Ծնող լինելու իրավունք` սերտիֆիկացիայի պայմանով

[Բարեկամ]

Չի կարող նման դեբիլ կետ լինել սահմանդրության մեջ, որ նման կետ լինի, չի լինի սահմանադրություն, կլինեն ճիզվիտներ ու միջնադար։

Այ կլինի մի օր, քո մահով չես մեռնի։ Ու խոսքը նրա մասին չի, թե դեբիլություն ա, թե ոչ, այլ որ ես, օրինակ, տեսնում եմ էս ամեն ինչի ու ներկա տենդենցների մեջ այդպիսի տրամաբանություն։

[Վիշապ]

Իսկ սահմանադրության մեջ կետ չկա, չէ՞, թե՝ երեխա ունենալու իրավունքներից զրկելը կամ դրանց սահմանափակումը կարող է կատարվել միայն օրենքով (հասկացիր՝ սերտիֆիկացիայով)՝ ապագա երեխայի կենսական շահերն ապահովելու նպատակով։
Բայց անտրամաբանական չի, որ լիներ․․․
...

Սա բացարձակապես նույնն է, թե բոլոր չափահաս քաղաքացիներին տեստավորես ու սերտիֆիկացնես, իսկ պահանջները չհաղթահարածներին բանտարկես, կամ գնդակահարես, որովհետև իրենց արժեքներն ու գիտելիքները չեն համապատասխանում ինչ-ինչ դրույթների, որոնցով սույն քաղաքացիները ասենք հասարակությանը օգտակար են, կամ վնասակար չեն։
Էլ ձեն ծպտուն չեմ հանի։

[Varzor]

Ու դու ի՞նչ ելք ես տեսնում էն խնդիրներին, ինչը կլուծեր էս օրենքը։ Յոլա գնալ սենց որտև ամեն ինչ շատից քչից օ՞կ ա։ Էս վերջին հարցը @Varzor -ին էլ ա վերաբերվում։ Հիմա ձեզ դուր գալիս ա՞ էս իրավիճակը երբ միլիարդավոր մարդիկ առանց մի շաբաթ ապագա պլանավորելու երեխա են ունենում, որոնց մեծ մասի դեպքում խնդիրը ոչ թե նորմալ կրթություն ստանալն ա, այլ դեռ ողջ մնալը։ Արդյո՞ք օքեյ ա էս իրավիճակը։

Եղբայր բնական պրոցեսները ինձ ու քեզ դուր գալով կամ դուր չգալով չեն որոշվում։ ԻՆձ շատ բան դուր չի գալիս։ Եթե այդ տրամաբանությամբ առաջնորդվենք, ապա մի օր էլ դուր չի գա, որ բոլորը բարձրագույն կրթույթուն չեն ստանում, դոկտորական աստիճան չունեն և այլն։ Հիմա ի՞նչ, լիցենզի ատանք միայն այն ընտանիքներին, որոնք ունակ են իրենց երեխային մինչև դոկտորի աստիճանի հասները ֆինանսավորե՞լ։
Իսկ չես կարծու՞մ, որ կրթական ցենզի կտրուկ արհեստական բարձրացումը նույնպես իր բացասական հետևանքներն է ունենալու հասարակության վրա։

Քեզ քանի՞ փաստացի օրինակ է պետք համոզվելու համար, որ հենց մարդը իրան մեծ բանի տեղ դրած, առանց երկար մտածելու բնական պրոցեսներին միջամտում է, հետևանքները ավելի վատն են լինում։ Կոնկրետ Չինաստանի օրինակը բան չսովորեցրե՞ց աշխարհին։

Ու դեռ արի միլիարդներին մի կողմ թողնենք։ Մեր հայ ժողովուրդը, որ գնալով նոսրանում և ասիմիլացվում է, և հայերիս պես նաև այլ փոքր ժողովուրդներ, նույնպես պիտի էդ չափանիշներով առաջնորդվե՞ն։
Իսկ չես մտածու՞մ, որ ասենք Նյուտոնի կամ Էնշտեյնի նախապապը իր ժամանակին քո ասած "անկիրթ դալբայոբներից" է եղել։

Դու ուզում ես թարս պոչից բռնել մախաթը։ Ինչու՞ չես դիտարկում հարցը մյուս կողմից։

[Varzor]

