Ինչի՞ համար ենք ֆորումում

[Vishapakah]

Իսկ ինչ կասեք, եթե ես եկել եմ ֆորում կոնկրետ Ձեզ հետ խոսալու, այն թեմայով, որը ինձ հետաքրքրում է և այն թեմաներով, որոնք բացում էք դուք, որովհետև կոնկրետ մարդկանց հետ ես դրսում էլ կարող եմ խոսալ, բայց ես ուզում եմ իմանալ հենց Ձեր կարծիքը, իսկ ստացվում է, որ ամեն դեպքում մենք խոսալու ենք "ձերքի հետ", ի՞նչ իմաստ ունի այս ամենը այդ դեպքում:

Հարգելիս իհարկե ոչ.
Իմ բացած թեման, անշուշտ ինձ հետաքրքիր կլինի իսկ եթե ձեզ էլ հետաքրքրի՛ կդառնաք իմ հաճելի զրուցակիցը.
Չեմ գտնում թէ իմ հետաքրքրություներով՛ ավելի պակաս հետաքրքրված մարդիկ, այս Ֆորումում գրում են ավելի քիչ ակտիվությամբ. Հաճելի է տարբեր նախասիրություների առկայությունը, հենց դրանում էլ կայանում է Ֆորումի հարստությունը.
Հավանաբար ինչ որ մի բան՛ ձեզ մոտ հանգեցրել է անբավարարվածության բայց չի նշանակում թէ դրանով, Ֆորումը դառնում է քիչ ակտուալ.
Աշխատեկ գտնել ձեզ հետաքրքրող մարդիկ, ինչպես Ֆորումում, այնպես էլ Ֆորումից դուրս.

[Գլոբալ Հայացք]

Անբավարարված, ահավոր է հնչում: Հա կյանքում ինձ շրջապատում են գլխավորապես ... բայց ես գտա, իհարկե, Իմ մարդկանց, ում հետ կիսվում ու կիսում եմ ժամանակը, մտքերը, կարծիքները, նախասիրությունները, նույնիսկ սերը:
Ինչ վերաբերում ա Ֆորումին, միշտ էլ լավ կարծիքի չէի Ֆորումների մասին, հենց սահմանափակ քանակով ու "կոնկրետ" մարդկանց առկայության պատճառով: Արդեն քանի օր է Ֆորումում եմ, դուք կասեք` քիչ է, ես կասեմ` բավարար է, հասկանալու խաղի կանոնները, ու, որ ասեմ լավն են սուտ կլինի... Ամեն դեպքում կմնամ ձեզ հետ, խոսալու "կոնկրետ" մարդկանց հետ, "կոնկրետ" թեմաներով, մենակ թե մնում է հետս ֆորում բերեմ այդ "կոնկրետ" մարդկանց:

Առանց նեղանալու, չեմ ուզում վիրավորել ոչ մեկի, պարզապես, հաշվի առնելով, որ ֆորումը կարծիք արտահայտելու տեղ է, ս արտահայտում եմ: Էլի եմ ասում սա "Հոգեբանություն և փիլիսոփայություն" բաժնի թեմա է, ու շեշտերն էլ պետք է այդ տեսակետից դրվեն:

[dvgray]

Նախ և առաջ ծանոթանալն է նորմալ, "մարդկային երեսով" մարդկանց կարծիքներին ու մտքերին:
Սակայն ընթացքում իմ համար հայտնաբերեցի ֆորումներից առաջացող մի կարևորագույն հետևանք :
Կյանքում սոսկալի էքստրեմիստ եմ: Այնքան որ մեկ-մեկ սկսում էի անգամ վախենալ ինքս ինձնից /գիժ չհամարեք /: Սակայն գրավոր խոսքը բավականին ազդեց վրաս: Միտքս /նաև բանավոր/ սկսեցի արտահայտել ավելի ճշգրիտ և համակարգված: Դարձա ավելի հանդուրժող այլախոհների հանդեպ /բայց ոչ հարմարվող /: Մի խոսքով բավականին նպաստել է իմ զարգացմանը:
Կառաջարկեի, որ բոլոր նրանք, ովքեր ուշադիր չեն իրենց գրավոր խոսքի հանդեպ, լիների ավելի պահանջկոտ իրենց գրառումներին: Դա կօգնի ոչ միայն գրավոր, այլ նաև բանավոր խոսքի հղկմանը, մշակմանը - հետևաբար նաև խթան կհանդիսանա արագ մտածելուն ու որոշումներ ընդունելուն: Մի արհամարեք գրական լեզուն և ինքներտ ձեզ չեք ճանաչի որոշ ժամանակ անց:

