Արաբա-իսրայելական պատերազմ

[Մելիք]

Արդեն տասներեքերորդ օրն է ինչ իսրաելական բանակը ռմբակոծում է Լիբանանը. ավելի քան չորս հարյուր սպանված, հազարավոր վիրավորներ, որոնցից շատերը անմեղ կանայք ու երեխաներ են…
Արդարացված է՞ այս ամենը:

[Sergey]

Բացարձակ իմաստով իհարկե արդարացված չէ, մյուս կողմից սակայն, Իսրայելը բավականին հանգիստ խղճով կարող է հայտարարել, որ պատերազմը, ավելի ճիշտ պատժիչ գործողությունները մղվում են ոչ թե Լիբանանի , այլ Հզբոլլահի դեմ, ինչ էլ հենց անում է։ Իսկ եթե Լիբանանը լիներ այնքան կայացած ու ինքնուրույն պետություն, որում բանակին զուգահեռ չգործեին նման ահաբեկչական կազմակերպություններ, ամեն ինչ այդպես չէր դասավորվի։ Իսկ հիմա տեսնում եք, թե ինչ եղավ Լիբանանի հետ, նրանք կարծես թե ազատվեցին սիրիական բանակից, ազդեցությունից ու հետևանքներից ոչ, սա ասում հատուկ «պապայասեր» հայերի համար

[Koms]

Ընդհանրապես, կարծում եմ, ցանկացած պատերազմ արդարացված չէ, և ավելի ստույգ` հիմարություն է, եթե կարելի է խաղաղ ապրել, ապա ինչու՞ պատերազմել:

[Սահակ]

Արդարացված է՞ այս ամենը:

Պատերազմը արդարացված եմ համարում։ Ամեն ազգ պարտավոր է իր հայրենիքը պաշտպանել օտար ագրեսիայից, մանավանդ Հզբոլլահի նման շակալներից։

Մարդիկ միշտ թույլի կողմն են սիրում վերցնել։ Բայց այս դեպքում թույլ կողմը շակալի պես է իրեն պահում, և Իսրաելը այդ շակալների ոհմակին ուզում է իր սահմաններից հեռու պահել։

[kiki]

Ընդհանրապես, կարծում եմ, ցանկացած պատերազմ արդարացված չէ, և ավելի ստույգ` հիմարություն է, եթե կարելի է խաղաղ ապրել, ապա ինչու՞ պատերազմել:

կարելի՞ է ստորագրել ձեր խոսքերի տակ, պարզապես իմ մտքերն արտահայտեցիք...

Պատերազմը արդարացված եմ համարում։ Ամեն ազգ պարտավոր է իր հայրենիքը պաշտպանել օտար ագրեսիայից, մանավանդ Հզբոլլահի նման շակալներից։

հարգելիս, իսկ ի՞նչ կապ ունեն այդ ագրեսորների հետ խաղաղ բնակիչները... նրանք մեղաո՞ր են, որ այդ քո ասած շակալները ամեն ինչ անում էին, որ այդ պատերազմը սկսվի ու շարունակվի...

[Սահակ]

հարգելիս, իսկ ի՞նչ կապ ունեն այդ ագրեսորների հետ խաղաղ բնակիչները...

Ագրեսորների և խաղաղ բնակիչների միջև եղած կապը նրանում է կայանում որ ագրեսորները սպանում էին խաղաղ բնակիչներին պատերազմ սկսելու նպատակով։ Միայն երբ որ շակալներին ոչնչացնեն, կամ գոնե սահմանից ավելի հեռու քշեն, այսպես կոչված խաղաղ բնակիչները կարող են իսկապես խաղաղ ապրել։

[Մելիք]

Մարդիկ միշտ թույլի կողմն են սիրում վերցնել։ Բայց այս դեպքում թույլ կողմը շակալի պես է իրեն պահում, և Իսրաելը այդ շակալների ոհմակին ուզում է իր սահմաններից հեռու պահել։

Հիմա դու կարծում ես, որ նրանք որ մի ամբողջ երկիր սովի են մատնում, որ պայթեցնում են դպրոցներն ու մանկապարտեզները պակաս շակալ են նրանցից, որ երեք զինվոր են գերի վերցրել:

Պատերազմը արդարացված եմ համարում։ Ամեն ազգ պարտավոր է իր հայրենիքը պաշտպանել օտար ագրեսիայից, մանավանդ Հզբոլլահի նման շակալներից։

Էս տրամաբանությամբ կարելի է ցանկացած կեղտոտ ագրեսիա արդարացնել, նույնիսկ միջուկային զենքի օգտագործումը. եթե այդքան անմեղ մարդկանց մահը արդարացվում է , ուրեմն կարելի է աշխարհի հանգստության համար նաև մի քանի միջուկային ռումբ նետել Մերձավոր Արևելքի վրա, չէ՞ որ հիմնականում այստեղ են տեռորիզմի օջախները:

[Koms]

kiki, ուրախ եմ, որ այս հարցում ունեմ համախոհներ,..

