Վարկանիշ

[Ուլուանա]

Կարծում եմ՝ ճիշտ կլինի բոլորի համար պարզաբանել վարկանիշների հետ կապված որոշ հարցեր։ Ինչի՞ց է կախված ֆորումի անդամների վարկանիշը։
1. Եթե անդամը դեռ վարկանիշ չի ստացել, ապա ուրիշին վարկանիշ տալու դեպքում ավելանու՞մ է արդյոք վերջինիս վարկանիշը։ Եթե ոչ, ապա ո՞ր դեպքում է ավելանում։
2. Կա՞ արդյոք տարբերություն սովորական անդամների, մոդերատորների ու ադմինիստրատորների տված վարկանիշի միավորների միջև, այսինքն՝ rep power-ի միջև։ Եվ եթե կա, ապա որքա՞ն է։
3. Ո՞ր դեպքում կարող է ավելանալ կամ պակասել անդամի rep power-ը և որքանո՞վ։
Այս պահին ուրիշ հարցեր չեմ կարողանում հիշել, բայց, հարգելի ադմինիստրատորներ, խնդրում եմ, լուսաբանեք վարկանիշի հետ կապված բոլոր հարցերը։

Ենթադրում եմ, որ կլինեն նաև մարդիկ, որոնք նույնիսկ չգիտեն, թե ֆորումում ինչ է վարկանիշն ընդհանրապես։ Վերջիվերջո, ոմանք առաջին անգամ են ֆորում մտնում։

[Chuk]

Uluana, շնորհակալություն թեմայի համար:
Փորձեմ սպառիչ պատասխաններ տալ, եթե նոր հարցեր առաջանան, տվեք

Վարկանիշները մեզ հնարավորություն են տալիս ցույց տալ մեր վերաբերմունքը ակումբի տվյալ անդամին և նրա տվյալ գրառմանը: Յուրաքանչյուր գրառման ձախ կողմի սյունակում, որտեղ գրված է նրա մականունը, դրված է ավատարը և այլն, ներքևում կա կշեռքի նկար: Վարկանիշ տալիս են դրա օգնությամբ: Երբ սեղմում ենք դրա վրա, բացվում է մի պատուհան, որտեղ դուք ընտրում եք, հավանում եք այդ գրառումը (դրական վարկանիշ), թե չեք հավանում (բացասական վարկանիշ): Ներքևում կարող եք մեկնաբանություն գրել, թե ինչու եք այդպես գնահատել, ինչ շարժառիթ եք ունեցել:

Կա վարկանիշի աստիճան հասկացություն: Դրական վարկանիշ տալուց տվյալ անդամի վարկանիշը ավելանում է այնքան միավորով, որքան որ ձեր վարկանիշի աստիճանն է: Բացասական վարկանիշի դեպքում հակառակը՝ այդքանով պակասում է: Եթե ձեր վարկանիշը զրո է, ապա նրա վարկանիշը ձեր գնահատականից չի փոխվում:

Ձեր վարկանիշի աստիճանը դառնում է 1, երբ ունենում եք նվազագույնը 10 գրառում և ձեր վարկանիշը նվազագույնը 10 է (յուրաքանչյուր անդամի վարկանիշը գրանցվելու ժամանակ 10 է): Ձեր վարկանիշի աստիճանը 1-ով ավելանում է յուրաքանչյուր 100 գրառում կատարելիս: 1-ով ավելանում է նաև յուրաքանչյուր ստացված 100 վարկանիշային միավորների դեպքում:

Օրական վարկանիշային միավոր կարող եք տալ ոչ ավելի, քան 10 գրառման: Նույն անձին վարկանիշային միավոր կարող եք տալ, եթե նրան միավոր տալուց հետո միավորներ տվել եք ևս 5 հոգու:

Ձեր ստացած վերջին 15 վարկանիշները, նրանց մեկնաբանություններն ու ընթացիկ վարկանիշային միավորները կարող եք նայել ղեկավարման վահանակի առաջին էջում:

Ադմինիստրատորների վարկանիշի աստիճանը մինչև այժմ ավել էր սովորական անդամների վարկանիշի աստիճանից, այս պահից սկսած հավասարեցնում եմ

Դե ինչ, ցույց տվեք ձեր վերաբերմունքը ակումբի անդամների կատարած գրառումներին

[Աթեիստ]

Իմացա, հարկավոր ա վարկանիշի տեղը նամակ ուղարկելու հնարավորություն ավելացնել: Որ մեջբերի գրառումը, տակից էլ մեկնաբանեմ ու ուղարկեմ:

[Smokie]

Վայ լավ էլի, սենց լավ ա

Չգիտեմ, գիտե՞ք, թե՞ չէ (մի անգամ թեթևակի ասել եմ), բայց ես վարկանիշների մոտավոր հաշավարկով եմ զբաղվում text. document-ում

[StrangeLittleGirl]

Վայ լավ էլի, սենց լավ ա

Չգիտեմ, գիտե՞ք, թե՞ չէ (մի անգամ թեթևակի ասել եմ), բայց ես վարկաhttp://www.akumb.am/newreply.php?p=2...նիշների մոտավոր հաշավարկով եմ զբաղվում text. document-ում

Ես որ գիտեմ Սմոքը սենց թե նենց գիտի, թե ով մոտավորապես ինչքան վարկանիշ ունի:

[Smokie]

Ես որ գիտեմ

Էլ ո՞վ պիտի ասեր, որ իմանայիր

[GriFFin]

Էս վարկանիշի պահը ինչ վատ ա, որ տուժել ա հեռախոսով օգտվելու պատճառով։ Մարդուն ուզում ես վարկանիշ տաս, չի լինում։ Ես էլ շատ եմ սիրում գրել վարկանիշ, ստանալ վարկանիշ։ Միավորը կապ չունի, կարևորը մեկնաբանությունն ա։ Մեկ-մեկ նենց հավես բաներ եմ ստանում։ =^___^= Бальзам для души.

[Զաքար]

Էս վարկանիշի պահը ինչ վատ ա, որ տուժել ա հեռախոսով օգտվելու պատճառով։ Մարդուն ուզում ես վարկանիշ տաս, չի լինում։ Ես էլ շատ եմ սիրում գրել վարկանիշ, ստանալ վարկանիշ։ Միավորը կապ չունի, կարևորը մեկնաբանությունն ա։ Մեկ-մեկ նենց հավես բաներ եմ ստանում։ =^___^= Бальзам для души.

Բրաուզերով փորձիր լինում է։ ))

[GriFFin]

Բրաուզերով փորձիր լինում է։ ))

Հա, գիտեմ։