[StrangeLittleGirl]

Սակայն գրավոր խոսքը բավականին ազդեց վրաս: Միտքս /նաև բանավոր/ սկսեցի արտահայտել ավելի ճշգրիտ և համակարգված: Դարձա ավելի հանդուրժող այլախոհների հանդեպ /բայց ոչ հարմարվող /: Մի խոսքով բավականին նպաստել է իմ զարգացմանը:

Հետաքրքիր է՝ Ակումբ մտնելուց հետո ինձ հետ ճիշտ հակառակը եղավ:

[Պանդուխտ]

Global հայեացք

«Գլոբ» հնդեւրոպական բառի հայկեան տարբերակն է՝ «կլոր»: Բայց globը եւրոպական լեզուներում աւելի շատ նշանակում է՝ գունդ, այս պարագայում՝ երկրագունդ: Ուրեմն՝ գլոբալ հայեացք = երկրագունդային հայեացք: Եկէք հայերէնը չի խճճենք անտեղի երկարաբանութեամբք եւ ասենք՝ «գունդային հայեացք»...բայց դարձեալ չեղաւ: «Կլորակ հայեացք»...դարձեալ հաճելի չէ: Ուստի տեսնում ենք բառերի ուղիղ, անմիջական թարգմանութիւնը չի օգնում չի գեղեցկացնում լեզուն: Բայց չէ՞ որ այս ակումբը հայագիր ոստայնագրութիւնը զարգացնելն է միտում: Ինչու՞ հայ մականուններ չէք ընտրում սիրելի «Երկրահայեաց» կամ «Աշխարհադէտ» ազգակից:

"ինչո՞ւ ենք ֆորումում", կամ "ի՞նչ տալիս մեզ ֆորումը", կամ, ավելի հետաքրքիր, "ինչպիսի՞ն ենք մենք (հոգեբանական առումով), եթե ֆորումում ենք":

Կեանքը արագ է ընթանում, մարդիկ իրար չեն լսում, միշտ ամէն ոք մի գործով զբաղ է: Ամէնամօտիկ բարեկամդ իսկ, երբ 2 նախադասութիւն լսում է քեզնից 3ը չի կարողանում լսել, քանզի լսելու, ունկնդրելու իրար մտիկ անելու ունակութիւննիս կորցրել ենք:
Այն ինչ որ մարդկանց չենք կարողանում փոխանցել լաւապէս յղկուած ձեւով, փոխանցում ենք ոստայնին, անծանօթ մարդկանց, Աստծուն:

Ակվարիումում երկու ձկնիկ երկար վիճում են, վերջապես մեկը չի դիմանում ու գոռում է.
-Դե լավ, լավ, ենթադրենք Աստված չկա, էտ դեպքում, ո՞վ ա անընդհատ ակվարիումի ջուրը փոխում:

Իսկ երբ մոռանում են ջուրը փոխել. ձկներն ի՞նչ են մտածում Աստծոյ մասին:

Հիմա հարց, "ֆորումը ժամանց է, թե՞" ու, միաժամանակ, "դա լա՞վ, է թե՞ չէ, ձեզ համար":

Անգործութիւնը ժանգոտեցնում է մարդու միտքը, հոգին: Անգործ պահին գրելը, զրուցելը, խորհրդակցելը հանգստացնում է մարդուն, այնպէս որ որսը՝ որսորդին, ջուրը՝ լուղորդին, ձիավարժանքը՝ Ասպետին հանգստացնում են:
Շատ բաներ մեր մտքերում սաղմնային վիճակում նստել են: Երբ գրում ենք՝ մեր մտքում պահպանուած գաղափարները ծաղկելով տալիս են գոյն զգոյն թերթիկներ: Իրականում մենք զմեզ աւելի լաւ հասկանում ենք. երբ գրում ենք: Մենք զմեզ տեսնում ենք հայելու մէջ. նախապէս մեր գրածները ընթերցելիս: Գրելով աւելի լաւ սովորում են հենց մեր գրածները: Այսինքն՝ այնքան ժամանակ որ մեր գաղափարները մնում են մեր ուղեղում, նրանք անյստակ, ոչ բաւարար հասկանալի է մնում:
Երբ գրում ենք, մեր միտքերը աւելի հասկանալի բիւրեղացած վիճակում ներկայանում է. նախ՝ մեզ եւ երկրորդ՝ հանուրին:

[wagamaffia]

Անգործութիւնը ժանգոտեցնում է մարդու միտքը, հոգին: Անգործ պահին գրելը, զրուցելը, խորհրդակցելը հանգստացնում է մարդուն, այնպէս որ որսը՝ որսորդին, ջուրը՝ լուղորդին, ձիավարժանքը՝ Ասպետին հանգստացնում են:

