Ծնող լինելու իրավունք` սերտիֆիկացիայի պայմանով

[Վիշապ]

Էս գրառումդ բուլիինգ ա, ջանըմ. Հա, բանը, բարի վերադարձ. Բուլի գրառումներդ չէի կարոտել

Ես էլ քեզ եմ սիրում։
Բուլիինգ չի ջան, պատահական ծաղր է, քո իրականության մեջ բառերի իմաստներն էլ են լղոզվել։
Ու անմեղ ծաղր է, եթե համեմատենք օբյեկտիվ իրականության ընկալման ու տրամաբանության հետ խնդիր ունեցողների կողմից ամենատարբեր տիպի զանգվածային հսկողության առաջարկների տված վնասը, որոնք աստիճանաբար իրականություն են դառնում, որովհետև մարդկանց մեծամասնությունը մոլորության ու թմբիրի մեջ է։
Օրինակ պայծառ ապագայում կարելի է ենթադրել, որ կենդանական ծագման բնամթերք չի լինելու, շատ դեղեր ու վակցիններ ժողովուրդներին պարտադրվելու են, ալտերնատիվ ինֆորմացիայի աղբյուրները փակվելու են ու մնալու է միայն պաշտոնական ու գիտական «ճիշտը», երեխաների պլանավորումն էլ լինելու է ըստ սահմանափակ արժեքների ու հայացքների, սույն թեման վկա։
Ես հույս ունեմ, որ արագ կմեռնեմ մարդկային տխմարությունների պատճառով դանդաղ քայքայվելու փոխարեն, սերտիֆիկատն էլ ձեզ պահեք։

[Varzor]

Էս թեմայի տակ պարբերաբար էդ միտքը բարձրաձայնվում ա, որ ինչ֊որ բանի լիցենզիան պարտադիր սահմանափակող գործոն ա, բայց, օրինակ, չենք համարում, թե բժիշկի լիցենզիայի (կրթության) նպատակը էն ա, որ մարդիկ բժիշկ չդառնան․ համարելու դեպքում էլ էդ ընդունում ենք որպես անհրաժեշտություն։ Երևի տենց մարդ չկա, որ կհամաձայնվի, որ իրան վիրահատողը վիրաբույժ֊էնտուզիաստ լինի, որ ուղղակի մանկուց երազում էր վիրահատություններ անել։

Փաստորեն բարդ արարածի բնական և կենսաբանական ունակությունները բերել համեմատում ես բժշկի կամ իրավաբանի լիցենզիավորման հե՞տ։ Շատ հզոր տարամաբանություն է, բան չունեմ ասելու։

Ինչ վերաբերում ա մարդու իրավունքներին, ապա մարդու իրավունքներն ու ազատությունները միշտ սահմանափակվում են մյուս մարդկանց իրավունքներով ու ազատություններով (կամ չգիտեմ, իրավաբանները ոնց են սա ձևակերպում)։ Օրինակ՝ մի մարդու ազատ տեղաշարժի իրավունքը սահմանափակվում ա այլ մարդկանց/սուբյեկտների սեփականության իրավունքով (ընդ որում իրավունքների ցանկը շատ երկար ա, չի սահմանափակվում էդ երեքով)։ Էս պարագայում համարում ենք, որ ծնվելիք երեխայի արժանապատիվ կյանքի, կրթության, ստրկությունից ու ֆիզիկական բռնությունից զերծ կյանքի ու այլ իրավունքները չեն կարո՞ղ սահմանափակել ծնողի բազմանալու իրավունքը։ Ինձ համար էս իրողությունը աբսուրդ ա։

Որ մի քիչ ուշադիր կարդայիր, միգուցե աբսուրդ նախադասություններ չգրեիր։ Ես խոսում եմ բնական իրավունքների մասին, որոնք չեն սահմանվում որևէ հասարակության, պետության կամ այլ մարդկանց կողմից։ Բնական իրավունքները էդ երեքն են, մնացածը արդեն մարդու "մտքի թռիչքի" ծնունդ են։ Ցանկացած գործողություն, որը սահմանափակում է մարդու բնական իրավունքները պետք է շատ լուրջ ուսումնասիրված և հիմնավորված լինի անհատի և հասարակության վրա հետագա ազդեցության տեսանկյունից։

[Բարեկամ]

Փաստորեն բարդ արարածի բնական և կենսաբանական ունակությունները բերել համեմատում ես բժշկի կամ իրավաբանի լիցենզիավորման հե՞տ։ Շատ հզոր տարամաբանություն է, բան չունեմ ասելու։

Որ մի քիչ ուշադիր կարդայիր, միգուցե աբսուրդ նախադասություններ չգրեիր։ Ես խոսում եմ բնական իրավունքների մասին, որոնք չեն սահմանվում որևէ հասարակության, պետության կամ այլ մարդկանց կողմից։ Բնական իրավունքները էդ երեքն են, մնացածը արդեն մարդու "մտքի թռիչքի" ծնունդ են։ Ցանկացած գործողություն, որը սահմանափակում է մարդու բնական իրավունքները պետք է շատ լուրջ ուսումնասիրված և հիմնավորված լինի անհատի և հասարակության վրա հետագա ազդեցության տեսանկյունից։

Աբսուրդի հետ կապված։ Այսօրվա քաղաքակիրթ աշխարհը մարդուն չի զրկում երեխա ունենալու իրավունքից, բայց զրկում ա իր սեփական երեխային պահելու իրավունքից, երբ ծնողի վարքը իր սեփական երեխայի հանդեպ ներկայիս չափանիշներով ընդունելի չի համարում։ Ընդ որում, էդ չափանիշներն էլ համամարդկային չեն։ Շատ երկրներում երեխայի վրա ձեռք բարձրացնելը (ասենք, չափալախը, երբ երեխայի վարքը ծնողի դուրը չի գալիս) հանցանք չի համարվում, իսկ ավելի նրբաքաղաքակիրթ երկրներում էդ չափալախի համար կարող են զրկել ծնողական իրավունքից։ Չափալախի համար ծնողական իրավունքից զրկելը աբսու՞րդ ա, թե՞ նորմա-անհրաժեշտություն։ Մևի միտքը ավելի առաջ էր գնացել․ իսկ գուցե նման ծնողներին նախապե՞ս զրկել ծնողական իրավունքից, մինչև ծնող դառնալը, հետագա վտանգների կանխարգելման համար, կամ որ նույնն է թե՝ ծնողական իրավունք շնորհեն, եթե ինչ-որ թեսթերով ցույց տաս, որ նման վտանգ չես ներկայացնելու։

[մարդ եղած վախտ]

Փաստորեն բարդ արարածի բնական և կենսաբանական ունակությունները բերել համեմատում ես բժշկի կամ իրավաբանի լիցենզիավորման հե՞տ։ Շատ հզոր տարամաբանություն է, բան չունեմ ասելու։

Փաստորեն կարծում ես, որ երեխեքին 0-ից 18 կամ 35, 48, 67 տարեկան հասցնելը մարդու կենսաբանական ունակություն ա՞։ Եթե ասեիր կենսաբանական ունակություն ա կենակցելը կամ ծննադաբերելը, դեռ կհասկանայի, բայց մարդիկ հասկացել են, որ նույնիսկ էդ դեպքում ավելի լավ ա ստացվում, եթե առաջին գիշերվանից առաջ խանդավառ փեսան գոնե քեռու հետ խոսա, իսկ ամոթխած հարսիկը՝ մորաքրոջ աղջկա հետ, որ էդ վճռական պահին ինչն ու որտեղը չխառնեն։ Ծննդաբերության դեպքում էլ եթե մնայինք կենսաբանական ունակության հույսին, մարդիկ պիտի շարունակեին ծննդաբերել տանը ու ծննդկանների ու նորածինների մի ահագին մասը մահանար։

Հա, բայց դու՝ հզոր տրամաբանության դրոշակակիրդ, երևի նկատի ունեիր երեխա դաստիարակելու գործը, որը ևս կենսաբանական ունակություն չի, որտև երեխա դաստիարակելու ստանդարտները անհիշելի ժամանակներից, ու նույնիսկ վերջին 50 տարիներում անճանաչելի փոխվել են։

Որ մի քիչ ուշադիր կարդայիր, միգուցե աբսուրդ նախադասություններ չգրեիր։ Ես խոսում եմ բնական իրավունքների մասին, որոնք չեն սահմանվում որևէ հասարակության, պետության կամ այլ մարդկանց կողմից։ Բնական իրավունքները էդ երեքն են, մնացածը արդեն մարդու "մտքի թռիչքի" ծնունդ են։ Ցանկացած գործողություն, որը սահմանափակում է մարդու բնական իրավունքները պետք է շատ լուրջ ուսումնասիրված և հիմնավորված լինի անհատի և հասարակության վրա հետագա ազդեցության տեսանկյունից։

Շնորհակալ եմ, այսուհետ կկարդամ ավելի ուշադիր, որ աբսուրդ նախադասություններ չգրեմ։

Հա, իսկ բովանդակության հետ կապված ֊ օրինակ՝ միզելու ու աղիները դատարկելու իրավունքը բնական իրավունք չե՞ն, ինչի ա կակոյ նիբուձ պետություն սահմանափակում մարդկանց ազատությունները ինչ֊որ ձանձրալի սենյակներում։ Էդ տրամաբանությամբ թող մարդ երբ ու որտեղ ուզում ա՝ դատարկի իրա ներսի պարունակությունները՝ ոնց կյանքի առաջին ամիսներին։
Նաև, պնդելը, թե օրինակ կրթություն կամ ինֆորմացիա ստանալը մարդու բնական իրավունքներ չեն, ահագին սահմանափակ ա։ Ինչի՞ց ա հետևում թե մարմնի ազատ տեղաշարժը բնական ա, իսկ մտքի ազատ տեղաշարժը՝ էդքան էլ չէ։