Պատերազմը արդարացված եմ համարում։ Ամեն ազգ պարտավոր է իր հայրենիքը պաշտպանել օտար ագրեսիայից,

Նախ եկեք պարզենք, թե դա ում հայրենիքն է ,
1967թ. իրենց Հայրենիքից` Պաղեստինից քշված պաղեստինցիների՞, թե այդ տարածքը բռնազավթաց ու վերաբնակեցրած հրեաների… պատմական փաստերը միանշանակ խոսում են ի օգուտ պաղեստինցիների… ուրիշ հարց է, որ բռնությունը` բռնություն է ծնում, և հիմա հրեաները լիովին “վայելում” են 1967-ին իրենց իսկ ցանած սերմերի դառը պտուղները…

Այդպես միշտ եղել է, և միշտ էլ կլինի ապագայում , ագրեսիան ծնում է հակաագրեսիա,.. այդ իսկ պատճառով` ես դեմ եմ պատերազմներին ընդհանրապես, որոնց ուղղակի չկա ոչ մի արդարացում,.. ին՞չ է նշանակում` մարդկանց սպանելը, բնակավայրեր ավիրելը` հերոսություն է, դա` մեծագույն հանցագործություն է, որն ամեն գնով պետք է կանխել,.. վերջիվերջո այս Մոլորակը` մեր բոլորիս ընդհանուր Տունն է,..

[Մելիք]

Դոստոևսկի."Աշխարհի բոլոր գաղափարները միասին, մի երեխայի մի կաթիլ արցունքը չարժեն":

[Sergey]

Դոստոևսկի."Աշխարհի բոլոր գաղափարները միասին, մի երեխայի մի կաթիլ արցունքը չարժեն":

Մաքիավելի. «Նպատակն արդարացնում է միջոցները»։

[kiki]

Մաքիավելի. «Նպատակն արդարացնում է միջոցները»։

իմ կարծիքով մարդկության ամենահիմար արտահայտոթյուններից մեկը...

[Sergey]

իմ կարծիքով մարդկության ամենահիմար արտահայտոթյուններից մեկը...

Ոչ, պարզապես հիմնականում ընկալվում է կոնտեքստից դուրս, մինչդեռ ասվել է ընդամենը պետական կառավարման ու պետության կայացման վերաբերյալ

[kiki]

բայց դու ինքդ այդ կոնտեքստից դուրս կարելի է ասել օգտագործեցիր, քանի որ տվյալ դեպքում պետության կայացման մասին խոսք երևի ամենավերջում կարող է գնալ ... առաջին հերթին մարդկանց անվտանգության ու կյանքի հարց է...

[Սահակ]

տվյալ դեպքում պետության կայացման մասին խոսք երևի ամենավերջում կարող է գնալ ... առաջին հերթին մարդկանց անվտանգության ու կյանքի հարց է...

Տվյալ դեպքում երկուսի մասին էլ խոսքը գնում է։ Հզբոլլահի գոյության միակ պատճառը Իսրաելի (որպես պետություն) և հրեաների (որպես ազգ) ոչնչացնում է։ Հրեաները պաշտպանում են իրենց պետությունը և իրենց բնակչությունը վայրենի ոչնչացումից։

Ոմանք կարծիք էին հայտնել այստեղ որ այդպես պետք չի անել, պետք չի քո հողի համար կռվել, պետք չի քո ընտանիքի կյանքը պաշտպանել, պետք չի քո ընկեր զինվորներին պլենից ազատել։ Ես ուղղակի զարմացած վիճակում եմ գտնվում։ Այս մտածելակերպով ապրելը հազար անգամ ավելի հեշտ է քան կռիվ անելը։ Միակ պռոբլեմը նրանում է կայանում որ այս մտածելակերպով ապրող ազգերի մեծ մասը կամ այլևս գոյություն չունի, կամ էլ միակ պատճառը որ իրենք դեռ գոյություն ունեն նա է որ ինչ որ ուրիշ ազգ իրենց փոխարեն է արյուն թափել։ (Խոսքը գնում է հենց նույն հրեաների մասին երկրորդ համաշխարհային պատերազմի ժամանակ, և հայերի մասին առաջին համաշխարհային պատերազի ժամանակ։)

[Սահակ]

Դոստոևսկի. "Աշխարհի բոլոր գաղափարները միասին, մի երեխայի մի կաթիլ արցունքը չարժեն":

Իսկ հրեա երեխեքի թափած արցունքները հաշի՞վ չեն։