Շատ բաներ մեր մտքերում սաղմնային վիճակում նստել են: Երբ գրում ենք՝ մեր մտքում պահպանուած գաղափարները ծաղկելով տալիս են գոյն զգոյն թերթիկներ: Իրականում մենք զմեզ աւելի լաւ հասկանում ենք. երբ գրում ենք: Մենք զմեզ տեսնում ենք հայելու մէջ. նախապէս մեր գրածները ընթերցելիս: Գրելով աւելի լաւ սովորում են հենց մեր գրածները: Այսինքն՝ այնքան ժամանակ որ մեր գաղափարները մնում են մեր ուղեղում, նրանք անյստակ, ոչ բաւարար հասկանալի է մնում:
Երբ գրում ենք, մեր միտքերը աւելի հասկանալի բիւրեղացած վիճակում ներկայանում է. նախ՝ մեզ եւ երկրորդ՝ հանուրին:

Լավ տողեր են...

Մենք ֆորումում ենք, որպեսզի գրենք գրական հայերեն, շփվենք հայրենակիցների՝ այո՛ նաև սփյուռքահայերի հետ, մտքեր փոխանակենք, կապեր հաստատենք, լավ պրոյեկտներ մտածենք, ուղիներ փնտրենք և իրագործենք՛:

Թուրքերին հայհոյելը, կառավարությանը, ակումբի ղեկավարներին քննադատելը և այլն, մեղմանում են որոշ ժամանակ հետո, երբ բարկությունդ արտահայտում ես, վիճաբանում, նոր փաստեր իմանում, իրարից սովորում... Սա էլ է պետք մեզ, ներկայում կողմնորոշվելու համար:

[PlaY.CiTy]

Դե որ ԱՀԱՎՈՐ լոկշա լինում մտնում նայում եմ..տենամ ով ոնցա մտածում ...տենամ ինձնից խելոքներ կան թե չէ.

[Ambrosine]

Ամենակարևոր պատճառը հայատառ լինելն է. ամեն դեպքում որ լեզվով, եթե ոչ մայրենի կարող ենք <<համով>> զրույց վարել սա մեկ: Երկրորդ` ընկերական միջավայրը, ջերմ մթնոլորտը: ....հարգանքը միմյանց հանդեպ, գրագետ գրառումները: Պատճառները շատ են

[Moon]

Ամենակարևոր պատճառը հայատառ լինելն է. ամեն դեպքում որ լեզվով, եթե ոչ մայրենի կարող ենք <<համով>> զրույց վարել սա մեկ: Երկրորդ` ընկերական միջավայրը, ջերմ մթնոլորտը: ....հարգանքը միմյանց հանդեպ, գրագետ գրառումները: Պատճառները շատ են

Իմ սրտով բաներ ես գրել, ապրես, ես էլ եմ մտնում հենց էդ հավեսով ու համով քնննարկումների համար։ Համ էլ ակումբականներին շատ եմ սիրում։

Հ.Գ.Գրեք նաև ո՞ր թեմաներն են ամնեշատը գրավում, ո՞ր բաժնի։

[Janita Hero]

Սովորություն ա
համ էլ գույներն են դուրըս գալիս ակումբի
դե չեմ ուզում հենց շաբլոնից սկսել, զաթի արդեն Աստղն ասեց էլիիի
և վերջապես, քանի որ զիլ մարդիկ են մեկ մեկ հանդիպում

[Ambrosine]

Իմ սրտով բաներ ես գրել, ապրես, ես էլ եմ մտնում հենց էդ հավեսով ու համով քնննարկումների համար։ Համ էլ ակումբականներին շատ եմ սիրում։

Հ.Գ.Գրեք նաև ո՞ր թեմաներն են ամնեշատը գրավում, ո՞ր բաժնի։

Ամենաշատը սիրում եմ Սպորտ, Քաղաքականություն, Պատմություն, Կրոն բաժինները
Սպորտ - ՌԵԱԼ Մադրիդ
Քաղաքականություն - այստեղ թեմաները շատ են
Պատմություն-<<Ճիշտ էր արդյոք քրիստոնեության ընդունումը?>>
Կրոն - <<Աղանդը համարել խղճի, մտքի ազատություն, թե մեր երկիրը պառակտող հանգամանք?>>, <<Հարցեր քահանային>> /իմ բացած թեմաներն եմ գովազդում/

[Frigid-]

Խոսելս եկել է...