Արդեն մի քանի անգամ փորձել եմ ճշգրտել, որ հարցը մարդկանց քանակը ուղղակի պակասացնելը չի, այլ սերնդի նկատմամբ պատասխանատվության ինչ֊որ նվազագույն ստանդարտներ ներդնելը հասարակության մեջ։ Եթե մարդ ուզում ա երեխա ունենալ, ապա փաստացի պատրաստվում ա տարիներով գիշերները չքնել, լիքը ֆինանսական ծախսեր անել երեխուն պահել֊մեծացնելու վրա, իրա կյանքի պրիորիտետները փոխել, հսկայական զբաղվածություն ու աշխատանք ավելացնել իրա գլխին, և այլն (ծնողները ավելի լավ կիմանան), ապա արդյոք մի քանի կուրս անցնելը երեխա ունենալու հետ կապված շատ մեծ ծանրաբեռնվածություն ա, որ կարծում ես մարդիկ էդ կուրսերը չանցնելու խաթըր կընտրեն երեխա չունենա՞լ։

Ավելի կարճ ձևակերպեմ, երեխա ունենալու գործի ծավալի համեմատ դրա մասին սովորելը, դրան պատրաստվելը, արդյոք պատասխանատու ծնողի համար խոչընդոտ կլինի։ Իմ կարծիքով՝ չէ։ Էդ ծանրաբեռնվածությունները ուղղակի համեմատելու չեն։

Կարճ ասեմ․
Ծնող դառնալու ցանկություն ունեցող մարդկանց նախապես պատրաստելը և կրթելը միայն ողջունելի է։ Ես ինքս նույնպես դեմ չէի լինի ժամանակին որոշակի կրթվել այդ հարցում։
Ծնող դառնալու իրավունքը լիցենզավորելը՝ մարդկանց քանակը և որակը կառավարելու հիմար և անհեռատես փորձ։

Չինաստանի հետ իմ ասածը համեմատելու չի, որտև Չինաստանի նպատակը հենց ծնելիությունը պակասացնելն էր։ Իմ միտքը ծնելիության հետ կապ չունի։ Եթե մարդը ունի երեխա ունենալու մինիմալ գիտելիքներ, ապա իրա գործն ա, թե ինչքան երեխա ա ունենում։

Հենց փաստն էլ նրանումն է, որ արգելքը հանելուց հետո բան չփոխվեց։ Շատ երիտասարդ չինուհիներ չեն ուզում երեխա ունենալ, որովհետև ասենք իրենց ծախսերն են ավելանալու, կամ ասենք կազմվածքը կփչանա և այլն։ Էս ամնեը որտեղի՞ց սովորեցին

Ու արդյոք ավելի լավ չի, որ եթե մարդ, ով ունակ չի ասենք 2 ամիս կրթվել, ապա երևի թե երեխա ունենալը իրա համար չափից շատ պատասխանատվությունը ա, ու փաստ չի, որ ինքը երեխու համար լավ ծնող կլինի։ Երևի թե արժի, որ պետությունը իմանա, որ էդ ընտանիքը խոցելի ընտանիք ա դրանից բխող հետևանքներով։

Դե, եթե լավ ծնող լինելու համար հիմնական անհրաժեշտ պայմանը կրթված լինելն եք համարում, ապա ստեղ կդժվարանամ հակափաստարկ բերել։ Լավ ծնող լինելու իմ իմացած չափանիշները խիստ տարբերվում են ձեր պատկերացրածից։

[մարդ եղած վախտ]

Կարճ ասեմ․
Ծնող դառնալու ցանկություն ունեցող մարդկանց նախապես պատրաստելը և կրթելը միայն ողջունելի է։ Ես ինքս նույնպես դեմ չէի լինի ժամանակին որոշակի կրթվել այդ հարցում։

Իմ ասածն էլ հենց էս էր, որ եթե մարդիկ պատասխանատու վերաբերվեին երեխա ունենալու գործին, ապա դեմ չէին լինի ու նույնիսկ կուզեին ինչ֊որ բազային գիտելիքներ ստանալ դրա մասին։

Ծնող դառնալու իրավունքը լիցենզավորելը՝ մարդկանց քանակը և որակը կառավարելու հիմար և անհեռատես փորձ։

Համաձայն եմ, որ շատ վատ գաղափար ա, եթե որակ ասելով հասկանում ենք ասենք աչքի գույն կամ չինգիզ խանու գեն։ Ես որակ ասելով հասկանում եմ, որ մարդիկ մանկուց չեն ստորացվել, տրավմատիզացվել, ու մարդու մի շարք իրավունքներ չեն ոտնահարվել։

Դե, եթե լավ ծնող լինելու համար հիմնական անհրաժեշտ պայմանը կրթված լինելն եք համարում, ապա ստեղ կդժվարանամ հակափաստարկ բերել։ Լավ ծնող լինելու իմ իմացած չափանիշները խիստ տարբերվում են ձեր պատկերացրածից։

"Կրթվել"֊ը էս կոնտեսքտում ծնող լինելու կրթության մասին էր, ոչ թե ակադեմիական։

[Varzor]

Իմ ասածն էլ հենց էս էր, որ եթե մարդիկ պատասխանատու վերաբերվեին երեխա ունենալու գործին, ապա դեմ չէին լինի ու նույնիսկ կուզեին ինչ֊որ բազային գիտելիքներ ստանալ դրա մասին։

Ընդհանուր առմամբ ողջունելի է ցանկացած գործի պատասխանատու մոտենալը։ Բայց սերտիֆիկացիա՞։
Դիցուք ոմն անձնավորություն անցել է այդ "բազային գիտելիքների" դասընթացները և ուղղակի ստացել է սերտիֆիկատ, որ որը հավաստում է այդ փաստը։ Եվ ի՞նչ։ Սա ուղղակի այդ մարդուն որոշակի վստահություն կներշնչի, որ նա ունի որոշակի "բազային գիտելիքներ" ծնող լինելու համար։ Էս կոնտեքստում վատ չի հնչում։ Բայց գործնականը տեսականի հետ միշտ չէ, որ զուգահեռ են քայլում։ Ու էդ սերտիֆիկատ (ստեղ անունը դնում ենք դիպլոմ կամ վկայական) ստացած մարդը երեխայի առաջին իսկ գիշերը բարձր լաց լինելուց ազատվելու համար բարձով էդ երեխայի բերանը փակում է՝ բնազդորեն, ռեֆլեքսորեն կամ չգիտեմ էլ ինչ պատճառով։ Դե թող 10 կամ 100 հատ նման սերտիֆիկատ ունենա։
Նրբությունը "բազային գիտելիքներ" հասկացության մեջ է։ Կարծում եմ, այս հարցում պատկերացումների ներկապնակը շատ լայն կարող է լինել։
Ծնող լինելու հիմնական սերտիֆիկատները առողջ բնազդներն ու ծնողական զգացմունքներն են, որոնց սերտիֆիկացումը որևէ կերպ չեմ կարողանում պատկերացնել։

Համաձայն եմ, որ շատ վատ գաղափար ա, եթե որակ ասելով հասկանում ենք ասենք աչքի գույն կամ չինգիզ խանու գեն։ Ես որակ ասելով հասկանում եմ, որ մարդիկ մանկուց չեն ստորացվել, տրավմատիզացվել, ու մարդու մի շարք իրավունքներ չեն ոտնահարվել։

Այ էդ նշածների համար ընդհուպ մինչև քրեական պատասխանատվություն նախատեսված է տարբեր երկրների օրենքներով։

"Կրթվել"֊ը էս կոնտեսքտում ծնող լինելու կրթության մասին էր, ոչ թե ակադեմիական։

Կարծում եմ, որ եթե որևէ կրթություն պաշտոնապես սերտիֆիկացվում է՝ դիպլոմավորվում է, ապա այն արդեն դառնում է ակադեմիական։

Բայց մի տեսակ զավեշտալի է հնչում, ասենք գրածում LinkedIn-ում․ "ես հաջողությամբ հանձնցեի ծնող լինելու սերտիֆիկացմանը նախապատրաստող առաջին փուլի վեբինարի եզրափակիչ քննությունները"։ Ու տակը լայքեր, շնորհավորանքներ

[Բարեկամ]

Այ թե ինչ է լինում, երբ հին ակումբցիները դադարում են Ակումբ մտնել ու իրենց ժամանակն անպտուղ վատնում են ֆեյսբուքներում

Screenshot_20231017_090135_Facebook.jpg


Հ․Գ․ Գրառումը հանրային բաց էր։

[Freeman]

Այ թե ինչ է լինում, երբ հին ակումբցիները դադարում են Ակումբ մտնել ու իրենց ժամանակն անպտուղ վատնում են ֆեյսբուքներում

Screenshot_20231017_090135_Facebook.jpg


Հ․Գ․ Գրառումը հանրային բաց էր։

Ակումբցին կարա դուրս գա թեմայից, բայց թեման ակումբցուց դուրս չի գա

[Բարեկամ]

Ակումբցին կարա դուրս գա թեմայից, բայց թեման ակումբցուց դուրս չի գա

Գրել ա՝ "Հեչ մտածել ե՞ք․․․"

[Freeman]

Էսօր (արդեն երեկ երևի) կարմրուկից երեխա ա մահացել Հայաստանում, մարդիկ իրենց երեխա ունենալու կենսաբանական ֆունկցիան կատարում են, բայց մոռանում են, որ մի քանի միլիարդ տարի ա, որ մենք առանձին ապրող միաբջիջ կենդանիներ չենք, որ պիտի արագ արագ առանց մտածելու կիսվի, որ միլիոնից մեկը ողջ մնա մինչև հաջորդ կիսվելը։

Էս պատմության մեջ ամենահոռին էն ա, որ կոնկրետ էդ մահացածի պատվաստված չլինելը կարա օբյեկտիվ պատճառ ունենա

[Varzor]

...
Էս պատմության մեջ ամենահոռին էն ա, որ կոնկրետ էդ մահացածի պատվաստված չլինելը կարա օբյեկտիվ պատճառ ունենա

Պատվաստված լինելը օգնու՞մ է։
Ես հիշում եմ, թե բանակում ինչ օրեր քաշեցի կարմրուկի ձեռքից՝ պատվաստված էի

[Freeman]

Պատվաստված լինելը օգնու՞մ է։
Ես հիշում եմ, թե բանակում ինչ օրեր քաշեցի կարմրուկի ձեռքից՝ պատվաստված էի

Ծանր տանելն անհամեմատելի ա, թե ինչ կարա առաջանա կարմրուկի դեպքում պատվաստված չլինելու դեպքում, մեր մոտ տպավորված ա, որ կարմրուկը հավայի հիվանդություն ա, որտև գրեթե բոլորը պատվաստված են ու հիմնականում վատագույն բանը որ կարա լինի՝ ծանր օրեր քաշելն ա, էդ օրերի ընթացքում ամեն օր պիտի ուրախանայիր, որ պատվաստված ես ։Դ Էստեղ մահանալու դեպքն եմ գրել, բայց մահանալը միակ վատ ելքը չի կարմրուկի դեպքում, շատ հոռի բարդացումներ ունի մանավանդ երեխաների մոտ։

Հայաստանում ճնշող մեծամասնությունը պատվաստված ա կարմրուկի դեմ, բայց հիվանդների 90+ տոկոսը պատվաստված չեն։

[Varzor]

...
Հայաստանում ճնշող մեծամասնությունը պատվաստված ա կարմրուկի դեմ, բայց հիվանդների 90+ տոկոսը պատվաստված չեն։

Բարդ է չհամաձայնելը։
Բայց իմ խնդիրն էլ հենց նրանումն էր, որ հիվանդացա պատվաստվելուց մի երկու շաբաթ հետո (ԿԿԽ էի ստացել կենտրոնական հավաքակայանում)։

Հ․Գ․
Արդեն 15 տարուց ավելին բացարձակ չեմ վստահում որևէ գործընթացի որի կազմակերպիչը, անցկացնողը և/կամ երաշխավորը ՀՀ իշխանություններն են։

[Freeman]

Բարդ է չհամաձայնելը։
Բայց իմ խնդիրն էլ հենց նրանումն էր, որ հիվանդացա պատվաստվելուց մի երկու շաբաթ հետո (ԿԿԽ էի ստացել կենտրոնական հավաքակայանում)։

Հ․Գ․
Արդեն 15 տարուց ավելին բացարձակ չեմ վստահում որևէ գործընթացի որի կազմակերպիչը, անցկացնողը և/կամ երաշխավորը ՀՀ իշխանություններն են։

Հենց երկու շաբաթ հետո ա սկսվում ձևավորվել իմունիտետը, գաղտնի շրջանը հաշվի առնելով ավելի շուտ ես հիվանդացել։
Բայց ամեն դեպքում օրգանիզմն էնքան բարդ բան ա, որ ամեն ինչը խոսում ենք հավանականություններով՝ մարդկանց ճնշող մեծամասնությունը ջրծաղիկով մեկ անգամ ա վարակվում ու կայուն իմունիտետ ունենում, բայց մեր չաստում մի հոգի մենակ ծառայության ընթացքում երեք անգամ վարակվեց: Կրկնավարակ էլ ահագին կար, բայց էդ երեք անգամի դեպքն ավելի առանձնահատուկ էր։
Երբ առաջին անգամ վարակվեց, մտածեցինք խաբել ա, որ փոքր ժամանակ վարակվել ա, բայց երրորդ անգամ արդեն չզարմացանք ։Դ

Հ․Գ․
Արդեն 15 տարուց ավելին բացարձակ չեմ վստահում որևէ գործընթացի որի կազմակերպիչը, անցկացնողը և/կամ երաշխավորը ՀՀ իշխանություններն են։

Բարդ ա չհամաձայնվել, գրեթե անհնար ա ։Դ