոգեպես, որը ավելի ցավալի է:
Եվ ի վերջո այդքան հպարտանում ենք, որ բանական էակներ ենք, դե եկեք մեզ համապատասխան ձևով պահենք և սովորենք հասկացնել և հասկանալ:

[^SRTIK^LA^]

Կտրականապես դեմ եմ ծեծին!Ես նկատել եմ ,երբ երեխայիս վրա բղավում եմ, նա մինչև անգամ բղավոցի պատճառով է դիտավորյալ անում նորից նույն բանն,էլ ուր մնաց ծեծի դեպքում..... Իսկապես երեխան երբ նկատողությունն ստանում է հանգիստ եվ ցածր տոնով,դրանից վիրավորվում է և երբեք չի կրկնի նույն սխալն :Քանի որ ինքն երբ սխալն անում է գիտակցում է որ դա սխալ արարք է և սպասում է բղավոցի :Եվ երբ իր սպասելիքներն փոխարինվում են ընդամենն նկատողությամբ դա որպես վիրավորանք դրոշմվում է հիշողության մեջ:Իսկ ծեծի դեպքում վիրավորանք չկա,կա միայն հիշաչարություն և ցավ որն էլ ուղեկցում է երեխային ամբողջ կյանքում

[Մանոն]

Լավ հարց է...
Իմ տղուկը շուտով կդառնա 2 տարեկան… արդեն հասցրել ա 1 հատ թաթիկին ու 1հատ էլ մռթիկին ստանալ-գետնից բան վերցնելու և բերանը անելու փորձի համար: Արդեն 4 ամիս ա էլ նման փորձ չի արել … ու 4 ամիս ա, որ ես, ինքս ինձ մի քիչ ավելի պակաս եմ հարգում…
Ճիշտ ասած ինձ հետաքրքիր ա թե էս թեման քննարկողներից քանիսն են ծնող...

Պետք չէ այդպես անել, խնդրում եմ…Այդ 2 տարեկան երեխան մի՞թե հասկացավ, թե ինչու՞ հասցրեցին իր մռութիկին: Ու եթե չորս ամիս նա չի փորձում հատակից բան վերցնել բերանը տանելու համար` լոկ կրկին նույն ցավը չզգալու ռեֆլեքսով: ՈՒ նա հենց այդպես էլ կվարժվի ծեծ ուտելուն` ամեն մի նորը ճանաչելիս (փորձարկելիս): Վերոնշյալ ընդգծված տողերը գիտակցողը, կարծում եմ կգտնի իր մեջ այնքան համբերատարություն, մինչև պզտիկը մեծանա, խոսքը հասկանա, ու բացատրելով կկարողանա դաստիարակել իր որդուն
Հ.Գ. Ես ձեզ շատ լավ հասկանում եմ, բայց հավատացեք բազմափորձ ծնողիս:

[9aliq]

Չեի ասի թե երեիւաները արտասահմանում վատ են դաստիակվատծ։Ուղղակի այնտեղ նրանք ավելի ազատ են արտահայտվում եւ ավելի անկախ են։Իսկ մեր երեխաների համար դեռեւս չկա նման ազատթույւն։Իսկ ծեծը որպես դաստիաակության միջոց անընդունելի է։