Կա՛նգ առ, ակնթա՛րթ
Կա՛նգ առ, ակնթա՛րթ, ինչո՞ւ ես շտապում,
Չէ որ մանկությանս հուշերը մնացին,
Էլ ետ չեն գալու, կա՛նգ առ, ակնթա՛րթ:
Մի՞թե չես ուզում նորից կրկնվել,
Նորից ես ապրեմ նույն զգացումը,
Նույն զգացումը, որ ինձ համակեց մեկ րոպե առաջ:
Մի՞թե չես ուզում նորից ետ դառնալ,
Նորից մանկանամ,
Գործած սխալներս էլ չկրկնեմ,
Թողած բացերս թող որ լրացնեմ,
Կա՛նգ առ, ակնթա՛րթ:
Թող որ ես նորից աշխարհն իր բոլոր կերպերով զգամ,
Թող որ ակնթարթն այս նորից կրկնվի,
Կրկնվի դարձյալ, առանց սլացքի:
Լա~վ, թող որ այդպես միշտ առաջ գնաս,
Բայց գեթ մեկ մեկ էլ դու ետ սլանաս:
Դու ետ սլանաս ու բերես քեզ հետ մանկական խաղերն ու հուշերը իմ,
Ու բերես քեզ հետ թեկուզ և տխուր, բայց հիմա արդեն ուրախ պահերը:
Կա՛նգ առ, ակնթա՛րթ,
Թեև չես կարող, իզուր եմ այսքան ես քեզ աղերսում,
Չէ որ դու միայն առաջ ես գնում:
Առաջ ես գնում ու ետ չես նայում,
Չես նայում երբեք անցած- կորածին,
Հուշերը մանկան և լավն ու վատը:
Կյանքը շարունակվում, առաջ է գնում
Ու ակնթարթը նորից չի կանգնում:
12.03.2002
Աղոթք
Այսօր երկու մոմ գնեցի
Ու ներս մտա եկեղեցի:
Սուրբ Հայր մերը շշնջացի
Ու մոմերը մեր վառեցի:
Ես քեզ համար աղոթեցի.
-Ոտքդ քարին թող չդիպչի, որտեղ էլ, որ դու կլինես,
Թեկուզ ուրիշին գրկած կլինես,
Թեկուզ ուրիշին դյութեն աչքերդ,
Ուրիշը վայելի շռայլ խոսքերդ ու ժպիտներդ,
Միևնույն է` ես կաղոթեմ:
Իսկ թե քո գրկում ես կգտնվեմ,
Քո խոսքերը միայն ինձ կնվիրվեն,
Ես կաղոթեմ միայն մեր սիրո համար,
Միայն քեզ համար, ի՛մ սեր, ի՛մ հոգի:
Հանկարծ զգացի վառած մոմերս իրար միացան, միաձուլվեցին,
Մեր սիրո հուրը երկինք բարձրացավ,
Մինչև հիմա էլ վառվում է այնտեղ,
Որպես մի աստղ, մի սիրո կանթեղ
Ու լուսավորում է այն ճանապարհը,
Որով քայլում ենք միայն ես ու դու`
Ձեռքներիս պահած մոմերը երկու….
06.05.2004
Սպասել
Սպասել կյանքում ես չեմ սիրել,
Ժամանակի սլացքին եմ անվերջ տրվել,
Նրա անվերջ տկտկոցից սիրտս կտոր-կտոր եղել:
Պահ է եղել` ցանկացել եմ այն կանգնեցնել,
Հիմա ինչու ցանկանում եմ արագ պտտել,
Որ ժամերը շուտ վայրկյան դառնան,
Օրը` մեկ ժամ, տարին` մեկ օր:
Սպասել կյանքում ստիպեցիր,
Ես կսպասեմ` ինձ տանջելով,
Կարոտի ցավը կոկորդումս խեղդելով,
Ես կսպասեմ` բարձիս վրա անթիվ արցունք դրոշմելով:
Ես կսպասեմ…
Չէ որ ոչինչ անել մեզ չի մնում,
Ճամփաներն են մեզ այս պահին լոկ բաժանում,
Դու հեռու ես, ու ես նույնպես…
Ծով դուրս եկած նավակի պես
Ալիքներին ես տրվելով, ժամանակի հետ կռվելով,
Սրտի բոլոր տենչանքներին դիմանալով
Ափ կհասնեմ, քեզ կսպասեմ:
Լավ իմացիր, կյանքւմ սպասել ես չեմ սիրել,
Բայց քեզ համար խենթ եմ եղել…
24.04.2007
Էջանիշներ