User Tag List

Ցույց են տրվում 1 համարից մինչև 7 համարի արդյունքները՝ ընդհանուր 7 հատից

Թեմա: Ֆորումի կանոնադրությունը չի պաշտպանում Հայ ազգի արժանապատվությունը

  1. #1
    Պատվավոր անդամ Marduk-ի ավատար
    Գրանցման ամսաթիվ
    11.04.2006
    Գրառումներ
    969
    Mentioned
    0 Post(s)
    Tagged
    0 Thread(s)

    Ֆորումի կանոնադրությունը չի պաշտպանում Հայ ազգի արժանապատվությունը

    Գրիգոր Լուսավորիչին վերաբերվող թեման փակվեց այսպիսի հիմնավորմամբ

    Մոդերատորական։ Հիշեցնելով ՀՀ «ԽՂՃԻ ԱԶԱՏՈՒԹՅԱՆ ԵՎ ԿՐՈՆԱԿԱՆ ԿԱԶՄԱԿԵՐՊՈՒԹՅՈՒՆՆԵՐԻ ՄԱՍԻՆ» մասին օրենքում գրված՝
    Մեջբերում:
    ...ճանաչելով Հայաստանյաց Առաքելական Եկեղեցին որպես հայ ժողովրդի ազգային եկեղեցի, նրա հոգեւոր կյանքի շինության ու ազգապահպանման կարեւոր պատվար...

    տողերը, ինչպես նաև հիմնվելով Ակումբի կանոնադրության

    Մեջբերում:
    2.1.1. Չի թույլատրվում վիրավորել կամ ծաղրել ակումբի մյուս անդամներին, նրանց նկատմամբ ցուցաբերել բացահայտ արհամարհական վերաբերմունք, ֆորումի բանավեճերը տեղափոխել վեճի, հարաբերություններ պարզելու, կռվի հարթություն:
    2.1.5. Չի թույլատրվում ֆորումում տեղադրել այնպիսի նյութեր, որոնք կարող են այլոց դրդել հանցագործության, նրանց մեջ սերմանել ատելություն կամ թշնամանք, կամ ինչ-որ անօրինական գործողության կոչ են:
    2.1.6. Չի թույլատրվում տեղադրել այնպիսի նյութեր, որոնցում ինչ-որ անհատի, կազմակերպության, պետության, իշխանական և այլ մարմինների, ազգության, հասարակության ինչ-որ խավի կամ այլնի նկատմամբ կա ծաղրական վերաբերմունք, վիրավորական արտահայտություններ:

    կետերի վրա, հաշվի առնելով թեմայի շեշտադրումները՝ թեման համարում ենք պրովոկացիոն և գտնում, որ այն ենթակա է փակման։
    http://www.akumb.am/showthread.php?t=7078

    Ես հիմա չեմ վիճարկում այդ որոշումը, ուղղակի ինձ հետաքրքիր է, եթե այս ֆորումում պաշտպանված է Քրիստոնեությունը ու նաև Եկեղեցին ապա ինչու նույն ձևով չի պաշտպանվում Հայ ազգի արժանապատվությունը:

    Ես օրինակ տեսնում եմ բազմաթիվ թեմաներ ու գրառումներ որտեղ նսեմացվում է հայ ազգի կերպարը ու արժանապատվությունը: Հիմա չկոնկրետանամ բայց եթե պետք է կոնկրետ այս բաժնում էլ ցույց կտամ

  2. #2
    ալոգիկ Արշակ-ի ավատար
    Գրանցման ամսաթիվ
    20.03.2006
    Հասցե
    Շվեդիա
    Տարիք
    35
    Գրառումներ
    3,339
    Mentioned
    4 Post(s)
    Tagged
    0 Thread(s)

    Re. Ֆորումի կանոնադրությունը չի պաշտպանում Հայ ազգի արժանապատվությունը

    Գրիգոր Լուսավորչի մասին թեմայի հարցը ադմինիստրացիայի կողմից քննարկվում է, ու առաջիկայում դեռ կխոսենք թեմայի փակվելու պատճառների ու հետագա ճակատագրի մասին։
    Իսկ ինչ վերաբերում է հայ ազգի կերպարն ու արժանապատվությունը նսեմացնելուն, ապա լավ կլինի, որ կոնկրետ փաստերով խոսեք քննարկենք։ «Դար» ակումբի ղեկավարությունը միշտ էլ ձգտում է գտնել իր թերություններն ու ուղղել դրանք։
    Добро победило зло, поставило его на колени и зверски убило

  3. #3
    Պատվավոր անդամ Marduk-ի ավատար
    Գրանցման ամսաթիվ
    11.04.2006
    Գրառումներ
    969
    Mentioned
    0 Post(s)
    Tagged
    0 Thread(s)

    Re. Ֆորումի կանոնադրությունը չի պաշտպանում Հայ ազգի արժանապատվությունը

    օրինակ սա
    Ի՞նչ է նշանակում ունենալ ինտելեկտուալ պոտենցիալ, ինչպե՞ս է այդ փաստը համաձայնում այն հանգամանքի հետ, որ տոտալ սակավամտությունն ու սահմանափակությունը դարձել են ոչ միայն հասարակական երևույթներ, այլ նույնիսկ արժեքներ։
    այսինքն կա անապացույց պնդում թե սակավամտությունը դարձել է արժեք:
    http://www.akumb.am/showthread.php?t=6449

    Այո, "հայ հասարակություն" ասվածը ինքնին ավանս է՝ տրված հայ ազգին, որ կիսացեղային–կիսաազգային մակարդակից
    Այդ խնդիր կա, և հենց դա է պատճառներից մեկը, որ այսօրվա հասարակությունը սահմանափակ ու ոչ–ինտելեկտուալ է։
    Այդ նույն թեմայից:

    Փաստորեն կատարվում են ավելորդ ընդանրացումներ ու պիտակավորվում է մի ամբողջ ազգ:

    Ավելացվել է 9 րոպե անց
    Իսկ հիմա խնդրում եմ պատասխանես մի հարցի: Ինչո՞վ է տարբերվում ՀՀ ներկայիս վարչակազմը Թալեաթ փաշաից: Միայն ազգությա՞մբ: Ես կասեի ոչ միայն: Թալեաթ փաշան մեծ հայրենասեր էր, ի տարբերություն ոմանց, որոնք միայն սեփական շահ ունեն:
    Մի հատ էլ հարց ունեմ: Ինչո՞վ ենք մենք տարբերվում Թալեաթից ու հայտնի «ոմանցներից»: Բացարձակապես ոչինչով:

    Կողքից անգործ նստել նայելը, թե ինչպես են հարևանիդ սպանում ու հանգիստ լինել, որ քեզ դեռ չեն հասել, շատ դեպքերում նույնիսկ ուրախանալ, շատ ավելի մեշ ոճրագործություն է, քան ցեղասպանությունը:

    Ցեղասպանը ոչ մի բարոյական իրավունք չունի ուրիշին այդ պիտակը կպցնել:
    Կամ օրինակ այս արտահայտությունը: Հիմա ես չեմ հասկանում եթե մեր քաղաքում ինչ որ սպանություն ա լինում ուրեմն մենք դարձանք ցեղասպան քաղա՞ք:
    Հարգելի Արշակ, ձեր կարծիքով սա չի՞ վիրավորում սովորական քաղաքացիներին:

    http://www.akumb.am/showthread.php?t=1341&page=2

    Ավելացվել է 19 րոպե անց
    Ես անձամբ կողմ եմ խոսքի ազատությանը ու իմ համար հաճելի չի լինի եթե այստեղ մարդկանց արգելվեն ինչ որ մտքեր արտահայտել, թեկուզև մի գիչ ծայրահեղ:

    Բայց ես օրինակ անընդունելի եմ համարում տարբերությունները ու երկակի ստանդարտները, այսինքն կողմնակալությունը:

    Եթե մի ֆորումում կարելի է մեր իշխանություններին համեմատել ասենք Թալեաթի հետ ապա նույն ֆորումում կարծում եմ որ կարելի է նաև խոսել Գրիգոր Լուսավորիչի վատ կողմերի մասին: Կամ մի ֆորումում կարելի է կպնել ամբողջ հայ ազգին բայց ասենք քրիստոնեություն կրոնը պաշտպանվում է:

    Ես վստահ եմ որ ադմինիստրացիան կգտնի ճիշտ լուծումը
    Վերջին խմբագրող՝ Marduk: 24.03.2007, 12:45: Պատճառ: Գրառման ավելացում

  4. #4
    Ուշադիր
    Chuk-ի ավատար
    Գրանցման ամսաթիվ
    17.03.2006
    Հասցե
    Երևան
    Տարիք
    36
    Գրառումներ
    25,201
    Բլոգի գրառումներ
    31
    Mentioned
    74 Post(s)
    Tagged
    1 Thread(s)

    Re. Ֆորումի կանոնադրությունը չի պաշտպանում Հայ ազգի արժանապատվությունը

    Հայ ազգի, ինչպես և ցանկացած յուրաքանչյուր այլ ազգի արժանապատվությունը ֆորումում փորձում ենք պաշտպանել, թույլ չտալ վիրավորական արտահայտություններ, պնդումներ: Պետք է խոստովանենք, որ դա միշտ չէ, որ հաջողվում է ու դրանում կա ոչ միայն ակումբի ղեկավարության, այլև ակումբի շարքային անդամների «մեղքը»: Մասնավորապես հիշեցնեմ, որ ֆորումում գործում է վատ գրառումների մասին զգուշացման համակարգ, որի միջոցով ակումբի շարքային անդամները տվյալ բաժնի մոդերատորին, սուպեր մոդերատորներին և ադմինիստրատորներին կարող են տեղեկացնել վատ գրառման մասին: Հիշեցնեմ, որ ակումբի ղեկավարությունն ամենազոր չէ ու միշտ չէ, որ կարող է նկատել թեկուզ նույն վիրավորական գրառումները, և հարց է ծագում, եթե դուք նկատել եք, ինչու՞ չեք զգուշացնում, այլ մի օր այդ գրառումներն օգտագործում եք ակումբի ղեկավարության այս կամ այն որոշման ճիշտ լինելը կասկածի ենթարկելու համար:

    Ինչևէ, անցնենք բուն հարցին: Ձեր բերած օրինակների մասին վիճել չեմ ուզում, թեմաներն ամբողջությամբ ժամանակ չեմ ունեցել կարդալու, կկարդամ ու հստակ կարծիք կձևավորեմ իմ մեջ, առայժմ ասեմ, որ ձեր բերած մեջբերումների սահմանում չտեսա ազգի արժանապատվությունը ոտնահարող հատված, տեսա սեփական կարծիքների արտահայտում կոնկրետ դեպքերի, կոնկրետ քայլերի մասին, կոնկրետ անձանց նկատմամբ: Բայց այս պահին, փակված թեմայի քննարկման համատեքստում, դա էլ եմ համարում երկրորդական հարց:

    Հստակ ձևակերպենք ու հասկանանք մի հասարակ ճշմարտություն: Ցանկացած դեմոկրատական պետությունում կան արժեքներ՝ պետական արժեքներ, որոնք քննարկման առարկա չեն: Այդ պետական արժեքներն են հիմնը, դրոշը, զինանշանը, կրոնը...

    Հետևաբար բնավ տարօրինակ չպետք է թվար, որ թեման, որում պետական արժեքներից մեկի՝ կրոնի նկատատմամբ հնչել էին խիստ ագրեսիվ բնութագրումներ, փակվել և համարվել է պրովոկացիոն: Նկատեմ միայն, որ այդ թեմայում հնչված կարծիքների հակառակ կարծիքներ շատ կարող էին լինել՝ լավ հիմնավորված (օրինակ կարելի էր ներկայացնել հեթանոսությունից քրիստոնեություն անցնելու խիստ արդիական պատճառները, որոնցից էին օրինակ այն ձևավորված մթնոլորտը, որ երկրի ամեն մի շրջանում սկսել էին նախապատվությունը տալ այս կամ այն աստծուն (Վահագն, Անահիտ, Արամազդ և այլն), որի հետևանքով ազգը շատ մեծ հավանականությամբ գալիս էր պառակտման, նկատել, որ նույն խնդիրը կար Հռոմում, Հունաստանում, ու որ նրանք գրեթե նույն կերպ լուծեցին խնդիրը), բայց դրանք չեղան, թեման փակվեց, որովհետև ակնհայտորեն երևաց որ հասարակությունը պատրաստ չէ առանց վիրավորանքների անցկացնել այդ քննարկումը, քննարկում, որի ակտուալությունն հանդգնում եմ կասկածի տակ դնել: Անշուշտ թեմայում հնչեցին պատմական փաստեր (մասնավորապես հին հուշարձանների վերացումը), որոնք քննարկման առարկա չեն, բոլորիս էլ լավ հայտնի է: Բայց արդյո՞ք որևէ օգուտ կարող է տալ մեղադրականով հանդես գալը, հանդիմանանքը ու հայ պատմության կերպարներին «հողին հավասարեցնելը»: Չեմ կարծում: Եկեք հիշենք, որ պատմությունն ուսումնասիրելիս մեր առաջնային խնդիրը պետք է լինի նրանից դասեր քաղելը, այլ ոչ թե մութ էջեր փնտրելը, ու դրանց մասին հանդիմանական խոսելը:

    Առավել ևս տարօրինակ չէ, որ պետական արժեքներից հատկապես կրոնի մասին քննարկումն է փակվում, քանի որ բոլորս գիտենք, որ կրոնն այն հարցն է, որտեղ ոչ նուրբ արտահայտությունը կարող է մինչև հոգու խորքը վիրավորել հավատացյալին, ինչը մեր ակումբում չենք կարող թույլատրել: Իսկ կոնկրետ այդ թեման իր հետևից «շատ ջրեր կարող էր տանել» ու էլի կրկնեմ, պարզ երևաց, որ հասարակությունը պատրաստ չէ առանց վիրավորական արտահայտությունների, պնդումների քննարկումը շարունակել:

    Շեշտեմ նաև, որ երբ խոսում ենք կրոնի նկատմամբ վիրավորական գրառումների արգելքի մասին, ապա նկատի չունենք միայն քրիստոնեությունը, այլ նկատի ունենք բոլոր կրոնները:

    Եզրափակելով ընդհանրացնեմ, որ թեման փակվել է, որովհետև ունենք պետություն և ունենք պետական արժեքներ, ու մեր պարտքն է պաշտպանել այդ պետականությունն ու պետական արժեքները, անկախ նրանից, մեզ դուր է գալիս, թե ոչ, մենք գաղափարակից ենք, թե ոչ: Ու սա պետք է լինի ցանկացած քաղաքիրթ դեմոկրատական երկրում ապրող ցանկացած քաղաքիրթ դեմոկրատ քաղաքացու կողմնորոշումը:

    Քայլ առ քայլ՝ դարից դար

    Խենթ եմ

  5. #5
    Պատվավոր անդամ Marduk-ի ավատար
    Գրանցման ամսաթիվ
    11.04.2006
    Գրառումներ
    969
    Mentioned
    0 Post(s)
    Tagged
    0 Thread(s)

    Re. Ֆորումի կանոնադրությունը չի պաշտպանում Հայ ազգի արժանապատվությունը

    Chuk

    Դե ես բերեցի միայն այն օրինակները որոնք իմ աչքով ընկան, իհարկե կարելի է այնտեղ չտեսնել հայ ազգի արժանապատվության վիրավորում, բայց պետական իշխանությունների նկատմամբ կա շատ հստակ վիրավորանք:
    Հիմա պատկերացրեք որ նույն սկզբունքով ես վիրավորեի Գրիքոր Լուսավորիչին մշակույթային ցեղասպան լինելու մեջ ու համեմատեի Թալեաթի հետ, միթե դա հավասազոր չի նրան ինչ գրված է այսօրվա իշխանությունների հասցեին: Թե մեր իշխանությունների պետության մաս չեն կազմում ու նրանց կարելի է Թալեաթի հետ համեմատել:

    Հստակ ձևակերպենք ու հասկանանք մի հասարակ ճշմարտություն: Ցանկացած դեմոկրատական պետությունում կան արժեքներ՝ պետական արժեքներ, որոնք քննարկման առարկա չեն: Այդ պետական արժեքներն են հիմնը, դրոշը, զինանշանը, կրոնը...
    Ո՞ր կրոնը: Մեր երկրում կրոնը անջատված է պետությունից ու ամեն մարդ ազատ է դավանել ինչ կրոն ուզենա: Կարծեմ դա է Ժողովրդավարություն կոչեցյալը:

    Շեշտեմ նաև, որ երբ խոսում ենք կրոնի նկատմամբ վիրավորական գրառումների արգելքի մասին, ապա նկատի չունենք միայն քրիստոնեությունը, այլ նկատի ունենք բոլոր կրոնները:
    Իսկ դա հնարավոր է՞: Մահմեդականները օրինակ չեն համարում Հիսուսին աստված: Նույն էլ Եհովայի վկաները: Հիմա եթե վաղը այստեղ մի Եհովայի վկա գա ու ապացուցի որ Հիսուսը աստված չի ապա ինչ պետք է պաշտպանվի նրա կրոնը՞

    Համ էլ այդ թեմայում ավելի շատ անձի խնդիր էր: Կոնկրետ Լուսավորիչի անձն էր քննարկվում այլ ոչ թե կրոն: Իհարկե եղան մի քանի ծայրահեղ հայտարարություններ, բայց դե ի վերջո կարելի էր նրանք վերացնել ու դիտողություն անել, իսկ թեման փակել ոնց որ թե մի տեսակ սիգնալ էր որ այս թեմայի մասին եկեք չխոսանք:
    Որպես համեմատություն ասեմ, որ եթե մեկը ասի որ Նժդեհը ֆաշիստ էր արդյոք դա կդիտարկվի պատմության քրքրում թե ոչ: Օրինակ իմ համար դեռ շատ մեծ հարց է, ով է ավելի մեծ օգուտ տվել հայ ազգին, Նժդեհը թե Լուսավորիչը:

  6. #6
    Ուշադիր
    Chuk-ի ավատար
    Գրանցման ամսաթիվ
    17.03.2006
    Հասցե
    Երևան
    Տարիք
    36
    Գրառումներ
    25,201
    Բլոգի գրառումներ
    31
    Mentioned
    74 Post(s)
    Tagged
    1 Thread(s)

    Re. Ֆորումի կանոնադրությունը չի պաշտպանում Հայ ազգի արժանապատվությունը

    Մեջբերում Marduk-ի խոսքերից Նայել գրառումը
    Ո՞ր կրոնը: Մեր երկրում կրոնը անջատված է պետությունից ու ամեն մարդ ազատ է դավանել ինչ կրոն ուզենա: Կարծեմ դա է Ժողովրդավարություն կոչեցյալը:
    Չնայած եկեղեցին ու պետությունն անջատ են, բայց մեր մոտ՝ Հայաստանի Հանրապետությունում, կա պետական կրոն և այդ կրոնը մտնում է պետական արժեքների մեջ: Այլ հարց է, որ յուրաքանչյուր ոք ունի կրոնի ազատություն: Դա չի նշանակում, որ նա պետք է արհամարհի և արհամարհանքով, թշնամանքով կամ ծաղրանքով արտահայտվի պետական կրոնի նկատմամբ:
    Մեջբերում Marduk-ի խոսքերից Նայել գրառումը
    Իսկ դա հնարավոր է՞: Մահմեդականները օրինակ չեն համարում Հիսուսին աստված: Նույն էլ Եհովայի վկաները: Հիմա եթե վաղը այստեղ մի Եհովայի վկա գա ու ապացուցի որ Հիսուսը աստված չի ապա ինչ պետք է պաշտպանվի նրա կրոնը՞
    Խոսքը չի գնում նրա կրոնը պաշտպանելու մասին, խոսքը գնում է այն մասին, որ չի կարելի նրա կրոնական հայացքները վիրավորող գրառումներ կատարել: Ինչպես և նա չի կարող մյուս կրոնները դավանողներին վիրավորող գրառումներ կատարել:
    Մեջբերում Marduk-ի խոսքերից Նայել գրառումը
    Համ էլ այդ թեմայում ավելի շատ անձի խնդիր էր: Կոնկրետ Լուսավորիչի անձն էր քննարկվում այլ ոչ թե կրոն:
    Էլի եմ կրկնում, ՀՀ-ում քրիստոնեությունը պետական կրոն է: Առաքելական եկեղեցին Լուսավորչին դասում է սրբերի շարքում, այնպես որ նրա անձի մասին վիրավորական գրառումները նույնն են, ինչ պետական կրոնի, ասել է թե պետական արժեքի մասին վիրավորական գրառում, որը էլի եմ կրկնում, չի հանդուրժվի այս ակումբում:
    Մեջբերում Marduk-ի խոսքերից Նայել գրառումը
    Որպես համեմատություն ասեմ, որ եթե մեկը ասի որ Նժդեհը ֆաշիստ էր արդյոք դա կդիտարկվի պատմության քրքրում թե ոչ:
    Այստեղ կիսակատակ պատասխանեմ, որ դա իմ կողմից առաջին հերթին կդիտարկվի որպես անձնական վիրավորանք՝ հաշվի առնելով որ պապիս քավորն է:

    Իսկ հիմա ուղղակի խնդրանք ու պահանջ: Ստացվում է, որ թեման փակելուն և մեր պահանջներին հակառակ շարունակվում է այդ թեմայի քննարկումը: Խնդրում եմ դադարեցնել, քանի որ ուղղակի չեմ ուզում վերջակետ դնելով այս թեման էլ փակել:

    Հիշեցնեմ ձեր իսկ խոսքերը.
    Մեջբերում Marduk-ի խոսքերից
    Ես վստահ եմ որ ադմինիստրացիան կգտնի ճիշտ լուծումը
    «Ճիշտ» լուծումը գտնված է և մեր որոշումը բեկանման ենթակա չէ:
    Եկեք այսքանով ավարտենք այս քննարկումը:

    Քայլ առ քայլ՝ դարից դար

    Խենթ եմ

  7. #7
    ալոգիկ Արշակ-ի ավատար
    Գրանցման ամսաթիվ
    20.03.2006
    Հասցե
    Շվեդիա
    Տարիք
    35
    Գրառումներ
    3,339
    Mentioned
    4 Post(s)
    Tagged
    0 Thread(s)

    Re. Ֆորումի կանոնադրությունը չի պաշտպանում Հայ ազգի արժանապատվությունը

    Marduk, պրոբլեմն իսկապես կա. կարծես բոլորս էլ գիտակցում ենք, որ պետք է պաշտպանել ազգային, պետական ու համամարդկային արժեքները, բայց խնդիրը այն է, որ պետք է որոշել, թե ո՞ր դեպքերում է անհրաժեշտ ուժային միջոցներով պաշտպանել դրանք ու ո՞ր դեպքերում նման մեթոդների կիրառումը կլինի համամարդկային հիմնական արժեքներից մեկի՝ խոսքի ազատության սահմանափակում ու ոտնահարում։ Ո՞ր գրառումները համարենք վիրավորական ու արժեքները ոտնահարող, իսկ որո՞նք՝ թույլատրելի։ Սրանց միջև սահմանը որոշելը շատ բարդ խնդիր է։ Եվ ընդհանրապես, որո՞նք են այդ ազգային, պետական ու համամարդկային արժեքները։
    Այո, պրոբլեմը կա՝ մենք այսօր ցավոք չունենք հստակ ազգային արժեքային համակարգ ու գաղափարախոսություն, որով ամենուր, ցանկացած հարցում կառաջնորդվեինք։ Բայց սա նեղ ֆորումական պրոբլեմ չէ։ Սա համազգային, պետական հիմնախնդիր է, որով պետք է զբաղվել պետական մակարդակով՝ պետական հովանավորությամբ հիմնախնդրի լուծման մեջ պետք է ներգրավվի մտավորականությունը, տարբեր ոլորտների մասնագետներ։ Ֆորումն էլ ձգտում է նպաստել նման քննարկումներին։
    Բայց նման քննարկումները պետք է քննարկման, բանավիճելու կուլտուրայի պատշաճ մակարդակ ունենան։ Ցավոք, Գրիգոր Լուսավորչի մասին թեմայում գրեթե բոլոր գրառումները համեմված էին ծաղրանքով, կոպիտ ու ագրեսիվ կոչերով։ Ու սա դեռ սկիզբն էր։ Ու այդպիսի իրավիճակներում ակումբի ադմինիստրացիան ստիպված է նման ծայրահեղ որոշումներ կայացնել։
    Սա մեզ բոլորիս ցույց տվեց, որ մենք դեռևս պատրաստ չենք նման նուրբ հարցերը անհրաժեշտ մակարդակով քննարկելուն ու լուծելուն։
    Ուրեմն եկեք ամեն մեկս ձգտենք բարձրացնել մեր բանավիճելու կուլտուրան ու այդ դեպքում ադմինիստրացիան ստիպված չի լինի այդպիսի ծայրահեղ որոշումներ կայացնել։
    Վերջին խմբագրող՝ Արշակ: 25.03.2007, 16:35:
    Добро победило зло, поставило его на колени и зверски убило

Թեմայի մասին

Այս թեման նայող անդամներ

Այս պահին թեմայում են 1 հոգի. (0 անդամ և 1 հյուր)

Համանման թեմաներ

  1. Ակումբի կանոնադրությունը կարդացած կա՞ս
    Հեղինակ՝ Moon, բաժին` Ակումբի անցուդարձ
    Գրառումներ: 45
    Վերջինը: 08.04.2012, 18:58
  2. Գրառումներ: 12
    Վերջինը: 11.01.2012, 15:04
  3. Մեր ազգի լավ ու վատ կողմերը
    Հեղինակ՝ Zhor(ARM), բաժին` Դեսից - Դենից
    Գրառումներ: 167
    Վերջինը: 18.02.2011, 04:04
  4. Հայ ազգի փրկությունը. որտե՞ղ
    Հեղինակ՝ My World My Space, բաժին` Պատմություն
    Գրառումներ: 65
    Վերջինը: 22.03.2010, 14:44
  5. Ովքե՞ր են պաշտպանում իշխանություններին
    Հեղինակ՝ Artgeo, բաժին` Քաղաքականություն
    Գրառումներ: 19
    Վերջինը: 29.10.2007, 11:40

Էջանիշներ

Էջանիշներ

Ձեր իրավունքները բաժնում

  • Դուք չեք կարող նոր թեմաներ ստեղծել
  • Դուք չեք կարող պատասխանել
  • Դուք չեք կարող կցորդներ տեղադրել
  • Դուք չեք կարող խմբագրել ձեր գրառումները
  •