Ասեմ. ֆորումում հայտնվեցի հատուկ մի բան կարդալու համար, որոշեցի գրանցվել, մտածեցի հետաքրքիր կլինի, 2 օր հետո խորը հիասթափություն ապրեցի. ֆորումը լիքն էր (է) շատ սուբյեկտիվ, ոչ հիմնավորված, փաստերից զուրկ, "իրենց էշը առաջ քշող" անհատական քննարկումներով, ծանոթ-ախպեր-ընկեր, հարազատ-բարեկամ "պատդեռժկա" անող գրառումներով, իրենց բարոյական կերպարն առավել վառ ներկայացնելու միտումներով առավել անհանգստացած անդամներով (վերջիվերջո իրական կյանքում ճանաչում են ու չարժի վատ տպավորություն թողնել ) ու էդ ամենը կարդալը միայն ապուշացնում է: Ուզում ես մի բան էլ դու ասես, գրում ես, գրում, բայց քանի որ ֆորումում "հարազատ-բարեկամ" չունես, մնում ես անպատասխան, ոչ ոք հետդ գլուխ չի դնում:

Պրպտում, պրպտում եմ` հուսալով, որ հեսա ըհը ու մի խելոք բան կկարդաս, բայց խելոքությունն էլ սուբյեկտիվ ու հարաբերական է: Մի քանի գրառում էլ ուշադրությունդ գրավում է, բայց էլի սեփական "ես"-ի պաշտամունքը ծովա տալիս ու խեղդում: Ադմինիստրատորների` "թեմայից չշեղվելներն" ու "հանված է"-ներն էլ գրառումների չափ են (թերևս, հաճախ շեղումներն են բերում ճշմարտությանը):

Բարեբախտաբար, թե դժբախտաբար պատահեց մեկը, ով համոզեց չլքել ֆորումը: Հիմա էլ, ոչ հաճախ, գտնվում եմ լուրջ թեմաների լուրջ որոնումների մեջ: Խնդրում եմ, ինձ տեղյակ պահել, եթե գտնեք նման թեմաներ: Կանխավ շնորհակալ կլինեմ:

[Dayana]

Սովորություն ա
համ էլ գույներն են դուրըս գալիս ակումբի
դե չեմ ուզում հենց շաբլոնից սկսել, զաթի արդեն Աստղն ասեց էլիիի
և վերջապես, քանի որ զիլ մարդիկ են մեկ մեկ հանդիպում

Էս ինձ ե՞ս նամյոկ անում

Ակումբը մի տեսակ դարձել է իմ տունը,ինձ ամբողջապես կտրել է իրական աշխարհից մի կոմից էստեղ ինձ ազատ եմ զգում ու քիչ պարտավորություննեռրով, մյուս կողմից էլ իրականության զգացողությունս կորում է Բայց բացի այդ աշխարհայացքս է շատ փոխում Մի խոսքով մտնում եմ ակումբ, հաճելի րոպեներ/ավելի շուտ ժամեր / ապրելուս համար

[Ուլուանա]

Ակումբ մտնում եմ հիմնականում մարդկանց հետ հաղորդակցվելու, հոգեհարազատ, համախոհ մարդկանց գտնելու, հետաքրքիր թեմաների շուրջ զրուցելու համար, թեև հետաքրքիր ու լուրջ թեմաները վերջերս քչացել են, բայց հուսով եմ՝ ժամանակավոր է...

Ակումբում նաև ուսումնասիրում, բացահայտում ու վերլուծում եմ մարդկանց, նրանց էությունն ու պահվածքը տարբեր իրավիճակներում։ Պետք է ասեմ, որ բավական հետաքրքիր ու բազմազան ուսումնասիրության նյութ է, բազմաթիվ մարդկանց բնույթն ուսումնասիրելու ավելի հարմար «վայր» դժվար է գտնել։ Ի դեպ, նույն ձևով Ակումբում նաև ինքս ինձ եմ ուսումնասիրում, վերլուծում ու ամեն անգամ նորովի բացահայտում։

Հիմնականում հետաքրքրվում եմ «Գրականություն», «Հոգեբանություն և փիլիսոփայություն», «Հայերեն», երբեմն՝ «Երաժշտություն», «Նկարչություն» բաժիններով և «Ժամանց» բաժնից միայն մի քանի թեմայով։ Բայց գործի բերումով հիմնականում կարդում եմ նաև այլ բաժիններ։

[One_Way_Ticket]

Ինձ համար նոր զբաղմունք եմ գտել: Ընդհանրապես, ինձ ամեն ինչ բավականին արագ է ձանձրացնում, այնպես որ դժվար թե այստեղ երկար մնամ: