Տղամարդու անուն

[Ուլուանա]

Իմ պապն էլ էր սկզբում անտարբեր ձևանում, բայց որ եղբորս իր անունը դրին, աշխարհն իրենն էր....

Այո, բայց չարժե մոռանալ, որ երեխայի անունը դրվում է նախ և առաջ իր համար, ոչ թե մեկ այլ անձի, թեկուզ շատ մտերիմ ու հարազատ, և այդ անձի նկատմամբ հարգանքից դրդված՝ երեխային հին անունով կոչելը, որի համար հետագայում նա կարող է բարդույթներ ունենալ, կարծում եմ, շատ սխալ է, որովհետև անունը մի բան է, որը մարդուն ուղեկցում է ողջ կյանքում (դե, չհաշված անվանափոխության դեպքերը, որոնք այնքան էլ հաճախ չեն հանդիպում)։ Եվ ընդհանրապես ճիշտ կլինի, որ ծնողներն իրենք ավելի ազատ մտածեն ու չակնկալեն, որ իրենց անունը պարտադիր պիտի թոռներից գոնե մեկի «վրա» լինի։ Ծնողի անունը դնելը պետք է լինի բնական ցանկություն (կամ էլ չլինի), ոչ թե ընտանեկան, ավանդական պարտականություն։

[StrangeLittleGirl]

Օգնեք ընտրել տղայի անուն. Ո՞ր անուններն են այժմ պոպուլյար

Ի՞նչ պարտադիր է, որ պոպուլյար լինի
Ես հորս անունն եմ շատ սիրում. Վահանչերազ: Բայց կարճ ձևն էլ վատը չէ. Վահան: Տղամարդու անուններից ուրիշ ոչ մի անուն չեմ սիրում

[Arthur26]

Ուլուանա, բոլորովին համաձայն եմ:
Քանի որ պապիկը այլ ժամանակահատվածում էր ապրում, իսկ թոռնիկը բոլորովին այլ ժամանակահատվածում է սկսում ապրել, որտեղ Արշավիր անունը շատ հազվագյուտ է, եթե կա էլ դրանք 99% 45-ն անց մարդիկ են: Հիմա ի՞նչ, ավելի լավ չի ես մտածեմ իմ երեխայի մասին, քան թե, վայ էս կողքից ի՞նչ կասեն, երկու տղա ունեցավ ոչ մեկի անունն էլ հոր անունը չդրեց: Ի՞նչ կասեք:

[Selene]

Հիմա ի՞նչ, ավելի լավ չի ես մտածեմ իմ երեխայի մասին, քան թե, վայ էս կողքից ի՞նչ կասեն, երկու տղա ունեցավ ոչ մեկի անունն էլ հոր անունը չդրեց: Ի՞նչ կասեք:

Շատ ճիշտ ես մտածում
Համ էլ կողքից ասողներին ուշադրություն պետք չի դարձնել, որովհետև նման դեպքում ծնողի նկատմամբ սերն ու հարգանքը ոչ մի կապ չունեն, թե արդյոք դու քո տղայի անունը հորդ անունը կդնես թե ոչ:

[Angelina]

Իսկ ի՞նչ կասեիք, ժողովուրդ ջան, Արշավիր անվան համար:
Մտածում եմ, գոնե Արշակ լիներ:

Արշակ դիր, որ ոչ ոք չնեղանա:

[Բարեկամ]

Արշավիր...
Ընդհանուր առմամբ վատ անուն չի, առավել ևս՝ հայրական. հորդ կողմից՝ ներքուստ գնահատանք ու երախտագիտություն, քեզ համար՝ ազատություն հասարակական պարտադրանքներից: Շատերին կարող ա թվա, թե պարտադրանքը հենց հոր անունը դնելն ա, բայց իրականում՝ ճիշտ հակառակը, մանավանդ երբ ոչ այնքան տարածված ու ժամանակակից ա անունը: Չէ՞ որ հորդ անունը հաստատ քեզ համար խորթ ու անբարեհունչ չի, բայց երբ մտահոգվում ես, թե ուրիշներին դա ոնց կերևա, արդեն ենթարկվում ես հասարակական պարտադրանքի: Վերջապես, մարդն ա գեղեցկացնում անունը: Շատ ներողություն եմ խնդրում Մեսրոպից, բայց իր անունը որքան էլ հին ու ոչ պոպուլյար, ինձ համար շատ սիրելի ու բարեհունչ ա զուտ այն կրողի՝ այսինքն մեր այս Մեսրոպի շնորհիվ, ու իրան շատ սազում ա
Վերջին հաշվով, Արշավիրը խոսակցականում դառնալու ա Արշո, կամ ավելի հաջողված՝ Արշ, որն ի դեպ quite sexy ա հնչում

Իսկ եթե այնուամենայնիվ ուզում ես մտածել նաև այլ անունների շուրջ, կարելի ա հաշվի առնել, որ ի վերջո ու հատկապես, երբ բալիկդ մեծանա, սահմաններն ավելի են բացվելու, ու լավ կլինի, որ անունը լինի բարեհունչ ու հեշտ արտաբերվող դրսեցիների համար էլ: Այդ առումով սրանք էլ նայի ՝
ԱՐԵԳ
ՀԱՅԿ
ԴԱՎԻԹ
ՄԻՔԱՅԵԼ
ԴԱՆԻԵԼ
ԱՐՄԱՆ
ԱՐԱՄ
ՆԱՐԵԿ

[Երվանդ]

Երվանդ վերջապես

[Բարեկամ]

Ի դեպ, մոռացա նշեմ, որ բարդույթը հենց վախենալն ա, որ անունդ կարող ա հին ու անսովոր թվա

[Arthur26]

Ժողովուրդ ջան, ուզում եմ Արման դնեմ: Դուք ի՞նչ կարծիքի եք, ժամանակակից, սիրուն անուն է, չէ՞:

[Cassiopeia]

Ժողովուրդ ջան, ուզում եմ Արման դնեմ: Դուք ի՞նչ կարծիքի եք, ժամանակակից, սիրուն անուն է, չէ՞:

Լավ անուն է, կարող ես նաև Ալեքսանդր դնել՝ Ալեքս, հիմա այդ անունն էլ են շատ դնում:

[Kita]

Էդուարդ..ինձ համար շատ բարեհունչ անուն է... կամ Էդմոնդ... մի տեսակ բոլոր տարիքներում էլ կարաս հանգիստ դիմել... չնայած ես շատ եմ ուզում աղջիկ ունենալ, բայց եթե տղա լինի, երևի Էդուարդ կդնեմ..ուղղակի առաջ չեմ ուզում նայել...

[Ուլուանա]

Բայց ախր ու՞մ է պետք այնպիսի անուն դնել, որ շատ են դնում։ Ավելի լավ չէ՞ յուրօրինակ լինի, քան այնքան տարածված, որ ամեն մի երրորդն այդ անունից ունենա։ Իմ կարծիքով, կարելի է այնպիսի անուն ընտրել, որ համ շատ բարեհունչ լինի, համ շատ հնաբույր չլինի (չնայած, ինչպես Բարեկամն իրավացիորեն նկատեց, մարդն ինքն է գեղեցկացնում իր անունը), համ էլ շատ տարածված չլինի։ Օրինակ, Արման անունը, իմ կարծիքով, բարեհունչ է ու, այսպես ասած, պոպուլյար է բոլոր ժամանակներում, բայց կոնկրետ Հայաստանում, մեր մեջ ասած, ամենաշատ տարածված անուններից մեկն է։

Բայց, եթե քեզ չափից դուրս տարածված լինելն առանձնապես չի մտահոգում, ուրեմն խնդիր չկա։ Ինձ թվում է, սա այն դեպքերից է, երբ մարդն ինքը պիտի իր համար որոշի, թե որ գործոնն է ավելի կարևորում։

[John]

Եթե ես իմ տղայի համար անուն ընտրելու լինեի, հաստատ Ջ տառով անուն կդրեի… օրիանակ՝ Ջոն, Ջեք, Ջիմ…

[Arthur26]

Իսկ Արթուր անվան համար ի՞նչ կարծիքի եք:

[Մանե]

Արսեն
Նարեկ
Դավիթ
Արման
Վահե
Արշակ

Եթե Արթուրը ձեր անունն ա,ապա երևի թե հարմար չի լինի,որ դնեք ձեր երեխայի անունը //սա մենակ իմ կարծիքն ա //